المساعد الشخصي الرقمي

مشاهدة النسخة كاملة : الي بيحجون السنه 2011حياكم ؟؟


خشوف
03-10-2011, 03:13 AM
:nice:

اي حملة سجلت وكم دفعت واي فئة اخترت

وليش سجلت بهذي الحمله ؟؟:nice:

وش استعداداتكم ؟؟ متى بتكون السفره ؟؟
هل قدمتوا الاجازة من داومتكم؟؟
كم يعطونا الداوم اجازة وش المطلوب
ان شاءالله هالسنه بحج واليوم بقول لكم اي حملة بسجل ؟؟
R 7 A L
03-10-2011, 03:18 AM
حجا مبرور وذنبا مشكور
مشتاقة لقطر
03-10-2011, 03:31 AM
الله ييسر لج الحج يارب وليعودة بتقاصيل اكثر لاحقا


حجيت مرتين
أبو عبدالعزيز
03-10-2011, 03:35 AM
لي نية للحج، ولكن لم أسجل بعد في أي حملة في قطر
لدي أشغال خارجها في السعودية تحديداً ستستغرق مني أسابيع قادمة في الغالب، وقد أسجل في حملة من هنالك إذا يسر الله
مستر راشد
03-10-2011, 04:13 AM
حجا مبرور وذنب مغفور مقدما
الجوكر90
03-10-2011, 05:03 AM
في حمله سعوديه وايد يمدحونها
المبيت فمنى ففندق
والاقامه فعرفات في خيام ملكيه مكيفه
التنقل بين المشاعر باستخدام قطار المشاعر
وجبات غذائيه بنظام البوفيه المفتوح
السعر 12000 ريال
مستجدة
03-10-2011, 05:23 AM
الله يطول بعمر ابو مشعل هالسنه ان شاءالله تعالى بنحج على نفقه سمو الامير بفضل من الله سبحانه وتعالى شملتنا المكرمه الاميريه وبنحج مع الاهل

وان شاءالله مع حملة ( الركن الخامس ) وسعر الحج عندهم لشخص الواحد 18500 ريال على حسب علمي
وهالحمله فيه معارف وناس من الاهل حجوا معهم خدماتهم خمس نجوم والناس اللي قايمين على هالحمله
ناس اجاويد وخدومين ربي يجزاهم خير على السمعه الطيبه وعلى خدمة حجاج بيت الله

دعواتكم انه ربي يسر لنا ولكل مسلم ويحفظنا في حلنا وترحالنا وانه ربي يتقبل منها ويغفر لنا ولامة محمد


اختي خشوف جزاك الله خير على هالموضوع اللي بيساعدنا على معرفه تجارب الحجاج مع الحملات القطريه
والله يوفق الجميع ويجزاهم خير .
المليونير الفقير
03-10-2011, 05:42 AM
في حمله سعوديه وايد يمدحونها
المبيت فمنى ففندق
والاقامه فعرفات في خيام ملكيه مكيفه
التنقل بين المشاعر باستخدام قطار المشاعر
وجبات غذائيه بنظام البوفيه المفتوح
السعر 12000 ريال

اخوي الجوكر ممكن اسم الحمله واذا ابي احجز معاهم اشلون؟؟


وشكرا
العساس
03-10-2011, 05:45 AM
حج مبرور مقدماً

بس الي أعرفة ان الشخص اذا كانت لديه الاستطاعه يجب ان يحج من ماله الخاص

وانه مايكون مديون وذا كان يجب ان يستأذن من الدائن.

هذا للعلم.
بايع بايع
03-10-2011, 07:13 AM
حج مبرور مقدماً

بس الي أعرفة ان الشخص اذا كانت لديه الاستطاعه يجب ان يحج من ماله الخاص

وانه مايكون مديون وذا كان يجب ان يستأذن من الدائن.

هذا للعلم.

دين الاقساط اجازوه المشايخ اذا كان تسديدة أول بأول
اما الدين الحال اللي ما تم سداده يجب اسئذان الدائن فيه
واذا لم يأذن فله كل الحق دون السخط عليه ...

والعلم عند الله

وحج مبرور وذنب مغفور
بوسلمان 2010
03-10-2011, 07:51 AM
حج مبرور وذنب مغفور ان شاء الله
Rayane
03-10-2011, 07:56 AM
الحمدلله.................

سجلت في لجنة شؤون الحج.... وبنحج على نفقة وآآآلدي... سمو الشيخ حمد بن خليفه.. أمير البلاد المفدى.

جعلها في موازين حسنآته...

وسجلونا مع حملة الأنصآآآآآآآآآآآآر...

مدري اذا فيه أحد عنده خبر عن هالحمله كيف نشاطها... ولا من جربها...؟

واذا بغيت اغير مثلا...هل اقدر..؟
طبعاً الفئه (( أ ))
talal08
03-10-2011, 07:56 AM
بالتوفيق اخت خشوف



في حمله سعوديه وايد يمدحونها
المبيت فمنى ففندق
والاقامه فعرفات في خيام ملكيه مكيفه
التنقل بين المشاعر باستخدام قطار المشاعر
وجبات غذائيه بنظام البوفيه المفتوح
السعر 12000 ريال

الجوكر سمعت انه في السعودية الحملات ما يسجلون الا سعوديين ؟؟؟؟
بوخالد911
03-10-2011, 08:26 AM
الله يسهل عليكم

القانون لسنة 2009 حدد للموظف الذي يرغب بالحج باعطائه اجازة لمدة 21 يوما مدفوعة الأجر

دعواتكم
bo_s3ood
03-10-2011, 08:46 AM
كم يعطونا الداوم اجازة وش المطلوب


لازم تبلغين الدووام باقرب وقت عشاان يعطونج الاجاازه والدوام يعطي من 15 يوم لين 20 يوم

وحج مبرور وذنب مغفور
bo_s3ood
03-10-2011, 08:49 AM
وسجلونا مع حملة الأنصآآآآآآآآآآآآر...

مدري اذا فيه أحد عنده خبر عن هالحمله كيف نشاطها... ولا من جربها...؟

واذا بغيت اغير مثلا...هل اقدر..؟
طبعاً الفئه (( أ ))



هي من فئة أ اما عن التغير اضن والله اعلم انك ماتقدر

لانا كل 20 شخص او اكثر يكونون في حمله موزعينهم

وحج مبرور وذنب مغفور ان شاءالله والحمله زينه ماعليها كلام
imation
03-10-2011, 08:54 AM
بهل الأسعار الخيالية ,,,

شكل الحج السنة للاغنياء فقط ,,,,,
Rayane
03-10-2011, 11:00 AM
هي من فئة أ اما عن التغير اضن والله اعلم انك ماتقدر

لانا كل 20 شخص او اكثر يكونون في حمله موزعينهم

وحج مبرور وذنب مغفور ان شاءالله والحمله زينه ماعليها كلام

مآآآآآآآآآآآقصرت.........


ومشكورين...

لكن متى الحج بالضبط.....؟

يعني مثلاً العيد تاريخ 6/11 متى الحملات يحركون من قطر...؟
قطريه ماركه
03-10-2011, 11:08 AM
الله يسهل للحجاج ...
بـــــــنت النوخـّــــذه
03-10-2011, 11:14 AM
والله نصيحه روحو بحملات قطرية بالنسبه لاهل قطر 00حلات الواحد بين اهله وناسه حزة الحزة لي صار شي شالوكم وتكفلت فيكم الدوله

حج مبرور وذنب مغفور مقدما"

والله يسهل عليكم
دمي حمر
03-10-2011, 12:30 PM
ويا حملة طيبة ان شاء الله ب 21 الف
الفئة أ , الدوام عطانا 14 يوم ويا الجمعة والسبت >>>> نو كومنت .
الاقامة ابراج منى ,قطار المشاعر,التنقل باصات مكيفة..
خشوف
03-10-2011, 03:27 PM
حجا مبرور وذنبا مشكور

يجزاك خير:nice:
خشوف
03-10-2011, 03:32 PM
الله ييسر لج الحج يارب وليعودة بتقاصيل اكثر لاحقا


حجيت مرتين

اي حمله حجيتي معهم ونتظر تجربتك ؟؟
خشوف
03-10-2011, 03:34 PM
لي نية للحج، ولكن لم أسجل بعد في أي حملة في قطر
لدي أشغال خارجها في السعودية تحديداً ستستغرق مني أسابيع قادمة في الغالب، وقد أسجل في حملة من هنالك إذا يسر الله

معظم المكاتب قفلت في قطر فئة أ
ان شاءالله تلاقي وتحج هالسنه
tofa7a44
03-10-2011, 05:11 PM
الحمدلله.................

سجلت في لجنة شؤون الحج.... وبنحج على نفقة وآآآلدي... سمو الشيخ حمد بن خليفه.. أمير البلاد المفدى.

جعلها في موازين حسنآته...

وسجلونا مع حملة الأنصآآآآآآآآآآآآر...

مدري اذا فيه أحد عنده خبر عن هالحمله كيف نشاطها... ولا من جربها...؟

واذا بغيت اغير مثلا...هل اقدر..؟
طبعاً الفئه (( أ ))

انا العام كنت مع حمــلة الانصــار وانصحك نصيحه ان تغير الحمله.. تخيل من كثر صغر الخيمه وكثافة الحجاج في منى كنت انام بالمطبخ وبعض الحريم في ممرات الخيمه وبنفس الحال للرجال,, لان الاقامه في منى من اهم الشعــائر اذا الواحد ماكان مرتاح ماراح يودي مناسكه باحسن طريقه واايد ناس اشتكوا عليهم العام وغريبه الحمله للحين موجوده
المسك1969
03-10-2011, 05:22 PM
والله آخر حجة لي كانت في 2001م وآخر عمره كانت 2010

وأسأل الله أن يرزقني حجة ثانيه هذا العام... والله اشتاقت نفسي لمكه
Qatarianes
03-10-2011, 06:11 PM
حملة القدس الشخص 17800 ريال طيران مكه فقط
الذهاب واحد 11 والعوده تسعه باقس لي التطعيم وبكره اعطيهم صور وباق الرسوم
الدوام يعطينا عشر ايام عمل اجازه
أخت الغالي
03-10-2011, 07:07 PM
اي حملة سجلت وكم دفعت واي فئة اخترت ؟

حمله الاقصى , 54 الف , فئه أ اتوقع ماركزت اخوي سجل ..

وليش سجلت بهذي الحمله ؟؟

سمعنا عنها وناس من اهلنا مجربين فيها ..

وش استعداداتكم ؟؟ متى بتكون السفره ؟؟

الاستعدادات ماعرف بصراحه اول مرة بأذن الله أروح وجالسه اسال واستفسر
بأذن الله السفر 4 - 11


كم يعطونا الداوم اجازة وش المطلوب

20 يوم كحد اقصى , المطلوب ورقه من الحمله وقت الرجوع من الحج ..

ان شاءالله هالسنه بحج واليوم بقول لكم اي حملة بسجل ؟؟

الله يتقبل منا ومنكم ياااارب ...
Rayane
03-10-2011, 07:21 PM
انا والله مع حملة الانصار

والدوام بيعطيني 28 يوم...

لكن المشكله... للحين محد يمدح هالحمله.... اللـــــــــه يستر...
juma
04-10-2011, 07:30 AM
في حمله سعوديه وايد يمدحونها
المبيت فمنى ففندق
والاقامه فعرفات في خيام ملكيه مكيفه
التنقل بين المشاعر باستخدام قطار المشاعر
وجبات غذائيه بنظام البوفيه المفتوح
السعر 12000 ريال

اذا ممكن التفاصيل اذا سمحت جزاك الله خير
PARIS
04-10-2011, 07:41 AM
حملة الفرقان التكلفة 25800 ريال ... السكن بمنى على كلامهم
ضيف الدولة
04-10-2011, 07:58 AM
انا العام كنت مع حمــلة الانصــار وانصحك نصيحه ان تغير الحمله.. تخيل من كثر صغر الخيمه وكثافة الحجاج في منى كنت انام بالمطبخ وبعض الحريم في ممرات الخيمه وبنفس الحال للرجال,, لان الاقامه في منى من اهم الشعــائر اذا الواحد ماكان مرتاح ماراح يودي مناسكه باحسن طريقه واايد ناس اشتكوا عليهم العام وغريبه الحمله للحين موجوده

نصيحة لله من أسوأ الحملات حملة الأنصار جربتها وحججت فيها وكذلك غيري حكى لي تجربته معهم ، ولذلك كل من يسألني عنها أقل له بس أبعد عن حملة الأنصار وتاني أي حملة خذ
قلبي الطيب
04-10-2011, 08:35 AM
ياجماعة في حد ممكن يقولي اشلون نحج على نفقة الأمير
يعني شنو الشروط والأوراق المطلوبه ؟؟؟
ابوضاري
04-10-2011, 09:15 AM
ياجماعة في حد ممكن يقولي اشلون نحج على نفقة الأمير
يعني شنو الشروط والأوراق المطلوبه ؟؟؟

اخوي حملة الامير خلاص انتهى التسجيل وتم الفرز وارسلوا رسالات للمقبولين
كازانوفا
04-10-2011, 09:35 AM
الله يتقبل منكم ان شالله
ويرحمنا ويكتتب لناااا
عيون Qatar
04-10-2011, 10:06 AM
حجا مبرورا وان شاء الله يتيسر لي اروح السنة الجاية ...
جرناس
04-10-2011, 10:15 AM
حملة التوبة
حجيت معهم مرتين وهذي الثلاثة باذن الله
بس هالمرة بروح طريق بر
حنا 3
الواحد بـ15600 ريال
طبعاا ماخذين غرفة خاصة
وخيمة خاصة في منى
خشوف
04-10-2011, 04:04 PM
من جرب اول مسجل في حملة الركن الخامس
الجوكر90
04-10-2011, 05:15 PM
اخوي الجوكر ممكن اسم الحمله واذا ابي احجز معاهم اشلون؟؟


وشكرا


الشيخ ان ماخاب ظني صكروا الحين
بس بجيك لك وبطرش لك الرقم حق السنه الجايه

والي يسال اذا يصير قطري ولا لا اي يصير عم رفيجي دوم يروح
وبالتوفيق ان شاء الله
Rayane
04-10-2011, 06:44 PM
اد يفيدني يا جماعه...... كيف اقدر انقل من حمله لحمله ثانيه...

انا من الحجاج على نفقة سمو الأمير
خشوف
05-10-2011, 02:41 PM
محد رد علي رايكم في حملة الركن الخامس
AHLAM222
18-11-2011, 03:02 PM
حبيت ارفع الموضوع مرة ثانية ونشوف اشلون كانت مشاركة كل من حج وبأي حملة عشان نفيد غيرنا

انا حجيت ويا الانصار وشرحت تجربتي بالتفصيل في هالرابط

http://www.qatarshares.com/vb/showthread.php?p=7794264&posted=1#post7794264