مطعم مرمرة إسطنبول يستنجد بالصحف بعد المقاطعة صورة

[jinfo]

السلام عليكم ورحمة الله وبركاتة

وصلتني عبر البلاك بيري صورة ملتقطة لإعلان تم نشرة في جريدة أمس .. مش عارف أي جريدة

مرمرة إسطنبول يستنجد بالصحف بعد حملة المقاطعة
http://www.wata.cc/up/2011/8/images/w-85155248e8.jpg

السؤال هنا .. هل مرمرة إسطنبول صادق في كلامة ؟


--- المستفاد --- :victory:

1- غلاء الأسعار و إنخفاضة بيد المستهلك , أنتم من تتحكمون في السوق و الأسعار .

2-المقاطعة سلاح فتاك ضد الجشع ,, وحل سريع و بسيط

[قطري طموح]

,والله الذي الا اله الاهو اني الا اعراف المالك لمطاعم مرمرة اسطنمبول ولا اعرف الادراة القائمه عليه . ولكن اعرف ان الاسعار لم تتغير قبل او بعد زيادة الرواتب ، والله على ماقول شهيد .

[jinfo]

,والله الذي الا اله الاهو اني الا اعراف المالك لمطاعم مرمرة اسطنمبول ولا اعرف الادراة القائمه عليه . ولكن اعرف ان الاسعار لم تتغير قبل او بعد زيادة الرواتب ، والله على ماقول شهيد .

شكراً على المرور ,, و أتمنى أشوف مشاركات أكثر ..

شخصياً لا أعرف أسعار المطعم .. ولكني سمعت في المنتدى بأنه رفع أسعارة.. و كانت هناك مطالبات من أعضاء بمقاطعته ..

لكن ما لفت انتباهي في الموضوع بأن المقاطعة سلاح قوي و مفيد ..

ولكن أرجو من الجميع عدم أستخدامة في ما لا يرضي الله عز وجل ..

[heavy duty q]

كل محلات الشاورما تبيع الشلورما على 6 او اقل اشمعنى هم يبيع الشاورما ب 7 على راسه ريشه

[عيون الدوحة]

بعد المقاطعة شورمته مازالت ب ٧ ريال
نطالب برجوع اسعار ٥ ريال للشورما

[Store]

5 ريالات هو السعر المعقول

[ابوعلي]

سعر ٧ ريال للشوارما وايد والمفترض ٥ واقل


بالرغم ان شاك في سالفة اعتذاره

[حرقطر]

انا من مرتادين المطعم

المطعم كااااااااااان يبيع الشاورما على 3 ريال اول مافتح وقام يرفع السعر تدريجي لحد ماوصل 7 ريال

[بوحارب]

على شنو الشوارما ب 7 ريال !!!!

[مستر بن]

والله انا ما اسوي دعااية ولا شيء ,,


الدجاج الحار ب 4 ريال الشوارما ’ ’

افران لبنان اللي بعد عالم الاغذية ,, وقبل كوالتي ,, ب 5 ريال ومالهاا حل ’

[مستر بن]

على شنو الشوارما ب 7 ريال !!!!

:secret::secret:شنسوي ’ :shy:

[قطر77]

انا امس بعد ما شفت الاعلان مريت على مرمرة اسطنول وماغير شي في اسعاره قلت له بكم الشوارما قال ب ٧ خليته وحركت خلوه لين ما ينزل سعره هو من البدايه ما قدر عملائه ليش نقدره خله يعرف ان احنا نقدر ننزل الاسعار بيدنا

[دااانة قطر]

طيب في سندويشااات بسعر اعلى في مندرين وصبااح ومسااا وووووووو
ليش مااسكين على مرمرة اسطنبول؟؟

[مـراحـب]

ووعليه عليه

هههههههههههه

صج صج أنه خسر زبااينه

[مـراحـب]

طيب في سندويشااات بسعر اعلى في مندرين وصبااح ومسااا وووووووو
ليش مااسكين على مرمرة اسطنبول؟؟

لأنه محبوب الجمهور

[STAR]

اذا هدفهم مثل ماقالوا في اعلانهم هو ارضاء العميل

فخل يعرفون ان اسعارهم ماترضينا...

5‏ ريالات لشوارما وتخب عليهم

[<اضرب واشرد>]

أعتقد شورمته حجمها كبير شوي

لو بداله بصغر حجمها وبرجعها 6 ريال

ولا من شاف ولا من دري

وبلا وجع راس مع الناس

[khaldoon]

الشاورما من زمان عنده ب 7 ريالات

مطعم ديوانية البخاري اللي بالسيتي سنتر الشاورما كنت اشتريها ب 8 ريالات من سنة و الحين ما اعرف لو ما زال السعر و الا زاد

[jeep-srt8]

الشاورما الصغير ب 7 ريال الي ماجربها يجربها بعدين يعطيها 4 ريال كثير عليها

شورما سوق العلي الهندي الوحده 5 والاثنين ب 10 تسوي 3 من مرمرة كبيرة وتششششششششبع هههههههههه

[يراعٌ فراتي]

يمكن شاورما نعام مب دجاج؟؟

[عاشق الشهادة]

والله انا ما اسوي دعااية ولا شيء ,,


الدجاج الحار ب 4 ريال الشوارما ’ ’

افران لبنان اللي بعد عالم الاغذية ,, وقبل كوالتي ,, ب 5 ريال ومالهاا حل ’




صحيح كلامك اخوي بس الي ماياكل الا شورما لحم وين يضرب راسه :rolleyes2:

[عاشق الشهادة]

الي يبي ياكل شورما صح عليه بمطعم الخيمه :nice:

[La Bella]

طيب في سندويشااات بسعر اعلى في مندرين وصبااح ومسااا وووووووو
ليش مااسكين على مرمرة اسطنبول؟؟

لان 90% من الشعب ياكل من مرمرة اسطنبول
ومحد ياخذ سندويشات من صباح ومساء ومندرين الا قليل

[admin qatar]

5 ريال هو الافضل

[rawda]

مطعم عوار البطن

[ابوعلي]

كل محلات الشاورما تبيع الشلورما على 6 او اقل اشمعنى هم يبيع الشاورما ب 7 على راسه ريشه

الدجاج الحار يبيعون بسعر 4 ريال ودايما اخذ منهم وخوش شوارما

المسئلة مش دعاية ولكن السعر ثابت

[انتثر لك عطر]

شنو شاورما 7 ريال احلا شاورما فالسعودية على 3 ريال واجد على الشاورما من 4 لين 5 ريال ولا تجلس عندهم بيض وطماط وتوست بالبيت يمدحونه

[سر الرمز]

شنو شاورما 7 ريال احلا شاورما فالسعودية على 3 ريال واجد على الشاورما من 4 لين 5 ريال ولا تجلس عندهم بيض وطماط وتوست بالبيت يمدحونه

سعر الإيجار يختلف في قطر عن السعودية سواء ايجار المحل أو السكن الخاص بعمال المطعم أو ستورات التخزين لديهم أو حتى المواد الغذائية المستخدمة في المطعم أو المحروقات المستخدمة للطهي أو لسيارات المطعم كل شيء عندنا مضاعف.

[khaleeji]

,والله الذي الا اله الاهو اني الا اعراف المالك لمطاعم مرمرة اسطنمبول ولا اعرف الادراة القائمه عليه . ولكن اعرف ان الاسعار لم تتغير قبل او بعد زيادة الرواتب ، والله على ماقول شهيد .

ان شاء الله انك صادق ولكن بصفتي جار مرمره اسطنبول

هو زاد اسعاره من حوالي 2-3 شهور يعني سبق الزياده ولكن اذا هو مهتم بزباينه خل ينزل الاسعار
بدل هلاعلانات الي في الجرايد

[مكنتوش]

قبل الزيادة كنت اخذه 6 ريال

[مرتبش]

الصراحة
ماينعرف شنو اللي صار

انا واحد ما اذكر اني كلت من مرمرة اسنطبول..فما ادري عن الاسعار خير شر..لكن اكثر من مشارك قال انها نفس الاسعار وغيرهم قالو الاسعار زادت..

بينما المحلات الاخرى اللي وردت اسمائهم في اللستة (المختفية واللي مب قادر اطلعها) ماشوف حد منتبه لهم ولاهم معبرين حد..

كأنها سالفة تحدي مع هالمطعم والباقي مافي مشكلة يسوون اللي يبونه

[مكنتوش]

قبل الزيادة كنت اخذه 6 ريال

[اشراقة الشمس]

أنا شريت سندويشة شاورما صغيرة من مسكر هايبرماركت ب 4 ريال

[CH Engineer]

مرمره اسطنبول وصالون ليالي هم السباقين في الزياده
اتمنى الاستمرار لين يفلس المطعم او ينزل سعر الشورما ل5 ريال وينزل اسعار الوجبات

وبعدها نشتغل على الباقي واحد واحد ونبدا بشركة تيوتا

[khaldoon]

قبل الزيادة كنت اخذه 6 ريال

انا يا اخوي العزيز مكنتوش...كنت اخذها ب 7 ريال قبل الزيادة وكنت ساكن جنبهم....عندك واسطه و الا مخوفهم؟؟....علمني الطريقه

[سما الوطن]

كأني ارى من الاخوه هنا يريدون أن يجعلوا سعر الشاورما كما يريدون
اللي يقول ابيه 5 ريال
واللي 3 ريال!!!
ما رايكم نطلب ان يكون بريال؟؟؟

ليس هذا غير المقاطعه
وليس من حقنا تحديد السعر الذي نريد او نهاجم محل ونضع السعر الذي نريد


المقاطعه قامت على اي محل زاد سعره بعد الزياده
استغل الزياده ورفع سعره

و من يقول ان اسعاره اي محل زادت ..نحسبه يقصد ذلك
وتلك امانه عليه
موب يشوفه زاده من 5 شهور ويحطه لنا

اشوف غرض المقاطعه اختلف!!!!!!!
وهذا لا يجوز

[sendarala]

هو يقول من شهر مايو ( 5 ) ما رفع الاسعار

اذا كان قبل رمضان وبرمضان نطلب الشاورما من عنده ( 6 ريال ) وبعد الزيادة صارت بـ( 7 ريال )


اكثر المطاعم يقولون من شهر ( 5 ) هم رافعين الاسعار وهذا كله كذب ( مثل المجلس )


الله المستعان عليهم

[منابر خالده]

وقد قال احدهم :rolleyes2:


كأني ارى من الاخوه هنا يريدون أن يجعلوا سعر الشاورما كما يريدون
اللي يقول ابيه 5 ريال
واللي 3 ريال!!!
ما رايكم نطلب ان يكون بريال؟؟؟

ليس هذا غير المقاطعه
وليس من حقنا تحديد السعر الذي نريد او نهاجم محل ونضع السعر الذي نريد


المقاطعه قامت على اي محل زاد سعره بعد الزياده
استغل الزياده ورفع سعره

و من يقول ان اسعاره اي محل زادت ..نحسبه يقصد ذلك
وتلك امانه عليه
موب يشوفه زاده من 5 شهور ويحطه لنا

اشوف غرض المقاطعه اختلف!!!!!!!
وهذا لا يجوز

[منابر خالده]

والله ياخوي شكلك متعاطف مع التجار مادري اذا انت منهم او لا بس حط في بالك هم مابيتعاطفون معاك ولا مع اي قطري او مقيم في قطر

واذا انت تقول غلط نطالب بتعديل السعر ومايجوز
فاحنا نقول لك رفع الاسعار بلا مبرر وبهالطريقه وقاحه
وعدم احترام للمستهلك القطري او المقيم*

[khaleeji]

يا يثبت لنا باوراق رسمية يعلنها ان من الشهر الي زاد فيه الاسعار تغير عليه الايجار او اي سبب آخر منطقي

او يبشر بالفلس

[mE mYself & i]

هو يقول من شهر مايو ( 5 ) ما رفع الاسعار

اذا كان قبل رمضان وبرمضان نطلب الشاورما من عنده ( 6 ريال ) وبعد الزيادة صارت بـ( 7 ريال )


اكثر المطاعم يقولون من شهر ( 5 ) هم رافعين الاسعار وهذا كله كذب ( مثل المجلس )


الله المستعان عليهم

صحيح كلامك أنا قبل رمضان كنت دايم آخذ من مرمرة الي في النصر ب 6 ريال ومتأكد لاني بعد الزياده مريت وقالي ب 7 !!

وبعدين ملاحظ شي اشمعنى المطاعم كلهم يقولون ان زادوا اسعارهم من شهر 5 ؟؟؟

ةابصراحه ما قمت اخذ منه الله يرحم الشاورما كانت ب 3 والدجاج ب 4

[مساهم أول]

مرمره اسطنبول وصالون ليالي هم السباقين في الزياده
اتمنى الاستمرار لين يفلس المطعم او ينزل سعر الشورما ل5 ريال وينزل اسعار الوجبات

وبعدها نشتغل على الباقي واحد واحد ونبدا بشركة تيوتا

:victory::victory::victory:

[qatari1]

الشاورما الصغير ب 7 ريال الي ماجربها يجربها بعدين يعطيها 4 ريال كثير عليها

شورما سوق العلي الهندي الوحده 5 والاثنين ب 10 تسوي 3 من مرمرة كبيرة وتششششششششبع هههههههههه

والله كلامك صحيح..واسمه كافتيريا العروبة.

وجاره هلا اسطنبول يبيعه بـ 6 ريال!

[qatari1]

خل يورينا ورقة تثبيت السعر في حماية المستهلك علشان نصدق.

البدائل كثيرة كما ذكر الأخوان.

[سبحان الله.]

يمدحون اكل البيت

[رجل شرقي]

السعر كان ٦ ريال في رمضان من مرمره اسطنبول فرع العزيزية الحين ٧ ريال

عليكم بالمقاطعه تراها هي السلاح الفعال .

[قطر77]

تخيلو اليوم الي اعلن فيه في الجريد و وصف المقاطعه بالهجوم على المطعم انا مريت وقلت اكيد بنزل سالت بكم الشورما قال ب٧ حركت وخليته خلوه احسن

[Juve]

المقاطعة هي الحل مثل ما تفضلوا الجماعة

[بوعلي-Qtr]

الشوارما كانت ب 6 في رمضان
شلون مزود اسعاره من شهر 5
ترى العالم يعرفون يميزون ويفكرون

[naklan]

المفروض مقاطعة لمدة سنه لكل المطاعم الي اسعارهم غالية للتاديب
حتى ترجع اسعارهم وتكون طبيعية يعني فلافل اكثر من 3 ريالات ما يستاهل لا تشترونه
شاورمه 4 للحم و3 للدجاج وواجد عليه قاطعو كل شي غالي يرجع ويرخص
المفروض تسوون بانفسكم رقابه ذاتيه لكل شي وتقاطعون الغالي
والا في المستقبل بيوصلون لكم سعر السندويش 20 ريال :(

[البحار00]

يا جماعه أنا مأخذ من عنده شاورما دجاج في اخر شهر رمضان

كان السندويش الواحد ب ٧ ريال

من فرع فريج كليب

[khaldoon]

يا جماعه أنا مأخذ من عنده شاورما دجاج في اخر شهر رمضان

كان السندويش الواحد ب ٧ ريال

من فرع فريج كليب

الله ينور عليك...اتفق تماما معاك...هذا اللي انا اقوله بس الكل يقول ب 6 ريال لدرجة اني صرت اشك في نفسي

[الحال مايساعد]

إللي مايجوز انه الواحد يذكر مطعم زايد الأسعار من قبل وانا أأيد رأيك
لكن
شالمشكلة لو نقاطع المطعم إلين ينزل سعره لين 5 ريال!!!
خل المقاطعة تاخذ مسار ثاني ، يعني أفهم من كلامك انه الحين مانبيهم يستغلونا لكن أول ماعليه خلهم مساكين؟؟

[البدع]

غير صحيح انه رفع اسعاره بعد زيادة الرواتب

غير صحيح

ولكن الصحيح .. ان مرمرة اسطنبول مصخها

شاورما دجاج ب 7 ريال

اروح اشتري دجاجة كاملة افضل لي

المقاطعة ممتازة واذا مارخص سعره لا احد يروح له

[ضوى]

عاد تصدقون ؟؟ ماقد مرة اكلت شاورما مرمرة اسطنبول

[مـراحـب]

الحين جات عليه هو بس

قاطعوااا الكل

[سما الوطن]

الحين ضعنا

زاد او ما زاد ؟؟

لو زاد نقاطع ..لانه ما عنده سبب غير الاستغلال

اما عن ما زاد ...فلن اقاطع ....لان ايش يفرق عن غيره ..ليه اقاطعه هو ولا اقاطع غيره ؟؟ هذا ظلم له

[قطري !]

اصلا دجاجه كامله سعرها من 7 الى 10 ريال




شلون يبيع هو ب 7 ريال ؟؟؟؟؟؟ المفروض سعر الشاورما مايتعدي 4 ريال



بعدين انا يمكن في الشهر مره اكل في المطعم



واشوف اغلب الاعضاء ماشالله ياكلون في المطاعم بكثره

[q6ri_vip]

عاد تصدقون ؟؟ ماقد مرة اكلت شاورما مرمرة اسطنبول

ولاتجربينها نصيحه

جربي شورما سوق العلي الهندي مب التركي اهم جنب بعض

[poor]

طيب في سندويشااات بسعر اعلى في مندرين وصبااح ومسااا وووووووو
ليش مااسكين على مرمرة اسطنبول؟؟

اختي دانه لو نجحت المقاطعه في مرمره اسطنبول صدقيني هالمطاعم او غيرها من المحلات بتاخذ درس من مرمره اسطنبول ..

من حق اي شخص يسأل يقول ليش بالذات هالمطعم .. للأسف هو اول مطعم تم الاعلان عنه وبغض النظر لو كان له منافس فالسوق او كانت بدايتها مهاجمه احنا كمستهلكين مايهمنا اسم المطعم او المحل .. ولكن بمشيئه الله سوف تكون المقاطعه ساريه المفعول والايام بتكشف لنا ثمرة هذه المقاطعه سواء مرمره او غير مرمره ...

وصدقوني التجار راح يتكاتفون ضد المستهلك ولا فيه اي تاجر يرضى ان محل يتسكر بسبب المقاطعه لأن الدور بيكون عليه ..

تذكرني المقاطعه بثورة تونس ..

سقطت تونس ثم مصر ثم ليبيا .. والايام بتسقط المتسلطين .. وكل دولة تدافع عن جارتها خوف من السقوط ..
وان شاء الله اول مطعم مرمره اسطنبول ثم زمره التجار المستهترين بالمستهلك

[MAZEN37]

امس رحت المطعم والاقبال عليه اكثر من اول جنه العيد وسئلت العامل قالي ندري انه علينا بلبله لكن حالنا ماشي اكثر من قبل والحمدلله وقالي صكونا مخالفه ١٥٠٠ ريال مخالفة انتهاء ٥قواطي كولا وسلامتك يوم الاربعاء

[airbus]

امس رحت المطعم والاقبال عليه اكثر من اول جنه العيد وسئلت العامل قالي ندري انه علينا بلبله لكن حالنا ماشي اكثر من قبل والحمدلله وقالي صكونا مخالفه ١٥٠٠ ريال مخالفة انتهاء ٥قواطي كولا وسلامتك يوم الاربعاء

متل ماتوقعت ادا ماصار مقاطعة الصحيحة بتنقلب السالفة و بيزيد عدد زبائنه لان مسوين دعاية بالمجان

[fahad123]

احلى ششي انكم تاكلون ف بيوتكم

لآن حتى الخدم رفعو الاسعار هههههههههه

وش الفايده تعطي الخدامه 900 ريال وانت تاكل برااا البيت ؟؟!


خلوووووووووها تخيسسسسسسسسسسسسسسسس ع قولة اهل السعوديه يوم رفعو اسعار السيارات
سوو حملة اسمها ((خلوها تصدي))

ونزلوها غصب عنهم وعن جشعهم هـ التجااار اللي مايخافون الله


واللي يقهررر زياده ان اغلب التجاااااار اللي رفعو الاسعار هم تجااااار اجانب




استمروووو تكفوون ف المقاطعه وخلونا نوحد الشعار بأسم موحد ونسسوي اعلانات مثل ما سوو الاخوان مطعم مرمرة اسطنبول << الله يديم النعمه


والله لو تشوفون شلون يسون الشاورماااااااااااا والله ماعاد تاكلونها


مهما كانت المطاعم ومن فخامتها ومن ومن ومن ..الخ

ماراح تحصل انضف واحلى واطعم من اكل البيت

((امراض الاكل من المطاعم ـ اهمها الجرثومه و القولون والكلسترول والضغط)) << ترا كلها من اكل المطاعم


وماعليكم من باقين الاعضاء اللي يقولون حرام ومادري شنو


شمعنا اول مافتحو المطعم كان الشاورما ب 3 ريال << والحين ب 7

ولآ يعترف يقول من بداية 2011 مارفعنا الاسعار << يعني قبل ترفع على كيفك وتنزل على كيفك

خلهاااااااااااااااا تخييييييييييسسسسسسسسسسسسسسسس

لين احنا اللي نحدد لك السعر :)

[عيد823]

يمدحون الخبز مع الروب (:

[clouds]

الحمدلله ماحب الشورما كلش ولااكلها اصلا ريحتها تخليني استفرغ استغفر الله مادري شلون تاكلونها وكلها ثوم وريحتها قويه على قوله الوالده كل مازاد الثوم كل ماكانت خامره عندهم ويغطونها بريحه الثوم!!
عموما استغربت من سعرها حسيته وايد على خبزه وفيها شووووي دجاج وثوم!!

[aspirin]

شمعنا اول مافتحو المطعم كان الشاورما ب 3 ريال << والحين ب 7





يوم كان السندويش با3 ريالات كان ايجار المطعم الباب الواحد مايتعدى 2000 ريال والحين شوفه اعيونك ايجار الباب الواحد مايقل عن 10 و 15 الف , ولاتنسى رواتب العمال كان ؟؟ فعل ماضي 600 ريال راتب شهر والحين مايرضى ان يقل عن 900 و الف ريال للموظف العادي ؟؟

[الايرباص320]

مايشوف شر

قال 7

لو يسويه ب ريال بعد مانبي

ههههههههه

[الدوحه 2006]

والله فيه ردود مالها داعي ولا تخاف الله

الحين نشبتوا له على ال 7 ريال وخليتوا غيره ؟؟؟ وعلى فكره من حقه يرفع سعره وينزل فيه جهه مسؤله في هالتخصص تقدرون توصلون لها ..

وثاني حاجه واحد من الشباب يحلف لي انه من زمان ومن شهر 5 وهو ياكل السندويش على 7 ريال وعلى فكره مب قطري علشان محد يالف قصه ..

والي يقول ان كان ب 3 ليش رفع لين 7 ؟؟ سبحان الله تبي يتم لك طول عمر على 3 ريال ؟ عبدالغني قبل كم سنه كان اغلى موتر عنده 160 الحين اقل موتر 200 ليش رفع سعره ؟

وانا اتوقع الي تكلموا عن هالمطعم ناس منافسين له والله اعلم


واخير

والله ان ما اعرف احد بالمطعم ولا لي علاقه باحد واتوقع انه عمري ما كليت منه ولا مره بس ان شاء الله بجربه قريب يمكن يستاهل 10 مب 7

[بوخالد911]

هلا


والله دوم اطلب منه
سواء بالعزيزية او بالسد

نفس سعره 7 ريال

ولا زوود ولا شي

[khaldoon]

بصراحه مللتونا بمطعم مرمرة اسطنبول...انا اشوف انه المقاطعة عنوانها الاوحد هو لا لمرمرة اسطنبول

خلاص ما صار عندنا شي نقاطعه الا هالمطعم؟!!!


موضوع هالمطعم اخذ اكبر من حجمه

ذكر اسمه في 20 موضوع على الاقل من يوم بدأت المقاطعه للحين و لو مب مصدقين شوفوا بنفسكم

و بالاخير اموره ماشية مثل الساعه و مب سائل عنكم

انا والله ما دشيته من قبل رمضان و بأشهر بعد علشان ما احد يفكر اني ادافع عنه

خلاص شوفولكم موضوع ثاني

[MAZEN37]

بصراحه مللتونا بمطعم مرمرة اسطنبول...انا اشوف انه المقاطعة عنوانها الاوحد هو لا لمرمرة اسطنبول

خلاص ما صار عندنا شي نقاطعه الا هالمطعم؟!!!


موضوع هالمطعم اخذ اكبر من حجمه

ذكر اسمه في 20 موضوع على الاقل من يوم بدأت المقاطعه للحين و لو مب مصدقين شوفوا بنفسكم

و بالاخير اموره ماشية مثل الساعه و مب سائل عنكم

انا والله ما دشيته من قبل رمضان و بأشهر بعد علشان ما احد يفكر اني ادافع عنه

خلاص شوفولكم موضوع ثاني
اهم شيء اعصابك يا خلدون
كله يهون
خلاص عازمك على شاورما ب 7 ريال من مرمره:funny:

[khaldoon]

اهم شيء اعصابك يا خلدون
كله يهون
خلاص عازمك على شاورما ب 7 ريال من مرمره:funny:

هههههههههههه

حياك الله يا الغالي

يا اخي انا مصر انه الشاورما سعرها 7 ريال قبل الزيادة و انا كنت اشتري منه و كصير اعضاء اكدوا هالشي فمن وين جت الزيادة؟


هالسعر من زمان اشوفه اغلى من هلا اسطنبول لانه يبيع الشاورما ب 6 ريال بس اقول معلش

صدقني اني ان شاء الله ناوي اروح عليه طالما صار في عندنا فوق ال 20 موضوع عن مرمرة اسطنبول

انا اهم شي عندي ما نزعل اخوانا الاتراك

[سما الوطن]

والله ياخوي شكلك متعاطف مع التجار مادري اذا انت منهم او لا بس حط في بالك هم مابيتعاطفون معاك ولا مع اي قطري او مقيم في قطر

واذا انت تقول غلط نطالب بتعديل السعر ومايجوز
فاحنا نقول لك رفع الاسعار بلا مبرر وبهالطريقه وقاحه
وعدم احترام للمستهلك القطري او المقيم*

والله لا لي بالتجاره ولا المطاعم
بس بعد ما احب ينضحك علي
اذا السعر عالي وتبون تقاطعونه لهاي سبب قولوها بصراحه .... ونحن نفكر نقاطع او لا ... على اساس ليس هو بس اسعاره مرتفعه ..
اما تقولون انه زاد السعر بعد زياده الرواتب وهو ما زاد بس ليقاطعونه الناس او لتنزلون السعر ...
هذا ظلم له وغش لي

الغايه لا تبرر الوسيله

على فكره ليس عندي فكره ان رفع اسعاره او لا
لانني لم اشتري من عنده من قبل
بس اشوف البعض يقسم انه ما رفع سعره
والبعض يقول رفع
والبعض يبي السندويش بالسعر اللي هو يبه

[بوفاطمه]

مساااااء اخير يااخوان.
يعطيك العافيه اخوي جينفو وبيض الله وجهك يالغالي.
صحيح في فترة كان يبيع 5ريالات،وبعدين زاد 1ريال،وبعد فترة زاد1 ريال يعني 7ريالات.
انا واحد من رواد هذا المطعم في بن عمران،يوم سوي سعر الشوارمه7ريالات قلتله ليش 7 ريالات قالي اسعار اللحم والدجاج زادو علينا.
على فكرة هو زاد من فترة مو بعد الزيادات ،والله على ما اقول شهيد
نفس ما تفضل اخوي قطري طموح.
اعتقد 5 ريالات السعر مناسب.
عليكم بالعافيه.

[eXpert*]

يا ريت المقاطعة تشمل مب بس المطاعم التي رفعت الأسعار ،، إنما حتى التي تبيع بأسعار غير عادلة .
يعني المطعم اللي أسعاره من قبل الزيادة غالية وغير مقنعه ، هذا المفروض يقاطع .

[كازانوفا]

تقريبا كذا محل يبيع الشاورما بهذا السعرررررر
والله حرام عليهم

[رجل شرقي]

ضمن السياسة الاخيره اللي لاحظتها على مطعم مرمرة اسطنبول فرع العزيزية بانه اصبح يوقف سيارات المطعم امام مواقف المطعم لايهام الناس بكثرة مرتادي المطعم ، وفي السابق وهذا الكلام انا مسؤول عنه كانت تقف سيارات المطعم وموظفيه خلف المطعم في الساحة الترابية ، اما الان اتبعوا هذه السياسة الجديدة للتشويش على القطريين المقاطعين للمطعم .

فانتبهوا لهذا الامر ،،