نقل الملف من مركز صحي لمركز صحي آخر

[م. عبدالعزيز]

السلام عليكم ورحمه الله وبركاته

عندي استفسار، حاليا ملفي الصحي موجود في مركز عمر بن الخطاب، اذا بغيت انقله لمركز مسيمير الصحي،، شهني الاجراءات؟
ولكم جزيل الشكر

عبدالعزيز

[@north_star@]

تروح مكز عمر بن الخطاب وتقولهم بنقل الملف وبيسوون ورقة نقل ونصيحة خذ الملف بيدك ووديه لمركز ابو هامور مع ورقة طلب النقل وان شاء الله امورك طيبة ......واهم شي يكون عنوانك الجديد او رقم التلفون بالمناطق اللي حول مسيمير

[FCB 123]

تروح مكز عمر بن الخطاب وتقولهم بنقل الملف وبيسوون ورقة نقل ونصيحة خذ الملف بيدك ووديه لمركز ابو هامور مع ورقة طلب النقل وان شاء الله امورك طيبة ......واهم شي يكون عنوانك الجديد او رقم التلفون بالمناطق اللي حول مسيمير

صح كلامك .. ويعطونك ورقة وردية أعتقد يقولولن لك عقب كم يوم بنرسل ملفك للمركز الجديد

أو إنك تاخذه بيدك أسرع


بالتوفيق إن شاءالله

[م. عبدالعزيز]

مشكورين وماقصرتوا ،،، وان شاء الله خلال هالاسبوع بروح اسوي نقل ،،



وشرايكم بمركز مسيمير (او ابوهامور) ،، هو موجود عند النادي العلمي مقابل السوق المركزي.. والبيت اقرب له

لانه بصراحه مركز عمر بن الخطاب فوضى مب طبيعيييييييييه، وللحين على النظام القديم بالارقام.. ولا عندهم مواقف كافيه..

[حسن]

مشكورين وماقصرتوا ،،، وان شاء الله خلال هالاسبوع بروح اسوي نقل ،،



وشرايكم بمركز مسيمير (او ابوهامور) ،، هو موجود عند النادي العلمي مقابل السوق المركزي.. والبيت اقرب له

لانه بصراحه مركز عمر بن الخطاب فوضى مب طبيعيييييييييه، وللحين على النظام القديم بالارقام.. ولا عندهم مواقف كافيه..
مركز عمر وين مكانه وبعدين ليش فيه فوضي ومن من الدكاتره الاداره ولا مراجعي المركز وبعدين انه في مركز المدينه التعليميه الغرافه بالارقام نفس الشي وبعدين هل انت غيرت بيتكم علشان تنقل

[م. عبدالعزيز]

مركز عمر وين مكانه وبعدين ليش فيه فوضي ومن من الدكاتره الاداره ولا مراجعي المركز وبعدين انه في مركز المدينه التعليميه الغرافه بالارقام نفس الشي وبعدين هل انت غيرت بيتكم علشان تنقل
لا انا ساكن بالوعب واقرب لي مركز مسيمير خصوصا انه جديد،، مركز عمر بن الخطاب موجود الله يسلمك عند مركز الجزيره للتدريب او صوب معهد اللغات قديما ً

شوف اخوي انا انسان احب كل شي قدامي يكون منظم،، أي فوضى قدامي علطول أعصب واتنرفز .. اتم ساعتين انتظر دوري ولا اني اتبهدل او اشوف فوضى قدامي... مركز عمر بن الخطاب كل ما اروح لهم لازم اتهاوش،، تعامل الاستقبال عندهم ابداً مافيه اي تنظيم،، ووووويالله مشي حالك ،، ثانيا تاخذ رقم وتقعد وتضطر كل مره تسأل الاشخاص الموجودين كم رقمك وكم رقمك،، وغير جي اي مريض يطلع من غرفه الدكتور الكل يقوم وكانه الامر فوضوي،، غير اللي يتمون واقفين عند باب الدكتور واللي يبي اجازه ووو،، يعني لازم تعور راسك قبل لتدخل على الدكتور.

والاسنان عندهم بعد (لا تعليق) ،،، ومؤخرا سووا مواقف جديده ودائما مزدحمه ،، وحتى الوالده احيانا تتعب وياهم عند الحريم وتشتكي منهم،،، وهي بعد تفكر تنقل ملفها لمركز مسيمير..

وصرت اضطر اذا مرضت بنص الاسبوع اروح مستشفى حمد، واذا بالويكند اروح مركز الطوارئ التابع لمركز عمر -واللي هو مركز المنتزه
مركز المنتزه احسن شي عجبني فيه انه فيه رقم تاخذ وتنتظر دورك وتدخل،، ولا عيبه الوحيد انه بعيد..

[المسك1969]

والله ذكرتني يبي لي أنقل ملفي وملف عيالي بعد

الله يعين بس

[khaldoon]

اخوي اعتقد انك ما تقدر تنقل على المكان اللي انت تحبه و لكن تنقل على المركز اللي يخدم منطقتك و ينعرف هالشي من فاتورة الكهرباء مثل ما يسوون في المدارس المستقله

انا زمان كنت تابع لمركز الصحي اللي بالمنتزه بعدين لما تزوجت و جيت افتح ملف لزوجتي قالولي جيب فاتورة كهرباء علشان نشوف وين ساكن فاضطريت وقتها اني انقل على المركز الصحي التابع لمدينة خليفة الجنوبية

الحين غيرت السكن بس ما علمتهم و للحين اروح على مدينة خليفة ان لزم

على العموم لو طلع كلامي صحيح فأرجو انك تأكدي هالشي مستقبلا و جزاك الله كل خير