ظلم حماية المستهلك الى متى ؟؟

[هنووف]

مرحباا اخوواني

صراااحه حماااية المستهلك وووايد تمادوا زيااده عن اللزوم ولازم حد ايوقفهم عند حدهم ويعلمهم شغلهم هم متخصصين ف حمايه المستهلك من رفع اسعار المحلات التجاريه بعد زيااده الرواتب ،، بس؟؟؟
لكن هم قااعدين ايمارسون شغلهم بطريق غير صحيحه يعني من يوومين دارو على محلات الحريم اللي ف سووق واقف وتموا يسالون كل وحده عندها دفتر فواتير او لا واللي انعرفه ان اللي ف هالمحلات اكثرهم حريم كبار يعني مب شابات ومطلعات على كل شي ووعطوهم مخالافات وعطهم اوراق ان حمايه المستهلك متحفظه على بظايعهم يعني مايحق لهم يتصرفون فيها ااو ايبيعون منها شي والصدمه لما راحوا يستفسرون عن المخالفه اطلعت 10000 آلف ريال :rolleyes2:يعني حراام هالحريم وربات بيوت من وين ايجيبون يدفعون الغرامه ومحلاتهم ماااجيب شي يعني ف الاسبوع مايدخلون حتى 500

بخصوص حمااايه المستهلك اااذا هم وووايد شادين حيلهم ااايروحون ايغرمون التجااار الكبار اللي عندهم محلات تجااريه ضخمه ووالله حرااام اللي قاااعد ايصير

[بوناصر 1]

السلام عليكم أخواني الأعضاء صدقوني لاحد يعور راسه ويشتكي عند حماية المستهلك لأنه ماراح يعملولك شي بس ياخذون الشكوى ويسحبون على وجهك بالعربي يطنشون لك .الصراحة أنا ماسمعت حد أنحلت مشكلته والدليل الشكاوي في وطني الحبيب صباح الخير . ياأهل قطر وكلو نفسكم حق رب العالمين

[ممنوع اللمس]

والله حماية المستهلك مادري شنو وظيفتهم
نردع التجار بيد من حديد ووين هاليد ما شفناها
لو كل محل رفع لو ان شاء الله ريال واحد وسكرو المحل 3 ايام والا 4 ايام كان والله محد تجرأ يرفع سعره لو ربع ريال
هالحريم مساكين 10 الاف من وين تجيب اهي يالله يالله تطلع فالشهر عشر الاف

[clouds]

والله بالعكس حمايه المستهلك ساعدوني في حل مشكلتين كبار كانو معلقين وماكنت ادري ان الحل عندهم وبالعكس كانو متعاونين وتمو يكلموني لين تاكدو ان المشاكل كلها انحلت جزاهم الله خير ماقصرو في مشكله من العام مع احد المحلات والله ان حلها كان في ساعات لما بلغت حمايه المستهلك والمشكله الثانيه صار لها 3 شهور ونفس الشي في ساعات انحلت الحمدلله ان عندنا على الاقل حمايه المستهلك تادب لنا هالاجانب اللي لاعبين ومتحكمين فينا

[Aaziz]

والله بالعكس حمايه المستهلك ساعدوني في حل مشكلتين كبار كانو معلقين وماكنت ادري ان الحل عندهم وبالعكس كانو متعاونين وتمو يكلموني لين تاكدو ان المشاكل كلها انحلت جزاهم الله خير ماقصرو في مشكله من العام مع احد المحلات والله ان حلها كان في ساعات لما بلغت حمايه المستهلك والمشكله الثانيه صار لها 3 شهور ونفس الشي في ساعات انحلت الحمدلله ان عندنا على الاقل حمايه المستهلك تادب لنا هالاجانب اللي لاعبين ومتحكمين فينا

ممكن تذكر لنا الي صار معاك
نبي نعرف كيف يتصرفون حمايه المستهلك و نبي نعرف شلون نتصرف اذا صادنا موقف مستقبلا
هذا اذا ماكانت موافك خاصه

[مرتبش]

عجيب
يعني يبون يقنعونا انهم هابين ريح..زين وكل هالشكاوي من الاسعار ليش مايتحركون

[خزامئ]

دايمن القوانين تمشي بس على الضعيف

[أم هشام]

طيب ما يتشاطرو على مول الاصمع (سنتربيونت) يعني رفع اسعارة تقريبا 70 بالمية
وحتى اسعار اللحوم صار الكيلو ب65 ريال

[الوثيقة]

والله حماية المستهلك على المساكين والا غيرهم ما يقدرون عليهم

الله فوق وياخذ حقهم ان شاء الله

[شموخ دائم]

,

,



مرحبا


السلام عليكم ورحمه الله

اتمنى ما تاخذنا العواطف خارج اطارها الصحيح

من اهم شروط التجاره ولبيع وجود فاتوره في المحل

وهذا الاجراء حمايه ( للزبون )

مو معقوله محل يبيع بدون فواتير وايصالات مهما كان السبب هذا شي خطاء

ومن باب ان نقول الحق ان حمايه المستهلك معاهم حق بهذا الموضوع

الغلط غلط والصح صح ولازم ما نعكس الامور

اتمنى من صاحب المحل ( عمل فواتير وايصالات ولتر هيد للمحل ) وهذه من اساسيات العمل في التجاره

بارك الله فيك لازم تعملون الصح وما نهاجم حمايه المستهلك عشان طلبوا منكم تعملون الصح

الشركات الكبيره لديها ايصالات وفواتير وطرق الحسابات متطوره جدا وطريقه البار كود

اتمنى المحلات الصغيره ترتقي بشغلها وتطور عملها

وما ( توفر ) في الفواتير ترى السالفه كلها 1000 ريال لكل الاوراق هذي وتكفي المحل لمده سنتين على الاقل

كيف راح نعرف المحل رفع سعره او لا ؟؟؟ الا من خلال مقارنه الفواتير القديمه والجديده
وهذا دليل على رفع الاسعار
بدون الفواتير لا يكون هناك دليل

السالفه مو بس كلام فلان رفع وفلان رفع لازم الفاتوره تثبت هذا الشي ويكون دليل عليه

وعذرا والسموحه على الرد ولكن ما يصح الا الصحيح وحمايه المستهلك

معاهم حق في طلبهم


,

,


اخوك


شموخ دائم

[خزامئ]

ماعمري شفت اي محل في سوق وقف يعطي فاتوره الا
المطاعم بس من اكبر محل لين الصغر محل
غير الحلات الذهب طبعن
ولا الديره والا العسيري كلهم مايعطون فواتير

[سهيمان]

مثل ما ذكر الاخ خزامى

قوانينهم ماتمشي الا على الضعيف

انا خالفوني مرة 5000 على خطأ قامت فيه موظفة عندي وانا اللي تخالفت مب هالموظفة مع اني رحت لهم وشرحت الموضوع كامل لكنهم ماتسامحوا معاي

وواحد سوري اعرفه عنده محل تسجلت عليه نفس مخالفتي بالضبط راح لهم واسقوطها عنه

انا دفعت المخالفة وفوضت أمري الى من لايظلم أحد عنده