ممكن مساعدة..؟

[Journalist]

السلام عليكم ورحمة الله وبركاته

حالياً ادرس مقرر Documentary ومطلوب منّا تصوير فلم وثائقي لكن
احتاج بعض الافكار ، ياليت تقترحون علي شنو المواضيع اللي ممكن ان تصور كفلم وثائقي؟ ممكن يكون الموضوع قضية او مشكلة او حتى عن شخص او اي شي يستحق التصوير

[talal08]

اليوم الوطني قادم بعد شهرين

اتوقع ما في احلا منه


او عندك :

التعليم والمدارس ومراحل التطور فيها وتقدر تستعين بكبار السن كجزء من الفلم الوثائقي

وبالتوفيق

بس لازم نشوف الفلم بعد الاخراج :nice:

[ضوى]

السلام عليكم ورحمة الله وبركاته

حالياً ادرس مقرر documentary ومطلوب منّا تصوير فلم وثائقي لكن
احتاج بعض الافكار ، ياليت تقترحون علي شنو المواضيع اللي ممكن ان تصور كفلم وثائقي؟ ممكن يكون الموضوع قضية او مشكلة او حتى عن شخص او اي شي يستحق التصوير


ممكن جدا تصوير فيلم وثائقي عن مشكلة البصق في الشواره مع التقاط مشاهد حية والاضرار المترتبة نشوفها بعيونها مايبي لها مجهر

[ضوى]

ممكن ايضا تصوير فيلم وثائقي عن عنف المراهق ، او مشاكل الاسرة ، او السير في شوارع بدون هدف

[بو خليفه 123]

ممكن تصور فلم وثائقي عن اعتراض بعض الاجانب والفوضى التي خُلقت بعد الزيادات و مدى تأثيرها السلبي على فرحة الشارع القطري


فالك التوفيق ولا تنسى ترسل لنا نسخه من الفلم

[مخطط قطري]

لاخوي عندي لك شي يستحق التصوير روح العياده النفسيه ولا مستشفى العجزة وصور الوجه الثاني اشلون يعشون بوجود مجتمع قد ينسى معناتهم في كثر من الاشياء اخذ جوله صور وعرضه لنا بدار خل ناس لي مالهم دم تحس فيهم

[الحال مايساعد]

عندي أفكار أتمنى تكون جيدة:
ممكن تسوي عن النهضة العمرانيه او مقارنة بين الماضي والحاضر ، عندك الحياة البرية ممكن تسوي عن "الطيور" عن تربيتها وتدريبها ، عندك رحلات الصيد بالـ "السنبوك" طرق الصيد القديمة ورحلة الغوص ، أو تسوي عن التجارة وحركة الأسواق.
والله يوفقك

[Journalist]

أولاً يعطيكم العافية على التعاون وطرح الأفكار، و ثانياً أنا بنت :unsure:

في من الأفكار اللي اقترحتوها ممكن أنها تتصور وما عتقد ان بتكون في مشاكل أو صعوبة في التصوير، وفي أفكار ثانية حلوة لكن صعب أن تصورها لأن تصلح أكثر أن تكون كمقالات، أنا فكرت قبل عن الخرافات و القصص في قطر مثل حمارة القايلة، هي كفكرة عاجبتني وانا قريت في المنتدى عن هالموضوع لكن التطبيق بيكون صعب!

وفي مثلاً دار العجزة ،في طالبات معانا بعد حابين يصورون عن هالموضوع لكن المشكلة بيكون في إمكانية التصوير لأن أكيد ماراح يوافقون :(

في أفكارمن اللي انطرحت بدرسها عدل و اناقشها مع الدكتور، و دعواتكم بالتوفيق :)

[Journalist]

بالنسبة للعضو اللي أرسل عالخاص، طبعا أنا ماقدر أرد الا عقب 50 مشاركة

أتوقع مدة الفلم هي 45 دقيقة ، بالنسبة للتصوير طبعاً لازم يكون التصوير
علي ولا الدكتور بيعطيني F !!! ، لكن طبعاً التصوير مهم والحمدلله أعرف للتصوير
ماعندي أي مشكلة إن شاء الله ، و الكيمرات و الميكروفون و الجهاز من الجامعة .
و فكرة الصياد حلوة ذكرتني بتقرير سويته العام عن ارتفاع اسعار السمج، ورحت
صورت في الفرضه عالكورنيش والحمدلله في الأخير خذت A :app:
و فكرة الرياضة على الكورنيش حلوة، لكن أخاف من الأماكن العامة والناس، لازم ناخذ الحذر:stop:

[روح الاطلس]

صوري في الجامعة عن مشاكل الطالبات :) ليه تروحين بعيد ومكانكم مليان بالمشاكل بيكون تقرير في الصميم وصريح وجريء