عادة سيئة في شوارع الدوحة للاسف

[ثابت]

السلام عليكم ورحمة الله وبركاتة

كالعادة طلعت اليوم الساعة 5:30 رايح لدوام وعند وصولي الي دوار التلفزيون كان سيارات امامي والسيارة المباشرة الي امامي كانت صالون قديمة وفيها 3 اسيوين الي يسوق بطل الباب وتم الله يكرمكم يتفل وينفر خشمة بالطريق امام الجميع وسكر الباب وكانة ما صار شي ضربت لة هرن اشرت لة قلت لة بيدي ليش تسوي ما رد علي وقفتة ونزلوا كلهم الي معة وقلت لة ليش تسوي جية تم يطالع ربعة ويرطن بلغتهم كلمتة انجليزي بعد ما رد حركت وخليتهم يعني الحين انا ابي اعرف دام انك لا تعرف عربي ولا انجليزي مع اني متاكد انة يتكلم عربي و انجليزي ويفهم لكن هم جية لما يتوهقون يتمون يطالعون بعض ويرطنون بلغتهم مثل هذا المنظر الغير حضاري ولا نرضاء انة يصير في الاماكن العامة يليت لو ادارة المرور تحط غرامات كبيرة على من يرتكبون هذا الفعل القذر.

[بنت مريخ]

عاده سيئه وتلوع الجبد
لازم يفرضون غرامه على الى يسوويها عشان يتعظون البقيه

[المسك1969]

لاعت جبدي من الصبح ما كان في داعي تذكر بالتفصيل والتلميح أفضل والذكي سوف يفهم

جان خذت الرقم وبلغت عنهم وانتهى الموضوع

[بو الجوري]

حسبي الله عليهم :..

أنا يرتفع ضغطي من هالأشيااااء :.. :anger1:

بس لو المرور يعطونا تصريح نخالف :..


خل يعطوني دفتر :.. و بحلف إني مب ظالم حد :..

[العنيده]

عاده سيئه ووايد تتكرر المفروض يكون في غرامه او مخالفه ,, لانه حتى مب حلوه في حقنا لضيوف البلد اذا صارت جدامهم ..

وبعدين شي يلوع الجبد :rolleyes2: ..

[PGR]

اخوي لو تبلغ عنه البلديه يتخالف هذا والله اعلم

[بيانو]

اى والله أخوي ثابت
عند حق فى كل كلمه قولتها

وللأسف هاذا الشىء حاصل ويخرب المنظر

وكفو عليك أنك وقفتهم تدرى ماعاد بيسوها تانى بيخافون

خاشم

[Rider]

اذا انا مب غلط هناك قانون يمنع البصق في الشارع لكن بعض القوانيين لا تطبق للاسف نفس قانون الي اجبروا الي يسوقون الدراجه الهوائية على لبس الخوذه وتكون هناك إنارة في مقدمة الدراجه وفي المؤخره لكن اي هذا القانون بعد ياخوي لا تنسى العادة السيئة الاخر وهي رمي السجارة في الشارع بكل برودة دم يعني فيه اختراع اسمه طفاية سجائر في السيارة بس مادري ليش ماحد يستخدمها يعني يحافظ على نظافة سيارة لكن البلد مب مهم

[بوسلمان 2010]

هذا الشي طال عمرك علية مخالفة كان بلغت عليه الشرطة وفكيت نفسك

[ll vip ll]

المفروض يخالف

ولا بعد في عاده ثانيه وهي حذف الزجاير

وليش صانعين طفاية الزجاير بالسيارة !!!!!

[م. عبدالعزيز]

بكل بساطة اللي ممكن تسويه لهم هو انك تعطيهم فاين وتأشر لهم على الارض انه هذا غلط

جذي يفهمون ،،

اقترح على المرور والبلديه يطبقون غرامات على اللي يبصق بالارض، مثل اللي يحصل حاليا في سنغافوره

[ثابت]

الاخوان الي يقولون مفروض تبلغ اوكي انا ببلغ لكن شنو الرقم الي اتصل علية يليت الاخوان يفيدوني

[الحال مايساعد]

المشكلة بتبلغ على من ولا من ولا من!!!!
أصلا لو دورية وحدة توقف صوب الجبر والله دفتر المخلفات ليخلص بنص ساعة أو أقل

[قطريه ماركه]

عاده مقرفه !!

لابد من وجود قانون صارم للحد من هذه الظاهرة المنتشرة .....

[بوالبيض]

وصاخه مو شي يديد ولا خاصه بعد في المساجد الي يتشدا تشوفه بنظره ما يعيك اهتمام يعني
وصاخه عليهم مو طبيعيه يبيله ضرب بالخيزراين يملحه هي الي فنع معاهم :)

[سر الرمز]

الأخطر من هذا هو تدخين بعض السائقين وبعض أولياء الامور أمام المدارس في نهاية الدوام وخاصة الإبتدائية

[للصبر اخر]

تعبنا من هالمناظر
لو يعطونا بس تصريح لنا احنا المواطنيين نظبطهم
او ع الاقل يتخذون ضدهم اجراءات

[بوخالد911]

يبيلهم مخالفة

[آهـل شَـرق]

في عام 1992 تسببت علكه لصقها أحد الركاب في اعاقة عمل جهاز فتح وغلق أبواب احدى عربات مترو سنغافورة، وبما أن المسؤولين في سنغافورة لا يتهاونون مع كل ما يعرض حياة مواطنيهم للخطر فكان القرار الحاسم والسريع بسن قانون حظر بيع ومضغ اللبان في البلاد نهائيا. وتهريب العلكه او مضغها او التخلص منها في الاماكن العامه تعتبر جريمة يعاقب عليها القانون وتطبق على السياح من جميع انحاء العالم.

ليش ما يكون عندنا مثل هالقوانيين؟

ليش ما يكون البصق وقضاء الحاجه في الاماكن العامه جريمة يعاقب عليها القانون ؟

من امن العقوبة اساء الادب !!

[ريتويت]

لو بدالك كان خذيت الرقم وبلااااااااااغ عليهم

[The Watcher]

من المفترض ان يكون في رقابة صارمة على النظافة العامة

مب بس الموقف اللي قلته
حتى اللي يرمون الزبالة من السيارة

[الجوكر90]

هي جات ع الاسيويين بس
ححتى ربعنا القطريين قاموا يسون جي
بس القطري ينزل الدريشه وتحصل شي صغير طاير فوق ومره وحده نزل
عشان محد يقول ليش تقول بالتفصيل انا لمحت ولا شرايكم فيني :)

[Bu 7amad]

في سنغافورة اللي يبصق في الشارع عليه غرامة 100 دولار سنغافوري

[دنيا الاسهم]

رغم ان فية غرامة وحاطينها في بعض الشوارع على استحياء بس مازالت هذة القذارة منتشرة وخاصة اذا وقف على الاشارة ما تشوف الا هندي فاتح الباب الله يلوع جبدة مادري ليش يسوون كذية الوصخين..
هل استخفاف بأهل البلد ؟؟ ولا حقد وقاصدين هذا الشي او عشان تنتشر الامراض
نتمنى البلدية والصحة يكون لهم موقف لان صراحة شي منتشر واجد واسنغرب من كل اللي في الشارع مايستغربون من هالشي ولا حد حاول يهاوشهم ويوقفهم عند حدهم حسبي الله عليهم

[ضيف الدولة]

والله يا أخ ثابت أمس في نحر الظهيرة تذكرتك وضحكت لان واحد في الإشارة من الل تعنيهم فتح الباب وفعل نفس الحركة التعيسة هذه والله المستعان

[BaRHooM-QTR]

هههههههههههه ياخي طول عمرهم بيتمون كذا

عيل انت لو اداوم معانا في البترول بتشوف اشياء اقوا من كذا ههههههه وانفهمهم ولا في فايده

الله يعينا عليهم

[Hamad-7]

الله يخسهم لوعت جببببد

والمشكله ياليت تفله بسيطه .. تحسه ميمعها ساعه ويتفل عقب

[المستريح]

اخوى انت عند دوار التلفزيون تعال عند دوار سوق الخميس والجمعه شوف هناك والله يوم من الايام بغيت ارجع من الى شفته

[كبير المتداولين]

في غرامه على موضوع البصق في الشوارع واكيد المراقبين هم من يحرر هذه الغرامه ويمكن هالشخص فرط من المخالفه ..

[R 7 A L]

على فكرة الاجانب حتى ( الأميين ) يتابعون الاخبار الى في الجرايدة الانجليزية الى تصدر في قطر أول بأول فلو صارت تغطية في هذا الامر فراح تخف الحالات

[تحداني]

عيل هاذي نصيحه للشباب والبنات
تحملوا اطولون اثيابكم وعباياتكم
لان الوضع صار مقرف للغايه



جهل .. وقله ادب .. وتصرف بذئ من فئه ما عندها اي احساس بمشاعر الاخرين
لا حيا ولا مستحى


جملكم الله برضاه

[رذاذ]

مسكن حاله حاط التومنبك من صباح الله خير وفار مخة الحبيب

[ثابت]

للاسف ويتكرر الموقف ايضا امس رحت لاند مارك و انا طالع من باب لاند مارك الي يفتح جنوب من شرق و امشي على الرصيف رايح لسيارتي وقاعد اكتب في البلاك بيري ما اسمع الا واحد يسحب سحب اخخخخخخخخخخخخ جية ورفعت راسي الا عمال اسيوين شكلهم ماخذين بريك يشتغلون بالاند ويعطيك وحدة مع صوت قذيفة عصبت علية وبعد ما اهتم كنت خلاص بمد يدي علية لكن تعوذت من الشيطان ومشيت وبعدين يعني من القرف هذا

[ثابت]

انا استغرب ليش ما نشوف هذي الحركات الا من الاسيوين عمري ما شفت اروبي او امريكي يسويها ليش يعني

[قلب قطر..!]

قرررف والله

ياليت يتم اخذ الاجراء اللازم ضدهم

امس انا في سوق الذهب ونفس الشي بعد

كرهت نفسي وكرهت عبايتي وكرهت كل شي

يعني شنسوي نلبس عبايه للركب :(

[بوفاطمه]

بارك الله فيك اخوي ثابت،الله يثبتك على دينك.
هذه العاده سيئه للغاية ،وهذولي ما تفرق معاهم يالغالي لأنهم متعودين في بلدانهم كذا .
للاسف قوانين هل هي مؤقته ولا لفترة محدودة. مثل:قانون دراجات الهوائيه،رمي المخلفات من السياره،نشر الملابس في البلاكونه،اهدار الماء اثناء غسيل السيارات وغيره،الملابس غير المحتشم في الاسواق والمجمعات....الخ.
امنى قوانينا تكون صارمة على الاشخاص الذين لا يتقيدون.
الي يبصق في الشارع يأخذله محارم ورقيه(كلينكس) ويرميها في الزاله اعزكم الله،الي ماكل في السيارة يخليه
الفضلات في السيارة وبعدين يرميها في سلة القمامة؟،الله يجز خير الجزاء البلديه.
السموحة على الاطاله.