منعته السلطات الامريكيه ان يصلي في الشارع, فيديو .

[aspirin]

مسلم باكستاني الجنسيه منعته السلطات الأمريكيه ان يصلي في الشارع
بحجة انه ملك عام فصلى في ملكه الخاص......




http://www.safeshare.tv/w/hPPNjmihdM

[R 7 A L]

صار لي فوق السنه وسجادتي في سيارتي
وأصلي في أي مكان في أمريكا ولا حد منعني ولا قال لي شي يمر علي الناس الشرطة والناس العاديين
حتى مايطالعوني

غريبة !!!

[شميرام]

يمكن لايعه جبده من الارض قال في نفسه أنظف لي اصلي فوق سيارتي

[h2004]

ما اجمل صوت الاذان وهو ينبعث من مسجد في مدينة امريكية جهرا وبموافقة من الحكومة الامريكية وبتلك المدينة اربعة جوامع ومساحتها ليست كبيرة .. كلمة حق احببت ان انقلها
والله على ما اقول شهيد

[Mr. H]

بالعكس .. انا ساكن في امريكا .. و الدين شي مهم عندهم ولا احد يكلمك ولا شي

و المدينة الي انا فيها صغيرة سكانها يمكن 50 الف .. لكن فيها مسجد كبير تقام فيه الصلوات حتى الجمعة

[مزعله النساء]

والله ياخوي كنا في امريكا وكنا في الحديقه ونفرش السجاده ونصلي ولحد يكلمنا

[تصانيف]

بصراحة..أنا أشوفه ماعنده سالفة..

يعني قصرت الأماكن الا يصلي جدام الناس أو في الشارع...

وغالبا الوضع مثل ماقالوا الشباب..اكيد فيه مسجد في مدينته..

أتوقع حتى لو شخص سواها هني..راح يمنعه الأمن أو على الأقل راح يكون منظره غريب بين الناس..

تحياتي..

[حلم الطفولة]

بهذه الطريقة هو يلفت الأنظار من جذيه البعض يشوفه باستغراب ، وإذا افترضانا إن السيارة ملكه فالأرض اللي عليها السيارة مب ملكه ، الله يعطيه على نيته

[khaldoon]

بصراحه منظره يدعو للسخرية مب للافتخار بالنسبه لي لما يصلي فوق سيارته و خلنا نكون صريحين لو شفنا احد يسويها بينا بنضحك عليه والا بنوقره و نحترمه؟؟!!....
و شوفوا كيف بتكون نظرة الغرب لنا كمسلمين لما يشوفون مسلم منا ما لقي مكان يصلي الا على السيارة

سيارات هالايام تتحمل الواحد يصلي فوقها؟!!!

[" Snake "]

الصراحه ماعطى الناس منظر حلو عن الاسلام
بالعكس احسه تخلف جداً

[العطار قطر]

ما يندرى كل واحد توصله قصة غير

[S A A D]

جزاه الله خير

على الاقل صلى

فيه ناس تاذن وهي جنب المسجد ولا يطري على بالها تنزل تصلى

[بوالبيض]

الله يعينه واذ صج منعته امريكا حرام عليهم والله وامحق ديمقراطيه عندهم ياحظي

[بوسلمان 2010]

واذا بيصلي عنده سجادة واذا الارض مو طاهرة هو بيصلي على سجادة ما كان في داعي هذا المنظر وفي وسط


العالم الله يهديه ويصلحة

[غايه الطواش]

حركات لفت النظر مالها داعي

[كازانوفا]

الله المستعان

[بيرق_المجد]

بصراحه منظره يدعو للسخرية مب للافتخار بالنسبه لي لما يصلي فوق سيارته و خلنا نكون صريحين لو شفنا احد يسويها بينا بنضحك عليه والا بنوقره و نحترمه؟؟!!....
و شوفوا كيف بتكون نظرة الغرب لنا كمسلمين لما يشوفون مسلم منا ما لقي مكان يصلي الا على السيارة

سيارات هالايام تتحمل الواحد يصلي فوقها؟!!!

انا من طلاب امريكا وعشت فيه سنين وياما صلينا في والشوارع العامه والمجمعات التجاريه والله العضيم ان الامن مال المجمع التجاري يمنع الناس انهم يمرون قدامنا وانت تقول (بصراحه منظره يدعو للسخرية مب للافتخار بالنسبه لي لما يصلي فوق سيارته ) اللى انت تشوف ان المسلم يؤدي صلاة عيب والله مصيبه كبير وين الاعتزاز بالاسلام والافتخار

[QatariFallah]

والله الخبر غريب

انا اذكر صليت كذا مره بالداون تاون بكولومبوس..وبداون تاون اتلانتيك سيتي..وع بحر فلوريدا ولا حد قالي شي
بالعكس..بعد ماخلصت..جا كم من واحد يسألوني ايش اللي سويته وايش معناه وليش..وتميت شوي اشرحلهم على قد معلوماتي

[الـخـالـدي]

الله يعطيه على قد نيته

[ثابت]

الله يجزاة خير بس يفضل كان يصلي بمكان الصلاة مو قدام الناس
احنا ما نرضاء انا حد في كورنيش الدوحة يمارس طقوسة

[الـراسي]

الصراحه ماعطى الناس منظر حلو عن الاسلام
بالعكس احسه تخلف جداً

قول الحمد لله على النعمة اللي حنا فيها

[khaldoon]

انا من طلاب امريكا وعشت فيه سنين وياما صلينا في والشوارع العامه والمجمعات التجاريه والله العضيم ان الامن مال المجمع التجاري يمنع الناس انهم يمرون قدامنا وانت تقول (بصراحه منظره يدعو للسخرية مب للافتخار بالنسبه لي لما يصلي فوق سيارته ) اللى انت تشوف ان المسلم يؤدي صلاة عيب والله مصيبه كبير وين الاعتزاز بالاسلام والافتخار

والله المصيبه هي فهمك الخاطىء لردي...الظاهر عيشتك سنين في امريكا على حد قولك خلتك تنسى اللغة العربية و قمت تهاوش و انت مب فاهم الرد و انا بخليك على فهمك الخطأ وما راح افسرلك كلامي لانه واضح ما يبيله تفسير

بعدين لا تتكلم عن العيب لانه العيب فيك مب فيني