تابعوا تغطية حية لمؤتمر ابل

[ll vip ll]

تابعوا تغطية حية لمؤتمر ابل
بعنوان ” let’s talk iPhone ”
اليوم٤/١٠/٢٠١١ الساعة ٨ مساءا
بتوقيت مكة

رابط البث المباشر

http://www.alkhalifi-photo.com/links/Hz

[© غاردينيا ©]

يعطيك العافية ... لي ساعة ادور بث حي للمؤتمر

[بـارود]

يعطيكم العافية ,, متابع بصمت ..

[الخيالة]

http://www.iphoneheat.com/2011/10/iphone-4s/


ايفون 4 اس وتقريبا نفس الديزاين

[airbus]

للاسف ابل سوت اكبر غلط في حياتها !! وبداية نزولها من القمة !

[بوعلي2]

يعني نفس الشكل؟


بس الاختلاف بالكاميرا والنظام اسرع مع اي او اس ٥؟

[airbus]

هبوط 5 في المية من اسهم ابل !!

[qatari1]

في تغييرات مهمة ولكن ليست جذرية!

أهمها siri للتكلم مع الهاتف، وسرعة التحميل والتصفح، وكذلك تحسين جودة الكاميرا للتصوير الضوئي والفيديو.

التحسينات الهامة هي في نظام التشغيل الجديد الذي تم الإعلان عنه مسبقاً IOS5.

لا بد أن هناك آيفون 5 وإن طال الانتظار.

لكن في رأيي أبل أمام تحدٍ كبير هو Samsung ونظام أندرويد.

[شبيــه الريح]

بتشوفون كيف السامسونج راح تغطي على الايفون وبتذكرون كلامي

[بـوحـمـد]

بتشوفون كيف السامسونج راح تغطي على الايفون وبتذكرون كلامي

صعب صعب

[نفسي عزيزه]

بتشوفون كيف السامسونج راح تغطي على الايفون وبتذكرون كلامي

جدا صعب ولاتفكر بعد

[عازف العود]

ربع مبيعات شركه سامسونج تعادل كل مبيعات شركه ابل ههههه شركه سامسونج عملاقه تصنع مكيفات تلفزيونات جوالات غسلات مكاين ثلاجات .......الخ الابل حدها جوال بس

[PGR]

اصلا سامسونغ بتلفون جالكسي اس 2 غطت على الايفون من زمان وخلصت

[ll vip ll]

اصلا سامسونغ بتلفون جالكسي اس 2 غطت على الايفون من زمان وخلصت

:nice:

[Emarati]

ربع مبيعات شركه سامسونج تعادل كل مبيعات شركه ابل ههههه شركه سامسونج عملاقه تصنع مكيفات تلفزيونات جوالات غسلات مكاين ثلاجات .......الخ الابل حدها جوال بس

والدليل ان سامسونغ حاليا قاعدة تنسخ اي فكرة تقدمها ابل

الايفون والايباد اكبر دليل ،، ياريت يركزون على ثلاجاتهم عشان

لا يتشتتون

[نفسي عزيزه]

والدليل ان سامسونغ حاليا قاعدة تنسخ اي فكرة تقدمها ابل

الايفون والايباد اكبر دليل ،، ياريت يركزون على ثلاجاتهم عشان

لا يتشتتون

:nice:

[airbus]

خخخخخ سامسونج تقليد رسمي حتى في الشاحن تم تفليده

http://9to5mac.files.wordpress.com/2011/09/screen-shot-2011-09-24-at-1-06-49-pm.png?w=636



http://9to5mac.files.wordpress.com/2011/09/screen-shot-2011-09-24-at-1-04-22-pm.png?w=474

[airbus]

وهدا ستور سامسنوج وشوفوا التقليد لي وين صار

http://9to5mac.files.wordpress.com/2011/09/samsung-circled.png?w=595&h=433

[ام السعف]

بتشوفون كيف السامسونج راح تغطي على الايفون وبتذكرون كلامي

في نقاش كبير امس ،، استغربنا من طرح ايفون الهزيل للمنتج الجديد
هل معقولة يطرحون هالمنتج في وقت هناك جوالات مميزاتها افضل ؟

اعتقد بالحركة هذي ابل تحاول انها اتمشي بضاعتها على الفئة
اللي تسمع ابل نزلت شي يديد واتروح تشتريه :(

اما اللي عقله في راسه مستحيل يقوم باستبدال جواله الايفون فور
بالجديد :(

وان كنت اعتقد ان كان لدى ابل شي جديد راح يكون في اي فون 5
بس ليش ما اطرحوه :(

[ام السعف]

ربع مبيعات شركه سامسونج تعادل كل مبيعات شركه ابل ههههه شركه سامسونج عملاقه تصنع مكيفات تلفزيونات جوالات غسلات مكاين ثلاجات .......الخ الابل حدها جوال بس

مشكلة بعض العقول اللي تعيب على سامسونج انها تنتج ثلاجات ومبيعاتها في عالم
الهواتف المحولة في تزايد كبير وبشكل لا يصدق ،،

يعيبون سامسونج والايفون اللي يحملونه فيه اجازء من صناعة سامسونج :(

مشكلة لما نضيع ما بين تحديد الاعلى تقنية والأقل تقنية
الأكثر تطويرا والأقل تطويرا ونركز على امور غريبة :(

[ام السعف]

وهدا ستور سامسنوج وشوفوا التقليد لي وين صار

http://9to5mac.files.wordpress.com/2011/09/samsung-circled.png?w=595&h=433

مشكلة شرق الاوسطيين انهم ما يقدرون ينطلقون من قواعدهم دايما يعتمدون
على قواعد الأخرين للانطلاق :(

اعتقد عندهم عقدة التقليد وانهم لو قلدوا راح ينتجون ويسوقون بشكل أفضل :(

[الحجاجي]

أتوقع اللي صار بداية التخبط في أبل
نفس ما توقعت .

بعد خروج ستيف من عندهم ..


والغريب في الموضوع تسلسل الاحداث

استقالة ستيف

ونزول الأيفون

وموت ستيف

شيء محير

اما بالنسبة للأيفون 4 s

اتوقع أكبر غلطة من شركة أبل عدم تغيير الاسم

لو مخلينه 5 حتى لو كانت التغييرات بسيطة
لان الناس كل توقعاتهم بنزول الأيفون 5 ..

انا ما اشوف ميزة الصوت شيء جديد
موجودة من زماااااااااااااااااااان في البوكت بي سي ..

والشكل والحجم والالوان نفسها

المعالج بس غير .. ومب الشيء الخطير ..

[ام السعف]

خلاص خلونا في موت ستيف لما اتجف الطوبة من تحت راسه وعقب
نشتغل على أبل :"(

[بوعلي2]

توفى صانع التكنلوجيا الي كل الشركات قامت تتبعه وتقلده :(


الله المستعان

[qatari1]

لأستغرب من التعصب لهاتف!
أشعر أحياناً أن مناصري أبل يملكون أسهماً في الشركة، ومناصري سامسونغ يقربون للمدير التنفيذي!

المنافسة بين أبل وسامسونغ المستفيد الأكبر منها هو المستهلك.

وفي النهاية المستهلك هو صاحب القرار.

[mohd89]

أتوقع اللي صار بداية التخبط في أبل
نفس ما توقعت .

بعد خروج ستيف من عندهم ..


والغريب في الموضوع تسلسل الاحداث

استقالة ستيف

ونزول الأيفون

وموت ستيف

شيء محير

اما بالنسبة للأيفون 4 s

اتوقع أكبر غلطة من شركة أبل عدم تغيير الاسم

لو مخلينه 5 حتى لو كانت التغييرات بسيطة
لان الناس كل توقعاتهم بنزول الأيفون 5 ..

انا ما اشوف ميزة الصوت شيء جديد
موجودة من زماااااااااااااااااااان في البوكت بي سي ..

والشكل والحجم والالوان نفسها

المعالج بس غير .. ومب الشيء الخطير ..

اللى اعرفه انه تنازل عن منصب المدير التنفيذي بسبب المرض
ما استقال !

[airbus]

http://a1.sphotos.ak.fbcdn.net/hphotos-ak-ash4/311447_10150342712947048_284101037047_8165583_1859 652405_n.jpg

[ام السعف]

بالأمس ،، استمتعت كثيرا لقراءة خيبة الأمال من مواصفات ايفون 4 اس

مب لأنه ايفون ولكن لأن اللي كانوا يعبرون عن خيبة املهم ،، بدوا يفكرون
على اي اساس ممكن يشترون الجوال ،، سواء كان ايفون او سامسونج ،،

فمع انتظار الفور جي في عالم الاتصال ،، اعتقد على الكل انه يحافظ على جواله
اللي عنده ولا يتهور وياخذ له جوال يديد اللحين وينتظر حبتين زيادة ومن ثم
وياخذ له جوال يدعم الفور جي اما كذا ولا بلاش وبلا اغراءات عالية في المواصفات
الا اذا الجوال مات ومحتاجين جوال يديد ،،

قرأت فيما قرأت ان الشركة الحبيبة الى قلبي :shy: HTC
اطرحوا جوال في اسواق كوريا يدعم الجيل الرابع للاتصال
اول هاتف بتقنية فور جي 4g من شركة HTC
بمواصفات عالية اسمه HTC Raider 4G

واذكر فيما اذكر ان ولدي كان يتكلم عن جوال اسمه ايفو من HTC

انطرح في امريكا ويدعم الجيل الرابع :(

ويقال فيما يقال وتداوله بعض المواقع ان ايفون 5 بيدعم الجيل الرابع ،،

خلونا نطالب بهواتف تدعم الجيل الرابع علشان انوفر على نفوسنا
صرف الفلوس على جواويل بتصير كحخة لو ما ادعمت الجيل الرابع للاتصال ،،

[شبيــه الريح]

انا من الحين ارفع القبعه للسامسونج ومتاكد انها راح اتكون افضل شركه اهي والhtc صاحبة افضل الهواتف وللابل اقولهم استمتعو بالايتونز والستور اللي كل شي لازم ايتونز وبعد لا فلاش ولا جافا ولا بلوتوث
مادري بس اعتمد على الستور بس الاندرويد قادم وبيهز عرش ios وبتتذكرون كلامي