هل حان وقت سداد visa card - master card .. !!

[زقرتي ومزاجي]

http://t3.gstatic.com/images?q=tbn:ANd9GcT71iuCT2Ni-ci5QKjpZq5MK4ZxcjB4xNHhOUgZFaStsFcplFMMnw&t=1



دعاء:-

اللهم لك الحمد حتى ترضى ولك الحمد إذا رضيت ولك الحمد بعد الرِّضـا..
لك الحمد أنت قيوم السماوات والأرض ومن فيهن، ولك الحمد لك ملك السماوات والأرض ومن فيهن، ولك الحمد أنت نور السماوات والأرض ومن فيهن



صباحكم ورد جوري ونرجس

بعد الزيادة اللي قدرها الله لنا في شهر طويل
لم يسبق لنا ان شاهدنا اطول منه 9 / 2011
اعتقد جينا لوقت اللي لازم نرتب فيه نفسنا ... ونحسن اوضاعنا ... وبسنا ديون وخرابيط
ونبتدي خطوه تسديد الديون من اليوم بأذن الله

جيتكم اليوم بموضوع مهم ... يهمنا كلنا .. وانا اولكم ... وهو موضوع
visa card - master card
واضرارها الأقتصادية علينا



http://www.dailyrosetta.com/wp-content/uploads/2011/06/1308739037-66.jpg






اولا : طريقه عمل البطاقه :-

يعطيك البنك بطاقه يكون فيها مبلغ من البنك .. مثلا 10 الف او اكثر .. ويسمح لك تستخدمها براحتك وعلى كيفك في الوقت اللي تبيه
اخر الشهر البنك يرسل لك الفاتوره او الكشف .. فيه كل المبالغ اللي انت استخدمتها.. ويطلب منك تسدد 5% بس!!
طيب وش مستفيد البنك ؟ يسلفك علشان سواد عيوونك ؟؟
لا يقول لك بياخذ عليك فوائد 2 – 2.5 % على المبلغ اللي انت استهلكته
:(


ثانيا :ضرر البطاقة:-


انت لما تدفع .2.5% بالشهر .. معناته
2.5 * 12 = تدفع30% سنويا !!
طبعا بالفوائد المركبه تكون تدفع اكثر لأنهم يسمحون لك تستخدم اللي انت سددته
طيب متى بخلص وانتهي ؟؟
الجواب ما راح تخلص.. لأنك تسدد 5% وياخذون منها2.5% فوائد لهم !!
انت تسدد 500وهم ياخذون 250 فوائد لهم !!
وال250 اللي سددتها تستخدمها مره ثانيه
يعني اخر السنه تكون دفعت 3 الاف هديه لهم علشان يسلفونك 10الاف
وتكون ايضا اتخلصت من قسط شهري يشاركك براتبك
طبعا ضربت المثال على مبلغ بسيط 10 الاف .. مع ان فيه بطاقات وايد تتعدى هالمبلغ

على فكره ترا في رسوم ثانيه ما اعرفها اللي هي اذا اتعديت الحد او اذا ما سددت شهر او اذا سحبت منها كاش


ثالثا : انت متوهق بالبطاقه الحين.. كيف تتخلص منها :-


اول خطوه تجيب مقص !! وتقطع البطاقه!!والحين انت وقفت الاستهلاك
ثانيا تجمع مبلغ كاش هذا الشهر ولو تقدر اتسلف من اقاربك وسدد اكبر مبلغ تقدر عليه
هذا تصرف تسويه هالاسبوع .. قبل لايضيفون عليك فوائد
يعني لو عليها
10 الاف وقدرت تجمع 5 او 6الاف .. راح تكون قدرت تتخلص من جزء كبير من المشكله
واول ما ينزل راتبك الشهر اللي بعده .. تحاول تدفع كل اللي ما تحتاجه ضرووري فيها ..
ولو قدرت تسدد كل المبلغ الباقي يكون ابرك الساعات ..او تسدد 2500 هالشهر ..
وتكمل 2500 مع الفوائد الشهر اللي بعده
التزم بالخطه وتكون تخلصت منها في 3 شهور !!
:nice:

وتكون ريحت بالك ووفرت فلوسك ..ال3 الاف اللي تدفعها فوائد روح مشي بها عيالك واهلك ..
انت اولا من البنك فيها


رابعا : البطاقه ما استغني عنها.. وتساعدني اخر الشهر :-

طيب يالغالي .. انت لما تخلص البطاقه وترتب امورك .. حط لك 5 الاف في حساب منفصل
حق الامور الطارئه واذا نزل الراتب على طول روح سدده كأنه بطاقه ورجعه 5الاف
او سدد 5% منه عالاقل
طبعا الاقساط بتكون اقل لأنك اذا سددت 5%راح تحسب لك كللها دفعه ما راح ياخذوا منها 2.5%




نقطة نظام :-

http://4.bp.blogspot.com/_aYbJFqDzRs4/S50IeAbAaxI/AAAAAAAAAIs/IfRI8lvbxfU/s320/Stop+2.png

اللي عنده اي فكره أضافية عن أضرار visa card - master card او اي معلومات دقيقه قد يجهلها مستخدم البطاقة ياليت يفيدنا فيها ...








:telephone:

[بوسلمان 2010]

ابشرك يااخوي الفيزة انا مكنسلها من 5 سنوات وماعندي الا ايتي ام بس الله يبعدنا عنها ان شاء الله والله انها


بلشه واعرف واحد من الربع ماعطينه فيزه 65 الف من احد البنوك الربوية الله يهديه ويصلحه

[سلطان23]

أنا حاولت استغنى عنها بس ماقدرت

اغلب شركات تاجير السيارة تطلب فيزا

[زقرتي ومزاجي]

ابشرك يااخوي الفيزة انا مكنسلها من 5 سنوات وماعندي الا ايتي ام بس الله يبعدنا عنها ان شاء الله والله انها


بلشه واعرف واحد من الربع ماعطينه فيزه 65 الف من احد البنوك الربوية الله يهديه ويصلحه



مرحبا بوسلمان

الحمد لله افتكيت منها ... ومن شرها .. ولا اوصيك لا ترجع للغلطه اللي من خمس سنوات
حاسب على نفسك

[ولـــد قطـــر]

بيض الله وجهك

[المارونـــي]

الحمدلله لا جربتها ولا ابي اجربها
اللي يسمع البلاوي من ورى هالفيزه وياخذها ماعنده سالفه
انا استغرب من الناس اللي ماعندها وتزابي يروح يرضخ الفيزه بيفرح فيها اول شي
وبيندم اخر شي
انا ماخذت الفيزه لكن هي نصيحه لوجه الله
الفيزه ماورها الا الفلس
يغرونك بانه ............
والشخص على نيته
فالاخير ليتني وليتني

[زقرتي ومزاجي]

أنا حاولت استغنى عنها بس ماقدرت

اغلب شركات تاجير السيارة تطلب فيزا



ياهلا سلطان .. يمكن لك ظرف معين انك ماتقدر تستغني عنها
ياليت تذكر لنا السبب يمكن اخوانك وخواتك في المنتدى يعطونك الحل

[زقرتي ومزاجي]

بيض الله وجهك



وجهك ابيض ياجعلني افداك :nice:

[بايع بايع]

http://t3.gstatic.com/images?q=tbn:and9gct71iuct2ni-ci5qkjpzq5mk4zxcjb4xnhhougzfastsfcplfmmnw&t=1

اللي عنده اي فكره أضافية عن أضرار visa card - master card او اي معلومات دقيقه قد يجهلها مستخدم البطاقة ياليت يفيدنا فيها ...

:telephone:

اخي الكريم نظام الفيزا نفس ماتفضلت

وازيد على كلامك ان النسبه انت اللي تحددها

فمثلا تقدر تخلي نسبه الخصم الشهريه 100 %

بمعنى انا شريت ماقيمته 2000 ريال

نهاية الشهر يتم خصم 2000 ريال

ومافي مبالغ تتحول للشهر التالي

مشكله الماستر والفيزا تكون في المبالغ الغير مسدده

هذي المبالغ يتم اخذ عليها فوائد في كل شهر بشهره والشهر التالي يتم الجمع بين فائدة الشهر السابق ومبلغ الدين ويتم اخذ فائدة جديده وهذا اللي يسمونه ( الفائدة المركبه )

يعني اذا قلنا في مبلغ في حسابك في شهر 1 وماسددته الين شهر 12

ولو قلنا مثلا

المبلغ ثابت والفائدة في كل شهر 100 ريال هذا يعني

الشهر الاول راح تكون 100 +الثاني 105 +والثالث 110 +والرابع 115 = 430 ريال

مع ان المتوقع انها راح تكون بس 400 لكن هذي هي الفائدة المركبه زادتها 30 ريال

وهذا بالنسبة للمبالغ الصغيره فمابالك بالكبيره

فاخواني اذا كنتوا في بنك ربوي سددوا ديت البطاقة بالكامل

وانقل على بنك اسلامي لان السداد راح يكون 100%

واذا انت في بنك ربوي وماتقدر تنقل وعندك معاه التزامات ثانيه غير البطاقة

زيد قيمة السداد في البطاقة وقولهم ابيها 100% طبعا لازم مايكون عليك شي وتخلي صرفك بنسب تقدر تسددها بالكامل كل شهر في هالحاله ماراح تكون عليك فوائد مركبه

وبالتوفيق

وجيت شهر 12 تبي تسدد البلغ اللي عليك رايح يطلع

[بوحمد1]

موضوع مهم ويستحق الشكر

[زقرتي ومزاجي]

الحمدلله لا جربتها ولا ابي اجربها
اللي يسمع البلاوي من ورى هالفيزه وياخذها ماعنده سالفه
انا استغرب من الناس اللي ماعندها وتزابي يروح يرضخ الفيزه بيفرح فيها اول شي
وبيندم اخر شي
انا ماخذت الفيزه لكن هي نصيحه لوجه الله
الفيزه ماورها الا الفلس
يغرونك بانه ............
والشخص على نيته
فالاخير ليتني وليتني



مرحبا الماروني ... تسلم على النصيحة .. كلك ذوق

[مستثمر 999]

للعلم فقط

الفائده على المبلغ المسحوب فقط وليست على الرصيد

يعني لو شريت ب 500 ريال تكون الفائده 12,5فقط وليست 250 كما ذكرت

وفي النهايه شر لا بد منه

والي يبي يتجنب الربا يطلب فيزا من مصرف الريان بدون فوائد والسحب من المبلغ المتفق عليه

وممكن اعاده تعبئة الرصيد نفس طريقة كروت هلا ورد red

[شيزكيك]

اول ما توظفت كان عندي فيزا وصج بهدلتني في اوقات وكان البنك ياخذ فوايد تقريبا 300 ريال كل شهر غير القسط

عقب نقلت بنك ربوي ثاني وحاولوا يغروني ان راتبي يسمح بس كنت مقتنعه وزوجي حلف علي اني ما طلعها والحين الحمدلله رحت بنك اسلامي وبعد ما قدمت عليها واشوف حياتي ماشيه بها ومن غيرها

وزوجي عنده فيزا لمتها بسيط بس حق حجز الفنادق او اذا بغى يشتري شي من النت

والحمدلله اولا واخيرا

[زقرتي ومزاجي]

اخي الكريم نظام الفيزا نفس ماتفضلت

وازيد على كلامك ان النسبه انت اللي تحددها

فمثلا تقدر تخلي نسبه الخصم الشهريه 100 %

بمعنى انا شريت ماقيمته 2000 ريال

نهاية الشهر يتم خصم 2000 ريال

ومافي مبالغ تتحول للشهر التالي

مشكله الماستر والفيزا تكون في المبالغ الغير مسدده

هذي المبالغ يتم اخذ عليها فوائد في كل شهر بشهره والشهر التالي يتم الجمع بين فائدة الشهر السابق ومبلغ الدين ويتم اخذ فائدة جديده وهذا اللي يسمونه ( الفائدة المركبه )

يعني اذا قلنا في مبلغ في حسابك في شهر 1 وماسددته الين شهر 12

ولو قلنا مثلا

المبلغ ثابت والفائدة في كل شهر 100 ريال هذا يعني

الشهر الاول راح تكون 100 +الثاني 105 +والثالث 110 +والرابع 115 = 430 ريال

مع ان المتوقع انها راح تكون بس 400 لكن هذي هي الفائدة المركبه زادتها 30 ريال

وهذا بالنسبة للمبالغ الصغيره فمابالك بالكبيره

فاخواني اذا كنتوا في بنك ربوي سددوا ديت البطاقة بالكامل

وانقل على بنك اسلامي لان السداد راح يكون 100%

واذا انت في بنك ربوي وماتقدر تنقل وعندك معاه التزامات ثانيه غير البطاقة

زيد قيمة السداد في البطاقة وقولهم ابيها 100% طبعا لازم مايكون عليك شي وتخلي صرفك بنسب تقدر تسددها بالكامل كل شهر في هالحاله ماراح تكون عليك فوائد مركبه

وبالتوفيق

وجيت شهر 12 تبي تسدد البلغ اللي عليك رايح يطلع




ياهلا وغلا اخ بايع ... أضافة مهمه ... من شخص عاقل .. ياليت اخوي بايع
نستفيد من خبرتك في تقديم بعض الحلول للي عليهم مبالغ كبيره في بطاقات
visa card - master card

على سبيل المثال 30.000 أو 40.000 الف ريال

ياجعلك ذخر :)

[زقرتي ومزاجي]

للعلم فقط

الفائده على المبلغ المسحوب فقط وليست على الرصيد

يعني لو شريت ب 500 ريال تكون الفائده 12,5فقط وليست 250 كما ذكرت

وفي النهايه شر لا بد منه

والي يبي يتجنب الربا يطلب فيزا من مصرف الريان بدون فوائد والسحب من المبلغ المتفق عليه

وممكن اعاده تعبئة الرصيد نفس طريقة كروت هلا ورد red



مرحبا والله يامستثمر ... المقصود من 250 ريال
هو

10.000 * 2.5 % = 250 ريال على المبلغ كامل



اخوي مستثمر ... شكرا لأثرائك الموضوع
واذا عندك اي اضافة تفضل فديت قلبك

[بو خليفه 123]

http://t3.gstatic.com/images?q=tbn:and9gct71iuct2ni-ci5qkjpzq5mk4zxcjb4xnhhougzfastsfcplfmmnw&t=1






اللي عنده اي فكره أضافية عن أضرار visa card - master card او اي معلومات دقيقه قد يجهلها مستخدم البطاقة ياليت يفيدنا فيها ...








:telephone:



جزاك الله خير يا زقرتي و مزاجي على النصائح الأخويه


للتصحيح : الفائده الجديده للبطاقات الائتمانيه بعد صدور قرار مصرف قطر المركزي بخفض الفائده للبنوك هي 1% الآن .. اي اصبحت 12% سنوياً والتي يجهلها البعض و لكنك تفضلت مشكوراً بالشرح الواضح والمفيد ..



يعني الفرصه الآن افضل من السابق بالتحكم بالبطاقه و دفع مديونيتها كامله بما انه تم تخفيض الفائده ..


و لكن الوضع يختلف من مستهلك الى آخر ..

اذا مسكت المقص على قولتك و قطعت البطاقات .. و أنا نظراً لظروفي الحاليه تتطلب مني السفر بشكل مستمر .. كيف ممكن ارتب حجوزات الفنادق و ايجار السياره من غير تواجد البطاقه الائتمانيه ؟


تقبلوا تحياتي

[زقرتي ومزاجي]

اول ما توظفت كان عندي فيزا وصج بهدلتني في اوقات وكان البنك ياخذ فوايد تقريبا 300 ريال كل شهر غير القسط

عقب نقلت بنك ربوي ثاني وحاولوا يغروني ان راتبي يسمح بس كنت مقتنعه وزوجي حلف علي اني ما طلعها والحين الحمدلله رحت بنك اسلامي وبعد ما قدمت عليها واشوف حياتي ماشيه بها ومن غيرها

وزوجي عنده فيزا لمتها بسيط بس حق حجز الفنادق او اذا بغى يشتري شي من النت

والحمدلله اولا واخيرا



مرحبا .. شيزكيك ... الله يحفظ لج ابو العيال .. نصيحته في مكانها
والله ييسر لكم اموركم ويوفقكم


وياليت تقولين لنا الفرق اللي انتي حسيتيه بين البنوك

[البيت بيتك]

عليك بفيزة البنوك الاسلاميه يعني سحبت 1000 ريال نهايه الشهر ينخصم من الراتب 1000 ريال لا عموله ولا شي وانا عندي من 10 سنوات تنتهي اجددها
غير البنوك الاسلاميه مافيه

[بوخالد911]

هلا بك زقررتي

أتشرف بالمشاركة بمواضيعك طال عمرك

بالنسبة لي ؛ عندي ماستر للوطني الاسلامي
وياخذون 100 %

بمعنى لو استخدمت مبلغ مثلا 8000 ريال ؛ فان البنك يخصمها كلها ال8000 ريال
وبدون أعباء ورسوم اضافية وبلا وجع رااس

وهذا أفضل شي



تحياتي قبل استخدام بطاقاتي

[بوخالد911]

عليك بفيزة البنوك الاسلاميه يعني سحبت 1000 ريال نهايه الشهر ينخصم من الراتب 1000 ريال لا عموله ولا شي وانا عندي من 10 سنوات تنتهي اجددها
غير البنوك الاسلاميه مافيه

:nice::victory::victory::victory::victory::nice:

[زقرتي ومزاجي]

جزاك الله خير يا زقرتي و مزاجي على النصائح الأخويه


للتصحيح : الفائده الجديده للبطاقات الائتمانيه بعد صدور قرار مصرف قطر المركزي بخفض الفائده للبنوك هي 1% الآن .. اي اصبحت 12% سنوياً والتي يجهلها البعض و لكنك تفضلت مشكوراً بالشرح الواضح والمفيد ..



يعني الفرصه الآن افضل من السابق بالتحكم بالبطاقه و دفع مديونيتها كامله بما انه تم تخفيض الفائده ..


و لكن الوضع يختلف من مستهلك الى آخر ..

اذا مسكت المقص على قولتك و قطعت البطاقات .. و أنا نظراً لظروفي الحاليه تتطلب مني السفر بشكل مستمر .. كيف ممكن ارتب حجوزات الفنادق و ايجار السياره من غير تواجد البطاقه الائتمانيه ؟


تقبلوا تحياتي




ويجزاك يالبه قلبك يابوخليفه بمثله ... ما عليك امر تقدر تحصر لنا متى نقدر
نستخدم visa card - master card وتحت اي ظرف ... والله يعطيك العافية
:nice:

[بـنـت ڪرز]

هي حق السفر ضروريه صراحه لان انا مب من النوع اللي يوفر ((بس انشالله ابدا اوفر الحين))

انا مخليه انهم ياخذون 5% كـ بدايه لان اول مارجع من السفر اكون مفلسه ..

المهم اني احرص خلاص 3 لين 4 شهور اكون مسدده المبلغ كامل .. عن طريق النت .. يعني كل شهر احاول اوفر 10 الاف او اكثر وانقلهم .. يعني مب معتمده على الـ 5% مالتهم .. مع ان لمت بطاقتي عالي بس اول 5 شهور اقدر اضبط نفسي من ناحية الصرف بس عقب يبدا أدرينالين الشوبينق يشتغل >_<

[بايع بايع]

ياهلا وغلا اخ بايع ... أضافة مهمه ... من شخص عاقل .. ياليت اخوي بايع
نستفيد من خبرتك في تقديم بعض الحلول للي عليهم مبالغ كبيره في بطاقات
visa card - master card

على سبيل المثال 30.000 أو 40.000 الف ريال

ياجعلك ذخر :)

هلا بيك اخوي

وترى انا خبرتي بسيطه ومتواضعه وتخصصي المشاكل :omen2: والله يسهل

وافضل حل لمثل هذي المشاكل هو انك تخلي بنك ثاني يشتري الدين وتنقل راتبك ويقسط الدين عليك

لانك طول ماانت معاهم راح تضاعف الفايده حتى لو زدت نسبة السداد 10% او 20 %مافي فايده وراح تكون مرهقة لك ومافي اي حل جذري لها الا السداد الكامل عن طريق بنك اسلامي واحلا شي بالاسلامي انه يحطلك حد اقصى للائتمان

وكانوا الشباب يشتكون من سالفة ان البنك يرفع قضية بملغ الدين ( طبعا بموجب شيك ضمان وقعه للبنك على بياض ) ولما يروح يبي يسدد للبنك عشان يصكر القضية يتفاجئ ان المبلغ اكبر بكثير عن الموجود في الشكوى الجنائية /جنح

مثلا المبلغ الملطلوب سداده 10000 احيانا كان يوصل مع الفايده 35000

ولما يسأل البنك كانوا يقولونله هذي الفوايد ولازم تسددها ولا ماراح نتنازل عن الشكوى وتنسجن

وكان حل هالموضوع كالتالي

اولا يتم ايداع قيمه المبلغ الموجود (المتأخرات الفعليه) في لائحة اتهام النيابة العامه في خزينه المحكمة

ثانيا بموجب الايداع يحكم له القاضي بانقضاء الدعوى الجنائية بالتصالح بما انك المبلغ المتنازع عليه تم سداده

واذا البنك حب يطالب بالفوائد فعليه يرفع دعوى مدنيه وهنا القاضي له اكثر منوجهة نظر بالموضوع وطريقة للسداد اذا ماتم الحكم بسداد الفوايد

واسمحلي على الاطاله لكن الموضوع فرض نفسه

والفيزا والماستر شر لابد منه لان التعامل فيهم صار عالمي وخصوصا للي يسافر كثير لبلدان اوروبيه واللي على شاكلتهم
واهم شي نسبة السداد تكون 100%

وبالتوفيق

[حسن]

شوف ياخوي اللي يبي يصرف سواء عنده هذه الكروت ولاماعنده بصرف بصرف
انه توني مطلع فيزا من شهر فقط مخليها احتياط لاني عندي الداينرز كلوب من عشرين سنه ورايك صارله اكثر من 15 سنه لم استخدمه وكل ماقولهم كنسلو يتحايلون علي ويقولون لا خله احنا مهب ماخذي ن اشتراك منك
هي سلاح ذوحدين الي لايحسن استخدامه بتوديه في ستين داهيه اما اللي يعرف يستخدمها بالطريقه الصحيحه لاخوف عليه
وشكرا لك على موضوعك القيم :victory:

[الســـهم]

كل مافي الموضوع وعشان الكل يريح راسه اخوي زقرتي مزاجي ..

ان التسديد يكون 100% وبهذا ضمنت انك تستخدم مبلغ الائتمان بدون اي فوائد , وكذلك راح يصير عندك كنترول على استخدام الرصيد بسبب انك ملزم بالتسديد نهاية الشهر , ودايما خل الليمت بسيط من 1000 ريال الى 5000 ريال , وهذا اللي انا ماشي عليه من 10 سنوات والحمدلله ماتخلفت عن السداد لاني استخدمها بالضروريات وفي الاوقات العصيبة ..

وبكل صراحة , ماقدر استغني عن بطاقة الائتمان لأني احتاجها كثير مع شركات تأجير السيارات والفنادق وأيضا استخدمها في عمليات تسديد الفواتير عن طريق الانترنت او الجوال ..

يعطيك العافية وتشكر جدا على نصايحك الطيبة ..

[بو خليفه 123]

ويجزاك يالبه قلبك يابوخليفه بمثله ... ما عليك امر تقدر تحصر لنا متى نقدر
نستخدم visa card - master card وتحت اي ظرف ... والله يعطيك العافية
:nice:


و من قال نفداك ..


أنا شخصياً استخدم البطاقات الائتمانيه عشان :

1 استفيد من الاميال القطريه

2 حجوزات الفنادق (الحجوزات عن طريق النت تتم عن طريق البطاقة الائتمانية)

3 ايجار السيارة خارج قطر

4 المشتريات عن طريق الانترنت (كثير من البضائع او السلع او الماركات غير متوفره في قطر)


ماذكر اعلاه هي امور رئيسيه هناك امور ثانويه و لكن يعتمد على المستهلك و ثقافته و شطارته و مدى اجتهاده بتسديد البطاقه ..


لذا لها منافع من جانب آخر .. والبنك مثل ماقلت مايعطيك شيء عشان سواد عيونك اللي خاشها ورا النظاره :tease:


تقبل تحياتي

[SULTAN1]

بطاقات الائتمان ضروريه وخاصه للي يسافر كثير واللى ما يحب يشيل معاه كاش ،معضم ان لم يكن كافه الفنادق ومكاتب تاجير السيارات لا تقبل الكاش. منذ 15 سنه وانا استخدم هذي البطاقات ومن مختلف البنوك ، لكن اتفاقي معم بخصم المبلغ كامل من الرصيد في حال الاستحقاق .:nice::nice:

[Tiger]

Watch this video. It explains credit card debt .. Very informative :)

** Credit Card Debt Explained With a Glass of Water **
http://www.************/watch?v=Vz05A6cP6Iw

[غير البشر]

موضوع مفيد اخوي زقرتي جزاك الله خير

بس الفيزا والماستر شر لابد منه :rolleyes2:
بالنسبه لي انا احتاجها وايد وخاصه بالسفر

طريقتي بالفيزا
انا دايما لما اخذ فيزا
اطلب لمت عالي يعني مره كان المت 45000

بس اقدر في اي لحظه اسددها كامل وفي نفس الوقت

لاني اعطيهم مبلغ تقريبا 50 الف يحجزونها عندهم
وهم ينزلون لي لمت 45000

بس بصراحه مفيده بس الي يقدر يستغني عنها لايتردد :nice:

[زقرتي ومزاجي]

عليك بفيزة البنوك الاسلاميه يعني سحبت 1000 ريال نهايه الشهر ينخصم من الراتب 1000 ريال لا عموله ولا شي وانا عندي من 10 سنوات تنتهي اجددها
غير البنوك الاسلاميه مافيه



البيت بيتك شكرا للمشاركه :)

[زقرتي ومزاجي]

هلا بك زقررتي

أتشرف بالمشاركة بمواضيعك طال عمرك

بالنسبة لي ؛ عندي ماستر للوطني الاسلامي
وياخذون 100 %

بمعنى لو استخدمت مبلغ مثلا 8000 ريال ؛ فان البنك يخصمها كلها ال8000 ريال
وبدون أعباء ورسوم اضافية وبلا وجع رااس

وهذا أفضل شي



تحياتي قبل استخدام بطاقاتي




هلا وغلا بوخلود .. منور يالغالي
شكرا لك للمشاركه حبيبي :nice:
وتبي الصج وحشتني

[زقرتي ومزاجي]

هي حق السفر ضروريه صراحه لان انا مب من النوع اللي يوفر ((بس انشالله ابدا اوفر الحين))

انا مخليه انهم ياخذون 5% كـ بدايه لان اول مارجع من السفر اكون مفلسه ..

المهم اني احرص خلاص 3 لين 4 شهور اكون مسدده المبلغ كامل .. عن طريق النت .. يعني كل شهر احاول اوفر 10 الاف او اكثر وانقلهم .. يعني مب معتمده على الـ 5% مالتهم .. مع ان لمت بطاقتي عالي بس اول 5 شهور اقدر اضبط نفسي من ناحية الصرف بس عقب يبدا أدرينالين الشوبينق يشتغل >_<



مرحبا ... بنت كرز ... الحمد لله عندج كنترول جيد نادر مايكون موجود
الله يوفقج :nice:

[chillis]

عندي فيزا وياخذون 100% يعني لو صرفت 5000 ياخذونها كلها اول باول

[زقرتي ومزاجي]

هلا بيك اخوي

وترى انا خبرتي بسيطه ومتواضعه وتخصصي المشاكل :omen2: والله يسهل

وافضل حل لمثل هذي المشاكل هو انك تخلي بنك ثاني يشتري الدين وتنقل راتبك ويقسط الدين عليك

لانك طول ماانت معاهم راح تضاعف الفايده حتى لو زدت نسبة السداد 10% او 20 %مافي فايده وراح تكون مرهقة لك ومافي اي حل جذري لها الا السداد الكامل عن طريق بنك اسلامي واحلا شي بالاسلامي انه يحطلك حد اقصى للائتمان

وكانوا الشباب يشتكون من سالفة ان البنك يرفع قضية بملغ الدين ( طبعا بموجب شيك ضمان وقعه للبنك على بياض ) ولما يروح يبي يسدد للبنك عشان يصكر القضية يتفاجئ ان المبلغ اكبر بكثير عن الموجود في الشكوى الجنائية /جنح

مثلا المبلغ الملطلوب سداده 10000 احيانا كان يوصل مع الفايده 35000

ولما يسأل البنك كانوا يقولونله هذي الفوايد ولازم تسددها ولا ماراح نتنازل عن الشكوى وتنسجن

وكان حل هالموضوع كالتالي

اولا يتم ايداع قيمه المبلغ الموجود (المتأخرات الفعليه) في لائحة اتهام النيابة العامه في خزينه المحكمة

ثانيا بموجب الايداع يحكم له القاضي بانقضاء الدعوى الجنائية بالتصالح بما انك المبلغ المتنازع عليه تم سداده

واذا البنك حب يطالب بالفوائد فعليه يرفع دعوى مدنيه وهنا القاضي له اكثر منوجهة نظر بالموضوع وطريقة للسداد اذا ماتم الحكم بسداد الفوايد

واسمحلي على الاطاله لكن الموضوع فرض نفسه

والفيزا والماستر شر لابد منه لان التعامل فيهم صار عالمي وخصوصا للي يسافر كثير لبلدان اوروبيه واللي على شاكلتهم
واهم شي نسبة السداد تكون 100%

وبالتوفيق




منور اخ بايع للمره الثانية ... اشكر لك تجاوبك السريع
وعسى ربي يطول بعمرك ...
وان شاء الله الاعضاء والعضوات يستفيدون من هالكلام

:nice:

[زقرتي ومزاجي]

شوف ياخوي اللي يبي يصرف سواء عنده هذه الكروت ولاماعنده بصرف بصرف
انه توني مطلع فيزا من شهر فقط مخليها احتياط لاني عندي الداينرز كلوب من عشرين سنه ورايك صارله اكثر من 15 سنه لم استخدمه وكل ماقولهم كنسلو يتحايلون علي ويقولون لا خله احنا مهب ماخذي ن اشتراك منك
هي سلاح ذوحدين الي لايحسن استخدامه بتوديه في ستين داهيه اما اللي يعرف يستخدمها بالطريقه الصحيحه لاخوف عليه
وشكرا لك على موضوعك القيم :victory:



يا هلابك ..يا بوعلي.. وجهه نظر تستحق الاحترام
شكرا لتواجدك
:)

[تحداني]

صباح الخير على الجميع

ما راح ازيد على كلام اخواني وخواتي في الي تطرقوا له
غير اني بالفعل ما اقدر استغنى عن الفيزا والماستر عندي من زمان واحب اتعامل بهذه النوعيه من البطاقات .. تعطيني بدائل كثيره " خصومات .. سحوبات .. تذاكر سفر.... صالات درجه اولى .. مريحه .. سهله .. توفر علي حمل مبلغ كبير "

بس يبيلها واحد يعرف يحسن استخدامها لان العمليه ماهو انك تسحب وتسحب وانت رصيد السداد والفعلي عندك صفر

انا ينزل لي الراتب .. اروح استخدم الماستر والفيزا
يقوم البنك " مصرف قطر الاسلامي " بالسداد 100%
مافيها فوائد
ولا فيها حتى تأخير ولا تقديم

استخدم 30 الف .. في حسابي فيه 30 الف
ياخذ من هذا ويحط في ذاك .. وسبب استخدامي لها ذكرته


اللمت عندي محدد وواضح من زمان 25 الف ريال
لايمكن ارفع سقف اللمت مهما صار لان راتبي ان كان اكثر من هذا انا قادره عليه
وان كان اقل راح انزل اللمت


الي قاعد تتكلم عنه يا اخوي " زقرتي ومزاجي "
هذا يصير مع البنوك الربويه في حاله ما تم الدفع 100%


جملك الله برضاه

[Silver.Ocean]

موضوع قيم جزاك الله خير
انا ماخذه فيزا من بنك اسلامي الحد الاقصى لها 3700 و تنخصم من راتبي تلقائيا الشهر اللي بعده استخدمها للطواريء
بس على فكره هي ما فيها ربا (فوايد ) اذا ادفع بها بس اذا اسحب فلوس بالفيزا فيها فوايد
هذا كلام الموظفة الي في البنك

[زقرتي ومزاجي]

كل مافي الموضوع وعشان الكل يريح راسه اخوي زقرتي مزاجي ..

ان التسديد يكون 100% وبهذا ضمنت انك تستخدم مبلغ الائتمان بدون اي فوائد , وكذلك راح يصير عندك كنترول على استخدام الرصيد بسبب انك ملزم بالتسديد نهاية الشهر , ودايما خل الليمت بسيط من 1000 ريال الى 5000 ريال , وهذا اللي انا ماشي عليه من 10 سنوات والحمدلله ماتخلفت عن السداد لاني استخدمها بالضروريات وفي الاوقات العصيبة ..

وبكل صراحة , ماقدر استغني عن بطاقة الائتمان لأني احتاجها كثير مع شركات تأجير السيارات والفنادق وأيضا استخدمها في عمليات تسديد الفواتير عن طريق الانترنت او الجوال ..

يعطيك العافية وتشكر جدا على نصايحك الطيبة ..




مرحبا يالسهم ... رايك نضيفه لاخوانك وخواتك الاعضاء اللي قالوا نفس الكلام
شكرا للمشاركة حبيبي :nice:

[زقرتي ومزاجي]

و من قال نفداك ..


أنا شخصياً استخدم البطاقات الائتمانيه عشان :

1 استفيد من الاميال القطريه

2 حجوزات الفنادق (الحجوزات عن طريق النت تتم عن طريق البطاقة الائتمانية)

3 ايجار السيارة خارج قطر

4 المشتريات عن طريق الانترنت (كثير من البضائع او السلع او الماركات غير متوفره في قطر)


ماذكر اعلاه هي امور رئيسيه هناك امور ثانويه و لكن يعتمد على المستهلك و ثقافته و شطارته و مدى اجتهاده بتسديد البطاقه ..


لذا لها منافع من جانب آخر .. والبنك مثل ماقلت مايعطيك شيء عشان سواد عيونك اللي خاشها ورا النظاره :tease:


تقبل تحياتي



هههههههههههههههههههههههههههههههه
هههههههههههههههههههههه يالشين



تسلم على النصايح :tease:

[زقرتي ومزاجي]

بطاقات الائتمان ضروريه وخاصه للي يسافر كثير واللى ما يحب يشيل معاه كاش ،معضم ان لم يكن كافه الفنادق ومكاتب تاجير السيارات لا تقبل الكاش. منذ 15 سنه وانا استخدم هذي البطاقات ومن مختلف البنوك ، لكن اتفاقي معم بخصم المبلغ كامل من الرصيد في حال الاستحقاق .:nice::nice:



مرحبا والله ياسلطان ... رايك اضافة لأخوانك اللي قبلك
شكرا لك على المشاركه
:)

[بوخالد911]

أهم شي خلوا نسبة الخصم 100 %

[سارونه]

الله يجزيك الف خير على التذكير :)

الحمد لله انا خلصت سلفتي من شهرين - والمفروض تخلص بعد 10 سنين :( - اللهم لك الحمد والشكر ..

والحين افكر اسدد الفيزا ( الله لا يردها )

بارك الله فيك - وربي يوفقك ..

[الصمت]

اخ سلطان 23 اتمنى تغير الصوره لانها تسد النفس ويعطيك العافيه .*

[بوالبيض]

والله كل واحد وحسب استخدامه مثلا انا عندي بس مو اي شي اسحب فيها ومرتب نفسي علي اشياء معينه
اكثر شي في السفر والحمد الله يسحبون المبلغ كل بداية الشهر شوفي اخوي اكثر الناس الي عليهم مبالغ كبيره اسمحلي يعني يشترون اشياء ما لها ادعي وهي هم الي لزم يكنسلونها موفق اخوي

[catqat]

من اللي فيكم سدد الفيزا كارد كاملة فحياته ...؟؟؟ ولا حد

[بو خليفه 123]

من اللي فيكم سدد الفيزا كارد كاملة فحياته ...؟؟؟ ولا حد

ماشاءالله عليك يالقطيوه

ترأسين تقارير الـ Credit Bureau و تشيكين على التقارير الاسبوعيه للمستهلكين القطريين في مديونية البطاقات الائتمانيه .. على شان كذا اجزمتي انه ولا واحد يجتهد في التحكم في مصاريفه و مديونيته

ياليت تعطينا اسم علبة التونه الي تاكلينها عشان نقدر نعرف كل شي مثلك


تقبلي تحياتي

[خــطــافــ]

تقدر تخلي نسبة السداد 100٪ وبدون فائدة تذكر للبنك ، هذا النظام أنا اتبعه مع بنك الدوحة ومستفيد فوق هذا من نقاط دريم للتسوق

بمعنى اكثر شمولية ، اي وسيلة او خدمة تعتمد علينا في طريقة الاستخدام

[almaf1a]

الفيزا الكارد لتخليص الامور الكترونيا
تشتري فيها وتسدد المبلغ كامل ثاني يوم فماراح ياخذون عليك ولا ريال

[bohilal191]

تسلم بس انا استخدمها عشان اميال القطرية بحكم اني ماأسافر كثير ومتحكم فيها لأبعد الحدود واول ماينزل الراتب اسدد الفيزا ولا اخليهم يستفيدون من اي فايده وخاصة الدفع مخليه 100%

[chillis]

من اللي فيكم سدد الفيزا كارد كاملة فحياته ...؟؟؟ ولا حد

انا ودايما الحمدلله :secret:

[قطريه ماركه]

موضوع مهم و مفيد ...

يعطيك العافية ....

[QatariFallah]

ماعتقد انها تضر اللي حاسب حسابه ويفكر بالاشياء المهمه

هالنوع من البطاقات، الماستر كارد والفيزا..تخسر عليها فقط تجديدها السنوي
في بنوك ادفعك 500 وفي بنوك ادفعك الف
وفي بنوك ابشرك ماصارت ادفعك عليها

انت اتحط الحين المبلغ اللي تبيه
30 او 60 او 100 الف بالبطاقه
وتصرف منها..وبس
الذكي اللي بيستخدمها لاغراض خارجيه بالسفر مع اهله وشراء راحتهم

شلون البنك بيستفيد انزين اذا هي فلوسك وانت اتحطها وتسحبها ؟

لان بوضعك للمال في الحساب..البنك يشغل هالفلوس لحسابه باغراض اخرى وتتضاعف عنده...انت مالك خص بهالشي..فلوسك مثل ماهي بس هم عندهم حركاتهم
وثاني شي..الشي اللي يستفيدون منه بعد..وهو اللي يخليك تدفع شوي زياده..يوم تروح تسحب للمشتريات او تستخدم ال اي تي ام خارج الدوله
ياخذون عليك 4% للمشتريات
و 3% للسحب الالي في ال اي تي ام

فقط لاغير
عمرها ماصارتلي مشاكل مع البطاقه والبنك والحمدلله

دايما..اثناء حصولك على البطاقه..قولهم ان نسبة سدادك هي 100%

بتسحب 10 الاف..رجعلهم خلال شهر 10 الاف
وماراح يصير شي ولا ياخذون منك شي..بالعكس انت مستفيد اذا قدرت اتجمع نقاط للمشتريات والقطريه وكيوتل بهالبطاقه بتفيدك مستقبلا
وراح تبنيلك سمعه بنكيه معاهم ويزيدون من الليمت مالك بالمستقبل لمن يكون في خدمات جديده ويسجلونك في آي بي

نفس سالفة قرض السياره
اذا سددته قبل الفتره بيعطونك شهاده امتياز "شرفيه" والمره الجايه بيزيدون سقف القرض اللي تبيه لانهم واثقين انك شخص اتسدد ديونك بمواعيدها او قبل الموعد

[بوخالد911]

من اللي فيكم سدد الفيزا كارد كاملة فحياته ...؟؟؟ ولا حد

انا ولله الحمد والمنة

لا اله الا الله

[زقرتي ومزاجي]

Watch this video. It explains credit card debt .. Very informative :)

** Credit Card Debt Explained With a Glass of Water **
http://www.************/watch?v=Vz05A6cP6Iw



مافهمت شي... الو وين المترجمين :telephone:

[زقرتي ومزاجي]

موضوع مفيد اخوي زقرتي جزاك الله خير

بس الفيزا والماستر شر لابد منه :rolleyes2:
بالنسبه لي انا احتاجها وايد وخاصه بالسفر

طريقتي بالفيزا
انا دايما لما اخذ فيزا
اطلب لمت عالي يعني مره كان المت 45000

بس اقدر في اي لحظه اسددها كامل وفي نفس الوقت

لاني اعطيهم مبلغ تقريبا 50 الف يحجزونها عندهم
وهم ينزلون لي لمت 45000

بس بصراحه مفيده بس الي يقدر يستغني عنها لايتردد :nice:



اللي عنده 50.000 ما اعتقد انه يحتاج يحجز مبلغ اقل للفيزا عشان 45.000
شكرا لك

[زقرتي ومزاجي]

عندي فيزا وياخذون 100% يعني لو صرفت 5000 ياخذونها كلها اول باول



هلا وغلا ... اضم طريقتج مع طريقة الاخوان والاخوات اللي قبلج
شكرا للمشاركة ويعطيج العافية :nice:

[زقرتي ومزاجي]

صباح الخير على الجميع

ما راح ازيد على كلام اخواني وخواتي في الي تطرقوا له
غير اني بالفعل ما اقدر استغنى عن الفيزا والماستر عندي من زمان واحب اتعامل بهذه النوعيه من البطاقات .. تعطيني بدائل كثيره " خصومات .. سحوبات .. تذاكر سفر.... صالات درجه اولى .. مريحه .. سهله .. توفر علي حمل مبلغ كبير "

بس يبيلها واحد يعرف يحسن استخدامها لان العمليه ماهو انك تسحب وتسحب وانت رصيد السداد والفعلي عندك صفر

انا ينزل لي الراتب .. اروح استخدم الماستر والفيزا
يقوم البنك " مصرف قطر الاسلامي " بالسداد 100%
مافيها فوائد
ولا فيها حتى تأخير ولا تقديم

استخدم 30 الف .. في حسابي فيه 30 الف
ياخذ من هذا ويحط في ذاك .. وسبب استخدامي لها ذكرته


اللمت عندي محدد وواضح من زمان 25 الف ريال
لايمكن ارفع سقف اللمت مهما صار لان راتبي ان كان اكثر من هذا انا قادره عليه
وان كان اقل راح انزل اللمت


الي قاعد تتكلم عنه يا اخوي " زقرتي ومزاجي "
هذا يصير مع البنوك الربويه في حاله ما تم الدفع 100%


جملك الله برضاه




منوره والله ... تحداني الزمن عندج افكار لاخوانج وخواتج اللي عليهم مبالغ في الفيزا
تساعدهم على التخلص منها يالبه قلبج اكون لج شاكر لان هذا القصد من الموضوع نبي نتساعد كلنا ومانبي اي احد يوقف في طريقنا
جملك الخالق بروعه خلقه

:)

[زقرتي ومزاجي]

موضوع قيم جزاك الله خير
انا ماخذه فيزا من بنك اسلامي الحد الاقصى لها 3700 و تنخصم من راتبي تلقائيا الشهر اللي بعده استخدمها للطواريء
بس على فكره هي ما فيها ربا (فوايد ) اذا ادفع بها بس اذا اسحب فلوس بالفيزا فيها فوايد
هذا كلام الموظفة الي في البنك



ويجزيك بمثله فديت خشمك ... هذا هو عين الصواب
شكرا لمشاركتك القيمه واضم ردك الى رد اخوانك وخواتك

سعيد بك والله
:)

[بـنـت ڪرز]

ماشاءالله عليك يالقطيوه

ترأسين تقارير الـ credit bureau و تشيكين على التقارير الاسبوعيه للمستهلكين القطريين في مديونية البطاقات الائتمانيه .. على شان كذا اجزمتي انه ولا واحد يجتهد في التحكم في مصاريفه و مديونيته

ياليت تعطينا اسم علبة التونه الي تاكلينها عشان نقدر نعرف كل شي مثلك

تقبلي تحياتي

ههههههههههههههههههههههههههههههههههههههههه
ههههههههههههههههههههههههههههههههههه

[ضوى]

الفيزا كارد حلوة اذا كانت اسلامية ، انا وايد مستفيدة منها لتسديد فواتير كيوتل وتنفعني للسفر وايد بس اهم شي تكون اسلامية والسداد مية مية

[ضوى]

من اللي فيكم سدد الفيزا كارد كاملة فحياته ...؟؟؟ ولا حد

انا اسددها كاملة دايما :)

[السندان]

هلا بالزقرت

جزاك الله خير على الموضوع

وياليت اخوانا يستفيدون من الموضوع ويغيرون من سياستهم في التعامل مع البنوك

ويحفظون انفسهم اولا للاخره في تجنب البنوك الربويه

وثانيا في الدنيا بأن ينظموا مصروفاتهم ولا يسلموا رقابهم لاي كان (يقوده من رقبته)

...............

بخصوص تجربتي

استخدامي للفيزا مسالم مع الدولي الاسلامي 15 سنه لا طالب ولا مطلوب

الحمدلله والشكرلله استخدمها في السفر ومحليا والتسديد كامل اخر الشهر

بالتوفيق

[زقرتي ومزاجي]

أهم شي خلوا نسبة الخصم 100 %


ويكون سقف الفيزا 5000 ريال مثلا

:nice: :nice:

[زقرتي ومزاجي]

الله يجزيك الف خير على التذكير :)

الحمد لله انا خلصت سلفتي من شهرين - والمفروض تخلص بعد 10 سنين :( - اللهم لك الحمد والشكر ..

والحين افكر اسدد الفيزا ( الله لا يردها )

بارك الله فيك - وربي يوفقك ..



هلا وغلا .. سارونه ..... الف مبروك افتكيتي من هم النار ومذله الليل ... الله يفكج
من الفيزا وحاولي ترتبينها صح ونسمع خبر ان الشهر الجاي انج تخلصتي منها

:nice:

بالتوفيق

[زقرتي ومزاجي]

والله كل واحد وحسب استخدامه مثلا انا عندي بس مو اي شي اسحب فيها ومرتب نفسي علي اشياء معينه
اكثر شي في السفر والحمد الله يسحبون المبلغ كل بداية الشهر شوفي اخوي اكثر الناس الي عليهم مبالغ كبيره اسمحلي يعني يشترون اشياء ما لها ادعي وهي هم الي لزم يكنسلونها موفق اخوي



مرحبا بوالبيض ... منور ... ذي اللي نحذر منه الاشياء اللي مالها داعي لمجرد وجود مبلغ في الحساب .. شكرا لمشاركتك الواقعيه
:nice:

[زقرتي ومزاجي]

من اللي فيكم سدد الفيزا كارد كاملة فحياته ...؟؟؟ ولا حد



الحمد لله افتكيت منها اليوم ... كان المبلغ 20.000 الف من سنه 2007 :nice:

[سارونه]

هلا وغلا .. سارونه ..... الف مبروك افتكيتي من هم النار ومذله الليل ... الله يفكج
من الفيزا وحاولي ترتبينها صح ونسمع خبر ان الشهر الجاي انج تخلصتي منها

:nice:

بالتوفيق

اللهم لك الحمد والشكر :) الحمد لله يا خوي تخلصت من السلفة لان ارادتي كانت قوية

والحين اتبع نفس الخطة - بس الفيزا اهون من السلفة بمليون مره :)

جزاك الله خير وكثر الله من امثالك ..

[زقرتي ومزاجي]

تقدر تخلي نسبة السداد 100٪ وبدون فائدة تذكر للبنك ، هذا النظام أنا اتبعه مع بنك الدوحة ومستفيد فوق هذا من نقاط دريم للتسوق

بمعنى اكثر شمولية ، اي وسيلة او خدمة تعتمد علينا في طريقة الاستخدام




هلا بك ياخطاف ... تسلم على المشاركه ... ونضيف رايك مع راي اخوانك وخواتك في المنتدى
يعطيك العافية ياقلبي
:)

[زقرتي ومزاجي]

الفيزا الكارد لتخليص الامور الكترونيا
تشتري فيها وتسدد المبلغ كامل ثاني يوم فماراح ياخذون عليك ولا ريال



ياهلا وغلا ... almaf1a ... معاك حق بس نقدر نستخدم الفيزا المسبوقه الدفع
مثل كرت هلا



اذا حد عنده فكره من الاخوان عن الفيزا المسبوقه الدفع
يتفضل

[زقرتي ومزاجي]

تسلم بس انا استخدمها عشان اميال القطرية بحكم اني ماأسافر كثير ومتحكم فيها لأبعد الحدود واول ماينزل الراتب اسدد الفيزا ولا اخليهم يستفيدون من اي فايده وخاصة الدفع مخليه 100%



هلا بك .. aldo7a .. يعجبني الانسان اللي عنده كنترول في كل شي
الله يوفقك ان شاء الله :)

[زقرتي ومزاجي]

موضوع مهم و مفيد ...

يعطيك العافية ....




شكرا لحضورج قطرية ماركة :)

[شميرام]

عندي ثنتين وحده فيزا كلاسك و الثاني بطاقه سفر مخليتهم. حق الضروره
1-لان حاطه لمت حق الفيزه إلكترون العاديه
2-بعض المرات يطلبونها ،،فنادق بعض محلات في النت الخ

[زقرتي ومزاجي]

ماعتقد انها تضر اللي حاسب حسابه ويفكر بالاشياء المهمه

هالنوع من البطاقات، الماستر كارد والفيزا..تخسر عليها فقط تجديدها السنوي
في بنوك ادفعك 500 وفي بنوك ادفعك الف
وفي بنوك ابشرك ماصارت ادفعك عليها

انت اتحط الحين المبلغ اللي تبيه
30 او 60 او 100 الف بالبطاقه
وتصرف منها..وبس
الذكي اللي بيستخدمها لاغراض خارجيه بالسفر مع اهله وشراء راحتهم

شلون البنك بيستفيد انزين اذا هي فلوسك وانت اتحطها وتسحبها ؟

لان بوضعك للمال في الحساب..البنك يشغل هالفلوس لحسابه باغراض اخرى وتتضاعف عنده...انت مالك خص بهالشي..فلوسك مثل ماهي بس هم عندهم حركاتهم
وثاني شي..الشي اللي يستفيدون منه بعد..وهو اللي يخليك تدفع شوي زياده..يوم تروح تسحب للمشتريات او تستخدم ال اي تي ام خارج الدوله
ياخذون عليك 4% للمشتريات
و 3% للسحب الالي في ال اي تي ام

فقط لاغير
عمرها ماصارتلي مشاكل مع البطاقه والبنك والحمدلله

دايما..اثناء حصولك على البطاقه..قولهم ان نسبة سدادك هي 100%

بتسحب 10 الاف..رجعلهم خلال شهر 10 الاف
وماراح يصير شي ولا ياخذون منك شي..بالعكس انت مستفيد اذا قدرت اتجمع نقاط للمشتريات والقطريه وكيوتل بهالبطاقه بتفيدك مستقبلا
وراح تبنيلك سمعه بنكيه معاهم ويزيدون من الليمت مالك بالمستقبل لمن يكون في خدمات جديده ويسجلونك في آي بي

نفس سالفة قرض السياره
اذا سددته قبل الفتره بيعطونك شهاده امتياز "شرفيه" والمره الجايه بيزيدون سقف القرض اللي تبيه لانهم واثقين انك شخص اتسدد ديونك بمواعيدها او قبل الموعد





مرحبا والله .. QatariFallah .. يعطيك العافية على التوضيح ونضيف وجهه
نظرك مع اخوانك وخواتك ... تسلم ياقلبي على المشاركة

:nice:

[تحداني]

منوره والله ... تحداني الزمن عندج افكار لاخوانج وخواتج اللي عليهم مبالغ في الفيزا
تساعدهم على التخلص منها يالبه قلبج اكون لج شاكر لان هذا القصد من الموضوع نبي نتساعد كلنا ومانبي اي احد يوقف في طريقنا
جملك الخالق بروعه خلقه

:)




الله يرضى عليك يارب
في هالأمور أترك النصايح للإكبار والي عندهم خبره اوسع من خبرتي في الامور البنكيه
اخاف مشورتي ما اتجيب نتيجه .. لكن نصيحه ممكن اتكون صح مني ان مثل هالبطاقات
المفروض الشخص يطلعها من بنوك اسلاميه .. هالبنوك خطوطها واضحه ونسبه السداد واضحه وما عليها ارباح وفوائد وسدادها 100%


والمفروض المستخدم لهالبطاقات ما يتعامل معاها على اساس ان الافلوس الي فيها
لمتها مفتوح لأن كل تأجيل يعتبر عبئ زائد عليه


اكيد في نصايح ثانيه بس ما اعرفها للاسف


جملك الله برضاه

[STAR]

معلومة اضافية ...

اذا سحبت كاش من الفيزا ياخذزن عليك فايدة 4.5 %

[تحداني]

معلومة اضافية ...

اذا سحبت كاش من الفيزا ياخذزن عليك فايدة 4.5 %


اتحبيني star ؟؟

صادقه .. هذا ينطبق على البعض الي يستخدم البطاقه لان فيها علامه القطريه
ولا هو ابداري اشلون طريقتها .. الوالد كان يأثث بيت امه في " دبي "
وساحب من البطاقه 100 الف درهم اماراتي
تخيلي انتي بس

وتعالي حسبي الفوائد الي طلعت للبنك .. رد البيت امعصب الين ما فهمناه شسالفه
لا وبعد امطلع حق واحد من اخواني نفس " الكردت كارد " وقاعد يسحب كاش "
تدارك الموضوع متأخر ولا عندي خبر
الا بالصدفه ذاك اليوم



مشكله الي يستخدم شي ومب عارف شسالفه


جملك الله برضاه

[زقرتي ومزاجي]

الفيزا كارد حلوة اذا كانت اسلامية ، انا وايد مستفيدة منها لتسديد فواتير كيوتل وتنفعني للسفر وايد بس اهم شي تكون اسلامية والسداد مية مية



يا هلابج مدام ضوى ... شكرا للمشاركة :)

[ali]

أنا شخصياً استخدم البطاقات الائتمانيه عشان :

1 استفيد من الاميال القطريه

2 حجوزات الفنادق (الحجوزات عن طريق النت تتم عن طريق البطاقة الائتمانية)

والمت 6000 ريال
ادفع منها للحجز فندق ولا تذاكر واليوم الثاني ارجع المبلغ
او بعد عودتي من السفر مباشره

[زقرتي ومزاجي]

انا اسددها كاملة دايما :)



:nice: :nice: :nice:

[زقرتي ومزاجي]

هلا بالزقرت

جزاك الله خير على الموضوع

وياليت اخوانا يستفيدون من الموضوع ويغيرون من سياستهم في التعامل مع البنوك

ويحفظون انفسهم اولا للاخره في تجنب البنوك الربويه

وثانيا في الدنيا بأن ينظموا مصروفاتهم ولا يسلموا رقابهم لاي كان (يقوده من رقبته)

...............

بخصوص تجربتي

استخدامي للفيزا مسالم مع الدولي الاسلامي 15 سنه لا طالب ولا مطلوب

الحمدلله والشكرلله استخدمها في السفر ومحليا والتسديد كامل اخر الشهر

بالتوفيق



هلا هلا السندان ... الحمد لله ربي سلمك .. من افه الزمن
اذا كان عنددك ااي اضافه تفضل
:)

[الـقـاسـي]

انا عن نفسي استخدمها من فتره ومرتاح وياها ولا عمري صادتني مشاكل منها ..
اول شي اللمت مالها 10 الاف مع ان كنت اقدر اخذ اكثر ..
وعن نفسي ماستخدمها الا اذا عندي رصيد يغطي مثلا دفعت فواتير او شريت شي اول مارد البيت فالليل ادش موقع البنك واحول لها من رصيدي الجاري والعاده اصلا اخلي فيها 5 الاف ريال زياده عن فلوسهم ..