المساعد الشخصي الرقمي

مشاهدة النسخة كاملة : يا من تطالبون التجار بعدم رفع الاسعار ...


فااارس قطر
30-09-2011, 03:34 AM
السلام عليكم ورحمه الله وبركاته ...

بادخل في الموضوع على طول وبدون مقدمات ...

في الاونه الاخيرة زاد الكلام وكثر عن زيادة ورفع الاسعار من قبل المحلات والتجار ، والكل قام يهاجمهم وطلب المقاطعه ، وانتشرت بالبلاك بيري اسماء بعض المحلات لمقاطعتها ، وهذا بحد ذاته شيء ايجابي واتمنى ان يستمر ، ولكن !!!

للاسف الشديد كثير ممن طالبو بمقاطعه هولاء التجار هم انفسهم من زادو بالاسعار !!!

واقصد هنا اصحاب الارقام المميزة سواء كانت ارقام السيارات او الارقام الخاصه بالجوال ، فانا متابع اسعار ارقام السيارات خاصه في الاونه الاخيرة ، ولاحظت ان الارقام ارتفعت وبشكل كبير من قبل الاشخاص الذين يعرضونها من خلال الجرائد والمنتديات ومنها منتدى الاسهم القطريه ، وهم انفسهم من طالب بمقاطعه هؤلاء التجار !!!

اليس ذلك بشيء غريب !!! حرام على التجار وحلال عليكم !!!
رسالة موجهة لهم من خلال المنتدى ...

ارجو من الاخوة اصحاب الارقام المميزة ( سيارات وجوالات ) عدم الجشع والطمع ورفع الاسعار والمبالغه فيها ... والا سيتم ادراج اسماؤهم بالقائمه السوداء للمقاطعه مثل ماتم مع الكثير من المحلات ... لانها بصراحه ارتفعت ارتفاع كبير ...

تحيااااااتي ....
Dawn
30-09-2011, 03:50 AM
اقترح عليك تراسل اي واحد فيهم عالخاص وشوف تبريره لرفع السعر .. على اساس ينتبهون انه فيه حد ملاحظ اسعارهم قبل وبعد الزيادة
WARNING
30-09-2011, 03:52 AM
هههههه
شر البليه مايضحك
اخوي انت فاهم موضوع الزياده غلط

رفع اسعار التجار شي
والارقام شي ثاني
فااارس قطر
30-09-2011, 05:08 AM
هههههه
شر البليه مايضحك
اخوي انت فاهم موضوع الزياده غلط

رفع اسعار التجار شي
والارقام شي ثاني





ممكن تقول لي شالفرق !!! ؟

التجارة فيها بائع ومشتري ، وبيع الارقام ايضا فيها بائع ومشتري ....

وفي النهايه السالفه فيها رفع اسعار ، والسبب زيادة الرواتب ، ولولا زيادة الرواتب لما ارتفعت اسعار الارقام ...

وممكن اعرف شالمضحك في الموضوع عشان نضحك معاك ....

شكلك خايف تنحط في اللسته ...
غير البشر
30-09-2011, 05:14 AM
اخوي مب مشكله خلهم يرفعون الارقام 500% مش شي ضروري
لما تنزل اسعارها ان شاء الله اخذ لك منها قد ماتبغي

الجماعه يتكلمون عن المواد الاستهلاكيه الرئيسيه واهمها اكل المطاعم والصالونات :tease: هههههههههه
&من ذهب&
30-09-2011, 05:23 AM
صراحه موضوعك فكاهي شلون راح تقاطع هل الارقام ؟؟؟؟
airbus
30-09-2011, 05:27 AM
سؤال شنوا عضويتك الاصلية حتى نعرف مع من نتكلم !
منابر خالده
30-09-2011, 06:01 AM
من يشتري رقم هالأيام
الرقم غير ضروري واعتقد صارت موضه قديمه وولت
جرح الزمان
30-09-2011, 07:33 AM
ضحكتني على هالصبح

هههههههههههههههه
عليه العوض
30-09-2011, 08:06 AM
الاسعار ارتفعة رضينا ام ابينا توي امس كنت اتسوق في احد المجمعات التجاريه لاحظة ان الكثير
من ا لمواد الاستهلا كيه ارتعفة والا رتفاع جاي جاي بشكل مبرمج وبدون حد يحس فيه
jeep-srt8
30-09-2011, 08:26 AM
نقاطع الارقام ؟؟؟؟؟؟هههههههههههههههههههههههههههههههههه

الي يبي الارقام يبي كشخ خليه يخسر فلوسه علشان يحس انه يكشخ علشان الناس !!!!

ارفعووووووووووو الاسعاااااااااااااااااار

عندي ارقام كهربا وماي للتبرع
سما الوطن
30-09-2011, 09:30 AM
معاك حق اخي
الموضوع واضح وغير مقبول

ام يطالب ويحارب من يرفع الاسعار ثم هو يرفع الاسعار لا لشي بل فقط علشان الزيادات

وما ادري ليش بعض الاعضاء يهاجموك بصراحه

اظن من يفعل ذلك يجب ان يكون براس قائمه التقاطع


اما من قال وبرر ان هذه السلع غير ضروريه فهي فعلا غير ضروريه ولكن هذا لا يبرر الاستغلال بها

اما من تسائل عن كيف ستقاطعونها ...ما ادري ايش يقصدون واضحه بعد كل واحد يحب ان يشتري رقم مميز يتوقف عن شراء الارقام المميزه


على فكره لست متابعه لهذا النوع من البيع ولا ادري ام ارتفعت او لا .... بس ان كان صارت فهي غير مقبوله على الاطلاق
منابر خالده
30-09-2011, 10:31 AM
الاسعار ارتفعة رضينا ام ابينا توي امس كنت اتسوق في احد المجمعات التجاريه لاحظة ان الكثير
من ا لمواد الاستهلا كيه ارتعفة والا رتفاع جاي جاي بشكل مبرمج وبدون حد يحس فيه

وايش دورك حيال هذا الموضوع لاتقول لي مالي حيله ومضطر بالعكس
khaldoon
30-09-2011, 01:57 PM
اتفق تماما معاك و انا اتوسم فيك الصدق ان شاء الله و احييك على الملاحظة الدقيقة