المساعد الشخصي الرقمي

مشاهدة النسخة كاملة : شركة التويوتا ورفع اسعار قطع الغيار



بوحارب
30-09-2011, 11:08 AM
السلام عليكم

بأختصار وش سالفة شركة التويوتا مع رفع الأسعار !! :(

لين متى يا عبد الغني خاف الله فينا ترانا عيالك ومانشتري الا من عندك

ولا تحدنا نخلي قطع الغيار تخيس في المخزن ونروح الحسا ودبي نشتري من هناك ترى الفرق كبير بينك وبينهم !!!!!!



امس كنت رايح القطري لقطع الغيار وشريت اغراض وتفاجأت بالأسعار
وقالي الهندي شوف هذي لسته الأسعار الجديدة من شركة التويوتا انا مالي اي شغل :(

وبالفعل اللسته كان فيها رفع غير طبيعي في الأسعار يوصل لين 30% و 40% على بعض القطع

ومتى نشوف دور حماية المستهلك مع الشركات الكبيرة عشان تكون عبرة لمن لا يعتبر :omen2:

حسبي الله ونعم الوكيل :anger1:

النهار
30-09-2011, 12:13 PM
صراحه انا صار لي اكثر من سنه ماشتري برغي لامن عبدالغني ولا من الوكلاء التابعين له
كل اغراضي من الاحساء وفي ناس تجيب لك قطع الغيار لين عندك لوماتقدر تسافر وتأخذ شي بسيط

راسي براسك
30-09-2011, 12:14 PM
خلكم على الأحساء واجد أحسن ,,

لاعبد الغني ولا غيـره !

شدعوى الزياده نبيها خير لنا مب باب شر ونصب عيني عينك ...

ابوالكلام
30-09-2011, 12:20 PM
والله الي يقول عبدالغني مسوي لكم سحر اصحوا ياناس وخلو سياراته عنده تصدي والقطع في سيارات وايد احسن مادري متى بنفهم خلاص عاد امصخت

رجل الجزيرة
30-09-2011, 07:12 PM
العام قطع سيارتي كانت عنده ب 40 ألف ريال فرحت لمصفح الإمارات فشريتهم ب 23 ألف ريال هاه ويش رأكم؟

رجل الجزيرة
30-09-2011, 07:14 PM
لو أهل قطر يقاطع شركة التويوتا صدقوني بنزل أكثر من ثلث السعر وهو رابح.

كيلو حديد
30-09-2011, 08:09 PM
السلام عليكم

بأختصار وش سالفة شركة التويوتا مع رفع الأسعار !! :(

لين متى يا عبد الغني خاف الله فينا ترانا عيالك ومانشتري الا من عندك

ولا تحدنا نخلي قطع الغيار تخيس في المخزن ونروح الحسا ودبي نشتري من هناك ترى الفرق كبير بينك وبينهم !!!!!!



امس كنت رايح القطري لقطع الغيار وشريت اغراض وتفاجأت بالأسعار
وقالي الهندي شوف هذي لسته الأسعار الجديدة من شركة التويوتا انا مالي اي شغل :(

وبالفعل اللسته كان فيها رفع غير طبيعي في الأسعار يوصل لين 30% و 40% على بعض القطع

ومتى نشوف دور حماية المستهلك مع الشركات الكبيرة عشان تكون عبرة لمن لا يعتبر :omen2:

حسبي الله ونعم الوكيل :anger1:

لا والله حنا مب عياله

وماهو ناطر تقول نخلي قطع غيارك تخيس
لانه عارف محد بيسويها

ياريال الي يتكلم مثلك وهو بموقف الضعيف محد يسمع له

سهم عتيج
01-10-2011, 12:05 PM
بما ان عندكم سيارات تويوتا,, فما ينفع النياح,,, لازم تكون عندكم استراتيجية على المدى الطويل باستبدال سياراتكم من التويوتا الى سيارات أخرى,, يعني مايصير واحد يقول باشتري أغراضي من الحسا على طول,, لازم بيجيه اليوم اللي بيضطر ياخذ أغراضه من الشركة او الموزعين المعتمدين في قطر او ياخذ تجاري..

يعني المشكلة فينا احنا وارتباطنا المريض مع سيارات تيوتا المثقلة بعيوب التصنيع والتي ظهرت في أنحاء متفرقة في العالم خاصة فيما يتعلق بالأمن والسلامة..

شخصيا شريت دماغي وحطيت في راسي ان مايكون عندي سيارة تيوتا من كم سنة حتى أشوف انها اعتدلت خاصة فيما يتعلق بالسيرفس وقطع الغيار,, والحمدلله من يوم غيرت الى الألماني وآنه مرتاح آخر راحة,, ماعندي مشاكل مع السيرفس او قطع الغيار,, وفي النهاية التكلفة ترى متقاربة بين وكلاء السيارت.. بس الشي الحلو في الألماني أن قطع الغيار ماشاء الله عمرها طويل وماتغيرها الا بين فترات تعتبر أطول من الياباني..

يعني مايصير الشعب طايح لي في سيارة معينة ويبغي يقاطع قطع غيارها؟؟؟

المفروض يكون موقفنا واضح من الأساس من اقتناء هذا النوع من السيارات..

والدليل أن شركة تيوتا الأم قبل عامين يوم تعرضت لخساير كبيرة,, قامت بتخفيض أسعار سياراتها في جميع أنحاء العالم باستثناء منطقة الخليج,, بل زادت أسعارها علينا بحجة تعويض الخسائر الكبيرة التي تعرضت لها الشركة في ذلك الوقت..


يعني شركة تيوتا الأم في اليابان هي اللي قاعدة تراقب الزيادة اللي جاتكم وحاطتكم مثل الدجاجة اللي تبيض ذهب,, كل ماتعرضت لمشاكل مع امريكا او اوروبا قالت خلنا نرجع حق دجاجتنا اللي قاعدة تبيض ذهب عشان نعوض خسايرنا,, فالأولى محاربة الشركة الأم بامتناعكم عن اقتناء سياراتها عشان تعمل الف حساب لكم اذا فكرت انها ترفع عليكم السعر..

وصدقوني ان العملية نفسية بحتة,,, والا التيوتا ماشوف فيها فرق او حتى بصراحة منظر الكروزر بشع وكأنه طابوقة تمشي قدامك وتحجب رؤية الشارع عنك وممكن تسبب حوادث اذا ماكنت مركز عدل في السواقة اذا كان قدامك كروزر,, وماشوف فيها زود عشان أسعارها تفوق سيارات مثل المرسيدس والبورش والرنج..

ذكي جدااا
01-10-2011, 02:44 PM
بما ان عندكم سيارات تويوتا,, فما ينفع النياح,,, لازم تكون عندكم استراتيجية على المدى الطويل باستبدال سياراتكم من التويوتا الى سيارات أخرى,, يعني مايصير واحد يقول باشتري أغراضي من الحسا على طول,, لازم بيجيه اليوم اللي بيضطر ياخذ أغراضه من الشركة او الموزعين المعتمدين في قطر او ياخذ تجاري..

يعني المشكلة فينا احنا وارتباطنا المريض مع سيارات تيوتا المثقلة بعيوب التصنيع والتي ظهرت في أنحاء متفرقة في العالم خاصة فيما يتعلق بالأمن والسلامة..

شخصيا شريت دماغي وحطيت في راسي ان مايكون عندي سيارة تيوتا من كم سنة حتى أشوف انها اعتدلت خاصة فيما يتعلق بالسيرفس وقطع الغيار,, والحمدلله من يوم غيرت الى الألماني وآنه مرتاح آخر راحة,, ماعندي مشاكل مع السيرفس او قطع الغيار,, وفي النهاية التكلفة ترى متقاربة بين وكلاء السيارت.. بس الشي الحلو في الألماني أن قطع الغيار ماشاء الله عمرها طويل وماتغيرها الا بين فترات تعتبر أطول من الياباني..

يعني مايصير الشعب طايح لي في سيارة معينة ويبغي يقاطع قطع غيارها؟؟؟

المفروض يكون موقفنا واضح من الأساس من اقتناء هذا النوع من السيارات..

والدليل أن شركة تيوتا الأم قبل عامين يوم تعرضت لخساير كبيرة,, قامت بتخفيض أسعار سياراتها في جميع أنحاء العالم باستثناء منطقة الخليج,, بل زادت أسعارها علينا بحجة تعويض الخسائر الكبيرة التي تعرضت لها الشركة في ذلك الوقت..


يعني شركة تيوتا الأم في اليابان هي اللي قاعدة تراقب الزيادة اللي جاتكم وحاطتكم مثل الدجاجة اللي تبيض ذهب,, كل ماتعرضت لمشاكل مع امريكا او اوروبا قالت خلنا نرجع حق دجاجتنا اللي قاعدة تبيض ذهب عشان نعوض خسايرنا,, فالأولى محاربة الشركة الأم بامتناعكم عن اقتناء سياراتها عشان تعمل الف حساب لكم اذا فكرت انها ترفع عليكم السعر..

وصدقوني ان العملية نفسية بحتة,,, والا التيوتا ماشوف فيها فرق او حتى بصراحة منظر الكروزر بشع وكأنه طابوقة تمشي قدامك وتحجب رؤية الشارع عنك وممكن تسبب حوادث اذا ماكنت مركز عدل في السواقة اذا كان قدامك كروزر,, وماشوف فيها زود عشان أسعارها تفوق سيارات مثل المرسيدس والبورش والرنج..

كلااام صحييح انا الحمدلله تركت التويوتااا من زمااان بس صدقوني بمجرد انك تغير موترك لموتر غير التويوتا تحس بالفرق بااقي اخوااني والواالد اقنع فيهم ...

الأرجنتيني
01-10-2011, 03:25 PM
ظلمتوا انفسكم بأنفسكم البدائل متوفرة وكثيره

أترك الياباني واستخدم الألماني أوالأمريكي

بتحس بالفرق الكبير

راشد محمد
01-10-2011, 04:04 PM
جزاك الله خير على الموضوع

وحيدالزمن
01-10-2011, 04:33 PM
السلام عليكم اشكركم على الموضوع بس ياااااأخوان لو في شخص معين أو اشخاص يكون له أو لهم نسبة

معينة ويبون اغرااااض للي محتاج من الاحساء فهي بيساعد ملاك تويوتا شكثررررر ويااااااريت يصير له

تثبيت عشان الكل يستفيد والشخص نفسه يستفيد