الشركه البحرية

[الجرناس]

إستفسار عن مستوى الشركه البحرية لمعداتها وخدمة مابعد البيع
باركب من عندهم صخان مركزي وفلاتر ومبرد ماي وغيره
ارجو التوضيح عاجل

[السد]

ان موقع عندهم عقد لحد الحين ما خلصت من بناء البيت
هم شركة قديمة في الدوحة صار لهم اكثر من 35 سنة
شركة محترمة جدا

[شموخ دائم]

,

,


مرحبا

بالتوفيق اخوي الكريم

شركه طيبه ان شاء الله واختيار موفق

منزل مبروك يارب

,

,


اخوك


شموخ دائم

[الجرناس]

ان موقع عندهم عقد لحد الحين ما خلصت من بناء البيت
هم شركة قديمة في الدوحة صار لهم اكثر من 35 سنة
شركة محترمة جدا
منزل مبارك


,
بالتوفيق اخوي الكريم
شركه طيبه ان شاء الله واختيار موفق
منزل مبروك يارب
اخوك
شموخ دائم

أخوي / شموخ دائم
شكرا لمرورك الكريم
بس أنا أبي معلومات أوقع وياهم ولا ويا تدمر الفرق بينهم وبين تدمر 3000 في الفلا الوحده
من أفضل في خدمة مابعد البيع

[OREO]

منزل مبارك
أخوي / شموخ دائم
شكرا لمرورك الكريم
بس أنا أبي معلومات أوقع وياهم ولا ويا تدمر الفرق بينهم وبين تدمر 3000 في الفلا الوحده
من أفضل في خدمة مابعد البيع

معاك في نفس المركب اخوي الجرناس ،،

اتمنى حد من الاخوان ينصحنا و يساعدنا و يدلنا ع الطريق الصحيح من باب التجربة مع الشركتين هذول ،، بالاضافه الى ايش الاغراض اللي تلزمنا و اللي ما تلزمنا حق التركيب ،، يعني كم فلتر مثلاً او كم مضخه و الخ ،، و يعطيكم العافيه ،،،

[خالد32]

الوالد مركب من عند البحرية من 11 سنه... خدمتهم ممتازه و قطع الغيار متوفره
و تدمر شركة زينه بعد

[راشد1]

استشير شركات التصميم الهندسي هم بيفيدونك

[المـــــ$$$ـــــتثمر]

شركة تدمر + شركة الكتروستي
ياخذون السخانات من شركة عربي قطر إلي عند محطة التيسير دوار قطر للديكور
سخانات (( برادفورد وايت )) وكيلها الوحيد في الشرق الأوسط موب في قطر بس
هي شركة عربي قطر


الشركة البحرية : ما عندي أي معلومات عنها ,, لذلك (( لا تعليق ))

عندك :
شركة عربي قطر
شركة تدمر
شركة إلكتروستي

طبعاً بعد اللف والدوران بين الشركات المذكورة ومقارنة الأسعار وجودة القطع إلي بيركبونها وجودة الأنابيب مع البرشر

استقريت على شركة عربي قطر

ليش ؟؟؟
لسبب ( لأن كل الشركات الي مريت عليها ما يعرفون ايش هذا الصمام ولا قد سمعوا فيه ) ولأنه شركة عربي قطر ما تركب السخانات إلى بوجود هذة القطعة ( اسمها بالعربي / صمام تفريغ الهواء الراجع )
..... فائدتها منع (( فقاعات الهواء الموجودة في الأنابيب الساخنة عند رجوعها إلى السخان )) منعها من الدخول إلى السخان لحماية الشمعة من الإحتراق
اسمها بالإنجليزي (( Air Release Valve ))
صورت الصمام قريبة جداً من هذة الصورة :
http://www.qatarshares.com/vb/attachment.php?attachmentid=76586&stc=1&d=1320349285

هذا الصمام ما له علاقة بصمامات تفريغ ضغط السخانات المركزية
لأنه يمكن تسألهم ويقولون لك ,, نعم موجود في أعلى كل سخان صمام لتفريغ ضغط الهواء
صمامات تفريغ ضغط السخانات المركزية غير
والصمام الي ذكرتة لك غير


والسبب الثاني : أنه أغلب الشركات الثانية تأخذ من عندهم السخانات (برادفورد وايت) لأنهم الوكيل الوحيد في الشرق الأوسط ,, ولها خبرة تزيد عن ما يقارب الـ 48 سنة


تحياتي للجميع

[aljaber1]

عندي كثير نصحوني بالشركه البحريه وخير ما خترت
المعلومات اللي وصلتني هي احسن الموجود
والله يبارك لك

[المـــــ$$$ـــــتثمر]

نصيحة اخرى نسيت اذكرها
إذا بتركب السخانات المركزية عن طريق شخص سباك من خارج الشركة الي شريت منها
(( لا تخلي احد يشغل السخانات ابداً قبل ما يجي أحمد من الشركة ويتأكد أن كل التوصيلات صحيحة ))
لازم يكون في السخانات ماي ولا بتحترق الشمعات على طول
يعني بالعربي لا تشبك وايرات الكهربا إلى بعد ما تتأكد من الشركة أن كل شي تمام

وبالمرة نصيحة ثانية بما انه الموضوع يخص السباكة
إذا عندك أكثر من برشر تسحب من خزان واحد (( بغض النظر عن مكان الخزان وحجمه ))
لا اتطلع بيب واحد من الخزان وتخلي كل البرشرات تسحب منه (( تحترق بعد فترة قصيرة ولا راح تعرف ايش السبب ))
إلا إذا كان البيب إلى طالع من الخزان قطرة يساوي (( مجموع أقطار الأنابيب المتفرعه إلى البرشرات ))
يعني لو كان عند 3 برشر
1 يرفع الماي فوق السطح // قطرة يساوي (( 1.5 انش))
1 لأستخدام تنظيف سيارات وغسيل حوش وما إلى ذلك من الأغراض الأخرى // قطرة يساوي (( 1.5 انش))
1 للزراعة أو للحديقة // قطرة يساوي (( 2 انش))

المفروض البيب إلى طالع من الخزان قطرة لا يقل بحال من الأحوال عن 5 إنش
(( تعال دور بيب ماي 5 انش )) غالي جداً خصوصاً إذا كان نحاس وهذا المفروض أصلاً

أو انك تخلي كل برشر يسحب من جنب من أجناب الخزان
معروف انه كل خزان له أربع اجناب للتوصيل

[المـــــ$$$ـــــتثمر]

بالتوفيق أخوي

وإن شاء تتوفق في كل امورك

أنا بس كان عندي بعض المعلومات (( فـ ما ارتحت إلى لين قلتها ))

تحياتي لك

[خالد32]

شركة تدمر + شركة الكتروستي
ياخذون السخانات من شركة عربي قطر إلي عند محطة التيسير دوار قطر للديكور
سخانات (( برادفورد وايت )) وكيلها الوحيد في الشرق الأوسط موب في قطر بس
هي شركة عربي قطر


الشركة البحرية : ما عندي أي معلومات عنها ,, لذلك (( لا تعليق ))

عندك :
شركة عربي قطر
شركة تدمر
شركة إلكتروستي

طبعاً بعد اللف والدوران بين الشركات المذكورة ومقارنة الأسعار وجودة القطع إلي بيركبونها وجودة الأنابيب مع البرشر

استقريت على شركة عربي قطر

ليش ؟؟؟
لسبب ( لأن كل الشركات الي مريت عليها ما يعرفون ايش هذا الصمام ولا قد سمعوا فيه ) ولأنه شركة عربي قطر ما تركب السخانات إلى بوجود هذة القطعة ( اسمها بالعربي / صمام تفريغ الهواء الراجع )
..... فائدتها منع (( فقاعات الهواء الموجودة في الأنابيب الساخنة عند رجوعها إلى السخان )) منعها من الدخول إلى السخان لحماية الشمعة من الإحتراق
اسمها بالإنجليزي (( Air Release Valve ))
صورت الصمام قريبة جداً من هذة الصورة :
http://www.qatarshares.com/vb/attachment.php?attachmentid=76586&stc=1&d=1320349285

هذا الصمام ما له علاقة بصمامات تفريغ ضغط السخانات المركزية
لأنه يمكن تسألهم ويقولون لك ,, نعم موجود في أعلى كل سخان صمام لتفريغ ضغط الهواء
صمامات تفريغ ضغط السخانات المركزية غير
والصمام الي ذكرتة لك غير


والسبب الثاني : أنه أغلب الشركات الثانية تأخذ من عندهم السخانات (برادفورد وايت) لأنهم الوكيل الوحيد في الشرق الأوسط ,, ولها خبرة تزيد عن ما يقارب الـ 48 سنة


تحياتي للجميع

يعطيك العافيه على المعلومات
بس للتصحيح القطعه الي تتكلم عنها هي تسوي نفس الشغله

الفرق الاولى اوتوماتيك (صمام فيه كوره في الداخل تنزل مع و جود الهوا فيطلع الهوا لين يرفعها الماء فتسد فتحة تصريف الهوا)
http://www.aespl.com.sg/images/air_release_valve_2.jpg
النوع الثاني صمام يدوي تفتحه لين تشوف الماء و تهده

و الاثنين يسوون نفس الغرض بس بطرق مختلفه

الاول في احتمال تعلق الكوره و ما يطلع الهوا و احتمال تنقيط الماء لكن اذا ما جاته مشكله فهو مريح
الثاني مافيه المشكله الي في الاول بس محتاج تفريغ الهوا باليد (اذا انت موسوس مره في الاسبوع)

[المـــــ$$$ـــــتثمر]

أخوي ( خالد32 ) فديت خشمك

روح عند شركة عربي قطر وقلهم ابي اشوف القطعتين ( وحدة تركب فوق راس السخان مباشرتاً ) ( وإلي أتكلم عنها ,, تركب في البيبات قبل السركوليشن ) وقلهم أيش وضيفة كل قطعة
كل وحدة لها وضيفة مختلفة كلياً

والشي الثاني السخان هو الي ينسم حق عمرة ,, لما يزيد الضغط (موب انا إلي أجي أنسم له) (يدوي)
بعدين الصمام إلي أتكلم عنه يصيد فقاعات الهوا إلي في البيبات ,, ويفرغها في الهوا


على الأقل كلمهم تلفون وأسألهم
الصورة إلي حطيتها في المشاركة السابقة (موب هو الصمام) لكن قريبة من شكلها فقط للتوضيح
(((شكلك بتخليني أوسوس)))

سلام

[خالد32]

أخوي ( خالد32 ) فديت خشمك

روح عند شركة عربي قطر وقلهم ابي اشوف القطعتين ( وحدة تركب فوق راس السخان مباشرتاً ) ( وإلي أتكلم عنها ,, تركب في البيبات قبل السركوليشن ) وقلهم أيش وضيفة كل قطعة
كل وحدة لها وضيفة مختلفة كلياً

والشي الثاني السخان هو الي ينسم حق عمرة ,, لما يزيد الضغط (موب انا إلي أجي أنسم له) (يدوي)
بعدين الصمام إلي أتكلم عنه يصيد فقاعات الهوا إلي في البيبات ,, ويفرغها في الهوا


على الأقل كلمهم تلفون وأسألهم
الصورة إلي حطيتها في المشاركة السابقة (موب هو الصمام) لكن قريبة من شكلها فقط للتوضيح
(((شكلك بتخليني أوسوس)))

سلام

معليش اختلطت علي الامور بين تصريف الهوا و صمام الضغط و الحراره الي يكون فوق او على الجنب...

مره ثانيه يعطيك العافيه على المعلومات المهمة و عساك على القوة

[فويرط]

بعد اذن صاحب الموضوع

الحين اي شركة أفضل من جميع النواحي

البحرية ام تدمر ؟؟؟

[ماجد]

اخوي المستثمر

اشكرك على المعلومات بس حبيت استفسر

منك عن اسعار تدمر والعربية والبحرية على كم يركبون النظام كامل ؟؟؟

[المـــــ$$$ـــــتثمر]

شركة تدمر 13800
شركة عربي قطر 15000 (شركة عربي قطر أفضل من ناحية المواصفات) وراح اشتري من عندهم خلال هذا الشهر إن شاء الله
الكتروستي 13500

انا سويت مقارنة للمواصفات للشركات الثلاثة هذة فقط
طبعاً شركة عربي قطر هي الي رسيت عليها


غير هذة الشركات الثلاث ما عندي أي معلومة

تحياتي للجميع

[ماجد]

شركة تدمر 13800
شركة عربي قطر 15000 (شركة عربي قطر أفضل من ناحية المواصفات) وراح اشتري من عندهم خلال هذا الشهر إن شاء الله
الكتروستي 13500

انا سويت مقارنة للمواصفات للشركات الثلاثة هذة فقط
طبعاً شركة عربي قطر هي الي رسيت عليها


غير هذة الشركات الثلاث ما عندي أي معلومة

تحياتي للجميع

اشوف الاسعار متقاربة
وان شاء الله بعمل بتوصيتك وبروح وبخلص من عربي قطر
بصراحة تعبت من التشطيب ومالي خلق دوارة على كل الشركات =====> هرمنا:omen2:
بس اخوي الاسعار اللي حطيتها شاملة التركيب ولا سعر النظام فقط ؟؟؟

[OREO]

شركة تدمر + شركة الكتروستي
ياخذون السخانات من شركة عربي قطر إلي عند محطة التيسير دوار قطر للديكور
سخانات (( برادفورد وايت )) وكيلها الوحيد في الشرق الأوسط موب في قطر بس
هي شركة عربي قطر


الشركة البحرية : ما عندي أي معلومات عنها ,, لذلك (( لا تعليق ))

عندك :
شركة عربي قطر
شركة تدمر
شركة إلكتروستي

طبعاً بعد اللف والدوران بين الشركات المذكورة ومقارنة الأسعار وجودة القطع إلي بيركبونها وجودة الأنابيب مع البرشر

استقريت على شركة عربي قطر

ليش ؟؟؟
لسبب ( لأن كل الشركات الي مريت عليها ما يعرفون ايش هذا الصمام ولا قد سمعوا فيه ) ولأنه شركة عربي قطر ما تركب السخانات إلى بوجود هذة القطعة ( اسمها بالعربي / صمام تفريغ الهواء الراجع )
..... فائدتها منع (( فقاعات الهواء الموجودة في الأنابيب الساخنة عند رجوعها إلى السخان )) منعها من الدخول إلى السخان لحماية الشمعة من الإحتراق
اسمها بالإنجليزي (( Air Release Valve ))
صورت الصمام قريبة جداً من هذة الصورة :
http://www.qatarshares.com/vb/attachment.php?attachmentid=76586&stc=1&d=1320349285

هذا الصمام ما له علاقة بصمامات تفريغ ضغط السخانات المركزية
لأنه يمكن تسألهم ويقولون لك ,, نعم موجود في أعلى كل سخان صمام لتفريغ ضغط الهواء
صمامات تفريغ ضغط السخانات المركزية غير
والصمام الي ذكرتة لك غير


والسبب الثاني : أنه أغلب الشركات الثانية تأخذ من عندهم السخانات (برادفورد وايت) لأنهم الوكيل الوحيد في الشرق الأوسط ,, ولها خبرة تزيد عن ما يقارب الـ 48 سنة


تحياتي للجميع

السلام عليكم اخوي .. حاب استفيد منك اخوي و ابيك تفهمني ايش فايدة الصمام هذا ،،،

من باب خبرتي في العمل كوني مهندس في مجال النفط و الغاز لسنين ،، على قد علمي الــ Relief valve or pressure relief valve ما ينحط الا على اعلى نقطه في النظام المغلق ،، فلذالك اقدر اقول بأن القطعه هذه مالها لزمه من الاساس في اي نقطه من نقاط البيبات لان السخان هو اعلى نقطه في البيت و يركب الصمام فوق السخان و مهب على البيبات اللي طالعه من السخان ،،،
خلاصة الكلام اخوي ،، بأن الصمام وظيفته اخراج الهواء الناتج يا اما عند بدء التشغيل الاولي للنظام او تكوين بعض فقاعات الهواء الناتج من تبريد الماء او بالاصح نزول في درجة حرارة الماء عند الغليان ،،،

نقطه اخيرة ،،، سواء هذا النظام او اي نظام عالمي ،،، الصمام يكون في موضع واحد ،،

- في اعلى قمة النظام و هذا اللي حاصل مع الانظمه الموجوده عن تدمر و البحريه و غيرهم ،،


فلذا اخوي اذا عندك او عند الشركه اللي ذكرتها اي تكنلوجيا جديده فأذكرها لتعم الفائده ،، لان لحد الان ما اخبر في تقنيه انزلت بالكلام اللي قلته ،،،


ربي يرزقك و يرزق البقيه بأحسن نظام و ارخصهم ،، :)

[فويرط]

وين مكان الشركة البحرية ، او ارقام تلفوناتهم

[فويرط]

وين مكان الشركة البحرية ، او ارقام تلفوناتهم

خلاص دليت مكانهم

في شارع الهندسة بالقرب من محل اسمه ( الرياض )

الحين محتار بين البحرية وتدمر ،، انتو شرايكم

جزيتم خيراً

[خالد32]

أنا نفس الشي محتار بين البحرية و تدمر
البحرية مجربهم و تدمر اسعارهم جيده و ثنينهم جودة

[OREO]

خلاص دليت مكانهم

في شارع الهندسة بالقرب من محل اسمه ( الرياض )

الحين محتار بين البحرية وتدمر ،، انتو شرايكم

جزيتم خيراً


أنا نفس الشي محتار بين البحرية و تدمر
البحرية مجربهم و تدمر اسعارهم جيده و ثنينهم جودة


بالنسبه لي رسيت على البحرية ،، لان من تجارب الاعضاء تبين لي بأن البحرية و تدمر جودتهم ممتازه لكن البحرية خدمتهم ما بعد البيع ممتازه و سريعه و عكس تدمر بخدمتهم التعيسه اللي كأنك تطر منهم ،،

ربي يوفقكم ان شاءالله ،،

[ja077]

عن تجربة السخان من الشركة البحرية ممتاز
التبريد من تدمر

[فويرط]

أنا نفس الشي محتار بين البحرية و تدمر
البحرية مجربهم و تدمر اسعارهم جيده و ثنينهم جودة

اخوي خالد

شلون البحرية معاك في الخدمة مابعد البيع ؟؟؟

تتصلهم يجونك بسرعة ؟؟

[محمد الجفيري]

بالتوفيق