هل تم منع تركيب تواير البالون ام لا

[ابوالعبد]

السلام عليكم والرحمة الله وبركاتة


كيف حالكم يا اخوان عساكم طيبين حبيت استفسر ويليت ابي اجابه صحيحه وشافيه

انا توايري بالون وشبهه انتهوا تسحتوا ههههههه يعني لازم احين اغير تواير

حبيت استفسر اول شي هل تواير البالون تم منعة ام لا لانه في ناس تقول لا مامنعوه

وناس تقول امنعوه يعني احين ابي اجابه شافيه لاني بغير التواير اليوم وانا تعودت علي

تاير البالون ويليت بعد من الاخوان تقولون لي شنو احسن نوع من البالون الي ماتحس

فيه هزه ورقلة في الموتر نوع ممتاز انتظر رايكم وشكرا

[حسن]

االي اعرفه كذا نوع من التواير المغشوشه اما الاصلي مش ممنوع مثل الدانلوب والسيموتومو اليابانيه

[بورصجي_جديد]

كم. سعر تواير البالون الأصليه. وشسمهم

[بورصجي_جديد]

وشنو المحلات زينه

[الفهد1]

نصيحتي لك شيل فكرة البالون انا عن نفسي ماطيقة والسبب صار لي موقف في الطريق والله العظيم بغى ويديني وطي لاولا ارادة الله كان ماسلمت منة ومن يومها حرمت على نفسي تركيب اي نوع من البالون وهاذي نصيحتي لك وانت كيفك

[ابوالعبد]

ماقصرت الفهد بس واحد تعود على هتوااير البالون واحسن شي البالون في المطبات ممتاز

فيريت من الاخوان يعطوني نوع ممتاز ومش ممنوع عشان ناوي اركب اليوم وشكرا

[بوعلي2]

اعتقد والله اعلم ان السوق مافيه بوالين

الله المستعان

[QATAR-2006]

ركب تواير حجرية البالون معدوم فطريق سلوى وسعرها غالي اذا حصلت

[المليونير الفقير]

الغرض من منع البالون بسبب التجاري رخيص الثمن الذي ياتي حسب المقايس والمواصفات لكنه صيني والا تبقى الاصلي الذين يملكونه التجار ويتحكمون في سعره خصوصا اذا غاب البديل التجاري

[بن رومي]

افضل بالون الدنلوب من ناحية المعايير

ميزانيته ممتازه

واريف نوع من البوالين

وأخفها وزناً

بس عييييييييييييييييييييبة انه ينحل ( يتسحت ) بسرعة

وانا عن نفسي اركب السيام قبل و حجم 17 هير


بن رومي

[زئير الاسد]

والله نفس حالتي

السيام الي عندي رايح فيها واول امس مبنشر

وابغي اركب جداد ، هل هو ممنوع اولا*

[بحرقطر]

وانا نفس الشي مريت مزانية دبي اتأكد قال لي خلاص ما ابيع ولا في حد بيخالف ويبيع البالون قلت مب مشكله بجيبهم من الحسا واتصلت المرور وقلت لهم بركب من الحسا ممنوع ولا لا قال لين الحين ما نزل شي رسمي بالمنع اذا تبي تركب ركب بس اذا طلع قرارالمنع لازم تنزلهم وقال اذا تبي تتأكد كلم التحريات لاعت جبدي وانا اتصل لهم ما يردون.

[بوعلي2]

لازم ترضون بالامر الواقع وتركبون مياجر هههههههوانا معاكم شكلي خخخخخخ

[العساس]

الميجر عيبه اذا انت راعي بر

وسافرت عليه ينصلخ

السؤال وين اخطر البالون ولا الميجر؟

فكرو فيها

[بوسلمان 2010]

اظني انها انقطعت من السوق والربع يرحون الحسى يركبون بالون بوجمل وايد يمدحونه 16 و17 حجمها


وبعض الشباب يبونها من الامارات واذا عندك خدمة الوسيط البلا ك بيري تنزل سعات فيه عرض بيع البوالين


او منتدى مقانيص قطر

[FCB 123]

أنا أخوي بعد بكره بتنتهي إستمارته ومركب بالون ... خله يروح الفحص وبنشوف شلي بيقولونه له

الله المستعان إن شاءالله

[بحرقطر]

أنا أخوي بعد بكره بتنتهي إستمارته ومركب بالون ... خله يروح الفحص وبنشوف شلي بيقولونه له

الله المستعان إن شاءالله

:nice:

[بوحارب]

التركيب مب ممنووووووع يالربع خلوا عنكم التأليف