هام لجميع شباب الثانوية العامة..وأولياء أمورهم..

[تصانيف]

نصيحة لكل طلاب الثانوية العامة..


أحسست بالغضب الشديد عندما رأيت كل التعب الذي بذلته يضيع هباءا..يوم قامت جامعة (قهر) الموقرة بالقاء قنبلة على جميع الطلبة في نهاية العام الماضي..

حيث قالت أنها لن تعطي أي اعتبار ولن يكون هناك فرق بين الطلاب أصحاب النسب العالية..والطلاب الأخرين..فيكفي أن يكون الطالب ناجح ليدخل الجامعه..


والله العظيم كرهت حياتي في تلك الساعة..فكيف أكون أنا الي نسبتي فوق 90..يكون مثلي مثل الي جايب 60..!!


مرت في بالي كل ساعات الدراسة و(الكرف) والتي لم يراعيها ولم يلتفت اليها المسؤلون الكرام في جامعة (قهر)..

أحسست بالندم على تلك الساعات والتي ضاعت هدرا..


وما أبي أحد يقولي أنت استفدت معلومات وعلم..لأن كلنا عارفين مناهجنا التي لا تسمن ولا تغني من جوع..!!


لذلك فأنا أنصح جميع أخواني الطلاب..
كي لا يحسوا بما أحسست به من الظلم والقهر..


خلوا عنكم الثانوية..وركزوا على موضوع الايلز سواء كنت ناوي تكمل هني أو برى..حط في بالك خلال هالسنة تجيب بس الدرجة..ولا تبدأ تدرس لاختبار الثانوية الا قبله بشهر..وباقي السنة شد حيلك وحاول تجيب السكور..
لو بس جامعتة قطر قالت لنا عن هالموضوع من قبل كان جبنا لهم عشرة مب خمسة ونص..!!

والله انها نصيحة من القلب لكم..عشان ماتطيحون في الي أنا طحت فيه..
والسلام ختام..

[رجل مثالي]

دخول جامعة قطر ممكن من نسبة 75% وفوق وجامعة قطر يريدون الايلز وجامعات برع بعد

نفس الشىء في المجموع والايلز والله اعلم

[QatarSafety]

بصراحة مالومه يوم قال جامعة القهر
شالفايدة خلصنا الثانوية وبنسبة حلوة
ليش يقيدونا بالايلتس والتوفيل
والتعليم حق مشروط والواجب عليهم
يبعثونا ندرس برى مثل ابتعاث اول
ونجيب لهم التوفيل بنفس الجامعة
ترى الجامعة
خرجت شخصيات قيادية في قطر يوم
كانت على اسمها وتستاهلة وكان مركزها
احسن من مركزها الحالي .
ولا ايلتس ولا توفيل
ياترى من له مصلحة من هالشي والوقوف
في وجة عيال قطر .

[النائب]

اوافقك الرأي

مهما تكلمنا عن سياسة التعليم ستعجز الألسن عن شرحنا للتخبط الحاصل والله المستعان .

المسؤولين في الدولة وخصوصا من لهم يد في التعليم هل يعتقدون إنهم غير مسؤولين أمام الله وإنهم بيفلتون منها لا والله إن كل دعوة عليهم في جوف الليل راح تقلب حياتهم رأسا على عقب . وقولوا ماقلت لكم وبدأت بوادرها من الآن .

[منابر خالده]

يبون الايلز و وكل تخصص له نسبه معينه

اما موضوع الغاء النسب فهذي اشاعه

بحسب ما قالته لي طالبه لما راحت تسجل عندهم وردوا عليها بهالكلام

[JN000N]

جامعة خطر والاجر على الله

بتعيز يا يبه وانت تتحنده عليهم
اسالني انا ماصادني القولون ولا المراره الا من الضيم والظلايم هناك

بعدين للكل نصيحه شدو حيلكم ييبو نسبه وييبو ايلز ودرسو برا ابرك

[الخزرجي قطر]

اكيد هناك فرق بين الي جايب 90% اوالي جايب60%
القرار حلو في اعطأ الفرصه للكل للالتحاق بالجامعه
ولكن التميز لاصحاب الامتياز وفرصهم اكبر الله يوفق الجميع

[STAR]

اكيد هناك فرق بين الي جايب 90% اوالي جايب60%
القرار حلو في اعطأ الفرصه للكل للالتحاق بالجامعه
ولكن التميز لاصحاب الامتياز وفرصهم اكبر الله يوفق الجميع

اتفق معااااك ...:)

[الرايــق]

شوف يا راعي الموضوع ..

انا بفهمك ..
الحين انت مثلا نسبتك مثل ما قلت 90 %
وواحد ثاني دخل نفس تخصصك لكن نسبته 60%
وانتوا الاثنين تخصصكم هندسة

راعي ال 60 % ما بيقدر يدرس المواد اللي انت تدرسها .. انت بتشوف التخصص سلس وسهل عليك... والعكس صحيح لاخونا صاحب المعدل الاقل..
من اول سنتين بتشوف كل الي ترفعوا للسنة الثالثة في التخصص هم أصحاب النسب العالية في التوجيهي واللي فعلا قدر يستوعب هالتعليم العالي

الخلاصة هالقانون لا يسمن ولا يغني من جوع .. والله اعلم

[قلبي الطيب]

أولا النسبة تفيددك تفتح لك خيارات متعددة
ثانيا إذا التخصص عليه اقبال الاولوية لك
ثالثا أصحاب النسب العالية هم اللي يمشون في الدراسة بسهولة من غير رسوب
ثالثا درجتك بتم معاك في cv
رابعا عشان نفسك

[بوطويشم]

السلام عليكم

جامعة قطر خالف تعرف

قالو ما نبغي نسب ويوم قدمو الشباب قالو لا

الي نسبهم أعلى هم أحق في دخول التخصص

يعني اذا بو تسعين و ثمانيين منهم وايد بو 79 وتحت شوي

التخصص يروح حق الي نسبهم أعلى

بالتوفيق للجميع

[السندان]

ياخوي لاتنقهر ولا تحط في بالك

التميز شئ جيد للشخص وتعودوا على التميز

حتى وان شعرت بعدم الفائده من ذلك

ولكن سيتغير ذلك الشعور في ما بعد

عندما تجد نفسك متميزا في الجامعه ومن ثم العمل

بالتوفيق للجميع

[رجل مثالي]

السلام عليكم

جامعة قطر خالف تعرف

قالو ما نبغي نسب ويوم قدمو الشباب قالو لا

الي نسبهم أعلى هم أحق في دخول التخصص

يعني اذا بو تسعين و ثمانيين منهم وايد بو 79 وتحت شوي

التخصص يروح حق الي نسبهم أعلى



تعليق - بنتي كان نسبتها ممتاز علمي ولكن جابت توفل معدل 5 قالوا لا لازم 5 ونصف

لازم تغربلت معاهم وكانت اوكي وبسبب التوفل انتقلت من جامعة 000 الى شمال الاطلنطي

ونجحت الحمدلله

[صوت الضمير]

على فكره حتى الللي نسبة 60 مقبول بس يجيب الايلس

هذا خبر يمكن اكثركم مايعرفه

يعني شدوا حيلكم بالايلس .. الفرصة موجوده للجميع لكن يعتبر ظلم لانه مافي تميز للنسب

أبداع

[تصانيف]

شوف يا راعي الموضوع ..

انا بفهمك ..
الحين انت مثلا نسبتك مثل ما قلت 90 %
وواحد ثاني دخل نفس تخصصك لكن نسبته 60%
وانتوا الاثنين تخصصكم هندسة

راعي ال 60 % ما بيقدر يدرس المواد اللي انت تدرسها .. انت بتشوف التخصص سلس وسهل عليك... والعكس صحيح لاخونا صاحب المعدل الاقل..
من اول سنتين بتشوف كل الي ترفعوا للسنة الثالثة في التخصص هم أصحاب النسب العالية في التوجيهي واللي فعلا قدر يستوعب هالتعليم العالي

الخلاصة هالقانون لا يسمن ولا يغني من جوع .. والله اعلم


أخوي كلامك صح لو اني بدخل هندسة أو محاسبة أو اي تخصص علمي..في هالحالة بستفيد..

بس أنا داخل قانون..يعني مافي أي فايدة من الي تعلمته..

[تصانيف]

الشباب الي قالوا بتكون لك الأولوية لأن نسبتك أكبر..

ودي أسألهم سؤال..

في أحد فيكم سمع..

عن واحد ردته الجامعه لأن نسبته ضعيفة..؟؟!

الجامعة ما عمرها ردت حد..بالعكس..

ماتصدق على الله ان فيه أحد فكر يجيها..

موضوع الأولوية هذا كان زمااان..

[تصانيف]

ياخوي لاتنقهر ولا تحط في بالك

التميز شئ جيد للشخص وتعودوا على التميز

حتى وان شعرت بعدم الفائده من ذلك

ولكن سيتغير ذلك الشعور في ما بعد

عندما تجد نفسك متميزا في الجامعه ومن ثم العمل

بالتوفيق للجميع


مشكور أخوي..كلامك رفع معنوياتي..