يامديرالمرور باشتغل لكم بلاش بس ابغي دفتر مخالفات [الأرشيف]

بومتعب

29-09-2011, 05:16 PM

انا جد اتكلم .... مستعد اشتغل لادارة المرور بلاش ومن غير راتب وفي عز الظهر بعد ...

بس ابغي دفتر مخالفات .... تكفون .... عشان اخالف كل الي يتجاوزن جهة اليمين على نهاية الدوام خاصة على الطريق المؤدي من دوار الانتر الى الريفيرا ثم جسر دحيل .... صراحة الزحمة صارت لاتطااااااااااق ..... يعني تخيلوا الواحد طالع من دوامه وصاف بأنتظام ينتظر دوره .... ويجونك ناس بكل برود جهة اليمين ويتجاوزن ..... والحين السالفة صراحة امصخت .... لدرجة ان كل الجنسيات قامت تتجاوز هنود وباصات وترلات واوروبيين ..... قمة في الاستهتار ..... وصار الواحد ينرفع ضغطه يوميا على هالشارع ووده ينزل من السيارة ويخالفهم كلهم ..... ومش بس مجرد مخالفة عادية ..... اقترح تكون 5000 ريال على كل واحد يتجاوز ....... ياريت ياجاسم تبلغ كلامي للخرجي ..... صراحة ملينا واذا ماعندكم شرطة زيادة انا مستعد اتطوع ومن غير مقابل

وطن

29-09-2011, 05:46 PM

المشكلة ان المرور يركزون على السرعة
وتاركين باقي المخالفات اللي تزيد الزحمة
وفيها تجاوز للآخرين وحقوقهم في الطريق

بالول

29-09-2011, 05:47 PM

الشيخ صور بالجوال السيارة الي تتجاوز وارسالها للمرور وهم بيقومون بالواجب

bu-3bdulla

29-09-2011, 05:50 PM

وانا معاك يالغالي متطوع بدون مقابل

لا واللي يقهرك انك اذا هرنت عليه قام يطالعك بنظرة جنك انت الغلطان مهب هو

الأرجنتيني

29-09-2011, 06:37 PM

صاااااااادق +1

وان اشتغلت عندهم ويبون حد معاك انا مستعد اشتغل بدون مقابل

هالايام زادوا وخاصة هالمخالفه 90 % أجانب من اسيويين وغيرهم ومنهم عرب للأسف
يمر عليك بكل برود ويزرق في سيدك وانت كنت قبله تنتظر السيد ويأخرون السيد اليمين
ولايحترمون القوانين

قسم بالله محد حارق قلبه على هالبلاد الا احنا يالقطريين !
واكثر ناس محترمة القوانين حنا بعد !

عيون الدوحة

29-09-2011, 06:40 PM

انا الي اعرفة خلاص تم فتح الخط الثالث للناس في اغلب الشوارع ولايعتبر تجاوز من اليمين

bu-3bdulla

29-09-2011, 06:43 PM

انا الي اعرفة خلاص تم فتح الخط الثالث للناس في اغلب الشوارع ولايعتبر تجاوز من اليمين

قصدك الخط الرابع :eek5: حنا نتكلم عن تجاوزات اليمين اذا هاي من حق المخالفين عيل وش بقاا :secret:

بوسلمان 2010

29-09-2011, 06:59 PM

وانا بتطوع حق المرور ويبشرون باالخير ان شاء الله

صدى الحق

29-09-2011, 07:14 PM

لقد هرمنااااااااااااا
يحتاج الى التجديد حاله حال الكثير من الجهات الخدمية بالدولة .

خلاص يكفي البركة في الشباب الواعد عطوهم ثقة وحملوهم المسئولية ما يصير كل يوم مجبوس مجبوس مجبوس

اتمنى وصلت .

عيون الدوحة

29-09-2011, 07:18 PM

قصدك الخط الرابع :eek5: حنا نتكلم عن تجاوزات اليمين اذا هاي من حق المخالفين عيل وش بقاا :secret:

أي الرابع أقصد
والثالث من دوار المرخية لين دوار دحل الحمام

محمد11

29-09-2011, 11:22 PM

والله العظيم انا بعد ابغي اطوع وبلااااااااش

qatarman8008

29-09-2011, 11:41 PM

وانا معاكم بعد... لا ومستعد اصور المخالف بالكاميرا عشان ما يكون هناك اي لبس في الموضوع...

مــــلاك

30-09-2011, 12:30 AM

الشكوى لله

الزحمه صارت خياليه والله ..من جسر الشمال لين
الريفيرا ودوار جليعه واشارات الدفنه ودوار
مركز المعااارض << هذا بروحه قصه
ودوار القوس <<< شخليت

تعبت نفسيا من هالشوارع <<طريقي كل يوم
من الزحمه ومن النوعيات الي نشوفها في الشارع من تجاوزات واحنا ساكتين
ومايقهرني الا باص كروه وباصات العمال هذي مسويه زحمه
ويلفون على السيايير ويتجاوزون وايد

bu 3li

30-09-2011, 02:33 AM

انا صورت مره واحد مخالف لكن للأسف مافيه رقم نطرش عليه ..

ياليت اللي يعرف رقم معين يستقبل المخالفات بالصور يعطينا اياه
وفي نفس الوقت انا بعد حاب اتطوع وببلاش باكون مع المرور في هالشي
لانه الصراحه على كثر ما اوقف الهنود واتصل المرور .. مايطرشون لي دوريه
يقولون اتصل التحريات والهندي يروح ورقم سيارته يخيس عندي ولا حد يعبرني

هجمة مرتدة

30-09-2011, 04:06 AM

أحياناً أحس أن شرطة المرور ولخويا ما يشوفون اللي أحنا نشوفه في الشارع . .

أو أنهم يشوفون ويطنشون . .

يعني معقولة ما تصادفهم سيارات تمشي في أقصى اليسار ببطئ شديد ؟

ولا يشوفون من يتجاوز من اليمين ضارباً بكل القواعد المرورية عرض الحائط ؟

ولا يشوفون من يسوق بإستهتار وبرعونة وسرعة شديدة بين السيارات ؟

لو كل سيارة مرور وفزعة خالفت يومياً سيارة واحدة فقط ممن يقومون بهذه المخالفات لسادت التوعية المرورية في السنة الواحدة بنسبة 50% على الأقل . .

لكن للأسف الشديد عضلاتهم لا تظهر إلا في مواقف الأبراج والوزارات والهيئات وقت الدوام الرسمي، وفي مستشفى حمد -تحديداً قسم الطوارئ- وأوقات صلاة الجمعة عند معظم المساجد والجوامع . .

أما بخصوص إدارة المرور فأقترح عليهم تخصيص قسم للحسابات بعدما فاقت أرباحهم خلال سنة واحدة جميع الشركات الإستثمارية وقطر القابضة مجتمعين . .

وقد أصبحنا ننتظر بشغف إدراج هذه الإدارة في سوق الدوحة للأوراق المالية لنتهافت إليها مكتتبين !

khaldoon

30-09-2011, 06:29 AM

سجلني متطوع معاكم لانه الناس اللي تتجاوز عن اليمين في ازدياد كل يوم و بسببهم نتعرض لحادث خشن جدا في بعض الاحيان بسبب عدم تركنا المسافة الصحيحه بينا و بين السيارة اللي امامنا

لازم المسافة اللي تكون بيني و بين السيارة اللي امامي تكفي اني اشوف عجلات السيارة اللي امامي بوضوح علشان لو كنت متوقف وقوف تام و اي احد صدم سيارتي من الخلف فبتكون هذه مسافة امان وما تصل سيارتي الى السيارة اللي امامي و تضربها و يكون الحادث محدود ....اما لو اني ملصق بوز سيارتي بالسيارة اللي امامي علشان ما اخلي احد يتجاوزني عن اليمين فأنا معرض لحادث خشن جدا من الامام و الخلف

بعض السواقين اللي ما يستحون و لا عندهم ذوق لما يشوفون انك تارك هذه المسافة القانونية على طول بيستغلونها بكل وقاحة و قلة ذوق و بيدخلون بوز سيارتهم و بيصيروا امامك

اقول لكل واحد منهم لو انه يقرأ كلامي الان انت سائق ما تستحي ولا تفهم بالذوق و الاخلاق و ان شاء الله يا رب انك بتتخالف مخالفه كبيرة تربيك و تعلمك الاصول والاداب

jeep-srt8

30-09-2011, 08:36 AM

السواقة في قطر ماعادت تنطااااااق كل يوم قهر في قهر ومايزعجني الا الاسيوين والهنود عليهم حركات تبططططططططططططططططططط الجببببببببببببببببببببببببببببببببببببببد

الرايــق

30-09-2011, 08:40 AM

السؤال اللي دار فبالي ..

لو واحد صور شخص مخالف وين يطرش الصورة ؟؟؟؟

!!!

حسن

30-09-2011, 09:01 AM

انا اقتراحي ان وزير الداخليه يسلم كل عسكري خيزرانه 9ملي بدل دفتر المخالفات الي ماجاب نتيجه الا زياده ايرادات الدوله واي واحد يخالف ينزولنه في الشارع علني جدام الناس ويطيحون فيه لشط والله ماعاد تشوفون مخالف وخصوصا هل الاسيوين

OREO

30-09-2011, 09:02 AM

السؤال اللي دار فبالي ..

لو واحد صور شخص مخالف وين يطرش الصورة ؟؟؟؟

!!!

طرشها على بلدية الدوحه يمكن يتفاعلون اكثر من ادارة المرور اللي مهب راضية اتحرك ساكن ،،

دوووم اشبه ادارة المرور بتمثال الحريه ( واقفه شامخه بدون ما تحرك ذبانة ) ،،

وطن

30-09-2011, 10:02 AM

السؤال اللي دار فبالي ..

لو واحد صور شخص مخالف وين يطرش الصورة ؟؟؟؟

!!!

الخوف يخالفونك
"استخدام الجوال اثناء القيادة"

:secret:

بوحارب

30-09-2011, 10:27 AM

يارجال اصلا المرور مايعرفون يأدون شغلهم عدل

بس فالحين يطلعون قدراتهم على الشباب ولو تلاحظ الشوارع من بعد 12 الليل ثبوت في كل مكان

ياخي روح خالف الأجانب اللي قالبين البلاد مصخره بسواقتهم ولا حد كلمهم !!!

تناقض واااااااااضح في رجال المرور

بوخالد911

30-09-2011, 10:29 AM

مؤيد لتشديد المخالفات
واللي يتعدى ع حقوق الناس

Mohammed2

30-09-2011, 10:37 AM

بوحارب

30-09-2011, 10:41 AM

مؤيد لتشديد المخالفات
واللي يتعدى ع حقوق الناس

اشعنده بوخالد الخرجي :omg: هههههه

ابوالكلام

30-09-2011, 01:07 PM

وانا معاك بعد بلاش بس نوقف الاستهتار الي صاير وياريت الموضوع يضخم اكثر واكثر

ابوالكلام

30-09-2011, 01:12 PM

ابوالكلام

30-09-2011, 01:15 PM

موضوع قيم بمعنى الكلمة حيث ان اكثر من يعاني من الوضع الحالي اصحاب السيارات الصغيرة

النهار

30-09-2011, 01:23 PM

الحاره الي على اليمين للاحالات الطارئه مفروض يحطوا حواجز بلاستيكيه على طول الطريق وخل حد يتجاوز وفي النصف شرطي بدفتره يشخط مخالفات لكل واحد يتجاوز هذه الحاره والله صرت اكره امشي اقصي اليمين يأخذ النصف اواقصى اليسار

حسن

30-09-2011, 01:51 PM

هههههههههههههههه خوش فكرة اعتقد بيحرمون

شوف اخوي ابو الكلام ولاتكثر كلام هذولا الاسيويين تخلفهم والله ولايفتكرون فيك الكفيل وهو مجبور بيدفع شفوشلون حوادثهم والله غبيه انه كل يوم اروح الصناعيه الجديده مالت الصناعات اتشوف حوادث والله تحس تععمد من يومين الابيكم 4 طن منقلب قلبه قبيه والنيبالين متسدحين والله دلع تقول على سيفه سيلين كان خاطري من الشرطه يطيحون فيهم ظرب لين تخيس اجلودهم وهم عارفين هناك تامين وكفيل هو اللي يتحمل المسؤوليه
وبالنسبه للخيزرانه هم متعودين عليها لان شرطه بلادهم هذا سلاحهم ومع هل الشعوب :victory:

qatari 111

30-09-2011, 01:57 PM

يبيلهم تحريات .. بلفيت يبيع جرايد وهو يسجل المخالفات ..

عندي اقتراح بسيط وحلو .. لو يحطون كاميرات تصوير حيه على الحاره اللمنوع تجاوزها راح تنحل المشكله وهم في مكاتبهم مرتاحين .......... ويش رايكم بالاقتراح

خــطــافــ

30-09-2011, 02:01 PM

والمثير للدهشة ان في بعض الشوارع الخط الرابع او الطوارئ اكثر اتساعا من حارات الشارع الرئيسية.

عموما .. الحل بسيط بوضع حواجز بلاستيكية في اوقات الـذروه لمسافة تقدر حسب الازدحام ... يعني المفروض تجرى دراسة سريعة واتخاذ الحلول المناسبة للوضع الحالي.

خــطــافــ

30-09-2011, 02:04 PM

الا ابي اسأل ... ماهو دور عضو المجلس البلدي في مثل هذه الحالات ؟؟

المفروض يكون هو حلقة الوصل مع إدارة المرور !!!

الجوكر90

30-09-2011, 02:29 PM

انا مالوم اللي يتجاوز من اليمين الصراحه
مثلاً الصبح عند دوار كليه شمال الاطلنطي وانت جاي من مركز تدريب الشرطه
تصير زحمه مالها اخر
لو الكل التزم وما مسك اليمين جان توصل الزحمه الين شارع ٢٢ فبراير
الحل ان كل دوار يكون فيه زحمه تكون الدوريات موجوده عشان يحركون السيارات
واذا الناس شافت السيد يمشي مابيتجاوزون من اليمين
وباتقل التجاوزات واللي يرتفع عنده الضغط بيرتاح واللي متاخر عن الدوام بيوصل على الوقت
بس المطلوب ان الدوريات تكون موجوده من ٦ ونص الصبح يعطيهم العافيه

محد غيرك انت وربعك الي مخربين علينا وماخرينا ربع ساعه كل يوم
لا سلامتك لو تصف نفس الناس السيد بيمشي
بس لو تتجاوز راح تخرب ع الي صافين فسيد اليمين وراح تاخرهم
لان الي يتجاوزون من اليمين اكثر من الي صافين

اخبر مره واحد عنده جي اكس جاي كفخ ويبي يتجاوز
اشوفه كع بريك مب طبيعي وصف مكانه
استغربت اقول زين والله حس ع دمه وصف نفس الناس
اثاري شرطي واقف وماسك الدفتر والله اشوفهم كلهم صافين عدل
لو كل يوم شرطي واحد يصف راح يلتزمون

حلوه هاي يتجاوزون عادي عندهم ليش انتو بشر واحنا شي ثاني
وبالتوفيق ان شاء الله

مضارب دوسري

30-09-2011, 02:57 PM

الحمدلللله اني ماداوم فالدوحه
مره جيت الصبح في يوم اجازه وكانت اعصابي وصلت لمرحله ودي انزل واتهاوش مع اي احد
الله يعينكم والله ياللي دواماتكم فالدوحه

GENIUS

30-09-2011, 03:16 PM

ليش ماتخصص إدارة المرور خدمة خاصة يتم من خلالها إستقبال صور للمخالفات والتي يتم رصدها وتصويرها من قبل أي شخص وصدقوني هالفكرة بتكون رادع قوي لأي مخالف وبيفكر مليون مرة بأن مخالفته مرصودة من قبل أي شخص والكل بيحاسب وبينتظم وينضبط. أتمنى تطبيق وتنفيذ هالمقترح *

كبشينو

30-09-2011, 03:40 PM

انا الصراحه شفت بعيني سياره مدنيه واثنين من الشباب قاعدين يخالفون الناس الي تجاوز وبدون مايدرون

Mohammed2

30-09-2011, 03:53 PM

محد غيرك انت وربعك الي مخربين علينا وماخرينا ربع ساعه كل يوم
لا سلامتك لو تصف نفس الناس السيد بيمشي
بس لو تتجاوز راح تخرب ع الي صافين فسيد اليمين وراح تاخرهم
لان الي يتجاوزون من اليمين اكثر من الي صافين

اخبر مره واحد عنده جي اكس جاي كفخ ويبي يتجاوز
اشوفه كع بريك مب طبيعي وصف مكانه
استغربت اقول زين والله حس ع دمه وصف نفس الناس
اثاري شرطي واقف وماسك الدفتر والله اشوفهم كلهم صافين عدل
لو كل يوم شرطي واحد يصف راح يلتزمون

حلوه هاي يتجاوزون عادي عندهم ليش انتو بشر واحنا شي ثاني
وبالتوفيق ان شاء الله

انا ما اخالف ولاشي الا اذا شي طارئ
ولاتقعد اطلع عني كلام ولاشي
انا بس احاول اعطي حل يرضي الجميع
مب كل شي لازم مخالفه ومخالفه
احاول اطلع حل غير المخالفات

ناسداك

30-09-2011, 04:52 PM

الشيخ صور بالجوال السيارة الي تتجاوز وارسالها للمرور وهم بيقومون بالواجب

واكيد ادارة المرور بتسجل مخالفه اخوي والا بطنش

الجوكر90

30-09-2011, 04:55 PM

انا ما اخالف ولاشي الا اذا شي طارئ
ولاتقعد اطلع عني كلام ولاشي
انا بس احاول اعطي حل يرضي الجميع
مب كل شي لازم مخالفه ومخالفه
احاول اطلع حل غير المخالفات

بالعكس اخوي
لان من كلامك عرفت ان انت تتجاوز
يعني اسلوبك خلاني اقول انك تتجاوز
واذا ماتخالف شي طيب منك
واذا ع كلامي يعني الي يقرى ويتجاوز اقصده هو وربعه
وبالتوفيق