أنصحوني أيش الحل مع الشيك بدون رصيد والمؤجر

[المدفع]

البدايه اشكركم على نصائحكم التي حصلت عليها في موضوعي السابق
ومداخلاتكم كانت الطريق الذي مهد الى الوصول للحل الافضل

وقبل ان اسرد موضوعي او مشكلتي
أحب اقول لكم أنني دائما اميل للحل السلمي بعيدا عن المحاكم
ولكن في بعض الاحيان هذى شر لا بد منه

عندي بيت مؤجر بـ 10000 ريال والمؤجر مقيم عربي دائما شيكاته بدون رصيد
ودائما يلف ويدور ويتهرب من الدفع ومتعب جداٌ
الان أدخلت الشيك لثالث مره ولا استطيع ادخال الشيك للمره الرابعه على حسب القانون
وهذى أيجار الشهر الماضي ويلمح أيضا انه لا يستطيع دفع أيجار هذى الشهر
والمشكله ان عندي ديون والتزامات لازم ادفعها


ماذا أفعل بالشيك الان الذي بدون رصيد ؟
وين أشتكي عليه ؟
وهل ارفع عليه قضيه بالدفع ؟
وهل ارفع عليه قضيه باخلاء المنزل أيضا؟
وصج القضيه تطول سنتيين لاخذ حقوقي منه؟
أذا فعلا سنتيين ماذا افعل بالشيكات القادمه ؟
وهل أحط محامي لرفع القضيه ؟

نصائحكم بارك الله فيكم وجزاكم الله خير
صج لين قال المثل " يا من شراله من حلاله عله "

[مشتاقة لقطر]

امممم ما ابي احطمك فيه فضية مشابهة قعدت سنتين وبعدين باعو سيارة المستاجر ولا سسدت حق قيمة السنتين لانه ماعنده املاك

فالافضل طلعه خله يتوكل على الله اول


واجر على حد ثاني

وعقب لاحقه بالمحاكم

[FULL]

حسب ماعلمت ان الداخليه حاليا متشدده في موضوع الشيكات بدون رصيد والله اعلم

مر على العاصمة واستفسر منهم في قسم الشيكات

والله يوفقك اخوي

[MAZEN37]

اشتك بالعاصمه وبعدين لازم ترفع عليه قضية فسخ عقد واخلاء بالمحكمه وما تتاخر وربك كريم

[المدفع]

امممم ما ابي احطمك فيه فضية مشابهة قعدت سنتين وبعدين باعو سيارة المستاجر ولا سسدت حق قيمة السنتين لانه ماعنده املاك

فالافضل طلعه خله يتوكل على الله اول


واجر على حد ثاني

وعقب لاحقه بالمحاكم



صج ؟؟
بس يقولون علشان اطلعه من البيت يبيله سنتين في المحاكم

[المدفع]

حسب ماعلمت ان الداخليه حاليا متشدده في موضوع الشيكات بدون رصيد والله اعلم

مر على العاصمة واستفسر منهم في قسم الشيكات

والله يوفقك اخوي



بشرك الله بالخير
اذا فيه قسم متخصص يكون افضل

[المدفع]

اشتك بالعاصمه وبعدين لازم ترفع عليه قضية فسخ عقد واخلاء بالمحكمه وما تتاخر وربك كريم



ان شاء الله
جزاك الله خير

[khaleeji]

على حسب كلام رجال في المحكمة

ان المؤجر اذا تاخر في الايجار عن يوم 10 من الشهر يحكمون باخلاء البيت

[ذكي جدااا]

اييييييييييييه الله يعينك حااول قد ما تقدر ما ترووح المحكمه لانها بتطوووول وااايد بالراااحه سنه او سنه ونص لاتنسى لانه بفتره الصيف المحكمه تسكر وتفتح بشهر عشره .... شوف العاصمه اذا مافي حل حاول تطلعه من البيت او كلم كفيله .....اذا مافي فاايده الله يعينك على المحاااكم

[لله الحمد]

اجراءات المحكمة يبيلها طولة بال .. بس اذا انت فاضي لها .. يمكن تخلص معاك في 3 اشهر

المشكلة الاولى هي يوم ترفع القضية على المستأجر .. يعطونك موعد اول جلسه بعد شهر ونص ..

الجلسه الاولى المستأجر ما يحضر .. الجلسه الثانيه بعد اسبوعين يحضر يقول ابي مهله للرد ..

بس اذا انت عندك شيك راجع ومثبت من البنك .. قضيتك خالصه في 3 اشهر ..

يتم اخلاء البيت ومن ثم تطالب انت بحقوقك .. (المتأخرات)

[قطر دزاين]

الشيك بدون رصيد تسحبه النيابه العامه الحين ما فيه واحد اثنين اقطع عنه الكهرباء والماء وخله يطلع

[barod]

الشيك بدون رصيد تسحبه النيابه العامه الحين ما فيه واحد اثنين اقطع عنه الكهرباء والماء وخله يطلع

لا النيابه ولا العاصمه بيسون شي كله روتين ويقولك انطر اول صحيح المحكمه بتحكم بالاخلاء ولكن الشيكات المتاخره بيقولك تتحول للعاصمه وبعدها النيابه ويقولك احنا بنتابع وندوره ولا به شي انا عندي شيكات عند النيابه على المستاجر ولا خذوا حقي منه والحين يمكن بكمل سنه وهو يتمشى في البلد وهو مب قطري بعد

[المدفع]

لا النيابه ولا العاصمه بيسون شي كله روتين ويقولك انطر اول صحيح المحكمه بتحكم بالاخلاء ولكن الشيكات المتاخره بيقولك تتحول للعاصمه وبعدها النيابه ويقولك احنا بنتابع وندوره ولا به شي انا عندي شيكات عند النيابه على المستاجر ولا خذوا حقي منه والحين يمكن بكمل سنه وهو يتمشى في البلد وهو مب قطري بعد



معقوله القطري يتبهدل جذيه
والمقيم ياكل حقه عينك عينك

حتى لو خذ حقه بعد سنتيين بعد خسران لانه قد القطري خسر الكثير من استثمارات هذه الاموال
كان ممكن يستثمرها في امور اخرى

الحمد لله على كل حال

[المدفع]

اجراءات المحكمة يبيلها طولة بال .. بس اذا انت فاضي لها .. يمكن تخلص معاك في 3 اشهر

المشكلة الاولى هي يوم ترفع القضية على المستأجر .. يعطونك موعد اول جلسه بعد شهر ونص ..

الجلسه الاولى المستأجر ما يحضر .. الجلسه الثانيه بعد اسبوعين يحضر يقول ابي مهله للرد ..

بس اذا انت عندك شيك راجع ومثبت من البنك .. قضيتك خالصه في 3 اشهر ..

يتم اخلاء البيت ومن ثم تطالب انت بحقوقك .. (المتأخرات)



جزاك الله خير معلومات مهمه

[حسن]

على حسب كلام رجال في المحكمة

ان المؤجر اذا تاخر في الايجار عن يوم 10 من الشهر يحكمون باخلاء البيت

بس هذا الرجال اللي قالك عن اي بلد يقصد لانه عندنا في قطر يبيلك سنه وزود اذا كان قطري بتحصل على فلوسك اما المستاجر غير قطري راحت عليك فلوسك

[المدفع]

بس هذا الرجال اللي قالك عن اي بلد يقصد لانه عندنا في قطر يبيلك سنه وزود اذا كان قطري بتحصل على فلوسك اما المستاجر غير قطري راحت عليك فلوسك




ليش أخوي بوعلي :eek5:

[حسن]

ليش أخوي بوعلي :eek5:


لاتستغرب وتبطل عينك هذا الواقع تبي اعطيك شيك صدر فيه حكم من اكثر 3سنين عندي والشخص يصول ويجول لانه اجنبي :victory:

[hamoor4ever]

^^ يمكن لان القطري عنده فلوس بس خاشها لكن الاجنبي مسكين يترزق

[الليل]

الإجراء اللي لازم تسويه كالتالي :
- تحصل من البنك على ورقة أنه لا يوجد رصيد و على أن يسجل البنك الرقم الشخصي لصاحب الحساب .
- تتجه لمركز العاصمة و تبلغ و تطلب منعه من السفر .
- تتجه للجنة فض المنازعات الإيجارية في منطقة المنتزه و تقدم طلب سداد و إخلاء.

وكان الله في عونك حتى تحصل على حقك

[OREO]

اخوي المدفع .. حاول تحرك موضوعك من الصوبين ،،

١- شرط من شروط العاصمه لازم الشيك ما يكون طايف عليه ستة شهور من تاريخ الشيك ،، اول شي روح البنك و خل البنك يختم الشيك بأنه مرتجع و في نفس الوقت لازم تطلب من البنك شيئين ،، اطلب صورة من بطاقة صاحب الشيك او اصدار ورقة بثبات الرقم الشخصي و الورقه الثانيه عباره عن اثبات بأن الشخص ( صاحب الشيك مخول بالتوقيع او بالاصح التوقيع اللي على الشيك هو نفس التوقيع اللي معترف فيه البنك وهذا الشي يثبت لك في الورقه اللي بتاخذها من البنك ،،، و بعدها تتجه للعاصمه و تعبي طلب و الخ و ثاني يوم جارينه من علباه و في نفس الوقت العاصمه ترفع قضيتك للنيابه و من بعدها للمحكمه ،، لكن لا تنسى في النيابه تطلب بمنع سفر و الخ ،،
ملاحظه: الاجراءات هذه تاخذ لها وقت لين توصل للمحكمه و تاخذ حقك و الشي اللي بتستفيد منه بسرعه بأنك بتحجز الرجال و تمرمطه لين يدفع و الخ و بالاضافه لين سالفته توصل المحكمه اذا ما دفعلك لكن تاخذ الاجراءات هذه شهور او اكثر من سنه ،، لانها عن طريق العاصمه و النيابه ،،

٢- ارفع قضيه في المحكمه المدنيه و هذا الشي ماله خص في العاصمه و النيابه ،، لانك بترفع القضيه علطول و راح تختصر عليك الوقت و المحكمه المدنيه ميزتها انها بتحجز على الشخص املاك او اي شي بإسمه و حتى لو قوطي كبريت اذا كان عنده ،،

ملاحظه : ارفع الموضوع من الصوبين في نفس الوقت ،، يعني من العاصمه و من المحكمه و كل جهه مالها خص في الثاني ،،


اخوي المدفع ،، كل ضربه بتعلومه و لا تفهمني غلط فديت قلبك ،، ثاني مره أجر عقارك يا على اوروبي او قطري ،، الاوروبي دوم يلتزم و الاقطري اذا صادته ازمه ممكن تتسامح معاه لانه ابن بلادك ويستاهل و غير انه ساتر هله و عياله و اذا ما لقيت مستأجر من هالاثنين ،، ممكن اتأجر عى هندي بشرط ما يأجر من الباطن و لله الحمد من يوم اتبعت هالشي شخصيا و انا مرتاح ،، ربي يوفقك ان شاءالله ،،

[الأصيلة]

على حسب كلام رجال في المحكمة

ان المؤجر اذا تاخر في الايجار عن يوم 10 من الشهر يحكمون باخلاء البيت

بس مايردون لك الإيجارات المتأخرة...
يعني راحت عليك والقانون لايحمي المغفلين...
من أول شيك لازم تقدمه للنيابة عشاني يتأدب...
وأعتقد هو يعرف نتيجة المحاكم عشان جذيه مب مهتم...

[هام السحاب]

للأسف قانون الشيك بدون رصيد القطري ينقط بالسجن
والاجنبي يسرح ويمرح فالبلاد ولا شايل هم

[السهم الشمالي]

أخي الكريم ولايهونون جميع الأخوان الذين تجاوبوا معاك
وللأمانة لم أقرأ إلا موضوعك فقط

وللإختصار صارت معاي نفس الحالة مؤجر بيت للوالده على شخص مهب مضبوط
دخلت له تقريبا ثلاث شيكات كل شيك بوقته وبدون رصيد وخذت إفادة من البنك على ذلك ورحت على طول المحكمة اللي في السد مقابل الصالون الأزرق تقريبا ورفعت دعوى قضائية إخلاء من البيت وتسديد جميع المستحقات .
والحمد لله إفتكينا من الشر حكم القاضي عليه بالإخلاء ودفع الأجار كله .
والله يعينك ويسهل لك أمورك .

[GRNAS2002]

اخوي المدفع .. حاول تحرك موضوعك من الصوبين ،،

١- شرط من شروط العاصمه لازم الشيك ما يكون طايف عليه ستة شهور من تاريخ الشيك ،، اول شي روح البنك و خل البنك يختم الشيك بأنه مرتجع و في نفس الوقت لازم تطلب من البنك شيئين ،، اطلب صورة من بطاقة صاحب الشيك او اصدار ورقة بثبات الرقم الشخصي و الورقه الثانيه عباره عن اثبات بأن الشخص ( صاحب الشيك مخول بالتوقيع او بالاصح التوقيع اللي على الشيك هو نفس التوقيع اللي معترف فيه البنك وهذا الشي يثبت لك في الورقه اللي بتاخذها من البنك ،،، و بعدها تتجه للعاصمه و تعبي طلب و الخ و ثاني يوم جارينه من علباه و في نفس الوقت العاصمه ترفع قضيتك للنيابه و من بعدها للمحكمه ،، لكن لا تنسى في النيابه تطلب بمنع سفر و الخ ،،
ملاحظه: الاجراءات هذه تاخذ لها وقت لين توصل للمحكمه و تاخذ حقك و الشي اللي بتستفيد منه بسرعه بأنك بتحجز الرجال و تمرمطه لين يدفع و الخ و بالاضافه لين سالفته توصل المحكمه اذا ما دفعلك لكن تاخذ الاجراءات هذه شهور او اكثر من سنه ،، لانها عن طريق العاصمه و النيابه ،،

٢- ارفع قضيه في المحكمه المدنيه و هذا الشي ماله خص في العاصمه و النيابه ،، لانك بترفع القضيه علطول و راح تختصر عليك الوقت و المحكمه المدنيه ميزتها انها بتحجز على الشخص املاك او اي شي بإسمه و حتى لو قوطي كبريت اذا كان عنده ،،

ملاحظه : ارفع الموضوع من الصوبين في نفس الوقت ،، يعني من العاصمه و من المحكمه و كل جهه مالها خص في الثاني ،،


اخوي المدفع ،، كل ضربه بتعلومه و لا تفهمني غلط فديت قلبك ،، ثاني مره أجر عقارك يا على اوروبي او قطري ،، الاوروبي دوم يلتزم و الاقطري اذا صادته ازمه ممكن تتسامح معاه لانه ابن بلادك ويستاهل و غير انه ساتر هله و عياله و اذا ما لقيت مستأجر من هالاثنين ،، ممكن اتأجر عى هندي بشرط ما يأجر من الباطن و لله الحمد من يوم اتبعت هالشي شخصيا و انا مرتاح ،، ربي يوفقك ان شاءالله ،،

للأسف ياخوي الكلام هذا الي علمت عليه بل أحمر غير صحيح
لو العالم تدري انها بتنجر من علباها ثاني يوم كان ماصارت عندنا كل هاذي المشاكل
وعلى قولت الرجال
بسنا خرابيط

[توشيبا]

للأسف ياخوي الكلام هذا الي علمت عليه بل أحمر غير صحيح
لو العالم تدري انها بتنجر من علباها ثاني يوم كان ماصارت عندنا كل هاذي المشاكل
وعلى قولت الرجال
بسنا خرابيط

:victory: :nice:

[OREO]

للأسف ياخوي الكلام هذا الي علمت عليه بل أحمر غير صحيح
لو العالم تدري انها بتنجر من علباها ثاني يوم كان ماصارت عندنا كل هاذي المشاكل
وعلى قولت الرجال
بسنا خرابيط


:victory: :nice:

الرد اللي كتبته من باب تجربة شخصيه ،، و اخر مره اشتكيت على شخص بأن صرفلي شيك بدون رصيد ( الشهر اللي فات ) ،، و بالضبط ثالث يوم جابوه و ضيفوه عندهم يومين و لله الحمد دفعلي المبلغ ،، فإذا مالك تجربه معاهم فأرجو انك ما تكذب الناس ،،

[OREO]

أخي الكريم ولايهونون جميع الأخوان الذين تجاوبوا معاك
وللأمانة لم أقرأ إلا موضوعك فقط

وللإختصار صارت معاي نفس الحالة مؤجر بيت للوالده على شخص مهب مضبوط
دخلت له تقريبا ثلاث شيكات كل شيك بوقته وبدون رصيد وخذت إفادة من البنك على ذلك ورحت على طول المحكمة اللي في السد مقابل الصالون الأزرق تقريبا ورفعت دعوى قضائية إخلاء من البيت وتسديد جميع المستحقات .
والحمد لله إفتكينا من الشر حكم القاضي عليه بالإخلاء ودفع الأجار كله .
والله يعينك ويسهل لك أمورك .

بالضبط هذا اللي اقصده ،، انه يرفع دعوى في المحكمه المدنيه و في نفس الوقت يشتكي عليه في العاصمه لاجل ياكلها من الصوبين و يتعلم ان ما يعيدها مره ثانيه ،، اما اذا من جهة العاصمه فقط ،، راح تطول الاجراءات و الخ ،،

[khaldoon]

انا شفت بعيني في المحكمة الناس اللي تكتب شيكات بدون رصيد كيف انهم يبون يبوسون رجلين المدعين عليهم وانتم بكرامة لانه هالشي ما فيه غشمرة....حبس على طول

[واثق بالله]

خذ افادة البنك بان الشيك مافيه رصيد

وقدمه للعاصمه وهم بيتخذون اجراءاتهم

هذي الحركه تسويها كنوع من الضغط عليه

أما اذا ماطل في الدفع للشهر اللي بعده او اللي

بعده ارفع قضيه عليه في لجنة فض المنازاعات

واهم شي تسوي له منع سفر عشان مايشرد

والله يعينك على المحاكم وجلساتها

[الـقـاسـي]

ياخي انتوا لي متى تخافون تشتكون عندك شيك مادفعه لك روح على طول مركز الشرطة واشتك وبيحولونه على النيابه
وارفع قضيه مدنيه على طول ..

لاتهملون حلالكم واموركم لجهلكم فالقانون اسئل وبتعرف اما عشان سمعت من الناس انه الموضوع ياخذ سنتين خلاص بتقعد فبيتكم وبتم تتحسب ..

اهما يلعبون فينا لاننا نجهل بالقانون ونتعاجز نسئل ونروح نشتكي

[abdo222]

اعرف ناس كان لهم بيتين الواحد مؤجر ب 20 الف يعني اثنينهم ب 40 لعائليتين فلبينيه ،، قعدوا الفلبيينين يتهربون حوالي 3 اشهر كل شهر يقولون "بندفع اخر الشهر" لين بدأ اصحاب البيت اجراءات المحاكم والفلبينين طلعوا من البيت بعد 6 او 7 اشهر بدون ما يدفعون فلس واحد وفي المحكمه ما جاو ولا مره،، لين ما اصحاب البيت كلموا الشرطه،، والشرطه طلبت طلب من المحكمه ،، وبما ان المحكمه ما قابلت المتهمين فالقضيه في دائره مغقله،، لين ما يأسوا اصحاب البيت من القضيه بكبرها ،،

الحين مأجرين البيت بالدفع مقدم ،،