ابي رأي الاعضاء الاعزاء

[ابوضاري]

اعزائي انا مادخن ولا احب ريحة التدخين واحياناً يجتمعون الربع عندي في المجلس ويدخون بدون استئذان وريحة الزقاير تلوث المكان وقلت لهم ممنوع التدخين في المجلس الي بيدخن يطلع يدخن ويرد قام واحد فيهم زعل وقال ماراح ادخل مجلسك مرة ثانية

ش الحل معاه وانا يعلم الله مابي يحد يزعل علي ولا ياخذ في خاطرة ؟؟؟؟

[مضارب دوسري]

اللي يزعل عشان هالسبب ماعنده سالفه
يعني يا اما ادخن ف مجلسك ولا مب داشه
لو عندي
كان قلت له درب يسد ما يرد
اللي يحضر مجلسي عشان بس يدخن وجوده والعدم واحد

[متواصل]

عن نفسي ما اقبل واحد يدخن عندي يا يرضى يا يزعل
عنه مارجع
اغضب الرحمن بمعصيته فلا حاجة في رضاه

[مستجدة]

اعزائي انا مادخن ولا احب ريحة التدخين واحياناً يجتمعون الربع عندي في المجلس ويدخون بدون استئذان وريحة الزقاير تلوث المكان وقلت لهم ممنوع التدخين في المجلس الي بيدخن يطلع يدخن ويرد قام واحد فيهم زعل وقال ماراح ادخل مجلسك مرة ثانية

ش الحل معاه وانا يعلم الله مابي يحد يزعل علي ولا ياخذ في خاطرة ؟؟؟؟



ماعليك منهم الصح صح والغلط غلط انت نفس ابوي عنده حساسيه ومستاذي وشايب كل شئ عنده منقود حط ملاحظه اخذها من المكتبه ولصقها على باب المجلس ولا لحد استجراء بعدها يدخن فيه مجلسه
واللي دخن نصحه وتكلم عليه ولا احد زعل لان الصح صح وماينزعل منه

انا اقول ماعليك منهم واللي بيزعل افتح له باب المجلس وقول روح دخن في مجلسك

[حسن]

نفس الشي مبتليين بالى يدخنون ومافي فايد لاكن ركبنه فلتر يعني خفف ريحه الزقاير شوي

[al saad]

نفس الشي ممنوع التدخين في المجلس ولا السياره يبيي يدخن برع في الشاااارع
وانا ابتعت عن ربعي الي يدخنون
والله يحفظهم الخيار لهم مش لي
التدخين ولا انا

[دااانة قطر]

ولو ان ماالي بمحتوى الموضوع ولكن كمضمون لابد من عدم تجااو الخطوط الحمرااء في الزياارات
عن نففسي أعااني من قنواات الأغااني فما أحبها وحااذفتها فالبعض من صديقااتي صااروا مايزوروني والسبب ماافي ترفيه عندي وصرت انا بعد ناادر ما أزورهم
لا اقدر أغصبهم ولا هم يغصبوني واللي يزعل ماعليه شرهه

[Rider]

ياخوي انت ماغلط انت قلت ممنوع حد يدخن في المجلس هذا من حقك اذا الرجال يعزك بيرجع

[الخبير العقاري]

الحل أنه مايدخن في مجلسك أو في الاماكن المغلقة

وإذا زعل أرسل له رسالة على جوالة تحمل هذه العبارة


الأخ فلان أنت أخ عزيز وعلى عيني وراسي لكن أنا فارض منع التدخين في المجلس على الجميع بعيد وقريب اخ وصديق ولهذا أعتذر لك وللجميع وإذا بغيت تجي نقول فيك مرحبا أخ عزيز وغالي.. اخوك فلان



دااانة قطر


من ترك شئ لله عوضه الله خير منه
أنتي تركتي هذا الأمر لرب العالمين فتأكدي ان الله معك ويعوضك الأجر والمثوبة ان شاء الله

اعجتني عبارتك الصريحة وفقك الله.

[روح الاطلس]

اذا تعزه راضيه بكلمتين بس خلك صارم بموضوع التدخين يمكن اسلوبك ماكان حلو عشان جذي زعل منك

لو استخدمت عبارات ألطف اكيد تقبل وجهة نظرك

اختار كلمات مناسبة وراضه

اما لو ماصدقت تبي الفكة منه مالك الا التطنيش :)

[رجل الجزيرة]

قلعةٍ تقلعه، يا إما يصير رجال مثل الرجاجيل وإلا الباب يسع مطية يعني أنت تزين مجلسك بالعطور والدهن العود والدخون وهو يوخسه بزقايره، قول له يا أنا يا زقايرك وسلامتك.

[الراقيه سبشل]

المفروض يحترم المجلس وصاحبه

وانتي احكيله حياك بأي وقت لكن بدون دخان .. وهو بيرجع من نفسو

وهالسبب مابيزعل ابدا وماعليك منو

[هنت المهونه]

اخوي ابو ضاري ..
ماعليك من اراء العالم اللي علقوا ..مع احترامي الشديد لهم ..
بس انا انصحك لا تخسر ابناء عمومتك مدام فيه حلول ..

وانا اجزم ان الشخص اللي زعل لو جيته بطريقه تناسبه اكيد بيتفهم

الموضوع بسيط وانا اخوك ..

تقدر تفرض اللي تبيه بأكثر من طريقه وبدون لا تسبب حزن لاحد فيهم

بطريقه هو ان ايكون الكلام لكذا مدخن بشكل جماعي ..واتكون انت اصلن

مجهز لهم مكان التدخين ..يعني حاط طفايات برى او ماشابه ..

وتقدر تستضيف حد من كبار السن واتخلي التوجيه منه

بحيث مايكون الكلام منك ياراعي المجلس ...

وهذا من حقوقك كراعي بيت ..

بس انا لوني مكانك وحد دخن غصب عني بأخلي له المجلس
وبطلع برى بعذر التدخين بس ماني بقايل له اطلع برى وهواكيد
بحركتي هاذي بيستحي ولاهو بمكررهاااا

وسوالف

[ابوعلي]

اخوي من رايي تتصل عليه وتفهمه باسلوب طيب وان شاء الله يقدر الوضع واذا ماقدر الوضع بالله يحفظه ولا تحط بخاطرك اذا قطع المجلس لانك سويت الي عليك وخاصة وانه على معصيه

[The Watcher]

أنا منعت التدخين في سيارتي والمجلس
بس الحمدلله ربعي تفهموا الموقف وعادي

[فيزيائية]

معاك حق
بس تره يمكن انحرج جدام الربع
ياليت تتصل له وتفهمه موقفك
او تطرش له مسج
خصوصا اذا كان انسان خلوق ومحترم

[زئير الاسد]

خله يدخن برع عقب يدخل

لهدرجه ميت:nice:

[QatariFallah]

اللي زعل..هذا لاهو صديق ولا يستاهل يكون صديق
ماعنده سالفه من الاساس

شبه معروفه بين الشباب...اذا حد من الربع قال ممنوع التدخين..خلاص ممنوع..الكل يحترم نفسه وتلاقيهم يسحبون روحهم من فتره لفتره برع يدخن ويرجع
واذا نسى او مايدري..اصلا يسأل راعي المجلس او السياره او اي مكان اذا خاص

[MAZEN37]

كلام صاحب الموضوع صحيح في نوع من الزعل من بعض الاشخاص
لكن
في هالمواضيع يا ابيض يا اسود من الاخر
يابتكون راعي مجلس وفيه مدخنين وتستحمل
يا
ما ترضى ويكون كل اصدقاءك من غير المدخنين
ما لها حل ثالث

[QatariFallah]

كلام صاحب الموضوع صحيح في نوع من الزعل من بعض الاشخاص
لكن
في هالمواضيع يا ابيض يا اسود من الاخر
يابتكون راعي مجلس وفيه مدخنين وتستحمل
يا
ما ترضى ويكون كل اصدقاءك من غير المدخنين
ما لها حل ثالث

"كلام كليم" من العضو مازن..اوافقه الرأي

[مشتاقة لقطر]

احسن انك وضحت هالشي للكل

[R 7 A L]

اتصل فية وتسامح منه اذا كان زعلان
واحلف عليه بذبيحه واعزمه هو والربع وعلمهم سبب العزيمة
بعدها صدقني ولا أحد يتجراء يدخن في مجلسك

أقتراح مجرب

[Mr. H]

لا داعي للتوتر حبيبي :)

صديقك إن كان يحترمك و يقدرك و يحترم خصوصية بيتك و صحتك , يجدر عليه أن يستأذن قبل أن يدخن و لك الحق 100% في القبول أو الرفض. فلو قال لك ما راح ادخل مجلسك فهذا فيه نوع من انواع الغباء و الحقارة .. يعني يا اني انزعج و اخرب صحتي عشانك و تدخن و لا تحترمني ولا انك تطلع و تزعل !؟؟!؟ مالك حق اصلا !!! لو لك حق عشان تزعل كان قلنا ماعليه .. لكن مالك حق

صدقني لو خويي قال لي هالكلمة .. لا اعطيه كاش و اخليه يحترم نفسه .. كيف يبيني احترمه و اخليه يدخن وياخذ راحته و هو اصلا ضرب بكلامي في الجدار ؟

[ابوضاري]

اتصل فية وتسامح منه اذا كان زعلان
واحلف عليه بذبيحه واعزمه هو والربع وعلمهم سبب العزيمة
بعدها صدقني ولا أحد يتجراء يدخن في مجلسك

أقتراح مجرب

اولا : كل الشكر موصول للاعضاء على ارائهم النيرة وجزاهم الله الف خير
ثانيا : بالنسبة لمقترح اخوي الرجال شرواكم جميع ويعز علي باجرب اقتراحك ههههههه

[المستريح]

اخوى ماله حق يزعل اكثر مجالس الربع ممنوع فيها التدخين والمدخنين نفسهم يقولون والله نحب المجالس الممنوع فيها تعودنا ماندخن وايد