بخصوص بنك التنمية ومتى يسحب القسط حق البناء

[عابرة سبيل]

السلام عليكم ورحمة الله وبركاته

اخواني ابي استفسر انا اللحين ما كملت 10 شهور من توقيع العقد
وبنيت بيتي ولله الحمد وباقي التشطيب
خلصت الدفعات اللي من بنك التنمية تقريبا باقي اخر دفعة
وتفاجأت الخميس ان بنك التنمية سحب من رصيدي تقريباً 1680
سؤالي
متى المفروض يتم السحب
انا اللي سمعته بعد سنتين من توقيع العقد او استلام مفاتيح البيت واتمام شهادة البناء
الرجاء التوضيح للي مرت عليه هالسوالف
ولكم مني جزيل الشكر والتقدير
اخوكم بو محمد

[المزن الرياني]

هذه اقساط القرض الثاني فقط ( الاضافي )
يتم سحبها بمجرد ان كل المبلغ ينزلك اللي هو 600 الف

القسط الاول بعد ينسحب بمجرد نزول آخر دفعه
الله يعينك

[بو الجوري]

مثل ما قال أخوي المزن :..

بمجرد إنج تاخذين آخر دفعه من القرض ( سواء الأول أو الثاني )
بعدها بشهر يخصمون القسط :..

مثل ما صار معاي من كم يوم خصموا الـ 1682 ريال :..

و باقي دفعه أجلتها لين عقب :.. :)

[عابرة سبيل]

الله المستعان
مشكور اخوي ويعطيك العافية