المساعد الشخصي الرقمي

مشاهدة النسخة كاملة : @@ °●|[ الاطفال والسيارة .. الى متى ؟! ]|●° @@


حراير قطر
02-10-2011, 08:45 AM
صباح / مساء الخير

كل يوم نحزن وننقهر بسبب حوادث اهمال الاطفال

امس كنت في المحل وانتظر لين يخلص الايباد

وقاعده اسولف مع بنتي اقولها اتروحين السيارة

وطبعا مستحيل اخليها اتقعد بس مجرد اسولف معاها

الا صاحب المحل يقولي تحملي اختي ومن هالكلام

الا يقول صارت حادثه من 15 يوم عند محلات سوق الغرافة

قلت له خير عسى ما شر يقول الابو والام انزلو من السيارة

وخلو عيالهم وصكروا عليهم كل شيء لا تكيف ولا افتحوا لهم الدرايش

وفي غرشة دواء الاطفال اشربوا الدواء الولد توفى الله يرحمه

والبنت نجت يعني هم ما يشوفون الجو اشلون يخلونهم بالسيارة

وطبعا لحد يخلي عياله بالسيارة واهي تشتغل سبحان الله يحركون القير ،،

الا مخلينهم في الباص الا بالسيارة الا راد عليهم ريوس

يا ليت من المدارس يشوفون لهم حل مع العاملات

وانهم يشيكون على الاطفال بأنهم انزلوا واتحاسب على اهمالها

وهالكلام موجه لي ولكم اتشيكون عليهم بأنهم كلهم داخل البيت ومحد بالحوش

صج انه مكتوب بس قالوا الاوليين من همل افتقد

حاسبوا والله ترى انتوا تعبتوا عليهم

الواحد يعرف نفسه انه بيتشرى وما يقدر على لعب الاطفال بالمحلات

يخليهم في البيت اريح لهم واريح له

احس انه كلامي مخربط بس صج صج مقهورة ...

اختكم المقهورة :(

حراير قطر
الدمعه
02-10-2011, 09:01 AM
اي والله صاجه ..

يوم عيالي صغار مااخليهم في السياره بروحهم اخاف ..

بس احين ماشاء الله كبار ..مااخاف عليهم..

بس اذا بروح مكان مالهم حاجه فيه البيت افضل لهم ماله داعي يجون معاي ..
FCB 123
02-10-2011, 09:53 AM
لازم حد كبير وفاهم يجلس معاهم في السيارة .. الأطفال يحبون يلعبون وخصوصا الطفل يحب يقلد الأكبر منه ويجرب انه يمسك السكان والقير علشان يسوف

الله يحفظنا ويحفظكم إن شاءالله
قدها وقدود
02-10-2011, 10:12 AM
الحذر واجب

والاهمال مصيبه
شيزكيك
02-10-2011, 10:28 AM
اذا اضطريت ونزلت أبندالسيارة وافتح لهم الدرايش ولين الجو حار ولما يكون أخوهم الكبير موجود اخلي لهم المكيف وأحذرة لتوزك نفسك واذكر ولد الجيران أبوه نسه المفتاح والولد حرك بالسيارة وعلى طول عمل حادث ومات
boamir
02-10-2011, 10:47 AM
انا مره ولد اخوي كان معاي بالسياره وكنت ابي انزل الدكان ضروري بس دقيقتين وخفت منه لأنه شيطاان حده
مسكته ولفيت عليه الحزام عدل وربطته بقوو ولما رحت ورجعت لقيت الحبيب طالع من الحزام وقاعد يلعب بالسكان

بس مششكله والله اليهاال لازم الواحد مايخليهم بالسياره إلا إذا معاهم شخص كبير
بوسلمان 2010
03-10-2011, 11:20 AM
من كم يوم نزل واحد من السيارة عند مطعم الفول والحمص بيروت يبي يحط الاغراض في الشنطة ومعاة ياهل


جدام في السيارة وحرك القير ولولا ستر الله ولحق السيارة كان دعم كم سيارة وخاصه هذا الشارع مزدحم حده


الله ستر علية وانتبهو يااخوان من ترك اليهال جدام لانها في خطوره عليهم وايد
بـــــــنت النوخـّــــذه
03-10-2011, 11:32 AM
لا حول ولا قوة إلا بالله

بعض الاسر عليهم ذكاء مابعده ذكاء يسكرون السياره على اليهال وين الاكسجين ؟؟؟ او التنفس

حافظوا على عيالكم تراهم امانه برقبتكم استحملو سندارتهم واذيتهم التربيه لازم فيها شقى وتعب