الحذر ثم الحذر من ماريوت تايم شاير للعطلات

[احب قطر]

السلام عليكم ورحمة الله وبركاته،،،،

اخواني واخواتي الاعزاء ،،، هالايام الاحظ شركة ماريوت تايم شير للعطلات مركزه بشكل كبير على سوق قطر للتسويق لمنتجعاتها اللي في فرنسا واسبانيا ، ترى حاسبوا منهم ، في البداية يعطونك القمر في يد والشمس في يد ، ويقص عليك بحسبة يطلعك وكانك ربحان 100% ، ويبيعك الاسبوع بتقريبا 500 الف ريال ، ويقول انه بيعطيك ويعطيك ويسوي لك ، بس مجرد ماتوقع راح تتفاجأ انهم ماراح حتى يردون عليك ويقطونك على كول سنتر ، واي شي تسويه بفلوس ، واذا حصلت حجز بتكون محظوظ ويدفعونك سنويا مبلغ وقدره على الصيانه ، يطلع عليك اكثر بكثير لو انج تاجر كل سنه ، واللي مقنع ويبغي يشتري ، ترى خل يدور في اي باي او في مواقع التايم شير وبيحصله بثلث القيمه اللي يبيعون الناس فيها.

هذا والله من وراء القصد ، لان واحد من الربع دفع لهم اكثر من 70 الف ريال ، ولم شاف كذبهم لغى العقد وطبعا راحت عليه الفلوس لان لو خلاه راح يدفع مبلغ اكبر.

[Aaziz]

كل ما ذكرته صحيح ١٠٠٪ و من تجربه احد الاصدقاء الله يهديه

كل فتره يتصلون عليه يقولون سوينا صيانه للحمامات و سوينا صيانه لمادري ايش و تعال ادفع .. و مستحيل تحصل وقت تحجز فيه الشقه المزعومه ابدا ابدا


فعلا الحذر يا اخوان ثم الحذر من هذا الشركه و شبيهاتها

[اكسجين]

سمعنا واجد بهذه العروض وكذبهم ., كله كلام فاضي .


وشكراً اخوي : احب قطر .

[بايع بايع]

يا مااكثر هالعروض وعمليات النصب

وخصوصا لما يقولك ثواني وادخلك الاجتماع
ثواني ويجي المدير
ثواني واعملك مش عارف ايش

يعطيك عبارات فخمه وتصورات كبيره

وكله في صوب ولما يقولك اليوم اخر يوم في العرض بصوب

واللي عقلة في راسه يعرف خلاصة

[بوخالد911]

بس ووين منتشرين
ووين مواقعهم؟


يسلموو لللتنبية

[المتحدث الرسمي]

.....

جزاك الله خير على التنبيه

والله يكفينا شرهم

.....

[شموخ دائم]

,

,


مرحبا


تسلم اخوي الكريم على التنبيه والتحذير


بالفعل اي موضوع او مشروع توجد فيه كلمه

تايم شاير

فهو وسيله لسحب الفلوس وسرقتها بطريقه قانونيه

:)


والمفروض هذه الشركه يتم منعها من العمل في قطر

وايقاف مندوبينهم المنتشرين في الاسواق لاصطياد الناس

,

,


اخوك


شموخ دائم

[بورصجية]

ههههههههههههههههه
كنت في فرنسا وشفتهم هناك

[حكآية آحسآس]

المفرووووض ماايتقوون ولا نعطيهم الثقه ببلادنا يتلاعبون على كيفهم..

الحين احنا مب جاهلين بالقوانين والمفروض جهة حكومية توقفهم عند حدهم..


والمفروض نبلغ عليهم واي شخص تلاعبو عليه يرفع عليه قضية للمحكمة والقانون ياخذ له حقة دام له وكيل بقطر ومصرح له واذا كثرت عليهم الشكاوي يسكرون الشركة ككل ونتهي السالفه..

اما مسألة ان احنا نسكت عن الخطئ هذا بحد ذاته اكبر خطئ


اشكرك اخي على التوعية العامة وجزاك الله خير وارجوو للجميع الحذر من هالشركات الزائفة..

.

[كازانوفا]

حسبي الله عليهم فاكرين الناس لاقين الفلوس بالشوارع وبسهوله
ايش فاكرين حالهم لا بارك الله فيهم

[كبير المتداولين]

شركه نصب واحتيال نفس الفصول الاربعه

[غير البشر]

ااذا شفتوهم في الاسواق او المجمعات
عادي هزوئهم استلموهم اطنازه سبلو فيهم :nice:

[barod]

معقوله فيه ناس تصدقهم بعد الي سووه في العالم

[السندان]

صار لهم سنين لايثين في شوارع الدوحه

اكيد الحضره صايده

[BuFaisal]

سمعنا واجد بهذه العروض وكذبهم ., كله كلام فاضي .

:victory:

[so style]

واجهتهم في ممصر
حسبي الله ونعم الوكيل. نصااابين
الشكر للتنبيه

[نــويصــر]

,

,


مرحبا


تسلم اخوي الكريم على التنبيه والتحذير


بالفعل اي موضوع او مشروع توجد فيه كلمه

تايم شاير

فهو وسيله لسحب الفلوس وسرقتها بطريقه قانونيه

:)


والمفروض هذه الشركه يتم منعها من العمل في قطر

وايقاف مندوبينهم المنتشرين في الاسواق لاصطياد الناس

,

,


اخوك


شموخ دائم

قانونيه

شلون
:eek5::eek5:

[The_Be$t]

اعتقد في مبالغة في الموضوع


التايم شير نظام عالمي موجود في كل مكان


انت لك اسبوع محدد كل سنه في منتجع مثلا تاريخ٣/٩ انت شريته وكل سنه لك الحق تروح تسكن او تاجره او تحوله نقاط وتسكن في مكان ثاني

بالنسبة لموضوع الصيانه فعلا موجود ومايتعدى ٢٥٠٠ ريال كل سنتين تقريبا

السعر حاليا غالي ٥٠٠،٠٠٠ قبل كان ١٠٠،٠٠٠ او اكثر بشوي لانه كل فتره يزيد سعره

في ناس يشترون اكثر من اسبوع

هذا بالنسبة للماريوت اما الشركات الثانية مااعرف عنها


يعطيكم العافية *

[مشتاقة لقطر]

مريت علي السالفة بلبنان 2003

قالو لنا فزتو بقضاء رحلة مدري ايمنتجع بس بشرط تحضرون

قلت بخاطري ماعمري فزت بشي اخيرا ابتسم الحظ هههه

وخربطو علينا ولفيت العالم في ساعة من خلال برنامجهم

وصدقت وتشجعت بس زوجي رفض رفضا قاطعا

وزعلت عليه هههههه
بعد فترة فهمت هالالاعيب

[بوسلمان 2010]

مالي حاجه فيهم ويتصلون او يصيدونك في زاوية اسلوبهم يخليك تفكر لاكن اول ماتشوفهم طنش لهم كانك



ماتشوفهم

[احمد بن علي]

جزاك اله خير يالشيخ ع التنبيه لما فيه مصلحة اخوانك المسلمين

[احب قطر]

مريت علي السالفة بلبنان 2003

قالو لنا فزتو بقضاء رحلة مدري ايمنتجع بس بشرط تحضرون

قلت بخاطري ماعمري فزت بشي اخيرا ابتسم الحظ هههه

وخربطو علينا ولفيت العالم في ساعة من خلال برنامجهم

وصدقت وتشجعت بس زوجي رفض رفضا قاطعا

وزعلت عليه هههههه
بعد فترة فهمت هالالاعيب

اهم شي انج زعلتي عليه...