المساعد الشخصي الرقمي

مشاهدة النسخة كاملة : ابي اطلب من ebay و امازون بس مشكلتي التوصيل


الخلاقي
29-09-2011, 07:45 PM
السلام عليكم

دايما اتمنى اشتري من امازون واي باي واعرف لهذي المواقع وفاهم فيها عدل وعندي حساب باي بال ....وعندي فيزا وكل شي تمام

بس ياناس شلون انسق مع البائع عشان يوصلني الغرض

سمعت عن ارامكس وفي ناس يقولون لي مب لازم ارامكس يقولون لي البريد هذي العادي اللي نشوفه فالشوراع :) الرصصي يصير افتح عندهم حساب ويوصلني الغرض عن طريقهم وانا الحين متحير

هل لازم افتح حساب في امريكا وحساب في ارامكس ...والا اكتفي وافتح حساب بريد عادي من اي محطة وقود :nice: والله تعبت نفسيا من التفكير وشلون اسوي
غايه الطواش
29-09-2011, 09:06 PM
ههههههههههه
ضحكتني كلمه تعبت نفسيا
شوف اخوي احسن شي افتح حساب في ارامكس .... لانه في بعض المواقع ماتوصل قطر وبما ان عندك باي بال يمكن تم عمليه الشراء بس مايتم التوصيل ....

انا موقع البريد العادي ماتعاملت الا مع موقع نيت ا بورتر
تعاملهم جدا ممتاز وسريع ...وفيه بالعربي بعد ...
@north_star@
30-09-2011, 12:00 AM
نصيحة اخوي ارامكس اضمنلك من البريد العادي لانه البريد العادي مرات البضاعة ما توصل او تتاخر او مرات التاجر بامريكا ما يطرش لقطر وبالتوفيق ان شاء الله
تمون
30-09-2011, 06:14 AM
اخوي انا من يومين فاتح احساب في ارامكس

مكانهم بالظبط وانت جاي من دوار قطر للديكور باتجاه بوهامور بتلاقي البيت على الدوار

تدخل بتلاقي باب في وجهك ادخل وقوله ابي افتح بريد امريكي وبريطاني وصيني بيفتح لك على طول وبيعطيك العناوين وبيطرش لك رقم البريد على ايميلك

السعر ١٦٣ ريال لهم كلهم

وبنسبه للوزن لما توصل البضاعه اول نص كيلو ب ٤١ و الباقي بشي و ثلاثين ناسي كم

بالتوفيق
الخلاقي
01-10-2011, 05:18 AM
يالربع الله يعطيكم العافيه بفتح في ارامكس حساب بس ياشباب اذا جيت اشتري من المواقع شنو يعني ارسل لهم عنواني اللي بيعطوني اياه ارامكس ؟ وياريت لو حد فيكم يقول لي مثال معليش استحملوني فهمي بطيئ شوي
@north_star@
01-10-2011, 08:07 AM
يالربع الله يعطيكم العافيه بفتح في ارامكس حساب بس ياشباب اذا جيت اشتري من المواقع شنو يعني ارسل لهم عنواني اللي بيعطوني اياه ارامكس ؟ وياريت لو حد فيكم يقول لي مثال معليش استحملوني فهمي بطيئ شوي

أرامكس بيعطونك عنواين بامريكا وبريطانيا واعتقد الصين وانت اذا شريت من امريكا حط عنوان امريكا لما تشتري وعلى فكرة ارامكس بيعطونك نشرة وكتيب صغير فيها كل التعليمات وفيها طريقة وضع العنواين والمعلومات بالخانات المخصصه واذا احتجت اي ثاني حاضرين وبالتوفيق ان شاء الله