كيوتل وتركيب الأنترنت الألياف الضوئية ftth للبيوت

[الحجاجي]

السلام عليكم

الكل سمع عن الأنترنت عن طريق الألياف الضوئية ..

اسمها FTTH
وتعريفها شبكة الألياف الضوئية المنزلية ..
Fiber to the Home

وهي عبارة عن شبكة خاصة من الألياف الضوئية الفائقة السرعة
تتركب بشكل منفصل عن الشبكة العادية وتعطينا مميزات كثيرة منها

- السرعة العالية.
- الدقة ونقاوة الإشارات.
- عدم تناقص السرعة مع زيادة المسافة. فأبعد بيت يحصل نفس سرعة اقرب بيت للمجمع
- تعدد الخدمات وسهولة تقديمها.
- دعمها للتطوير وتركيب خدمات مستقبلية.
- امكانية تغيير السعة وعدد المنافذ لدى العميل بتغيير الجهاز.

وكيوتل تبدأ تمدد الخطوط وتركب اجهزتها في بعض المناطق ..
والموضوع راح يشمل بقية المناطق ..

حالياً التركيب على قدم وساق في الخريطيات وأزعوى ..

كان لي معاهم وقفة .. صورت لكم جهاز الراوتر ..

خط الفايبر عبارة عن 2 كور .. السرعة توصل فوق 100 ميجا
راح تبدأ السرعة من 8 ميجا وفوق .. وتفعيل الخدمة على ما سمعت منهم خلال شهرين .

صورة الكرتون من الخارج
http://up.ejabe.net/uploads/images/domain-8c0feffa51.jpg

صورة طريقة التوصيل .. موضح فيها كل شيء ..

http://up.ejabe.net/uploads/images/domain-eff83db911.jpg


صورة الراوتر بعد التركيب
http://up.ejabe.net/uploads/images/domain-faa5117174.jpg


الحلو في الموضوع ان الراوتر بيكون جاهز لكل شيء
خدمة IPTV التلفزيون الشبكي عن طريقهم .
و خدمة IPT الهاتف الشبكي .
والفاكس .

والأهم من هذا هو السرعـة .


موضوع فيه بعض المناطق اللي تم تمديد وتركيب الشبكة فيها
http://www.qatarshares.com/vb/showthread.php?t=476679&highlight=%DF%ED%E6%CA%E1


كل الود

[airbus]

بارك الله فيك ياخوي على الموضوع المميز

انا ساكن في المطار للحين مافي خبر عليه

[الـقـاسـي]

طيب وين نعرف المناطق اللي جايها الدور شلون اشيك

[رجل الجزيرة]

السلام عليكم

الكل سمع عن الأنترنت عن طريق الألياف الضوئية ..

اسمها ftth
وتعريفها شبكة الألياف الضوئية المنزلية ..
Fiber to the home

وهي عبارة عن شبكة خاصة من الألياف الضوئية الفائقة السرعة
تتركب بشكل منفصل عن الشبكة العادية وتعطينا مميزات كثيرة منها

- السرعة العالية.
- الدقة ونقاوة الإشارات.
- عدم تناقص السرعة مع زيادة المسافة. فأبعد بيت يحصل نفس سرعة اقرب بيت للمجمع
- تعدد الخدمات وسهولة تقديمها.
- دعمها للتطوير وتركيب خدمات مستقبلية.
- امكانية تغيير السعة وعدد المنافذ لدى العميل بتغيير الجهاز.

وكيوتل تبدأ تمدد الخطوط وتركب اجهزتها في بعض المناطق ..
والموضوع راح يشمل بقية المناطق ..

حالياً التركيب على قدم وساق في الخريطيات وأزعوى ..

كان لي معاهم وقفة .. صورت لكم جهاز الراوتر ..

خط الفايبر عبارة عن 2 كور .. السرعة توصل فوق 100 ميجا
راح تبدأ السرعة من 8 ميجا وفوق .. وتفعيل الخدمة على ما سمعت منهم خلال شهرين .

صورة الكرتون من الخارج
http://up.ejabe.net/uploads/images/domain-8c0feffa51.jpg

صورة طريقة التوصيل .. موضح فيها كل شيء ..

http://up.ejabe.net/uploads/images/domain-eff83db911.jpg


صورة الراوتر بعد التركيب
http://up.ejabe.net/uploads/images/domain-faa5117174.jpg


الحلو في الموضوع ان الراوتر بيكون جاهز لكل شيء
خدمة iptv التلفزيون الشبكي عن طريقهم .
و خدمة ipt الهاتف الشبكي .
والفاكس .

والأهم من هذا هو السرعـة .


موضوع فيه بعض المناطق اللي تم تمديد وتركيب الشبكة فيها
http://www.qatarshares.com/vb/showthread.php?t=476679&highlight=%df%ed%e6%ca%e1


كل الود

بيض الله وجهك وجزاك الله خير.

[بوعلي-Qtr]

بكم ال١٠٠ ميقا ؟ ٥٠٠٠ ريال شهريا ؟

[fhd4]

يعطيك العافية أخوي ... ومبروك عليك وعقبالنا ...

اتمنى تستحمل لأن عندي شوية اسئلة ما عليك كلافة...

أولا ليش الراوتر مقلوب والأرايل خاشينها تحت ... ما يضعف الاسال ؟؟

هل تقدر تشبك الراوتر مع switch ثاني عن طريق الواير ؟؟؟ يعني هل فيه فتحات ethernet ؟؟

كم سرعة الـ ethernet اللي في الراوتر هل هو 100Mbps أو 1000Mbps (يسمونه الـ Gigabit) ؟؟

هل تقدر تستبدل الراوتر بأي نوع ثاني .. ولا ملزوم تستخدم راوتر كيوتل ؟؟

[fhd4]

بكم ال١٠٠ ميقا ؟ ٥٠٠٠ ريال شهريا ؟

كيوتل قالوا ان الاسعار ما راح تتغير هذا إذا ما كانت أقل ... يعني المفروض اشتراك الـ 100 ميجا ما يزيد سعره عن 600 ريال (مثل اشتراك اسرع سرعة حاليا 8 ميجا) ...

[Rashid554]

اهم مناطق في قطر الريان والغرافه والوجبه المفروض هذي المناطق لها الاولية

[قلبى طيب]

اخوى الغرافه اشتغلوا فيها من يومين والريان والوجبه ماعليك بيجهم الدور

[بوعلي-Qtr]

يعني انا عندي ٤ ميقا حاليا .. بيستبدلونها اوتوماتك بالفايبر بدون ما اطلب ؟
ولا لازم اقدم طلب وادفع رسوم ؟
لان لو نفس الاسعار اكيد بنتجه للفايبر ونلغي القرمبع الموجود

نوع الوصله شلون بتكون لان الصوره ماتضحت لي
بيكون واير طالع من الطوفه داخل في مودم ومن المودم يطلع واير ويوصل للراوتر ؟

[F A W A Z]

متى يوصل دخان والشحانية

:(

[تلفزيون قطر]

يعطيك الف عافيه أخوي على المضوع وأنا بصراحة شفته في بيت اخوي في الزغوة مركب والجهاز شغال بس لحد الحين مافعلوا الخدمة من كيوتل ...




فالك التفويق




تلفزيون قطر

[Marboosh]

شدعوه , انا في ازغوى وماجاني شي ! :anger1:

[رجل الجزيرة]

هم يختارون عشوائي، يعني أنت وحظك فإذا ما جاك فيجي لغيرك.

[الحجاجي]

بارك الله فيك ياخوي على الموضوع المميز

انا ساكن في المطار للحين مافي خبر عليه

ماعندي خبر عن المطار ..


طيب وين نعرف المناطق اللي جايها الدور شلون اشيك

مرحبا اخوي ..
ممكن تتاكد من كيوتل ..



بيض الله وجهك وجزاك الله خير.


تسلم جزاك الله خير يالطيب ..



بكم ال١٠٠ ميقا ؟ ٥٠٠٠ ريال شهريا ؟


لا ما أتوقع مفروض أقل ..
لانه ترى فعلياً ما يخسرهم شيء ..

[الحجاجي]

يعطيك العافية أخوي ... ومبروك عليك وعقبالنا ...

اتمنى تستحمل لأن عندي شوية اسئلة ما عليك كلافة...

أولا ليش الراوتر مقلوب والأرايل خاشينها تحت ... ما يضعف الاسال ؟؟

هل تقدر تشبك الراوتر مع switch ثاني عن طريق الواير ؟؟؟ يعني هل فيه فتحات ethernet ؟؟

كم سرعة الـ ethernet اللي في الراوتر هل هو 100Mbps أو 1000Mbps (يسمونه الـ Gigabit) ؟؟

هل تقدر تستبدل الراوتر بأي نوع ثاني .. ولا ملزوم تستخدم راوتر كيوتل ؟؟


مرحبا فهد اشحالك .. زمان عنك ..
الله يعطيك العافية ..

انا وين للحين ما ركبو عندي .. هذا بيت رفيجي ..
بس تعرف الفضول حبيت اكون معاهم ... وافيدكم ..

الرواتر مقلوب لأن اصلاً كل البورتات لتحت فلو قلبو الراوتر صحيح بيكون الأريل لفوق
لكن بيكون طريقة توصيل الكيابل له غلط .. بالذات الفايبر .. لان كيوتل مسوين ترانك ( البلاستيك الأبيض )
ومدخلين كل الوايرات من الطوفة لين الترانك بشكل حلو ومسكر ..
أما بالنسبة للأرسال مافيه مشكلة اصلاً ما يضغط عادي ترى ..

شوف الصورة كيف طريقة الفتحات ..
http://up.ejabe.net/uploads/images/domain-061e723e89.jpg

بالنسبة أنك تشبك الراوتر مع سويتش ثاني أو أكسس بوينت عادي مافيه أي مشكلة لان فيه 4 فتحات ايثرنت ..
شوف الصورة فوق lan1,2,3,4
وتقدر توصلها مع سويتش ثاني او اكسس بوينت.
لو تلاحظ الصورة هذي

http://up.ejabe.net/uploads/images/domain-eff83db911.jpg

بس الرسمة مب واضحة شوف الـ lan1 متوصل على سويتش مكتوب عليه Home broadband Hub هب يعني سويتش صغيرون .


اما عن السرعة فاتوقع انها جيجا لان اصلاً 100 نظام قديم ، لكن بتاكد لك من الكتلوج وبرد عليك ..

اما سؤالك اللي هو اهم سؤال ..
هل نقدر نغير هالراوتر ..
طبعاً حالياً لا .. لان لو تلاحظ الصورة الأولى بتشوف فتحه خاصة (اللون الأخضر) بالفايبر
OPTICAL اللي من خلالها تغذي شبكة الفايبر عندك وتشغل النت .
وأيضاً فتحه خاصة بالنظام الجديد للتلفزيون الرقمي الشبكي اللي هو IPTV "CATV"

وسلامتك ..

[الحجاجي]

كيوتل قالوا ان الاسعار ما راح تتغير هذا إذا ما كانت أقل ... يعني المفروض اشتراك الـ 100 ميجا ما يزيد سعره عن 600 ريال (مثل اشتراك اسرع سرعة حاليا 8 ميجا) ...


لا ووين كان زين 600 ريال ..
وبعدين فهد ترى 100 ميجا وااااااااااااااايد ..

السرعة تبداً من 8 ميجا احتمال سعرها يكون 200 ريال ..
و 16 ميجا 400 ريا ل ..
ودبل السرعة على كذا وصولاً للأعلى ( وترى هذا اللي حالياً صاير في المؤسسات والوزارات )

وليش قلت لك 100 وايد
شغلي القديم كان النت عندنا فايبر 32 ميجابايت
تخيل الفلم 700 ميجا ينزل في دقايق ..



اهم مناطق في قطر الريان والغرافه والوجبه المفروض هذي المناطق لها الاولية

يعتمد يالغالي على البنية التحتية ..


يعني انا عندي ٤ ميقا حاليا .. بيستبدلونها اوتوماتك بالفايبر بدون ما اطلب ؟
ولا لازم اقدم طلب وادفع رسوم ؟
لان لو نفس الاسعار اكيد بنتجه للفايبر ونلغي القرمبع الموجود

نوع الوصله شلون بتكون لان الصوره ماتضحت لي
بيكون واير طالع من الطوفه داخل في مودم ومن المودم يطلع واير ويوصل للراوتر ؟

بوعلي .. هم اصلاً يجهزون الكيابل تحت الأرض بشكل متواصل للجميع
يعني يمر من منهولات كيوتل الموجودة قدام كل بيت .. سواء ركبت لك او لا ..

اما عن الوصلة الموضوع بسيط
من قدام البيت بيكون متوصل مع وايرات التلفون الحالية لين البوكس حق التلفون اللي عندك في البيت وبعدين يركبون الراوتر مثل ما انت شايف ..

طبعاً اهم العيوب ان مكان البوكس في كل البيوت تحت
بالتالي الراوتر مجبرين يركبون تحت
يعني اللي عنده اولاد الله يعينه عليهم وشكلة في الممر شاذ
غير لما يكون لك الحرية انك ترفعه فوق ولا تخشة فوق كبت الخ ..

في الفايبر مافيه مودم
هو واير طالع من البوكس للجهاز وخلاص .

[الحجاجي]

متى يوصل دخان والشحانية

:(

ان شاء الله قريب ..


يعطيك الف عافيه أخوي على المضوع وأنا بصراحة شفته في بيت اخوي في الزغوة مركب والجهاز شغال بس لحد الحين مافعلوا الخدمة من كيوتل ...




فالك التفويق




تلفزيون قطر

ان شاء الله راح تتفعل الخدمة خلال شهرين ..



شدعوه , انا في ازغوى وماجاني شي ! :anger1:

بيجيك قريب ان شاء الله

[رجل الجزيرة]

ان شاء الله قريب ..



ان شاء الله راح تتفعل الخدمة خلال شهرين ..



بيجيك قريب ان شاء الله

والسيلية طال عمرك متى؟