خياط لكزس

[F A W A Z]

مساء الخير


صراحة شي يقهر لما أتشوف السعر زايد عينك عينك


سعر طاقات القماش عندة والله ماتتعدى 1000 هذا اكثر شى والحين كاتب كل الطاقات١٢٠٠

وهي اصلا ماتسوي ٨٠٠

والتفصيل يزيد 40 ريال شي غريب الصراحة

وحتى اسعار الغتر بعد رفع أسعارها

مثلا شماغ الماي فير البسام سعره قبل الزيادة 235 اليوم سالته وكم من الاخر 290 ريال

وأتوقع اشياء كثيرة وصاحب المحل هندي حسب ماقالي

لاحول ولا قوه الا بالله

*

[عيون الدوحة]

مافي أحسن من سوق العلي

[Aaziz]

انا مقاطع الخياييط من فتره طويله .. من صارت الخياط يقول الثوب على ١٦٠ مهما غيرت نوع الخلق السعر ثابت وهذا يدلك على ان السعر مبالغ فيه و الخياييط يستغلون الناس .

اروح الكويت اتمشى كل سنه ولا سنتين و اشتري لايقل عن ٧ طاقات خلق من افخر الانواع و افضل من الي عند الخياطين اغلى طاقه سعرها لايتعدى ٦٥٠ الخلق مايتغير مع الغسيل نهائيا و القماش نوعيات فعلا راقيه وجوده .
لله الحمد افصل منها و اهدي منها و مفتك من نصب الخياييط ،، و اروح لاقرب خياط اشوف خياطته و افصل ثوب واحد فقط كتجربه اذا عجبني فصلت عنده و استمريت معاه .
حسبتها مره كم يكلفني الثوب اذا ماخانتني الذاكره طلع ١٢٠ تقريبا او ١٣٠ لا اذكر .
و اذكر بعض الخياييط اذا شافني جايب الخلق من عندي يزعل و بعضهم يقول ما اخيط لا اذا تاخذ خلق من عندي .. و هذا استغلال و اعتقد مخالف للقانون ماله حق يقول الخياط ما افصل لك الا اذا تاخذ حلق من عندي ،، يتعذر بالزحمه و انشغال الخياطين .. طيب شلون صار عندك وقت تفصل اذا الخلق من عندك ؟

[Rashid554]

وايد خيايط رافعين الاسعار يعني الحين خياط الرجل المميز قبل الزياده يخيط الثوب على 400 ريال وبعد خياط في الغرافه ناسي اسمه
المشكله انا جربت الخيايط الي بسوق العلي والريان مشكلتهم (الكلر) يتعفس بعد الغسيل مع اني ما اغسل ملابسي الا بمغاسل يعني مو بالبيت ومع ذلك الكلر يخترب
حتى ذي بو 400 ريال وهقني مفصل 6 ثياب واخرتها مع الغسيل الاول الكلر ( الرقبه ) اخترب وانقهرت والله على هالثياب والخامات الزينه اخر شي يجيك الكلر معتفس
والله اذا تعرفون خياط يفصل عدل واهم شي مشكله الكلر :(

[شموخ دائم]

,


,


مرحبا


خياط الزباره خياطته زينه في المرخيه

ما تذكر السعر بس اعتقد سعره متوسط معقول

,

,


اخوك


شموخ دائم

[عيد823]

خياط لكزس من رفع اسعار خياطة الثوب ل٤٠ ريال وانا ماروح له ، زيادة غير مبررة ومالها داعي .

[alfahad1]

يالربع اللي يسمعكم يقول ان هالمحل محتكر شي في الدوحه كل داعوس فيه خياط

اللي ما يعجبك دور غيره

وسلامتكم

[F A W A Z]

صادقين والله حتى العقال صار عنده غالي

الله المستعان

خلاص الحين عند الخياط المرخية اسعاره مثل ماهي وتفصيلة ممتاز

والله المستعان

[عبودي قطر]

اي والله انا امس رايح خياط لكزس قالي الثوب الواحد افصله لك ب 280 ريال والطاقه ب 1200 ريال بل والله ماتسوي مكرمه والله شي يبط الجبد من هالخيايط وبذات لكزس قهرني الهندي والله وطلعت عنه .اخر شي بيقولون الثوب ب500 ريال

[نجدي قطري]

خياط لكزس من رفع اسعار خياطة الثوب ل٤٠ ريال وانا ماروح له ، زيادة غير مبررة ومالها داعي .

الشيخ من متى لكزس ثوبه بـ40؟
قبل سنتين كان ثوبه بـ 50، لا ويقول لي تتشرّط، يعني لازم تدفع حق ثوب سبشل بـ 75، والله ومن زين ثوبه السبشل.

[حمد بن سعد]

يازين سوق واقف

[bo_s3ood]

رووح سوق العلي وادخل على خياط لوودر طبعا هم تقريبا 3 او 4 خيايط نفس الاسم

رووح حق اول محل لوحته تجي حمره تقريبا او بنفسجيه

صاار لي اكثر من 8 سنين وياهم وتفصيلهم عال العال والسعر مايتعدى 120 ريال واختار اي نوع خلق تبيه على نفس السعر

[بو الجوري]

ياريااال أغلب الشباب هم اللي ماعطينهم ويه :..

يا بلفيت ثيابي أفصلها من لكزس و سيليني و قبا :..

أهم شي خلق ممتاز و تفصيل ممتاز وخلاص إن شاء الله مفصل فالدوبي :.. :)

حراميه هذول و الله :..

أخبر من كم سنه يوم نزلو تفصيل سبشل و كلر بدون إزرار :..
بـ 250 أعتقد :.. و الشباب طايحين فيه :..

و من يومها و زادت الأسعار :..



أنا مثل ماذكرت في موضوع ثاني :..
فصلت في واحد من الحلات الكبيره ثوب بـ 160 ريال :..
لا الخلق عدل و لا التفصيل عدل ، الثوب وسيع :..
مع إنه ماخذ قياس ثوب العيد :..

و رحت سوق العلي بـ 100 ريال :..

و التفصيل و الخلق مايحتااااااي :.. و ناوي أروحله بكره افصل بعد 2 :)

[بو الجوري]

شدعوه ثوب بـ 400 ريال !!!!

يعني لو نقول بفصل فالسنه 10 ثياب بـ 4000 ريال !!!

أروح سوق العلي أفصل 10 ثياب بـ 1000 ريال :.. فرق و الله :)
و إلا بفصل 40 بـ 4000 :.. ههههههه

[موعوود]

يالربع في نقطة مهمة بالنسبة للخيياط انا افصل في خياط قباء تفصيل الثوب من عنده ب250 لكن اذا شريت طاقة من محل اقمشة في سوق واقف يطلع علي الثوب 165 يعني الفرق كبير اذا تشتري من برا وسلامتكم

[سهم عتيج]

يالربع في نقطة مهمة بالنسبة للخيياط انا افصل في خياط قباء تفصيل الثوب من عنده ب250 لكن اذا شريت طاقة من محل اقمشة في سوق واقف يطلع علي الثوب 165 يعني الفرق كبير اذا تشتري من برا وسلامتكم

يعني قصدك تقول ان تفصيل الثوب من عنده أرخص وأوفر لك؟؟؟

سبحان الله,, حتى الحريم صاروا أحسن منا,, يفصلون الجلابيات بأسعار عادية جدا.. ما أدري ليش أحس ان بعض الشباب صاروا يادهينة لا تنكتين..

[مستجدة]

باااااااال غالين خياطين الرجال 400 ريال حق الثوب الواحد ....؟
هاذي قيمة الخام والتفصيل ولا فقط التفصيل ....؟

[F A W A Z]

باااااااال غالين خياطين الرجال 400 ريال حق الثوب الواحد ....؟
هاذي قيمة الخام والتفصيل ولا فقط التفصيل ....؟

قيمة الخام والتفصيل

بس بعد والله مايسوي اييبونهم من برع برخص التراب وهني يطلعونهم من عيوننا

الله يعين
:weeping:

[رجل اطفاء]

ياااااااااااربع كلام بو الجوري صحيح 100% ايذ صدق اسعرهم غااااااليه قاطعهم

[STAR]

لكسزس هذا اللي فالوكرة؟؟ والا له فروع ثانية بعد؟!!

[F A W A Z]

لكسزس هذا اللي فالوكرة؟؟ والا له فروع ثانية بعد؟!!

له اكثر من اربع فروع اتوقع

والمقصود اللى في معيذر مجابل اسباير

واعتقد كلهم نفس الشي

[البحار00]

والله الناس مغترة فيه هالخياط كلهم على قباء على سليني على الخيط الابيض

ماعندهم شيء

العبرة مب باسم المحل ولا بشهرته

العبرة في الي يقص بالمقص ان كان فنان غصب بيضبط الثوب

والله ان في سوق العلي خياطين فنانين

عيل مثل لكزس جبت له خلق شتوي من الكويت ومفصل لي الثوب على كيفه

اخرتها طلع قصير وايد

وكم مرة مدير الخياط الي عند كرك النعيمي تغير والسبب أنا

[Bu-Khalid]

مساء الخير
صراحة شي يقهر لما أتشوف السعر زايد عينك عينك
سعر طاقات القماش عندة والله ماتتعدى 1000 هذا اكثر شى والحين كاتب كل الطاقات١٢٠٠
وهي اصلا ماتسوي ٨٠٠
والتفصيل يزيد 40 ريال شي غريب الصراحة
وحتى اسعار الغتر بعد رفع أسعارها
مثلا شماغ الماي فير البسام سعره قبل الزيادة 235 اليوم سالته وكم من الاخر 290 ريال
وأتوقع اشياء كثيرة وصاحب المحل هندي حسب ماقالي
لاحول ولا قوه الا بالله
*

الطاقه خذها من محل عبدالغني اسعاره زينه او الشروق اللي فسوق واقف

والخلق الشتوي من سوق المباركيه فالكويت

والغتر وانت رايح السعوديه خذ لك ٥ غتر حق سنه

[F A W A Z]

الطاقه خذها من محل عبدالغني اسعاره زينه او الشروق اللي فسوق واقف

والخلق الشتوي من سوق المباركيه فالكويت

والغتر وانت رايح السعوديه خذ لك ٥ غتر حق سنه

خلاص خذت الصفقة الشتوية اليوم كم لون شتوي بس متى يجينا الشتاء ونلبس :)

لاهنت على المعلومات وشكرا للتواجد العطر :shy:

[الكولونيل]

وايد خيايط رافعين الاسعار يعني الحين خياط الرجل المميز قبل الزياده يخيط الثوب على 400 ريال وبعد خياط في الغرافه ناسي اسمه
المشكله انا جربت الخيايط الي بسوق العلي والريان مشكلتهم (الكلر) يتعفس بعد الغسيل مع اني ما اغسل ملابسي الا بمغاسل يعني مو بالبيت ومع ذلك الكلر يخترب
حتى ذي بو 400 ريال وهقني مفصل 6 ثياب واخرتها مع الغسيل الاول الكلر ( الرقبه ) اخترب وانقهرت والله على هالثياب والخامات الزينه اخر شي يجيك الكلر معتفس
والله اذا تعرفون خياط يفصل عدل واهم شي مشكله الكلر :(

روح قباء اللي في الغرافة أو سيليني ماراح تلقى مشاكل في الكلر تفصيلهم راقي

[بو الجوري]

حتى ذي بو 400 ريال وهقني مفصل 6 ثياب واخرتها مع الغسيل الاول الكلر ( الرقبه ) اخترب وانقهرت والله على هالثياب والخامات الزينه اخر شي يجيك الكلر معتفس
والله اذا تعرفون خياط يفصل عدل واهم شي مشكله الكلر :(

6 ثياب بـ 2400 ريال :..
خل نقول حق 6 شهور :.. كم مره بينغسل الثوب الواحد ؟
اكيد واااااايد :.. و الكلر بيخترب بسرعه :..

لكـن بهالـ 2400 في سوق العلي بتفصل 24 ثوب :)
و حق 6 شهور كم مره بتغسل الثوب الواحد :.. أكيد أقل و الكلر مابيخترب بسرعه :)


فهمت قصدي :..

يعني 6 ثياب لمدة 6 شهور أحسن و إلا 24 ثوب :..

:nice:

[سفير الدوحة]

???>>>

[bo_s3ood]

امس مفصل طاقه طبعا من محل دايم اتعامل معاه

5 ثياب ب 500 ريال بس بعضكم مدري في شنو حاب لكزس خلوه يولي وفي الف خياط غيره ويفصل احسن منه

[roma27]

ما اعرف اخيط الاعند لكزس حتى لو غالي مع انه الثوب السبشل مب ذاك الشي لكن ربعي يخيطون عند سوق العلي واشوف ثيابهم ارتب مني :(

[الـقـاسـي]

الافضل انك تاخذ الطاقه من سوق واقف او من اي مكان وتفصلها عند الخياط

انا خذت طاقه من سوق واقف حق العيد بـ 525 تكفي 6 ثياب والفصيل في قباء بـ 90 الثوب يعني المجموع 1065 حق 6 ثياب بينما لو باخذ الخلق من عنده اقل شي بيطلع لي بـ 1600

[ALDIWAN]

حتى خياط سيليني رافع قيمة التفصيل بدون القماش 200 ريال التفصيل

[FCB 123]

له اكثر من اربع فروع اتوقع

والمقصود اللى في معيذر مجابل اسباير

واعتقد كلهم نفس الشي

لكزس الي في الوكرة خرب لي 5 ثياب ولا يقولي إن الغلط منه وماسجل (( الي فيه سمير أو سليم ) مشرف المحل

أنا دايما افصل عنده ثوب زرار .. هاي المره قلت له غير لي وخله هدد عادي

الحبيب مفصل لي الثياب كلها أزره قلت له انت ليش مفصل قالي ..... اصلا الخلق الي جبته مايكفي فأنا فصلت لك زرار وقلت له بكيفك .. قالي روح جيب لي نفس الخلق وبضبطه لك

قلت له والله لو ما عدلت الثياب ياويلك واحسن لك تعدلهم لي ولا تقول ان الخلق ما كفا .. كل نوع من الخلق جايبه له 6 امتار .. شدعوه 6 امتار ما تكفي لثوب واحد !!!!

فلما عدل لي الثياب وضبطهم ( طبعا بعد العيد ) العيد عيدت ثوب قديم .. خذت الثياب وقلت له الثوب الواحد بس بعطيك خياطة30 ريال فقط لأنك اخرتني ولو مب عاجبك الثياب عندي في السيارة و انت عندك سيارة روح فيها المركز اشتك علي

وبس من يومه مافصلت عنده لا انا ولا حد من الربع او الاخوان
وكل مايشوفني يقولي تعال وبضبطك .. قلت له لو افصل في ماكدونالد احسن منك .. هههههه

طولت عليكم :omg:

[mE mYself & i]

خياط فاشل وحرامي

أخر مره فصلت من عنده من يمكن 5 سنوات

[حيهور]

خياط فاشل


محد مودينه في داهية ورافع سوقه الا انتم الي تتعاملون معه

[qatary 2022]

المقاطعة

[قرناس قطر]

وصلت الخياطه لين 85 ريال يا اخوي مب 40 ريال

[big boss]

حبتين يا سوق العلي
لكزس اغتر وايد بنفسه
واسلوبه غير محترم مع الزبائن

[ابن الرومي]

والله انا الصراحة كنت مثلكم اخيط في لكزس
بعد فترة شفت واحد من الربع لابس ومخيط ثوب احسن من ثوبي
قلت له من وين قالي خياط في سوق العلي
والسعر مع احسن قماش من 100 الى 140 ريال مع التفصيل
ولو شفت المحل تشوفه اصغير بس امكانيتها قوية

[كاتم المواجع]

والله مغتريين في لكزس ولا مره جاب التفصيل مضبوط
ياوسيع ي ضيق

[عـ العبيدلي]

والله مغتريين في لكزس ولا مره جاب التفصيل مضبوط
ياوسيع ي ضيق

وجوف النكبات حق المناسبات .. في العيد وله حق عرس ومخرب الثوب ..

احين كل خياط غير سوق العلي التفصيل بدون الخلق ب 50 و 60 اقل شي ..

فسوق العلي ب 40 .. وانت وحظك مع الخياط يا يكون اوكي .. يا يسويلك فستان بدال الثوب .

خاطري اثبت على خياط سنع

[mE mYself & i]

ياريت انسوي موضوع للخيايط عشان الكل يستفيد

انا متوهق مب عارف وين اخيط

[ولــ(الزعيم)ــد]

انصحكم بالنبراس في الغرافه

[MoTeC]

شريت طاقه 450 وفصلت عند محل بسوق العلي 6 ثياب والثوب ب 45

الحساب 720

وبعد اخوي قالي المفروض تنزل معاه للـ 38 او 40

[vxr 5.7]

نفس قبـآء آول آفصل الثوب عندة بـ 245 الحين صـآر بـ 265

[bu abdulla]

و الله انصحكم اتجربون ف الشال اللى ف السد انا افصل عنده من 10 سنين الثوب احسن قماش مع التفصيل ب 240 و للحين ما زادت الاسعار عنده
فرع ال شافى و الفرع اللى ف السد و الفرع الثالث ف الوكره و اللحين سمعت له فرع ف الغرافه بعد شهرين

[بو المياسه]

مساء الخير


صراحة شي يقهر لما أتشوف السعر زايد عينك عينك


سعر طاقات القماش عندة والله ماتتعدى 1000 هذا اكثر شى والحين كاتب كل الطاقات١٢٠٠

وهي اصلا ماتسوي ٨٠٠

والتفصيل يزيد 40 ريال شي غريب الصراحة

وحتى اسعار الغتر بعد رفع أسعارها

مثلا شماغ الماي فير البسام سعره قبل الزيادة 235 اليوم سالته وكم من الاخر 290 ريال

وأتوقع اشياء كثيرة وصاحب المحل هندي حسب ماقالي

لاحول ولا قوه الا بالله

*

مافي أحسن من سوق العلي

[_بوشهاب_]

في خياط محدد في سوق العلي تتعاملون وياه وخيااطته مرتبه دلونا عليه الله يحفظكم

لان اخر مره خياط لكزس كان بيطيح البكس وياهم

[ابوحشر]

سوق العلي وبس

[قرنقووش]

انا افصل بأحسن خلق تقريبا ١٤٠ من لكزس .. اييب الطاقه من برع واقطها على الخياط
طاقات لو يموت لكزس مايبيعها بنفس السعر اللي اخذه

عليك بسوق واقف .. خذ الطاقه من هناك وقطها فالخياط .. توفر حول ٥٠٠

[الوفـى طبعي]

في خياط محدد في سوق العلي تتعاملون وياه وخيااطته مرتبه دلونا عليه الله يحفظكم

لان اخر مره خياط لكزس كان بيطيح البكس وياهم

عند المسجد الي داخل سوق العلي اول محل اسمه خياط سوق العلي الحديث , وخياط الذوق الرفيع

مافصل الا عندهم وربعي كلهم يسالوني عن ثيابي من وين مفصلهم والله سندروني,,

بسم الله يلآ جاهزين ,, نبلش
خف علينا يآ الثوب الدينجر
يا الزقرتي يالي الثوب مايتعفس وياك
يا الي سر جمالك هو ثوبك

:tease:

[قطري vip]

بسوق العلي الاشهر بصراحه اهو خياط لودر اللي عند المسجد اما بالنسبه لي خياط قباء يعجبني تفصيله

[سكتون]

خياط لكزس من زمان تركته
كل مافصل عنده لازم ارجع له مره ثانيه يالكلر وسيع يالثوب قصير حالتي حاله معاه
الحين غيرته والحمد لله مرتاح

[مخاوي الشيبة]

لا العالم كله يبغون التميز

سبحان الله لازم رقم مميز سواء جوال او سيارة

لازم ثوب وزرار وقصت كلر مميزة مايسويها الا لكزس ويتفاخر بعد لي قالك لكزس

وهو مثل عزالله مابغي اوصف يحط فلوسه في اشياء تافهه ويتبهاها بها ويقول ارفعو السعر علينا

طيب انت اللي رافع السعر على نفسك مب هم ياخي انت ماعطيهم اهميه

اقرب مثال شركة عبدالله عبد الغني واخوانه والله لو هل القطر ماعطوهم وجيه والوزارات والمؤسسات

شوفها شلون تبكي دم علشان تسعدك يامواطن وتوفر لك خدمه ناجحه


فا انا اشوف خيايط سوق العلي مامثلهم كله الا ثوب فديتك

والرجال مخابر مهيب مناظر

[الالماس2005]

حسبي الله ونعم الوكيل .. ونروح ونخيط عندهم ..

[أستغفرك يارب]

يا خوي كلووووووووووووووووونا هالهنود و طاروا بفلوسنا

[السندان]

والله اصدقوا اللي قالوا ان خياط لكزس من تفصل عنده لازم ترجع تعدل ياوسيع ولا قصير

مادري غالي على ايش

والمشكله يحسب الخياطه لعيالي اللي بينهم سنتين كل واحد سعر

قمة النصب والاستهزاء بعقولنا

لكن انا من اللي مايسكت اشرشحه قدام الزباين واطلع فضايحه

كل التجار تعودوا من القطري ينصدم بس بينه وبين نفسه يبلعها ويدفع كانه ماهمه

[رمح الشمال]

ياما شتكيت على خياط لكزس ولا حياة لمن تنادي