الارمكس ضيعوا شحنه لي ... وش الحل معاهم

[صوت الضمير]

السلام عليكم

من شهر رمضان...قمت بشراء مجوهرات بقيمة 874 ريال قطري من بريطانيا .. 5 اشياء

وكل العاده ارسلتها على بريد ارمكس .. قمت بتتبع الشحنه..وقد وصلت للارمكس بتاريخ 11-8

و وضعوا لها رقم تتبع للكي استلمها من قطر... الطامه انه قاموا بتسجيل دخولها لارمكس ببريطانيا من تاريخ 11-8
لكن لين يومكم هذا ماجابوها

وهذا الدليل

http://www7.0zz0.com/2011/09/29/22/566371396.jpg (http://www.0zz0.com)


من بعد العيد وانا باتصالات معاهم .. اقول لهم اعترفوا قولو انها ضاعت

سالتهم قلت لهم من حقي تعوضوني بنفس قيمة الشحنه اللي ضاعت

قالوا :: اكيد

وقمت بارسال الخمس فوواتير إليهم

وقالوا: راح نتواصل مع اللارمكس اللي ببريطانيا

ولين يومكم وهم يماطلون ..

كلمني الموظف وقالي متاكده ماستلمتي الاغراض قلت شلون استلمتها وهي ماوصلت قطر...اخر مره كلمني الموظف يقول نشك انه هالاغراض هي اللي ضايعه.. ووزنها خفيف شلون تكون 5 اشياء


قلت لهم مجوهرات صغيره وقمت بشرائها من تاجر واحد وطلبت منه يحطها ببوكس واحد عشان يكون الشحن اقل

لكن اللحين مادري وش اسوي معهم .. ارسلت لهم الفاوتير وكل شي

كل يومين اتصل .. وماصار شي بالموضوع

اللحين الحل معاهم ابي فلوسي .. واضح انها مسروقه من عندهم لانها ادخلت البوكس .. وسجلوا دخلوها ..

يعني من حقي يعطوني فلوسي

ابي مشورتكم ياخواني

أبداع

[al saad]

لا يضيع حق وراه مطالب

روح شخصيا ولا تتنازل لين اتقابل المدير

انا ضاعت عندي شحنه بس بعد اسبوع طلعوها من المخزن لنه الي صنف الاغراض حطها في مكان غلط

دش عليهم عرض وزاعق وخاصه جدام الزباين

^____^

[Dawn]

اييه ارامكس

انا وايد ضيعولي اغراض وماطلوا معاي بنفس الطريقه بس بالنسبه لي كانت المبالغ تافهه يمكن الطلبات بقيمة 350 ريال او شي جذيه .. وشي ب 100 وشي ب 80 فكنت اشتكي وارجعلهم مرتين ثلاث وعقب يلوعون جبدي واطنش ..

وسبحان الله ما تضيع عندهم إلا الشغلات الحريميه مادري ليش ؟؟

تدرين ليش يماطلون ويأخرون التعويض ؟؟؟

لأن بعض المواقع مثل ايباي وامازون

تروح معلومات تاريخ الطلبات بعد مرور مده طويله من الوقت .... بالذات ( التراكينغ الخاص بالشحنه ) ،،،،، فلما تروحين لهم يطلبون منج الفاتوره او التراكينغ ،،،، ويقولون لج بنكلم الاداره ،،،،،،، وهم معتمدين ان بعد مده يضيع كل شي عندج من معلومات ،،، او انج تملين من المراجعه وتكنسلين فكرة التعويض ...

بس انتي سيفي كل شي ( واهم شي التراكينغ نمبر للشحنه من التاجر ) والقيمه ،،، وزين ان عندج التراكينغ الخاص بارامكس .. بس ممكن في هالحاله يقولون لج احنا وصلنا هالشحنه وانج استلمتيها .. تراهم نصابين ،، انتي اصري على موقفج وهدديهم بالشرطه .. اكيد راح يخافون من المشاكل ويعوضونج..


وبالتوفيق ان شا الله

[Dawn]

وعلى فكره لو طلبتي العبوات اللي فيها سوائل بالغلط يقولون لج انها ممنوعه وانهم راح يتلفونها ( يتلفونها يعني ياخذونها الموظفين عندهم ) .... وانا مره جاتني شحنه فيها سبراي شعر وهم قالوا انهم بيتلفونه انا أصريت الا يردونه للتاجر على حسابي لو ادفع مليون ريال بس ما ابيهم ياخذونه ... تخيلي شصار ؟؟؟ وصلني الاسبراي بقدرة قادر .... ولما سألتهم :مب انتو قلتو ممنوع ؟؟؟؟ شلون وصل ؟؟؟؟

الا قالوا لي انه مر في مكتب البريد في امريكا بالغلط ومحد انتبه له !!!!!

[صوت الضمير]

اختي انا زهقت وانا انتظر .. لكن حريمتهم الفلوس اتبرع فيها ولاينهبونها علي

انا مادري وش اسوي عندي رقم التتبع مال التاجر انه الشحنه وصلت لهم .. وعندي رقم تتبع هم حاطينه

انه دخلوها البوكس.. والفواتير موجوده .. كل شي ارسلته لهم

اخر شي قالوا لي نشك انه هالبوكس فيه كل هالاغراض,, مع انه اول مكالمه كانوا يحسبون سعر الاغراض معاي..

منقهره الاغراض مجوهرات مارك جاكوبز .. وطللبت من التاجر وضعها في بوكس واحد عشان يقلل الشحن

لكنها صارت صيده عظيمه للحرامي اللي بللارمكس ...

بيني وبينك انا زهقت من مماطلتهم .. وانتي صادقه بخصوص انه انمسح التراكينغ الخاص بالشحنه من موقع الايباي.. لكن انا مسجلته عندي ,, وهو مسجل عندهم

يعني اللحين صاروا يحطون السالفه انه البوكس مستحيل يشل 5 اشياء ,.,

وبالنسبه للسالفة الاسبري ,, انا مره طلبت مناكير ووصلت ,,

يعني مزاج اذا عجبهم الشي يخلونه

شكلي مالي الا اروح لهم .. واهددهم اني اشهر فيهم بالمواقع بالانترنت انهم ضيعوا اغراضي ولاعطوني التعويض

أبداع

[airbus]

غريبة ترا ممنوع المجوهرات والذهب لان كنت ابي كم من مرة اشتري من هناك وماقدرت لانه ممنوع من شركة ارامكس

واكيد بيقولك بيتم تلف الشحنة او رجوعها لي نفس الشخص الي شريت منه

[jeep-srt8]

طلبنا دريم بوكس اتش دي وسعره 1300 يمكن وصل ويقولون ممنوع يفوت راجعو مجلس االتصالات راجعنا ولاحد فيهم راضي ييعوضنا عن القيمة ولايعطونا الشحنة ولا يبونها ترجع للمكان الي جات منه ممكن نعرف نرجع فلوسنا الله يحرقهم

وراح علينا وضاعت فلوسنا

[juma]

السلام عليكم

من شهر رمضان...قمت بشراء مجوهرات بقيمة 874 ريال قطري من بريطانيا .. 5 اشياء

وكل العاده ارسلتها على بريد ارمكس .. قمت بتتبع الشحنه..وقد وصلت للارمكس بتاريخ 11-8

و وضعوا لها رقم تتبع للكي استلمها من قطر... الطامه انه قاموا بتسجيل دخولها لارمكس ببريطانيا من تاريخ 11-8
لكن لين يومكم هذا


وهذا الدليل

http://www7.0zz0.com/2011/09/29/22/566371396.jpg (http://www.0zz0.com)


من بعد العيد وانا باتصالات معاهم .. اقول لهم اعترفوا قولو انها ضاعت

سالتهم قلت لهم من حقي تعوضوني بنفس قيمة الشحنه اللي ضاعت

قالوا :: اكيد

وقمت بارسال الخمس فوواتير إليهم

وقالوا: راح نتواصل مع اللارمكس اللي ببريطانيا

ولين يومكم وهم يماطلون ..

كلمني الموظف وقالي متاكده ماستلمتي الاغراض قلت شلون استلمتها وهي ماوصلت قطر...اخر مره كلمني الموظف يقول نشك انه هالاغراض هي اللي ضايعه.. ووزنها خفيف شلون تكون 5 اشياء


قلت لهم مجوهرات صغيره وقمت بشرائها من تاجر واحد وطلبت منه يحطها ببوكس واحد عشان يكون الشحن اقل

لكن اللحين مادري وش اسوي معهم .. ارسلت لهم الفاوتير وكل شي

كل يومين اتصل .. وماصار شي بالموضوع

اللحين الحل معاهم ابي فلوسي .. واضح انها مسروقه من عندهم لانها ادخلت البوكس .. وسجلوا دخلوها ..

يعني من حقي يعطوني فلوسي

ابي مشورتكم ياخواني

أبداع


شوفي التلفون ماينفع
طرشي إيميل من موقعهم لانهم
مايقدرون يتجاهلونها لان فيه مسؤلين يراقبونهم من الشركه الام في حسابك
الكتروني عندهم خانه للشكاوي وحطي فيه المعلومات مثل السعر والفواتير وهم واذكري فيه انك اشتكيتي من شهر بس لين الحين ما أخذوا اجراء
الله يوفقك

[الفا برافو]

اسعار ارامكس الارخص بين شركات النقل السريع المشابهه وللاسف هذا الرخص اثر في نوعية الخدمه اللي يقدمونها

المؤسسه اللي اعمل فيها الغت عقد الشحن معاهم للوارد والصادر بسبب سؤ خدمتهم وتعاقدنا مع شركه نقل سربع اخرى ...
في النهايه التعويض راح يكون على اساس الوزن وليس السعر الا اذا انتي مأمنه على الشحنه عندهم بسعر الشراء .
انشالله تستلمين شحنتج و الله يعوضج خير فيها اذا ضاعت .

[وطن]

اختي حصل معاي نفس الموضوع
في رمضان

لكن انا عندي التراكينغ نمبر من الشركة اللي بعثوا لي الاغراض
وعندهم مبين انهم استلموا الشحنه

خذوا كم اسبوع على ما تواصلوا مع مكتبهم في امريكا
وبعدها عوضوني بنفس مبلغ الشحنه

وقالوا انها ضاعت عندهم مو قادرين يلاقونها

[halcrow]

الي فهمته ان تفاهمك كان معاهم بالتلفون. انصحج اتروحين لهم وتشرحين لهم الوضع افضل ومعاج اي شي يثبت *

[ahmed1111]

انابعد ضيعوا لي شحنه بس والله متابعهم

ياربع عندكم شركه تسوي نفس شغل ارامكس؟؟؟

[راقي]

روووووحي لهمم واغسلي شراعهم لانه انا واجد يتاخرون علي بعد !!! يعني الغرض يتم عندهم اسبوعين !!!!!!

[الخيالة]

بس عادي أنا كم مرة ضاعوا اغراضي ودفعوا بداله لان غلطتهم مب غلطتي

[Hamada-Sama]

الشيخه مافي إلا إنتي بنفسج تتصلين حق أراميكس اللي في بريطانيا ( المكتب الرئيسي ) وموجود رقمهم في الموقع ... وإذا يبون دليل طرشي لهم بالإميل الصورة اللي حاطتها في بداية الموضوع

وإن شاالله حقج بيرجع لج :)

[koketa]

احيانا تروح الاغراض عنوان ثاني بالغلط

انت عطيتيهم التراكنج نمبر الاصلي للشحنه ؟

[غايه الطواش]

أنا كذا مره اطلب سبراي جسم وكريمات سائله وتوصل واستغرب صراحه لانها ممنوعه من ضمن الشروط
ومره طلبت ادويه المره الاولى وصلت والمره الثانيه لا
ماعرفنا حق شروطهم صراحه

[الاستراتيجي]

مرحبى اخوي

حاول تدخل على المكان اللي شريت منه وتحصل التراك نمبر وتبعثه لشركة ارامكس الام

في قطر يوجد منافس لشركة ارامكس وهو واشنطن موفي واعتقد ان سعرة اقل وتقدر تاخذ رقمهم من الاستعلامات

[نتفـه]

كم مره اطلب عن طريجهم الاغراض تطلع مكسوره واللي فيها سايح للاسف ..

[القطري554]

اخوي الخطء فى عنوانك الشحنة وصلت أرمكس برطانية بس مجهولة الهوية

مثل ما أشوف عنوانك الموضوح عنوان أرمكس برطانية لازم يتضمن رقم

الصندوق فى قطر اقصد بالرقم الي يوم تروح أرمكس تذكرة

في رقم صندوق أمريكا

ورقم صندوق برطانية

المفروض يكون واضح بالعنوان صارت معاى وراحت علي الشحنة

[الجوكر90]

الشيخه لا تتصلين ولا شي
روحي حق المدير وقولي له انا مابي الفلوس
ابي الضعف لانكم ضيعتوا اغراضي وانا محتاجتهم وماراح احصل نفسهم
وضغيتوا وقتي واذا ماعطيتوني بشتكي عليكم فالعاصمه
وصدقيني راح يعطونج ع طول

وبالتوفيق ان شاء الله

[clouds]

روحي لهم وقولي لهم وين الاثبات اني استلمت الشحنه؟؟حبيبتي لما تستلمين الشحنه لازم يخلونج توقعين ولازم صوره من بطاقتج الشخصيه فشوفي من ا للي استلمها ومن اللي وقع وبهذا تضمنين حقج لان ارامكس مايسلمون اي حد اي اغراض الا لما يوقع ويصورون بطاقته الشخصيه
واذا مانفع ولو ان ماظن كلمي حمايه المستهلك
وعندج بعد اخر شي تسوينه انج تراسلين الشخص اللي شريتي منه الاغراض وتقولين له انج ماستلمتي اغراضج ويظلب اعاده الاغراض من شركه الشحن او يبعثون لج صوره الورقه اللي فيها انهم سلمو الاغراض للشخص الفلاني وتوقعيه عشان يكون عندج اثبات على ارامكس ان وصلهم في بريطانيا

[صوت الضمير]

مشكورين اخواني على الرود

انا متاكده انها وصلت لهم والدليل انهم حطوا لها رقم عشان استلمها من عندهم وموجود بالرقم كل تفاصيل الشحنه من اسم وكم وزنها ورقم تتبع الشحنه..

لكن هم ضيعوا ببريطانيا والدليل واضح لانه لوجات قطر او استلمت بكون موقعه وراح يوكد ذلك بالموقع نفسه
لكن مافي اي تفاصيل

انا بروح لهم الاحد بكل الادله وبقولهم ابي فلوسي كاش صار لي شهر ونص انتظر وهم يماطلون

لاني كل هذا واتصالات معاهم احسب انهم مظبوطين

لكن مانفع معاهم التلفون...

شكرا شكرا جزيلا على تفاعلكم

واللي عنده شركه شحن موثوق منها لايبخل علينا .. لانه حان وقت التغير :)

أبداع

[بوسلمان 2010]

وكلها هنود وفلبنين اذا بغيت اتكلم واحد يتكلم عربي كانك تطلب المستحيل منهم الله المستعان

[جراسا]

انا اتعامل مع ارامكس من سنة....و بحكم عملي بالتجارة اطلب شحنات توصل مرات لحد 70 الف ريال...و الحمدلله ما عمرها ضاعت...لكن يصير مرات تأخير لتخليص البضاعة من المنطقة الحرة في البلد المصدر...او تخليصها من الجمارك القطرية..و هذا شيء طبيعي...و في عندهم موظفين عرب لبنانيين و اردنيين..حتى الكول سنتر عندهم ...كل الموظفين عندهم اردنيين

[ريتويت]

الله المستعان

[Dawn]

انا اتعامل مع ارامكس من سنة....و بحكم عملي بالتجارة اطلب شحنات توصل مرات لحد 70 الف ريال...و الحمدلله ما عمرها ضاعت...لكن يصير مرات تأخير لتخليص البضاعة من المنطقة الحرة في البلد المصدر...او تخليصها من الجمارك القطرية..و هذا شيء طبيعي...و في عندهم موظفين عرب لبنانيين و اردنيين..حتى الكول سنتر عندهم ...كل الموظفين عندهم اردنيين


انا اتعامل معاهم من 2004 ... لكن خدمتهم صارت سيئه جدا جدا جدا مقارنة بالسنوات السابقه ..

يمكن لان عدد العملاء زاد وصاروا ناس وايد عندهم اشتراكات في ارامكس .. وصاروا ما يلحقون على فرز الشحنات وتصير اخطاء ..

لكن اللي صج صج ارفع لهم القبعه هم ( هل قطر ) Q.post والنعم فيهم وبخدمتهم ..
واحسن شي انهم قطريين مب خساره فيهم لو ادفع دبل السعر .. هذيلا اللي عمرهم ما ضيعوا لي شي .. وخدمتهم قمه وتعاملهم كله ذوق وادب .. وعندهم توصيل للبيت بعد ...

وانا تاجره مثلك وبضاعتي ما افضل انها اتجي الا عن طريق بريدنا الوطني سواء الممتاز او العادي ... :victory: وبضاعتي بعضها يوصل بقيمة فوق الثمانين ألف .. ما احاتيها ابدا مع بريدنا لانه الناس هناك شايفين خير .. وفيهم حرص ما شا الله .. اما لو عن طريق ارامكس بقعد حاطه يدي على قلبي لين توصلني الاغراض واستلمها ..

وصايره ما اتعامل مع ارامكس الا للشديد الأوي _ موقع أمازون _ لانه ما يوصل دايركت على قطر للأسف .. ليش اربح اردنيين وانا عندي شركه بريد وطنيه خدمتها من اروع ما يكون ؟

[جراسا]

انا اتعامل معاهم من 2004 ... لكن خدمتهم صارت سيئه جدا جدا جدا مقارنة بالسنوات السابقه ..

يمكن لان عدد العملاء زاد وصاروا ناس وايد عندهم اشتراكات في ارامكس .. وصاروا ما يلحقون على فرز الشحنات وتصير اخطاء ..

لكن اللي صج صج ارفع لهم القبعه هم ( هل قطر ) q.post والنعم فيهم وبخدمتهم ..
واحسن شي انهم قطريين مب خساره فيهم لو ادفع دبل السعر .. هذيلا اللي عمرهم ما ضيعوا لي شي .. وخدمتهم قمه وتعاملهم كله ذوق وادب .. وعندهم توصيل للبيت بعد ...

وانا تاجره مثلك وبضاعتي ما افضل انها اتجي الا عن طريق بريدنا الوطني سواء الممتاز او العادي ... :victory: وبضاعتي بعضها يوصل بقيمة فوق الثمانين ألف .. ما احاتيها ابدا مع بريدنا لانه الناس هناك شايفين خير .. وفيهم حرص ما شا الله .. اما لو عن طريق ارامكس بقعد حاطه يدي على قلبي لين توصلني الاغراض واستلمها ..

وصايره ما اتعامل مع ارامكس الا للشديد الأوي _ موقع أمازون _ لانه ما يوصل دايركت على قطر للأسف .. ليش اربح اردنيين وانا عندي شركه بريد وطنيه خدمتها من اروع ما يكون ؟

تعاملي مع ارامكس كان لعدة اسباب...اولها...ان الشركة المصدرة اللي اتعامل معها..عندهم حساب مع ارامكس و يتعاملون معهم على طول...لهالسبب عملت حساب لشركتي معهم
ثانيا:امكانية تعقب او تتبع الشحنات لحين وصولها
ثالثا:هم يقوموا بتخليص البضائع من المنطقة الحرة في البلد المصدرة...و تخليصها من الجمارك القطرية ايضا(يعني اشتري راحة بالي)

رابعا:الأسعار الخاصة للشحن...لحساب الشركات المتعاملة معهم..ان كانت واردة او صاردة

[وطن]

انا اتعامل معاهم من 2004 ... لكن خدمتهم صارت سيئه جدا جدا جدا مقارنة بالسنوات السابقه ..

يمكن لان عدد العملاء زاد وصاروا ناس وايد عندهم اشتراكات في ارامكس .. وصاروا ما يلحقون على فرز الشحنات وتصير اخطاء ..

لكن اللي صج صج ارفع لهم القبعه هم ( هل قطر ) Q.post والنعم فيهم وبخدمتهم ..
واحسن شي انهم قطريين مب خساره فيهم لو ادفع دبل السعر .. هذيلا اللي عمرهم ما ضيعوا لي شي .. وخدمتهم قمه وتعاملهم كله ذوق وادب .. وعندهم توصيل للبيت بعد ...

وانا تاجره مثلك وبضاعتي ما افضل انها اتجي الا عن طريق بريدنا الوطني سواء الممتاز او العادي ... :victory: وبضاعتي بعضها يوصل بقيمة فوق الثمانين ألف .. ما احاتيها ابدا مع بريدنا لانه الناس هناك شايفين خير .. وفيهم حرص ما شا الله .. اما لو عن طريق ارامكس بقعد حاطه يدي على قلبي لين توصلني الاغراض واستلمها ..

وصايره ما اتعامل مع ارامكس الا للشديد الأوي _ موقع أمازون _ لانه ما يوصل دايركت على قطر للأسف .. ليش اربح اردنيين وانا عندي شركه بريد وطنيه خدمتها من اروع ما يكون ؟

شركة ارامكس شركة عالمية
مب اردنية الاصل

:secret:

[جراسا]

شركة ارامكس شركة عالمية
مب اردنية الاصل

:secret:

هي شركة أردنية الأصل بدأت عام 1982 في عمان كانت تعرف بالعربية الأمريكية اكسبرس

Arab American Express...من هنا جاءت تسميتها بأرامكس

ويكيبديا (http://en.wikipedia.org/wiki/Aramex)

[وطن]

هي شركة أردنية الأصل بدأت عام 1982 في عمان كانت تعرف بالعربية الأمريكية اكسبرس

Arab American Express...من هنا جاءت تسميتها بأرامكس

ويكيبديا (http://en.wikipedia.org/wiki/Aramex)

:eek5:

معلومة جديده ومنكم نستفيد

:secret: