شباب شلون تتحركووون !!!

[ع.م]

السلام عليكم ورحمة الله وبركاته..

بادخل في الموضوع على طول..

أخوي شاب في العشرينات.. ماعنده لياقة كللللش.. ومعور قلبي كأنه شااايب :weeping: مب هاين علي أشوفه جي :( مايطلع ولا شي.. مع إن عنده ربع وشخصيته حلوة.. بس يمكن ماعنده حافز يشطه..

وأنا أبي أشجعه يطلع من البيت ويمارس أي نوع من الحركة.. لأنه مايحب يلزم نفسه بالنوادي الصحية أو الأجهزة الرياضية في البيت..

فـ أسئلتي:

1- شنهي الأماكن المناسبة للمشي و الممتعة في نفس الوقت بحيث يروح يتمشى مع أصدقائه؟

2- ووين الملاعب اللي ممكن الواحد يأجرها بحيث يقدر ينظم مباريات دورية للعب كرة القدم بينه وبين ربعه؟

3-وشنهي الشاليهات اللي مافيها خربطة ويقدرون يتمشون ويسبحون فيها بأمان وبمتعة ويكتسبون لياقة بدون مايحسون.. وتكون حلوة لدرجة إن يروح لها بشكل دوري..

4- واشرايكم في الرياضات اللي عن طريق ألعاب الكمبيوتر كنوع من الرياضة التفاعلية نفس هذي؟

http://i01.i.aliimg.com/photo/v0/403520223/2011_The_Newest_32_Bit_Interactive_Wireless.jpg

وإذا زينة شنهي الأنواع اللي تنصحوني أشتريها؟

وشنهي الأشياء الثانية اللي ممكن يسويها وتجيه لياقة بدون مايحس.. يعني كأني أبيه يطلع ويتونس وماياخذ إلا جك بوووم جاته لياقة وصحة.. وبعد إذا في أنواع معينة من الأكل أو العصائر اللي تعطي طاقة ونشاط..


ومشكوريييين.. أتمنى الموضوع يتحول مرجع الكل يلجأ له :victory:

[بايع بايع]

قوليله اذا ماعندك لياقة مافي بنت ترضى فيك

(( لانك دب ))

يومين وبتلقينه شاد حيله ويمشي في حوش البيت

[ع.م]

قوليله اذا ماعندك لياقة مافي بنت ترضى فيك

(( لانك دب ))

يومين وبتلقينه شاد حيله ويمشي في حوش البيت

بل.. لا أخونا خلك إيجابي..

أنا ضد أسلوب التحطيم..

أبيه يستانس وهو يكتسب اللياقة عشان يستمر على نظام الحركة.. مايصير الواحد يستانس وهو يمارس الرياضة؟ لازم يسحب نفسه تسحّب..

هاي أسلوب حياة مب يوم يومين وتفتر إرادته ويوقف..

[Rider]

اول شي الانسان نفسه لازم يكون عنده اصرار وعزيمة انه نقص وزنه يعني قعده البيت هي الي بتخليه يضعف مثلا انا اتمنى اذا بيتكم قريب من حديقة اسباير يروح هناك يمشي المكان رائع ويشجع على الرياضة بعدين يقلل الاكل

[ع.م]

اول شي الانسان نفسه لازم يكون عنده اصرار وعزيمة انه نقص وزنه يعني قعده البيت هي الي بتخليه يضعف مثلا انا اتمنى اذا بيتكم قريب من حديقة اسباير يروح هناك يمشي المكان رائع ويشجع على الرياضة بعدين يقلل الاكل

وإذا ماعندع إصرار وعزيمة شنو دور هله؟ لازم نوفر له جو يحطه فالمووود.. هذي فايدة الأهل قلبهم عليك حتى لو قلبك مب على نفسك..

وللأسف البيت أبداً مب قريب من أسباير.. لكن قريب من كتارا نوعا ما.. هل كتارا تنفع للمشي؟

[boamir]

والله ياخوي انا كنت نفسه تقريبا
نصيحه خله يطلع مع ربعه ويتمشى في سبايير او الكوريش
على الأقل كبداية يسوي رياضة المشي يوميا
وعقبها شووي شوي يبدأ بالركض
وكل ويكند يروح البركه مع ربعه
اهم شي يكونون معه شباب جوهم فلله مب مال مجمعات وهالسوالف
خصوصا الجو قام يتعدل الحين ومع الإيام بيحب هالشي ومابيقعد في البيت وايد
وإذا يبي يلعب كوره يروح سبايير وايد اماكن حلوه حق الكوره

[سارونه]

قوليله اذا ماعندك لياقة مافي بنت ترضى فيك

(( لانك دب ))

يومين وبتلقينه شاد حيله ويمشي في حوش البيت

:omg::omg:

( دب ) مب رايح مكان لان هالكلمة تنعكس عليه سلباً ويتحطم :(

:playball:

[ع.م]

والله ياخوي انا كنت نفسه تقريبا
نصيحه خله يطلع مع ربعه ويتمشى في سبايير او الكوريش
على الأقل كبداية يسوي رياضة المشي يوميا
وعقبها شووي شوي يبدأ بالركض
وكل ويكند يروح البركه مع ربعه
اهم شي يكونون معه شباب جوهم فلله مب مال مجمعات وهالسوالف
خصوصا الجو قام يتعدل الحين ومع الإيام بيحب هالشي ومابيقعد في البيت وايد
وإذا يبي يلعب كوره يروح سبايير وايد اماكن حلوه حق الكوره


يومياً مب وايد كبداية؟مابيه يتملل أنا قلت له يومين فالأسبوع .. اشرايكم؟؟

وأبي يسويله جدول فالويكند إذا ممكن تقترح علينا أماكن زيادة.. و هو فعلا مايحب المجمعات والمطاعم.. يحب قعدة الشباب والطلعات الشبابية.. بس مؤخراً ماقام يطلع..

وصحيح الحمد لله نقطة الجو في صالحه هالأيام..

بس بخصوص لعب الكورة أنا ابي مكان فيه خصوصية يحجزه هو وربعه لهم بروحهم أفضل..

[الرايــق]

في حل مجرب بس يمكن ما تقتنعون ..

" العمل التطوعي "

[ع.م]

:omg::omg:

لان هالكلمة تنعكس عليه سلباً ويتحطم :(

:playball:

صادقة وأنا هذا رايي بعد..

[khaldoon]

نصيحة خليه يلعب حديد لانه سن مثالي جدا و بيحمي من امراض كثيرة بس يكبر شوي و يصير في الاربعين و فوق

بس يبتعد عن الهرمونات و الحبوب و ياكل اكل طبيعي و ما يصير عنده هوس في الحديد....يقضي وقت طويل فيه يوميا يعني ساعتين مثلا و يحرك جسمه و يكون رياضي و جسم منسق جميل ...يعني فيتنس كافي مب لازم تضخيم للعضلات

انا ندمت الحين ليش ما لعبت حديد و انا في سنه

او يشترك بنادي كارتيه او تايكوندو

لو ما اعجبتج الاقتراحات خلاص خليه يروح يشيش علشان يسحب نفس زين مثل ما تفضلتي فوق

[ع.م]

في حل مجرب بس يمكن ما تقتنعون ..

" العمل التطوعي "


فكرة وااايد حلوة.. بس إذا ممكن تعطيني تفاصيل أكثر.. ووين الأماكن؟ مش فاهمة هل فيه مجهود "حركي" يبذله بالتطوع؟ وهل يقدر يروح جروب مع ربعه ؟

[Rider]

وإذا ماعندع إصرار وعزيمة شنو دور هله؟ لازم نوفر له جو يحطه فالمووود.. هذي فايدة الأهل قلبهم عليك حتى لو قلبك مب على نفسك..

وللأسف البيت أبداً مب قريب من أسباير.. لكن قريب من كتارا نوعا ما.. هل كتارا تنفع للمشي؟

اذا ماعنده اصرار ولا عزيمة ممكن نعرف السبب الحقيقي ليش هالشخص يرفض ممارسة الرياضة او الخروج من البيت هل وزنه زايد لدرجه انه يستحي يظهر من البيت
هل الشخص مثلا فيه عقده نفسيه
بالنسبة حق دور الاهل هو يكمن في النصيحة والارشاد يعني يبغي مثلا الاهل يتمرننون عنه او يقللون الاكل علشان يضعف

[bo_s3ood]

يروح يشترك في نادي او حد من الفنادق الي صوب البحر الي فيها سباحه وجيم ومكان للمشي

وحتى الكورنيش يفتح النفس وبخصوص الكووره معظم الفرجان فيها ملاعب يقدر يروح ويلعب وياهم

[ع.م]

نصيحة خليه يلعب حديد لانه سن مثالي جدا و بيحمي من امراض كثيرة بس يكبر شوي و يصير في الاربعين و فوق

بس يبتعد عن الهرمونات و الحبوب و ياكل اكل طبيعي و ما يصير عنده هوس في الحديد....يقضي وقت طويل فيه يوميا يعني ساعتين مثلا و يحرك جسمه و يكون رياضي و جسم منسق جميل ...يعني فيتنس كافي مب لازم تضخيم للعضلات

انا ندمت الحين ليش ما لعبت حديد و انا في سنه

او يشترك بنادي كارتيه او تايكوندو



بخصوص الحديد.. هالموضوع يتطلب إلتزام بالصالة الرياضية.. وماأعتقد ينفع..

بخصوص الاشتراك في نادي.. لا مايناسب شخصيته مايحب يلزم نفسه..

ومشكور جداً أكيد وايد غيري استفادوا من ردك..وأنتظر مزيد من الأفكار..

[ع.م]

يروح يشترك في نادي او حد من الفنادق الي صوب البحر الي فيها سباحه وجيم ومكان للمشي

وحتى الكورنيش يفتح النفس وبخصوص الكووره معظم الفرجان فيها ملاعب يقدر يروح ويلعب وياهم

والله ودي يشترك في نادي بس هو مايحب يلتزم..

الكورنيش هل لازال حلو ويجذب الناس؟ أنا أميل للكورنيش أكثر.. ياريت المزيد من التفاصيل..

[boamir]

يومياً مب وايد كبداية؟مابيه يتملل أنا قلت له يومين فالأسبوع .. اشرايكم؟؟

وأبي يسويله جدول فالويكند إذا ممكن تقترح علينا أماكن زيادة.. و هو فعلا مايحب المجمعات والمطاعم.. يحب قعدة الشباب والطلعات الشبابية.. بس مؤخراً ماقام يطلع..

وصحيح الحمد لله نقطة الجو في صالحه هالأيام..

بس بخصوص لعب الكورة أنا ابي مكان فيه خصوصية يحجزه هو وربعه لهم بروحهم أفضل..

يوميا اقصد فيه المشي
وانا اشوفه مب وايد لأنه مافيه تعب وايد يعني 2 كيلو بالكثير
الويكند روح بركة سبايير ولا الجامعه والأنديه نفس نادي الوكره والأهلي
وحلاة هالجو يطلع كشته مع ربعه صوب سيلين ولا الغاريه
وإذا تبي تلعب كوره عندك الأنديه يأجرون الملعب بالساعه بس ماأعرف كم
لأني الصراحه مالعب كوره كللش

[قطريه ماركه]

خله يتمشى في سباير يوميا ....

يعني يخصص له ساعة في اليوم ....

ما في أحلى من التمشي ...

[bo_s3ood]

والله ودي يشترك في نادي بس هو مايحب يلتزم..

الكورنيش هل لازال حلو ويجذب الناس؟ أنا أميل للكورنيش أكثر.. ياريت المزيد من التفاصيل..

تقدرين تمرين عليه اليوم وتشووفين شكله اذا يجذب ولا

الكورنيش عجيب بكل اوقاته وعلى سالفة النادي مب شرط يومي

في بعضها مثلا 3 ايام في الاسبوع او 4 ايام

يعني مب لازم يروح كل يوم يعني الفنادق الي صوب الخليج الغربي حلووه
مناظر فيها حلوه ومكان مفتووح

[boamir]

اذا ماعنده اصرار ولا عزيمة ممكن نعرف السبب الحقيقي ليش هالشخص يرفض ممارسة الرياضة او الخروج من البيت هل وزنه زايد لدرجه انه يستحي يظهر من البيت
هل الشخص مثلا فيه عقده نفسيه
بالنسبة حق دور الاهل هو يكمن في النصيحة والارشاد يعني يبغي مثلا الاهل يتمرننون عنه او يقللون الاكل علشان يضعف

اتوقع من الكسل
مب شرط وزن ولا عقده نفسيه
يعني تحصله يحب يقعد في البيت وماله خلق يسوي شي
وإذا بغى يطلع تحصله يتمشى بالسياره بس يعني بكل مكان قاعد مافي حركه<<نفس ما انا كنت هع

ومع الإيام خلااص جسمه يستوي كسلااان كل ماتقول له وشرايك نطلع المكن الفلاني يقولك مالي خلق
وتقوله تعال نشتغل نصلح السياره ولا نركب شي يقولك مالي خللق
كسل في كسل والله اعلم إذا هو وصل لها الدرجه خخخ

[ع.م]

يوميا اقصد فيه المشي
وانا اشوفه مب وايد لأنه مافيه تعب وايد يعني 2 كيلو بالكثير
الويكند روح بركة سبايير ولا الجامعه والأنديه نفس نادي الوكره والأهلي
وحلاة هالجو يطلع كشته مع ربعه صوب سيلين ولا الغاريه
وإذا تبي تلعب كوره عندك الأنديه يأجرون الملعب بالساعه بس ماأعرف كم
لأني الصراحه مالعب كوره كللش

والله مادري.. ودي مشي يومي بس مابي أثقل عليه.. إنت حط في بالك إن احنا نتكلم عن واحد مب متعود عالحركة..

وشوف.. إذا بيطلع مع ربعه أعتقد مايحب يروح أماكن مفتوحة وفيها ناس.. يعني يحجز بركة أو يحجز ملعب ويتحاطط هو وربعه كل ويكند.. أنا هاي اللي في بالي أحس بيناسبه بس بعد مادري..

ومشكور جداً..

[ع.م]

تقدرين تمرين عليه اليوم وتشووفين شكله اذا يجذب ولا

الكورنيش عجيب بكل اوقاته وعلى سالفة النادي مب شرط يومي

في بعضها مثلا 3 ايام في الاسبوع او 4 ايام

يعني مب لازم يروح كل يوم يعني الفنادق الي صوب الخليج الغربي حلووه
مناظر فيها حلوه ومكان مفتووح


لا قصدي يجذب يعني مايملل.. مادري..

بخصوص النادي.. والله مادري أشوف الكل يقول لي نادي.. بس هو مثل ناس وايد غيره.. يشتركون ومايروحون.. ويشترون أجهزة و تغبر.. فمافي فايدة.. لازم يسوي شي يستمتع فيه عشان يستمر..

ومشكووور.. بنشوف موضوع النوادي بعد بنحاول مرة آخيرة..

[بايع بايع]

في بالماريوت في جيم وبرك سباحه ونشاطات حلوه والجو فيه حلو

وفندق شرق احلى منه بس اسعاره غالية شوي

مبدءيا خليه يوح يجرب يدفع اشتراك يوم واحد بس

يدخل الجم والبركه وياخذله حمام سونا ووبالاخير مساج

وراح يعجبه


وبالنسبة لموضوع (دب) ترى وايد شباب لمايعرفون نظره الناس لهم يحاولون يتغيرون خصوصا لزوجه المستقبل وهذا عن تجربه لشباب اعرفهم

وبالنسبة للجداول والنشاطات وايد اشيا موجوده
وتعتمد على الشخص نفسه واللي يحب يسويه

وبالتوفيق

[ع.م]

اتوقع من الكسل
مب شرط وزن ولا عقده نفسيه
يعني تحصله يحب يقعد في البيت وماله خلق يسوي شي
وإذا بغى يطلع تحصله يتمشى بالسياره بس يعني بكل مكان قاعد مافي حركه<<نفس ما انا كنت هع

ومع الإيام خلااص جسمه يستوي كسلااان كل ماتقول له وشرايك نطلع المكن الفلاني يقولك مالي خلق
وتقوله تعال نشتغل نصلح السياره ولا نركب شي يقولك مالي خللق
كسل في كسل والله اعلم إذا هو وصل لها الدرجه خخخ

بالضببببط جبتها..

الله كريم..

[ع.م]

في بالماريوت في جيم وبرك سباحه ونشاطات حلوه والجو فيه حلو

وفندق شرق احلى منه بس اسعاره غالية شوي

مبدءيا خليه يوح يجرب يدفع اشتراك يوم واحد بس

يدخل الجم والبركه وياخذله حمام سونا ووبالاخير مساج

وراح يعجبه


وبالنسبة لموضوع (دب) ترى وايد شباب لمايعرفون نظره الناس لهم يحاولون يتغيرون خصوصا لزوجه المستقبل وهذا عن تجربه لشباب اعرفهم

وبالنسبة للجداول والنشاطات وايد اشيا موجوده
وتعتمد على الشخص نفسه واللي يحب يسويه

وبالتوفيق

وااااايد وااااااااايد واااااااااااايد عجبتني فكرة السونا والمساج.. :nice: باحطها مع قائمة الأفكار.. أحس بتعجبه.. لأن سوالف راحة واسترخاء :nice: يمكن تنشط جسمه شوي :nice:

وبخصوص زوجة المستقبل.. والله ماودي أجرحه.. صعبة..

شوف هو كان يحب الطلعات الشبابية اللي فيها بحر و كورة قدم و كورة طائرة.. وكان يحب يطلع مع ربعه.. الله يقويه..

[ع.م]

خله يتمشى في سباير يوميا ....

يعني يخصص له ساعة في اليوم ....

ما في أحلى من التمشي ...


أسباير بعيد عنا..

ومشكورة أختي ماقصرتي..

[bo_s3ood]

خل يرووح عيل كورنيش كتارا اشوفه من داخل البحر داايم عجيب شكله ومزدحم

[بوسلمان 2010]

الاصرار والعزيمة مفروض هو ياخذها من نفسة ماعليكم الا شوي تشجيع وكل مايكلمك قولة احنا انتمشى على


الكورنيش او اي مجمع بملابس رياضيه البحر زين حق اللياقه والله يفرج همه ان شاء الله

[ع.م]

خل يرووح عيل كورنيش كتارا اشوفه من داخل البحر داايم عجيب شكله ومزدحم

إي أوكي كتبت هالفكرة وحطيتها فالقائمة.. مشكووور ماقصرت..

[ع.م]

الاصرار والعزيمة مفروض هو ياخذها من نفسة ماعليكم الا شوي تشجيع وكل مايكلمك قولة احنا انتمشى على


الكورنيش او اي مجمع بملابس رياضيه البحر زين حق اللياقه والله يفرج همه ان شاء الله


إي أنا خاطري يروح البحر والله لأن ماي مالح ويعطي خفة وبيحركه وايد بدون مايحس..

وجزاك الله خير على الدعاء الطيب.. آمين .. ولك مثله يارب..

[الحال مايساعد]

سويله اشتراك في نادي الفروسية ، قمة الروعة

[بو الجوري]

و الله إختي مثل ما قال الكل خليه يتعود يمشي حتى لو فالبيت عالجهاز :..
مب لازم كل يوم :..
و يروح البرجـه مثلا فالإسبوع مرتين :.. وعقب هو من نفسه بيلاحظ الفرق :..



و إستفسار :

ممكـن حد يفيدنا عن برجـة إسباير و مواعيدها ؟
و سمعت في نادي السد عندهم بعد صاله و برجه :..

اللي يعرف الأسعار و المواعيد يفيدنا :..

[ع.م]

سويله اشتراك في نادي الفروسية ، قمة الروعة

مشكور على الفكرة الحلوة.. إن شاء الله عقب مايكتسب اللياقة ممكن أنصحه بهالشي..




و الله إختي مثل ما قال الكل خليه يتعود يمشي حتى لو فالبيت عالجهاز :..
مب لازم كل يوم :..
و يروح البرجـه مثلا فالإسبوع مرتين :.. وعقب هو من نفسه بيلاحظ الفرق :..



و إستفسار :

ممكـن حد يفيدنا عن برجـة إسباير و مواعيدها ؟
و سمعت في نادي السد عندهم بعد صاله و برجه :..

اللي يعرف الأسعار و المواعيد يفيدنا :..

أفكار روعة شكراً جزيلاً.. وأتمنى الأعضاء يجاوبون على استفساراتك..

[المسك1969]

اعتقد يالغلا أن التشيجع ايي من باب أنه لازم تكون عنده لياقه واحنا بندور لك عروس

وبعدين لا تلزمينه بربعه... لأن بعض الشباب يروحون يوم ويوقفون شهر... فخليه من البداية يتعود يروح بروحه حتى لا يكتئب أن محد راح وياه خلال النشاط اللي بيسويه

وأول شي خليه يبدأ بتقليل الاكل وأول ما يحس أن بطنه خفيفة بتكون همته عاليه للمشي وبيمشي لو خمس دقايق إلى عشر دقايق في البداية وعقب بيرتاح ثم يواصل لنفس الفترة

ولو قدر ينجز ربع ساعه في أول يوم بيكون ممتاز

وكل يومين أو كل اسبوع يزيد المشي بس أهم شيء يخفف من الاكل حتى يحس روحه خفيفة وتشجعه على الحركه

والله يبي لنا نمشي من زمااان عن المشي

ربي يوفقه ويستر عليه ويسخر له الخير ان شاء الله

[بحرقطر]

دخلوه نيوترشن الي في المعموره وعند دكتور مصري اسمه حسن ممتاز وايد ناس يمدحونه .

[حسن]

حوليه علي لاخليه يضرب على الغزول لين يقول بس شهر بس ويتشوفينه يبطل براغي موتره اذابنشر بيده:omg:

[ع.م]

اعتقد يالغلا أن التشيجع ايي من باب أنه لازم تكون عنده لياقه واحنا بندور لك عروس

وبعدين لا تلزمينه بربعه... لأن بعض الشباب يروحون يوم ويوقفون شهر... فخليه من البداية يتعود يروح بروحه حتى لا يكتئب أن محد راح وياه خلال النشاط اللي بيسويه

وأول شي خليه يبدأ بتقليل الاكل وأول ما يحس أن بطنه خفيفة بتكون همته عاليه للمشي وبيمشي لو خمس دقايق إلى عشر دقايق في البداية وعقب بيرتاح ثم يواصل لنفس الفترة

ولو قدر ينجز ربع ساعه في أول يوم بيكون ممتاز

وكل يومين أو كل اسبوع يزيد المشي بس أهم شيء يخفف من الاكل حتى يحس روحه خفيفة وتشجعه على الحركه

والله يبي لنا نمشي من زمااان عن المشي

ربي يوفقه ويستر عليه ويسخر له الخير ان شاء الله

مشكورة يالغالية وصح كلامج المفروض ما ألزمه بربعه.. ماشاء الله عليج نبهتيني حق هالفكرة.. و زين إني ذكرتج بالمشي :) يلا شدي حيلج..

وبنجرب سالفة العروووس.. يلا عشان كذا حد فتح هالموضوع.. الله يعين..


دخلوه نيوترشن الي في المعموره وعند دكتور مصري اسمه حسن ممتاز وايد ناس يمدحونه .

لا لا ..ليش أدخله نيوترشن مستغنية عن أخوووي أنا؟ أنا أبيه يصير بصحة زينة مب هالريجيم القاسي اللي بيعفس نفسيته ويطيح شعره لا صحي ولاشي.. خطير ومب طبيعي.. ويرجعون عقبه الكيلوات بسرررعة... مابي حل سريع.. أبي شي قليل بس دائم..

و مشكووور.. أحس نيوترشن ممكن يصلح حق المتان كلش وبس فالبداية.. نفس ربط المعدة.. عقب يكون عندهم نظام حياة مستمر ومضمون يستمرون عليه..



حوليه علي لاخليه يضرب على الغزول لين يقول بس شهر بس ويتشوفينه يبطل براغي موتره اذابنشر بيده:omg:


شنو يعني غزول :rolleyes2:

[R 7 A L]

خليه يسوي حجامه أو يتبرع بالدم في البداية

*
*

بعض ردات الفعل العكسية او الصدمات لها أثر جيت في بعض الأمور
انا اول ماجيت أمريكا كان وزني فوق التسعين رحت لمحل ماركات ملابس شبابية
وكان في المحل شاب أمريكي كل مالبست مقاس قال أوه باد
ان لبست وسيع قال باد
وان لبست ضيق قال باد
اخر شي طلعت منه وانا متحطم بس رده كان له أثر على نفسي
سويت رجيم في البداية مع شوي مشي بعدها شوي تمارين سويدية بعدها أشتركت في نادي ساعة ونص يومياً لين نزل وزني ل78 وصار قريب من طولي
رجعت للمحل الى راعية حطمني في البداية واشتريت منه لين شبعت بعد ماقام يمدح جسمي
طبعاً العزيمة لاتتحدد بالعمر
فحتى لو شارف الواحد على الاربعينيات وكان عنده عزيمة فسوف ينجح


عذراً على الاطالة

[ع.م]

خليه يسوي حجامه أو يتبرع بالدم في البداية

*
*

بعض ردات الفعل العكسية او الصدمات لها أثر جيت في بعض الأمور
انا اول ماجيت أمريكا كان وزني فوق التسعين رحت لمحل ماركات ملابس شبابية
وكان في المحل شاب أمريكي كل مالبست مقاس قال أوه باد
ان لبست وسيع قال باد
وان لبست ضيق قال باد
اخر شي طلعت منه وانا متحطم بس رده كان له أثر على نفسي
سويت رجيم في البداية مع شوي مشي بعدها شوي تمارين سويدية بعدها أشتركت في نادي ساعة ونص يومياً لين نزل وزني ل78 وصار قريب من طولي
رجعت للمحل الى راعية حطمني في البداية واشتريت منه لين شبعت بعد ماقام يمدح جسمي
طبعاً العزيمة لاتتحدد بالعمر
فحتى لو شارف الواحد على الاربعينيات وكان عنده عزيمة فسوف ينجح


عذراً على الاطالة


بصراحة هالرد أثرى الموضوع بشكل مو طبيعي..

إذا ممكن في فالبداية شي غير الحجامة والتبرع بالدم.. إذا في شي ثاني بعد راح نكون شاكرييين لك.. بصراحة أخاف عليه يكون دمه نازل أو شي.. لأن صحته مب لين هناك بسبة القعدة والنظام الغير صحي..

إنزين بخصوص ردات الفعل العكسية.. اشلون يعني أسوي سيناريو صدمة ؟ مابي أتم أنطر حد يسوي فيه موقف خايس.. أبي أهيء الظروف ونطلع منها بأقل خسارة ممكنة..


والله يجزاك خير على ذكر تجربتك الطيبة..

[ذيب ازغوى]

اناا كنت فيه

بس يوم دخلت الجيش

مشاء الله كسبت ليااغه ولا لياغة اللعيبه ههههه

وعقب يوم خلصت التاسيسه وجاتني دوره برع امارس الرياضه في الجم وبديت اشيل حديد الان

بالنسبه للمدنين احسن حل هو الجم او البحر

[لطآم]

انا كان وزني 100 تقريباً
بس طولي 168 جسمي تعبان
مافيه لياقه وكرش وكله فالبيت على النت
قالوا لي الشباب شوف كرشتك ومن هالكلام
طنازه انا عااد ارتفع ضغطي من كلامهم كل يوم
يقولون لي يابوكرشه وواحد فيهم غثيث شوي
يبي ينرفزني يقعد يلعب عندي فالخيمه باااااليه هههههههههههه
يعني رشيق الأخ انا عاااد زهقت من الوضع وقلت لازم اصمل
مايصير كذا والحمدلله استمريت على الرياضه بسباير والنادي
وخففت الأكل والعب كوره كل اسبوع على حسب الجدول
والخميس والجمعه فالبحر سباحه وكشته مع الربع
والحمدلله وزني الحين بعد 4 شهور جدول رياضي ووناسه بنفس الوقت
صار وزني 60 قولوا ماشاءلله
الزبده من كلامي انه طنازة الربع علي اني بوكرشه انهيتها
بس انا من النوع ماشل بخاطري وازعل واتحطم من الكلام
بالعكس اعتبره كلام محفز لي اني اصمل وانزل وزني واكسب لياقه

[wah2007]

- يومين مشي " اسباير - الكورنيش - كاتآرآ " << المشي بعد صلاه الفجر شي خيالي :]
طبعاًً بالبدايه مشي عادي ولمسافات قصيره وكل اسبوع يزيد المسافه ويبدأ بالهروله والجري

- يومين سبآحه " دخآن - الخور - بركة اسباير - بركة نادي الاهلي "

-يومين لعب كورة " ملاعب اسباير -ملاعب الفرجآن - يحجز صاله مع ربعه "




والناتج سته ايام فـ الاسبوع واليوم الاخير راحه لجسمه ولعضلاته .

وعاد هو برآحته يختآر الجدول والايام اللي يبيهآ وبكيفه اي رياضه يحبهآ خلوه يمارسهآ سواء كانت سله طايره اي شي .. بس اهم شي يمارس الرياضه باستمرآر ومايهلك جسمه يعني يعطي جسمه راحه يوم او يومين فـ الاسبوع .. وعشان كسر الملل يفضل يمارس الرياضه مع مجموعه من الشباب او مع ربعه ومابيحس بالملل :nice:

[catqat]

من الاخر شكله ماعنده ربع. والا الربع هم اللي يسوون. حركة

[al saad]

قوليله اذا ماعندك لياقة مافي بنت ترضى فيك

(( لانك دب ))

يومين وبتلقينه شاد حيله ويمشي في حوش البيت

آحلى رد واحسن حل الصدمه زينه والواقع حلو

:eek5::eek5::eek5:
:nice::nice::victory:

[ريتويت]

عطيه افكار سلبيه وكلام قوي مثل انت واجد متيييين وشكلك غلط وكرشتك عووووده الصراحه تفشل وشوفيه شبيسوي
هذي هي الافكار ولا بلاش

[ريتويت]

انا كان وزني 100 تقريباً
بس طولي 168 جسمي تعبان
مافيه لياقه وكرش وكله فالبيت على النت
قالوا لي الشباب شوف كرشتك ومن هالكلام
طنازه انا عااد ارتفع ضغطي من كلامهم كل يوم
يقولون لي يابوكرشه وواحد فيهم غثيث شوي
يبي ينرفزني يقعد يلعب عندي فالخيمه باااااليه هههههههههههه
يعني رشيق الأخ انا عاااد زهقت من الوضع وقلت لازم اصمل
مايصير كذا والحمدلله استمريت على الرياضه بسباير والنادي
وخففت الأكل والعب كوره كل اسبوع على حسب الجدول
والخميس والجمعه فالبحر سباحه وكشته مع الربع
والحمدلله وزني الحين بعد 4 شهور جدول رياضي ووناسه بنفس الوقت
صار وزني 60 قولوا ماشاءلله
الزبده من كلامي انه طنازة الربع علي اني بوكرشه انهيتها
بس انا من النوع ماشل بخاطري وازعل واتحطم من الكلام
بالعكس اعتبره كلام محفز لي اني اصمل وانزل وزني واكسب لياقه

:victory::victory::victory:

[ع.م]

عطيه افكار سلبيه وكلام قوي مثل انت واجد متيييين وشكلك غلط وكرشتك عووووده الصراحه تفشل وشوفيه شبيسوي
هذي هي الافكار ولا بلاش

بل بل بل لا والله ماقدر!! بس باخلي غيري يقول له :secret:


آحلى رد واحسن حل الصدمه زينه والواقع حلو

:eek5::eek5::eek5:
:nice::nice::victory:

وايد شريرين!! بس دام اجتمعتوا على هالفكرة يبيلنا نعطيها تراي!


من الاخر شكله ماعنده ربع. والا الربع هم اللي يسوون. حركة

لا والله عنده .. بس مادري ليش ماقاموا يطلعون نفس قبل.. إلا للميالس :anger1:



- يومين مشي " اسباير - الكورنيش - كاتآرآ " << المشي بعد صلاه الفجر شي خيالي :]
طبعاًً بالبدايه مشي عادي ولمسافات قصيره وكل اسبوع يزيد المسافه ويبدأ بالهروله والجري

- يومين سبآحه " دخآن - الخور - بركة اسباير - بركة نادي الاهلي "

-يومين لعب كورة " ملاعب اسباير -ملاعب الفرجآن - يحجز صاله مع ربعه "




والناتج سته ايام فـ الاسبوع واليوم الاخير راحه لجسمه ولعضلاته .

وعاد هو برآحته يختآر الجدول والايام اللي يبيهآ وبكيفه اي رياضه يحبهآ خلوه يمارسهآ سواء كانت سله طايره اي شي .. بس اهم شي يمارس الرياضه باستمرآر ومايهلك جسمه يعني يعطي جسمه راحه يوم او يومين فـ الاسبوع .. وعشان كسر الملل يفضل يمارس الرياضه مع مجموعه من الشباب او مع ربعه ومابيحس بالملل :nice:

شكرا جزيلاااا على هالرد المميز.. حسيت إن الموضوع قابل للتطبيق.. ياااارب ..


انا كان وزني 100 تقريباً
بس طولي 168 جسمي تعبان
مافيه لياقه وكرش وكله فالبيت على النت
قالوا لي الشباب شوف كرشتك ومن هالكلام
طنازه انا عااد ارتفع ضغطي من كلامهم كل يوم
يقولون لي يابوكرشه وواحد فيهم غثيث شوي
يبي ينرفزني يقعد يلعب عندي فالخيمه باااااليه هههههههههههه
يعني رشيق الأخ انا عاااد زهقت من الوضع وقلت لازم اصمل
مايصير كذا والحمدلله استمريت على الرياضه بسباير والنادي
وخففت الأكل والعب كوره كل اسبوع على حسب الجدول
والخميس والجمعه فالبحر سباحه وكشته مع الربع
والحمدلله وزني الحين بعد 4 شهور جدول رياضي ووناسه بنفس الوقت
صار وزني 60 قولوا ماشاءلله
الزبده من كلامي انه طنازة الربع علي اني بوكرشه انهيتها
بس انا من النوع ماشل بخاطري وازعل واتحطم من الكلام
بالعكس اعتبره كلام محفز لي اني اصمل وانزل وزني واكسب لياقه

ماشاء الله تبارك الله.. يعني مالنا إلا التحطيم أمرنا لله.. يارب مانطلع بنتيجة عكسية بس.. !!

وشكراً على مشاركتنا هالتجربة الرائعة.. معقولة هاي كله صار في 4 شهور بسسس.. والله إنجاز جبار ويحق لك تفتخر بنفسك..


اناا كنت فيه

بس يوم دخلت الجيش

مشاء الله كسبت ليااغه ولا لياغة اللعيبه ههههه

وعقب يوم خلصت التاسيسه وجاتني دوره برع امارس الرياضه في الجم وبديت اشيل حديد الان

بالنسبه للمدنين احسن حل هو الجم او البحر

إي والله جان زين داخل العسكرية.. بس ماكان يبي :weeping: .. يابخت العساكر تجيهم اللياقة على طبق من ذهب.. لاإله إلا الله..

[مستر قطر]

احلى مشي حول الفريج
يشوف له شارع زين قريب من البيت وافضل وقت وهو طالع من صلاة المغرب لين قبل الأذان بعشر دقائق يدش البيت يتسبح ويلبس ويروح يصلي العشاء وبعدين يفتل مع ربعه واذا متزوج يطلع مع هله


وهذا الجدول سارلي ثلاث اسنين ماشي عليه

[ع.م]

احلى مشي حول الفريج
يشوف له شارع زين قريب من البيت وافضل وقت وهو طالع من صلاة المغرب لين قبل الأذان بعشر دقائق يدش البيت يتسبح ويلبس ويروح يصلي العشاء وبعدين يفتل مع ربعه واذا متزوج يطلع مع هله


وهذا الجدول سارلي ثلاث اسنين ماشي عليه

خووووش جدول :nice: بارك الله فيك..

[الصاعقة]

قولي له ترى نهايتك بتكون هشكل
v
v
v
v
v
v
v
v
v
v
v
v
v
v
v

http://www.alshan.net/alshan-pic/SH2.jpg

[نجدي قطري]

يوم كنّا في الإعداديّة كان في معهد للياقة البدنيّة مقابل الركن الرياضي اللي عند جسر الجيدة.
وكان النظام مدرّب وتقريبًا عشر إلى خمستعشر متدرّب، ويطيح سويدي فينّا، وتمارين تعتمد على شخصين، مثل تلقّف الكورة الطبّيّة.
للأسف عيزت ألاقي مثل هالنظام هاليومين، كلّه يا حديد يا تريدميل.