لماذا كثره حوادث المرور؟؟

[ريتويت]

السلام عليكم ورحمه الله وبركاته

خواتي واخواني تحيه عطره

حابه اليوم اتكلم واناقش معاكم موضوع الحوادث المروريه

لا يمر علينا يوم إلا و نسمع عن حادث مروع

راح ضحيته اخ او قريب اوا حد من المعاريف

يخلفون ورائهم حزن الاهل وفاجعه وصدمه على شبابهم الذي كان في ريعانه .

و الكثير من الشباب الذين راحو ضحيه الحوادث المروريه و هم في ريعان شبابهم تركوا

ورائهم الارامل و الايتام و الأمهات .

باتة الشوارع خطر جسيم على الكل ,

فالام توصي ابنها عند خروجه من المنزل توخي الحذر في الشارع و تدعو الله ان يحفظه

و يرده سالم الى منزله

و كذلك تفعل الزوجة مع زوجها و الأب مع ابنه .


لقد أصبحت الشوارع كالمعركة الكل يريد ان ينجو منها سالما و ان يصل لبر الامان

ارجوووووووووووو من كل الاعضاء المشاركه والتفاااااااااعل واعطاء النصيحه وايجاد


الحلول قدر المستطاع وذكر حدث مرورى سامعين عنه وراح ضحيته اشخاص


وفى الاخير تحياتى لكم والله ينجيكم حوادث المرور

[R 7 A L]

السبب الرئيسي للحوادث
هو عدم ألانتظام بقوانين المرور والنظام

ماعندنا صبر كل شي نبية بسرعة

[ملاك]

اي والله صدقتي كانها معركه والكل يبي يوصل لبر الامان

انا اقول لو يشيلون هالدواوير ويخلونها تقاطعات بتنحل نص المشكله بس الزحمه هذي يبيلها تنظيم ثاني

وماجدامنا الا الجسور والانفاق

[SOUD.QA]

تكاسي وباصات كروه والشاحنات السبب الرئيسي للحوادث اكثر اثنين كنت بروح فيها بسبتهم هم :anger2::anger2::anger2: قالبين الشوارع حلبة لوسيل قمة الاستهتار

اتمنى المرور يشدون حيلهم مع هالاثنين كروه + الشاحنات = الموت والحوادث المحققه

:anger1::anger1::anger1:

[مستجدة]

اي والله صادقين كل يوم نسمع خبر احد ميت
الله يحفظ اهل قطر من كل سو وكروه يارب

[بوسلمان 2010]

الله يصبحك باالخير اختي نبات سكر اول شي الله يحفظنا ويحفظكم من كل شر ان شاء الله اختي وايد شباب اصغار


سن الحين يسقون السيارات واغلبهم ماعنده ليسن واذا امسكوه الشرطة غرامة ماليه وكان الله غفور رحيم



وكلن منهم يحسب الشارع له بروحة والشي الثاني الله يسلمك الاسيوين الي يشتغلون في الشركات جابوه من



بلاده وراح مدرسة التعليم وخذ رخصة السواقة بس يعرف الاشارات وقوانين الدولة مايعرف شي عنها والسواقة


الله باالخير واذا قلتيله اواشرتي علية اذا لف عليج يرد عليكي وهو فاتن حده وبعض الاجانب كذالك ياخذ الرخصة


ويسوق في الدوحة وهومايدري ويش القانون عندنا وغير طبعا الباصات والتريلات الي يلفون عليك وهم خبر


خير الله المستعان وادارة المرور مو مقصرة فيهم

[نيساني]

البي بي

احد الاسباب الرئيسيه في زيادة عدد الحوادث

والله المستعان

[ريتويت]

صح انا الاحظ ان الناس وهم يسوقون يمسكون البي بي وماينتبهون للطريق!!!

[ريتويت]

الاسبوع الماضي.. لمحت حادث الصبح.. كانت سياره وباص كروه داعمين :eek5:

[بوحارب]

اختي من اسباب الحوادث عندنا

الهنود الجدد

وسواقين كروه

وسواقين الباصات

والحريم:omg:

والتحويلات الغلط :anger1:

صح انا الاحظ ان الناس وهم يسوقون يمسكون البي بي وماينتبهون للطريق!!!

:looking:

[ريتويت]

بوحارب الحريم مب هم سبب الحوادث انزين في رجال بعد يسببون الحوادث مثل ماذكرت السواقين الهنود!!!

[هبوب الكوس]

اختي من اسباب الحوادث عندنا

الهنود الجدد

وسواقين كروه

وسواقين الباصات

والحريم:omg:

والتحويلات الغلط :anger1:


:looking:

:telephone:

[بـــ ح ـــر]

لان التوعيه واللجنه الوطنيه لحوادث الطرق فاشله الى ابعد الحدود انا حضرت محاضره بمجمع لضابط من الحمله وهو معروف بعد مانتهت المحاضره راح يلاحق وحده يرقمها برقمه
وهالكلام قدامي يعل عيوني العمى

[قناص 787]

السبب الرئيسي ومافي غيره

ان كل من هب ودب قام يسوق وبالذات هالاجانب اللي

في بلادهم ماعندهم حمار يركبونه الله يعزكم وهني

كاشخين ومرتزين ولا فوق هذا بعد اذا هرنت له يعاندك

ومايوخر

هذول هم سبب الحوادث في الدرجه الاولى وبعدين بعض

النسوان الله يحفظهم بسس تلقى الوحده تلف عليك في وسط الدوار

وشوي بتصفقك ولا بعد تهرن لك وتهاوشك خخخخخ يابلفيت

انك انت الغلطان ههههههههه مالهم حل والمشكله عقب تكاسرك

وتطالعك بخياس نفسس اللهم ياكافي

وبعد بصراحه بعض الشباب الله يهديهم بسس مخ مافي

مخلص

[Mohammed2]

حوادث الصبح وقت الذهاب للدوامات سبب الحوادث هو العجله
الكل يبي يوصل فالوقت المناسب

اما الاوقات الثانيه انا اشوف السبب اكثر شي من الجنسيات الاخرى اللي توهم يدشون البلاد


اما في الشوارع الطويله طبعا السرعه هي السبب الكبير

[Riku3]

سوء تخطيط الشوارع - ادارة المرور والدوريات ..
الاول فساد وسوء ادارة والثاني مايسمعون الا انفسهم .

[ريتويت]

لان التوعيه واللجنه الوطنيه لحوادث الطرق فاشله الى ابعد الحدود انا حضرت محاضره بمجمع لضابط من الحمله وهو معروف بعد مانتهت المحاضره راح يلاحق وحده يرقمها برقمه
وهالكلام قدامي يعل عيوني العمى


اوووف قويه!!!!