كيوتل تطرح سرعة أكبر للإنترنت بالمنازل بأسعار تناف

[رجل الجزيرة]

تجربة خدمات الألياف الضوئية بمركز مول اللاجونا.. وليد السيد: كيوتل تطرح سرعة أكبر للإنترنت بالمنازل بأسعار تنافسية قريباً
توفير شبكة الألياف البصرية لـ 140 ألف منزل نهاية عام 2012
انتهاء تحديثات شبكة الجيل الثالث للبردوباند.. وخلال شهرين سيلاحظ العملاء جودة أعلى بالتغطية
يحيى عسكر:
افتتحت كيوتل احدث مركز من مراكزها الخاصة بخدمة الجمهور وذلك بمول اللاجونا القريب من فندق الريتز كارلتون، وذلك في إطار برنامجها لتقديم أفضل خدمات الدعم لعملائها بمختلف المناطق بالدولة، شهد حفل الافتتاح كل من السيد وليد السيد رئيس العمليات بكيوتل والسيد عادل المطوع المدير التنفيذي للاتصال والعلاقات وعدد من مسؤولي كيوتل.
وعقب افتتاح المركز قال السيد وليد السيد إن مركز اللاجونا يعد رقم 20 في مراكزنا، كما انه يضم جميع خدمات كيوتل المتكاملة، التي تضم جميع الخدمات تحت سقف واحد، والجديد الذي يتم تقديمه في هذا المركز هو عرض خدمات "الفايبر تو ذا هوم" أو كوابل الألياف الضوئية إلى المنازل، التي ستكون كيوتل بصدد طرحها في الأيام القليلة القادمة، والتي ننتظر فقط موافقة المجلس الأعلى للاتصالات وتكنولوجيا المعلومات على الأسعار الخاصة بها لنقوم بطرح هذه الخدمة للعملاء.
والسرعة بهذه الخدمة الجديدة كما شاهدنا في العرض تصل إلى 100 ميجا بت في الثانية وهذه السرعة كبيرة جدا، حيث إن الكوابل النحاسية أقصى سرعة تصل لها هي 8 ميجا بت وأيضا تعتمد على المسافة، وفي الألياف الضوئية لاتعتمد على المسافة وفي اي منزل بإمكاننا أن نقدم خدمة الانترنت بسرعة 100 ميجا بت، وهو إنك مثلا عندما تقوم بتحميل ملفات كبيرة خرائط أو فيديو كان المستخدمون يقومون بتحميلها في الليل وتأخذ إلى الصباح ولكن الآن ممكن ان تاخذ 5 دقائق او 6 دقائق حسب حجم الملف وهذا ايضا يمكنك من مشاهدة الفيديو بشكل مباشر أون لاين بدون الحاجة إلى التحميل.
وأضاف السيد أنه بالنسبة لخدمات الانترنت عبر كوابل الالياف الضوئية أن كيوتل ستغطي بنهاية عام 2012 أكثر من 140 ألف منزل والآن نحن نغطي بعض المناطق في قطر ونستمر في تغطيتنا، فالآن نحن انهينا منطقة مسيعيد ومنطقة بحيرة الخليج الغربي ومنطقة الدفنة الآن في طريقها للتغطية، ومنطقة الوعب أيضا تمت تغطية جزء منها وباقي المناطق في طريق التغطية، وهكذا مناطق مناطق حتى ننتهي من جميع الأرض القطرية، مشيرا إلى ان تقديم الخدمة سيكون إلى جميع المنازل ولكن العميل يكون له الخيار في قبول تركيب الخدمة في بيته او عدم قبولها ولكن لا يوجد سبب لعدم قبولها لأن حتى سعر الخدمة ستكون أفضل من سعر الخدمة الحالية، حيث ستكون السرعة اكبر والسعر سيكون مماثلا أو حتى اقل ولكن بعد موافقة المجلس الأعلى.
*خدمات متكاملة
وعن المتجر الجديد والشرائح المجتمعية التي سيقوم بتوفير الخدمات لها قال مدير العمليات هذا المول تم إنشاؤه بهدف خدمة سكان (برجي الزجزاج)، بالإضافة إلى السكان في منطقة اللؤلؤة والمناطق المحيطة بها مثل منطقة بيوت كبار الموظفين المتاخمة لجامعة قطر، ونحن بالنسبة لنا في مركز كيوتل اي زائر لهذا المول فإن المركز سيقوم بخدمته من أي طبقة كان ومن اي مدينة لاننا نعرف ان زوار المول التجاري لايكونون من نفس المنطقة.
وحول وجود خطة مستقبلية لزيادة عدد أفرع مراكز كيوتل في الدولة أجاب السيد وليد السيد نحن قلنا وأثبتنا أن كلامنا صحيح أننا لا نتوقف عند حيز معين أو رقم معين من المحلات فكلما دعت الحاجة إلى فتح محلات جديدة سنفتح، فهناك مول يتم بناؤه أعتقد اسمه مول الخليج فايضا كيوتل سيكون لها وجود به.
*تحديثات الجيل الثالث
وعن التحديثات الخاصة بشبكة الجيل الثالث وإذا ما كان العملاء سيواجهون بعض المشاكل خلال الفترة القادمة ام لا اوضح أنه قد تم عمل التركيبات والانتهاء منها وتم تشغيل الخدمة والآن تتم عملية ملاحظة قراءات التغطية ونحاول أن يتم عمل نوع من التوليف بين المحطات وهذه العملية ستستغرق شهرين، وربما بعض العملاء سيشعرون ببعض الانقطاعات ولكن بعد نهاية هذين الشهرين سيلاحظ العملاء ما الذي قامت هذه التغطية بعمله وهي بشكل كبير عملية تغطية البرودباند الجوال في داخل البيوت وداخل المنازل وسيشعر العميل بفرق كبير جدا.
وفي سؤال حول هل سيتم تعويض العملاء الذين تنقطع لديهم خدمات البرود باند الجوال، خاصة الفئة غير المحدودة أم لا قال نحن الآن ندرس هذا الأمر بحيث نصل إلى كم كل عميل يجب ان يحصل عليه من ناحية التغطية أو من ناحية السعر، لأن إذا شخص يستخدمه استخدام غير عادل يؤثر على الآخرين وهذا هو السبب الرئيسي، ولذلك وضعنا على موقعنا على الانترنت معنى غير المحدود ومتى سنستخدم قضية الاستخدام غير العادل، وبالتالي بعد ان نقوم بعمل نوع من التوعية للجماهير ونخفف من عملية الاستخدام غير العادل كل الناس سيحصلون على سعة مناسبة للجميع، ولكن أيضا هذا لا يمنع أننا بصدد عملية توسعة لتغطية البرود باند ومن ناحية السعة ايضا من اجل استيعاب الاستخدام الأكثر.

http://al-sharq.com/articles/more.php?id=259220

[alsahm 12]

العزيزيه متى بتوصل الخدمه لهم

[نمساوي]

صباح الخير ياكيوتل

[بايع بايع]

امس الصباح الساعه 8 دقيت على كيوتل بخصوص النت المقطوع وقالولي خلال 48 ساعه

بيتصلون فيك الدعم الفني

والساعه 10 كنت طالع من البيت والا شفت عمال كيوتل يشتغلون في البوكس اللي جنب البيت

نقز قلبي من الفرحه وقلت والله كيوتل تطورت

وسالتهم شالسالفة

قالولي نركب الخط الجديد للانترنت

وسلامتكم

[بوسلمان 2010]

صباح الخير ياكيوتل

[بوالبيض]

بالتوفيق لكيوتل وللامام ان شاء الله

[همر]

اذكر في سنة 1998 في احد فرجان ولاية اوكلاهوما كان عندي ريسيفر كيبل فيجن يوصل قنوات فضائيه واتصال للانترنت في نفس الوقت .. بـ60 دولار في الشهر ..

هل هو نفس الاختراع اللي توصلت له كيوتل في 2011 ؟!!

او هل بيقدمون الخدمه بنفس الاسعار "التنافسيه" ؟!!

[FCB 123]

وش ورانا .......... بإنتظار كيوتل

[بوخالد911]

الله يسهل.........

[بـنـت ڪرز]

توهم قاعدين من سباتهم كيوتل

على كثر الهنود والبنقال والبوفلب اللي يشتغلون هناك .. مب قاعدين يكرفونهم ويخلونهم يحللون رواتبهم اللي اصلا مايستاهلونها

في لندن باص صغير يتجوّل كل يوم الصبح حق شركة British Telecom ويبطلون بوكس الكهربا حق كل بيت وبنايه لها اشتراك مع شركتهم ويجيكون اذا كل شي اوكي ..

فما بالكم لو كانت في مشكله .. عادي يجون بسيارة اسعاف :fight:

[الفيصل]

كيوتل بخصوص التحديثات الخاصة بشبكة الجيل الثالث

عندكم خبر ان السعوديه والامارات شغلو الجيل الرابع ؟؟

وانتم في تطوير الجيل الثالث

متى بتلحقون التطور في المنطقه او قطر ؟؟؟

[رجل الجزيرة]

كيوتل بخصوص التحديثات الخاصة بشبكة الجيل الثالث

عندكم خبر ان السعوديه والامارات شغلو الجيل الرابع ؟؟

وانتم في تطوير الجيل الثالث

متى بتلحقون التطور في المنطقه او قطر ؟؟؟

إلا عندك خبر أنا كنا سابقين السعودية والإمارات في الإنترنت وشوفهم الحين هم وين وحن وين؟ الله عجايب.

[الحجاجي]

إلا عندك خبر أنا كنا سابقين السعودية والإمارات في الإنترنت وشوفهم الحين هم وين وحن وين؟ الله عجايب.


كنا في خبر ماضي ..

لكن هم تطورو بشكل سريع ..

بدون شغل القطاره اللي تقطر فيه كيوتل علينا ..

خدمــة الألياف الضوئية المنزلية ftth

واصله عندهم لكل بيت من سنتين تقريباً

واحنا للحين يمددون ويركبون الأجهزة ومادري متى تتفعل .


الله يعين

[ثابت]

جزاهم الله خير لكن المفروض هذي الامور من زمان تسويها كيوتل يالله ما نقول الا جزاهم الله خير

[السندان]

:waiting:

[shadad]

اسوا شركة من حيث اتصالات الانترنت بشكل مو طبيعي واسعارها نفس ما هي ... مشكلتي بالرودباند لم تحل منذ 3 شهور وكل مرة يقولون بنحلها وبنحلها ولا صار شي . والدليل موجود وعلى صفحتهم بالفيس بوك . بعد شهور من المماطله بسبب الاعدادات وغيرها يوم طرشوا الفني اعترف بنفسه ان في مشكله بالشبكه وسبحان الله بعدها ما قموا يتصلون فيني لان ما عاد عندهم عذر.
يوم جيت اقطعه دفعوني حق الشهر اللي كان خربان فيه مع اني مبلغ لي 3 شهور والله العظيم..بس شسوي قلت اقطعه قالوا لي تعال يا حبيبي وين رايح تدفع ثمن الجهاز + 80 حق كل شهر استعملته فيه = 900+ ريال ...يعني لو جيت اقطعه الشهر الجاي ادفع 320 + 900 = 1000 ريال وشوي .
ما اقول الا حسبي الله عليكم يا كيوتل ..شكوى واشتكينا ..تلفون واتصلنا ..صفحه بالفيس بوك وما خليت شي فيه ..صور وسكرين شوت للمشكله ما خليت ..رويتكم السرعه بالبيت وتحت البرج وفي الكورنيش ..بعد ما في فايده ... الفني نفسه جا وقال نفس كلامي وقالي برد عليك وما رد ..وبعد ما في فايده !! ... المصيبه كذا واحد مشتكي من نفس الخدمه ..ولا في فايده .
بس افضى من الدوام احط لكم موضوع حلو بالمنتدى عشان العالم تعرف حقيقتكم .

[بـنـت ڪرز]

شداد ناطرين موضوعك والصور والبراهين لان صج صج سرعة الانترنت فالبيت خايسسسسسسسسسسه :anger1:

كل مره نغير المودم وناخذ الاسرع وحاله وبعد مافي فايده .. حتى فيديو بو 4 دقايق ابي اشوفه بدون لايوقف مافي امل :anger1: :anger1:

[رجل الجزيرة]

اسوا شركة من حيث اتصالات الانترنت بشكل مو طبيعي واسعارها نفس ما هي ... مشكلتي بالرودباند لم تحل منذ 3 شهور وكل مرة يقولون بنحلها وبنحلها ولا صار شي . والدليل موجود وعلى صفحتهم بالفيس بوك . بعد شهور من المماطله بسبب الاعدادات وغيرها يوم طرشوا الفني اعترف بنفسه ان في مشكله بالشبكه وسبحان الله بعدها ما قموا يتصلون فيني لان ما عاد عندهم عذر.
يوم جيت اقطعه دفعوني حق الشهر اللي كان خربان فيه مع اني مبلغ لي 3 شهور والله العظيم..بس شسوي قلت اقطعه قالوا لي تعال يا حبيبي وين رايح تدفع ثمن الجهاز + 80 حق كل شهر استعملته فيه = 900+ ريال ...يعني لو جيت اقطعه الشهر الجاي ادفع 320 + 900 = 1000 ريال وشوي .
ما اقول الا حسبي الله عليكم يا كيوتل ..شكوى واشتكينا ..تلفون واتصلنا ..صفحه بالفيس بوك وما خليت شي فيه ..صور وسكرين شوت للمشكله ما خليت ..رويتكم السرعه بالبيت وتحت البرج وفي الكورنيش ..بعد ما في فايده ... الفني نفسه جا وقال نفس كلامي وقالي برد عليك وما رد ..وبعد ما في فايده !! ... المصيبه كذا واحد مشتكي من نفس الخدمه ..ولا في فايده .
بس افضى من الدوام احط لكم موضوع حلو بالمنتدى عشان العالم تعرف حقيقتكم .

هذا السطر من نفس الجريدة عن البروندباند:

وعن التحديثات الخاصة بشبكة الجيل الثالث وإذا ما كان العملاء سيواجهون بعض المشاكل خلال الفترة القادمة ام لا اوضح أنه قد تم عمل التركيبات والانتهاء منها وتم تشغيل الخدمة والآن تتم عملية ملاحظة قراءات التغطية ونحاول أن يتم عمل نوع من التوليف بين المحطات وهذه العملية ستستغرق شهرين، وربما بعض العملاء سيشعرون ببعض الانقطاعات ولكن بعد نهاية هذين الشهرين سيلاحظ العملاء ما الذي قامت هذه التغطية بعمله وهي بشكل كبير عملية تغطية البرودباند الجوال في داخل البيوت وداخل المنازل وسيشعر العميل بفرق كبير جدا.

[الحال مايساعد]

مادري شاقول والله لكن حسبي الله ونعم الوكيل

[shadad]

شداد ناطرين موضوعك والصور والبراهين لان صج صج سرعة الانترنت فالبيت خايسسسسسسسسسسه :anger1:

كل مره نغير المودم وناخذ الاسرع وحاله وبعد مافي فايده .. حتى فيديو بو 4 دقايق ابي اشوفه بدون لايوقف مافي امل :anger1: :anger1:

الموضوع جاي ..وانا تحمست اكثر لاني عرفت ان في ناس فعلا تبي تاخذ حقها .
ولا يهمك طال عمرك. الصور موجوده والرابط موجود على الفيسبوك بالتاريخ وردودي كلها على كيوتل قمة الاحترام وردودهم علي اضاعه للوقت ولعب بالاعصاب. وعندي تاريخ اتصالاتهم لي وقريب اطلع مكالماتهم الصوتيه معاي لو قفلت وما عاد الا ارفع قضيه عليهم .

انتظروني قريب . وكشورة على التعقيب .

[shadad]

هذا السطر من نفس الجريدة عن البروندباند:

وعن التحديثات الخاصة بشبكة الجيل الثالث وإذا ما كان العملاء سيواجهون بعض المشاكل خلال الفترة القادمة ام لا اوضح أنه قد تم عمل التركيبات والانتهاء منها وتم تشغيل الخدمة والآن تتم عملية ملاحظة قراءات التغطية ونحاول أن يتم عمل نوع من التوليف بين المحطات وهذه العملية ستستغرق شهرين، وربما بعض العملاء سيشعرون ببعض الانقطاعات ولكن بعد نهاية هذين الشهرين سيلاحظ العملاء ما الذي قامت هذه التغطية بعمله وهي بشكل كبير عملية تغطية البرودباند الجوال في داخل البيوت وداخل المنازل وسيشعر العميل بفرق كبير جدا.

اخوي رجل الجزيرة . اولا اشكرك على التعقيب .
للعلم فقط ولكل الشباب هني انا يوم اتصلت وكلمت كيوتل ما قالوا لي مشكلة وتحديث اول مرة..قرفوني شهر وشوي وكل سببهم ان الاعدادات عندي مو عدله وانا من يوم ما خذيت الاعدادات ما سويت شي ( اشلون اختربت ! ) ..وبعد شهر وشوي قالوا اهاااااا المشكله من عندنا يالطيب ( صباح الورد ) قلت ما عليه فصبر جميل. ووقتها اتصالهم لتلفوني بشهر رمضان وسبحان الله وانا بالمسجد قالوا لي انطر 25 يوم ..يعني 25 + فوق 3اسابيع من قبل ! قلنا ما عليه واليوم 25 قبل العيد والعالم بتطنشني وقت ما يخترب لاني ادري العالم بيسحبون علي والسبب العيد ..وفعلا اشتغل يوم وعلى طول تحت سابوعين ..وانا اكتب واكتب وهم يقولون الاعدادات وانا ارد عليهم واقول : نفس الجهاز ونفس الاعدادات ونفس اللبتوب اوديهم الكورنيش اشلون يستوي طياره وبالبيت وقدام البيت وتحت برج كيوتل بالجنوبيه ما يشتغل الا بطلعة روح !!!! هني ما عاد يعرفوا يردون ويقولوا السطر المعتاد : خلاص نشيك عند الفني ونرد عليك !!! اه بيالقهر ..

ومن اسبوع دفعت فاتورة الشهر اللي ما اشتغل ..اقولهم عوضوني يقولون ما يهمنا اهم شي شبك معاك ؟!! يه !! ودزوا الفني والفني قالها بلسانه ..ما في مشكله عندك ! المشكله من ارسال الشبكه.. ازين راح لكيوتل وما عاد خبرني وكيوتل ماكلموني لانه خلاص انصكت بوجوههم وما عاد عندهم عذر ..والحين فاتورتي الجايه يوم سبعه بعد اقل من 5 ايام وبدفعها غصبا عني !! ليش ؟ ليش ؟...

والله لاخذ حقي منهم بالغصب وانا it ..يبون فلوسهم ما عندي مشكله حقهم بس ياخذونها بالحق مو بالحرام .

ولو كل التحديث من قبل رمضان للحين ليش ما يتم اخبار المستخدمين ويخصم المبلغ من فواتيرهم ها ؟....!!! و الله الشكوى لغير الله مذله بس ايش اسوي .

والسموحه ياخوي فضفضت زياده بس والله مقهور . والموضوع جاي قريب ان شاء الله .

[الـقـاسـي]

الحق كيوتل لين باب البيت ,, بننطر وبنشوف اتوقع بيركبون الالياف والسرعه نفس مااهي توقعوا من كيوتل كل شي

[العقل الحر]

اسوا شركة من حيث اتصالات الانترنت بشكل مو طبيعي واسعارها نفس ما هي ... مشكلتي بالرودباند لم تحل منذ 3 شهور وكل مرة يقولون بنحلها وبنحلها ولا صار شي . والدليل موجود وعلى صفحتهم بالفيس بوك . بعد شهور من المماطله بسبب الاعدادات وغيرها يوم طرشوا الفني اعترف بنفسه ان في مشكله بالشبكه وسبحان الله بعدها ما قموا يتصلون فيني لان ما عاد عندهم عذر.
يوم جيت اقطعه دفعوني حق الشهر اللي كان خربان فيه مع اني مبلغ لي 3 شهور والله العظيم..بس شسوي قلت اقطعه قالوا لي تعال يا حبيبي وين رايح تدفع ثمن الجهاز + 80 حق كل شهر استعملته فيه = 900+ ريال ...يعني لو جيت اقطعه الشهر الجاي ادفع 320 + 900 = 1000 ريال وشوي .
ما اقول الا حسبي الله عليكم يا كيوتل ..شكوى واشتكينا ..تلفون واتصلنا ..صفحه بالفيس بوك وما خليت شي فيه ..صور وسكرين شوت للمشكله ما خليت ..رويتكم السرعه بالبيت وتحت البرج وفي الكورنيش ..بعد ما في فايده ... الفني نفسه جا وقال نفس كلامي وقالي برد عليك وما رد ..وبعد ما في فايده !! ... المصيبه كذا واحد مشتكي من نفس الخدمه ..ولا في فايده .
بس افضى من الدوام احط لكم موضوع حلو بالمنتدى عشان العالم تعرف حقيقتكم .

نفس مشكلتك

وتوهم مصكرين مني قبل شوي ... ولا فيه فايدة

[الـراسي]

لو فيه شركة ثالثة كان بشوف العجب

اوف لو موبايلي تفتح في قطر

عز الله بتكسر السوق

[shadad]

نفس مشكلتك

وتوهم مصكرين مني قبل شوي ... ولا فيه فايدة

توني انا مكلمهم ونفس القصه يعني بالعربي انا وانت بندفع الفاتورة الجاية اللي بتنزل في يوم 7 بالضبط غصبا عني وعنك اللي بتكون للشهر الجاي .
تقولي اللي كلمتني : ممكن اكلم قسم الفواتير عشان يخصمون منك الفاتوره ...ممكن ..واموت اسبوع وبتدفع وبتشتكي وان شاء الله ...الاسبوع الجاي نحلها لك مع التحديث ..وموت يا ...صدقني التحديث له اكثر من شهرين بالضبط على ايام يوم طاحت الشبكه هل عوضوك ؟ لا ...هل بيعوضونك على الفتره الجايه هم لا ....
هذي انا ادفع مقدما لشهور طلعت كلها بانترنت خربان !!

انا الحين بالدوام بس ارجع البيت يصير خير .ما في فايده الشركه هاي ما تستعدل الا يوم تفضحها او ترفع عليها قضيه. وانا قاري policy مالتها على النترنت بكرة اشوفهم في فرع السد حلوا مشكلتي كان بها ..لا ..بكره ارفع الموضوع اطلع السكرين شوت وبعدها اطلع التسجيلات الصوتيه ونشوف. لكل حادث حديث .

[shadad]

وللعلم فقط عشان اثباتا للحق :

اسمي شداد كما هو مسجل بالمنتدى ورقم شكواي الاولى اللي صكوها وما حلت المشكله واخترب النت عقبها بيوم هو 315941
وطبعا شهر 7 !! مسجهم اللي كان بالضبط في 21-7-2011 الساعه 2:38 مساءا . ولحقها 3 شكاوي تقريبا .

كل شي موجود ومثبت. وما يضيع حق وراه مطالب . الصفحه مالتهم يا شباب مليانه مشاكل لناس من مشتركيين موزاييك والبرود باند ..دشوا على discussion من اليسار في صفحتهم وشوفوا الناس ! 5 على الاقل مشتكين في شكواي اللي كتبتها ( مع ان المفروض يكتبون شكوى خاصه بس رحبت فيهم ) .
التفاصيل قادمه باذن الله غدا . اليوم نرتب الافكار بكره نروح والعصريه يبدا الشغل .

[بوخالد911]

http://www.al-watan.com/data/20111003/images/cartoon2.jpg

وش رااايكم؟

[رجل الجزيرة]

اخوي رجل الجزيرة . اولا اشكرك على التعقيب .
للعلم فقط ولكل الشباب هني انا يوم اتصلت وكلمت كيوتل ما قالوا لي مشكلة وتحديث اول مرة..قرفوني شهر وشوي وكل سببهم ان الاعدادات عندي مو عدله وانا من يوم ما خذيت الاعدادات ما سويت شي ( اشلون اختربت ! ) ..وبعد شهر وشوي قالوا اهاااااا المشكله من عندنا يالطيب ( صباح الورد ) قلت ما عليه فصبر جميل. ووقتها اتصالهم لتلفوني بشهر رمضان وسبحان الله وانا بالمسجد قالوا لي انطر 25 يوم ..يعني 25 + فوق 3اسابيع من قبل ! قلنا ما عليه واليوم 25 قبل العيد والعالم بتطنشني وقت ما يخترب لاني ادري العالم بيسحبون علي والسبب العيد ..وفعلا اشتغل يوم وعلى طول تحت سابوعين ..وانا اكتب واكتب وهم يقولون الاعدادات وانا ارد عليهم واقول : نفس الجهاز ونفس الاعدادات ونفس اللبتوب اوديهم الكورنيش اشلون يستوي طياره وبالبيت وقدام البيت وتحت برج كيوتل بالجنوبيه ما يشتغل الا بطلعة روح !!!! هني ما عاد يعرفوا يردون ويقولوا السطر المعتاد : خلاص نشيك عند الفني ونرد عليك !!! اه بيالقهر ..

ومن اسبوع دفعت فاتورة الشهر اللي ما اشتغل ..اقولهم عوضوني يقولون ما يهمنا اهم شي شبك معاك ؟!! يه !! ودزوا الفني والفني قالها بلسانه ..ما في مشكله عندك ! المشكله من ارسال الشبكه.. ازين راح لكيوتل وما عاد خبرني وكيوتل ماكلموني لانه خلاص انصكت بوجوههم وما عاد عندهم عذر ..والحين فاتورتي الجايه يوم سبعه بعد اقل من 5 ايام وبدفعها غصبا عني !! ليش ؟ ليش ؟...

والله لاخذ حقي منهم بالغصب وانا it ..يبون فلوسهم ما عندي مشكله حقهم بس ياخذونها بالحق مو بالحرام .

ولو كل التحديث من قبل رمضان للحين ليش ما يتم اخبار المستخدمين ويخصم المبلغ من فواتيرهم ها ؟....!!! و الله الشكوى لغير الله مذله بس ايش اسوي .

والسموحه ياخوي فضفضت زياده بس والله مقهور . والموضوع جاي قريب ان شاء الله .

السنة الماضية إشتريت من عندهم البرودباند الجديد أبو سرعة بأقصى حد 21 ميجا ومستانس
ورحت البيت وركبته إلا وشفت السرعة أقل من 1 ميجا والسبب الرئيسي إلي خلاتني أشترك فيه هو عندي في البيت الراوتر كل شوي يقطع خاصة في الفترة المسائية والسبب الثاني هو: شريت لعيالي 5 كمبيوترات ومشتركين على نفس الراوتر.
المهم وتميت على هذي الحالة من شهر 6 2010 حتى شهر 7 2011 وأنا على الحالة وكل ما أكلهم إلا هم قالة: والله بيتك بعيد عن الإرسال وخاصة الفترة المسائية والسبب الثاني هو: ضغط كثير على السيرفر وما لك إلا الصبر حتى يقوون الإرسال في الأخير قلت لهم بس البروند باد يصير حار واجد وإلا الفني قال بس خلاص روح لمندوبنا الستار لنك إلي في النصر ( وما كان عندي خبر من قبل إن عندهم مندوب لتصليح الأجهزة) وفعلا ورحت لهم وشيكوا على إلا قالوا فعلا الجهاز خربان وبنبدل لك بواحد جديد وفعلا أعطوني واحد مقرطس وشفت السرعة فعلا ما بين 3 و4 ميجا وبعض الأحيان خاصة في الصباح تكون السرعة أكثر من 5 ميجا وتميت لين حطوا الخبر لتقوية إرسال البروند باند في بداية الرمضان وأنا الحين أنتظر التقوية فعلا حسب كلامهم يبغي له شهرين.

[رجل الجزيرة]

http://www.al-watan.com/data/20111003/images/cartoon2.jpg

وش رااايكم؟

جزاك الله خير.

[um3lianny]

كيوتل تبي تعدل سمعتها بهالخبر فتحت عليها باب
الكل مستاء من الخدمات المترديه لكيوتل
و على قولة المثل من مادحها قالوا امها و عشافتها

[brooq]

كيوتل تطرح سرعات أكبر للإنترنت .. ها ها ها ..

باعتبرها نكتة اليوم أو الشهر.

[البيت بيتك]

امس تم تركيب الجهاز الجديد والله يعينا على التشغيل يقول بعد شهر

[qatari1]

جاءني فريق كيوتل الفني، وقاموا بتركيب الأجهزة اللازمة، وقالوا بعد شهر سيتم تفعيل الخدمة.

السؤال: هل سيلغون راوتر تومسون الأبيض السيء الصيت؟ أم سيظل قيد الاستعمال؟

[shadad]

رحت اليوم كيوتل وقعدت اسمعهم الفلم القديم. طبعا اعطيهم رقم المشكله يقولون لي الفني مو ذاكر شي فيه ؟! يعني يا طويل العمر عشان يغطون. قلت اوكي والحل ؟ وطبعا السؤال المعتاد وجوابي اني اذكر قصتي من تاريخ 12-7-2011 وكل المشاكل والاتصالات والشكاوي والخ .... راحت الموظفه تنادي لي ما ادري وحده ثانيه شكلها مديرة الفرع المهم اختصرت كلامي في نقطتيني شكلها من النوع اللي يحب يركز على النقط مو القصص وانا اشوفه شي جيد ( لو كان له مفعول وانا جاي على هاي النقطه قريب ) . فكل شي بيكون واضح تقريبا قبل 8 هاي الشهر .
وبعدها خلاص ما عاد فيني استحمل 3 شهور و 4 فواتير ...لا والمصيبه ياخذون مقدما يعني لو الخط تعبان الشهر الجاي روح دور ربعك .
يا رب ! صبرني على كيوتل .

[جمال اليافعي]

الغريب ان مهندس توزيع شبكان فودافون جاوو لنا يطلبون نسمح لهم نركب معدات تقوية ارسال بلفان :) , كلمتهم عن الفايبر اوبتك , قال لي شي غريب , ان الفايبر مهب ملك كيوتل وان فودافون بتقدم سرعه انترنت عالية جدا بعد كم من سنه وان فودا هي الي ضاغطة في المجلس الاعلى ان يركبون الكيابل ..

[ll vip ll]

http://www.al-watan.com/data/20111003/images/cartoon2.jpg

وش رااايكم؟


100%

صادق

ليومك هذا وانا اشتكي من النت
حتى الفني اللي يطرشونه البيت ماله خبره
يتم معاك فوق الساعتين يحل المشكله
واتصالات لكيوتل وريست للجهاز ولا في فايده
وبعدين يغيير الجهاز بواحد جديد
واخترت اعلى باقه ونفس الشي بطيء
والنت ما شاء الله السلحفاء اسرع منه
وغيرت الباقه اقل شي لانهم مايستاهلون ندفع لهم ولا نستفيد من الباقه
واذا اتصلت لهم ( كيوتل ) وقلت لهم النت بطيء
ردهم هذا بسبب كثره العملاء المشتركين والضغط :secret:
شرايكم في ردهم ....!!!!

.................................