المدخنه والمدخن

[Miss Merna]

موضوع حابه اطرحه مارايك في البنت الي تدخن والرجل المدخن وليش ؟

[بطل الفريج]

انا اقول كيفهم بس الله يهديهم

[Miss Merna]

الله يهدي الجميع بس أنا حابه اعرف نظره المجتمع اذا كانت بنت تدخن او رجل هل هناك فرق ؟!!!!

[ms-qtr]

في معظم الحالات يكونون ناس غير ملتزمين دينيا
و ما ينظرب فيهم المثل

وطبعا البنت القطرية الي تدخن بصراحة تعتبر بنت مب متربية و محد راح يخطبها حتى الرياييل المدخنين يجوفونها بنت غير صالحة و مستحيل يخطبونها

وبالنسبة حق الاعذار الي يتذرون فيها المدخنين بشكل عام غير مقنعة بالنسبة لي

واتمنى ان الله سبحانه حفظ شبابنا من هالافة

[ضوى]

التدخين عادة مقرفة بشكل عام واقرف بالنسبة للمرأة

[al saad]

التدخين عادة مقرفة بشكل عام واقرف بالنسبة للمرأة

:nice:

[قطريه ماركه]

مدمنيين الله يشفيهم و يعافيهم ....

[بوالبيض]

مشكله كبيره لو البنت يدخن

[hady_qatar]

المجتمع ممكن يتقبل ان الرجل يدخن بس مايتقبل ان البنت اتدخن ويعتبرها قلة ادب ومب متربيه

بس الغريب ان بدت فئة ف المجتمع يابلفيييييييت منفتحين ومتعلمين ومتمدنين يتقبلون ان البنت اتشيش

الله يرحمنا برحمته

[بوسلمان 2010]

الله يهدي الجميع ويعينهم على مابلاهم والله يفكهم من التدخين

[الحال مايساعد]

الله يعين جميع المدخنين لكن احب أعلق بالنسبة للبنت يوم تدخن أشوفها تتجرد من أنوثتها!!!!

[بايع بايع]

اذا كان رجل ... فاقوله هذي مب رجوله ... و خاف الله في عيالك

واذا كانت امراه ... اقولها شكلج مقرف ...وخافي الله في عيالج

[شبح الصمت]

صراحه ورد على الي قال بيكفهم اوكي بكيفهم ..

بس لو يسمحون مب في اماكن تواجد الغير مدخنين

مب قدام ربعه المساكين الي مالهم خصوهالشيء حطه عليه علامة استفاهم اشكبرها !!

مب قدام زوجته وعياله ويضرهم لا وفي السيارة والا فالبيت ومستانس على نفسه ..!!

اهو حر صح بس يحترم غيره ويحافظ على صحتهم إذا اهو بايع صحته لا يبيع صحة غيره ..

عن المراة الي ادخن طبعا شيء مقزز ويلوع الجبد اكثر واكثر من الرجال اشدعوه وحده تبتسم له وضروسها صفر ..

وعووووووووووو

[QatariFallah]

فلللَّه .. ؟ّّّ ;\

[احبك يابلد]

المجتمع ممكن يتقبل ان الرجل يدخن بس مايتقبل ان البنت اتدخن ويعتبرها قلة ادب ومب متربيه

بس الغريب ان بدت فئة ف المجتمع يابلفيييييييت منفتحين ومتعلمين ومتمدنين يتقبلون ان البنت اتشيش
الله يرحمنا برحمته

اتشيش ايه بس ادخن لالالالالالالالا

[QatariFallah]

اتشيش ايه بس ادخن لالالالالالالالا

ههههههههههههههههههههههههههههههه @ ردك

[بوخالد911]

كلاهما ×××

[بـــــــنت النوخـّــــذه]

موضوع حابه اطرحه مارايك في البنت الي تدخن والرجل المدخن وليش ؟

رجل مدخن ومانبلعه فكيف الحال بمرأه مدخنه استغفر الله منظر مغزز فعلا" ياشينها وريحتها اف00

طبعا سلوك مرفوض من الناحيتين مايبغيله راي واستفتاء خصوصا" للمرأه منظر يشمئز منه المجتمع المحافظ (السويّ)

بعض الردود ترفع الضغط اي والله اتشيش عادي

[مخطط قطري]

بالعكس اشوفه شي طيب

[online]

الحمدالله اني تركت هلعادة والله يصبرني عنها ويفكنا من شرها .

صار لي اسبوعين قاطعها بسبب التنفس من ضيق في التنفس بشكل مستمر والام بالصدر
وانا مدخن اكثر من ١٥ سنة

[online]

ادعولي بس

[missperfect]

بالعكس اشوفه شي طيب

:eek5::eek5:

[بـنـت ڪرز]

تذكرت موضوع الانشاء في صف سادس جا عن التدخين
للأسف مر وقت طويل ونسيت اشكتبت
السؤال الحين .. كيف اوصل لـ ورقة الانشاء هاذي؟

[khaldoon]

على فكرة اسهل شي ترك التدخين في هذه الدنيا ....بدليل اعرف ناس صاروا تاركينه اكثر من 20 مرة!!!

[بـنـت ڪرز]

على فكرة اسهل شي ترك التدخين في هذه الدنيا ....بدليل اعرف ناس صاروا تاركينه اكثر من 20 مرة!!!

هاي يعني اسهل شي ولا اصعب شي ؟

شنو هالكونترادكشن في كلامك !

[khaldoon]

هاي يعني اسهل شي ولا اصعب شي ؟

شنو هالكونترادكشن في كلامك !

اتغشمر...ما يبيلها تعليق ....شكلج يا بنت كرز تفتقري لروح الفكاهة :rolleyes2:

[ريتويت]

ريحه الي يدخن مقرفه والله
وخصوصا الي يدخنون في الجو وعقب يرد مكتبه تصير الريحه مقرفه اكثر لانها تختلط برائحه العرق والجسم

[عليه العوض]

التدخين عادة مقرفة بشكل عام واقرف بالنسبة للمرأة

تسلمي جبتي الي على لساني رد سليم ميه ميه

[بـــــــنت النوخـّــــذه]

الحمدالله اني تركت هلعادة والله يصبرني عنها ويفكنا من شرها .

صار لي اسبوعين قاطعها بسبب التنفس من ضيق في التنفس بشكل مستمر والام بالصدر
وانا مدخن اكثر من ١٥ سنة

ماشاء الله عمر والله زين الرئه شغاله عندك

الله يفكك منها وتتركها للابد بلارجعة

[تحداني]

موضوع حابه اطرحه مارايك في البنت الي تدخن والرجل المدخن وليش ؟



خذوها لعبه ونزوه .. وابتلوا فيها .. واليوم ندمانين بس مو عارفين اشلون يتركونها
ما احب التدخين وما ألقى له اي عذر ومبرر ابدا
فرأي راح يكون من كرهي له .. وليس كرهي للشخص بعينه


الله يفكهم من هالبلوه الي ابتلوا فيها
جملك الله برضاه

[ع.م]

online الله يقويك يارب ويثبتك..

اصبر واستعين بالله..

أنا أتكلم من عائلة شخص فيها أصابه سرطان الحنجرة والآخر مات متأثراً بدمار الرئة وكله من التدخين..

هذا رد لي من هالموضوع http://www.qatarshares.com/vb/showthread.php?t=469250


قلبي وايد عورني..

تذكرت جدي الله يرحمه.. كان يدخن سنين.. وعقب وقف التدخين لكن بعد ماتعبت رئته حيل.. ومات بسبب الرئة..

ماأنسى آخر أيامه لما كنت أبات عنده فالمستشفى.. ويقوم نص الليل بسبب ألم قوي في صدره ومايقدر يتنفس ولايتكلم.. يحاول يسوي أي شي عشان يتنفس.. يسحبني يحاول يكلمني بس الصوت مايطلع..يحاول يشق ثيابه ويفز بكبره و يرضخ بجسمه على السرير من الصوبين من حلاة الروح.. شعور وايد صعب إنك ماتقدر تتنفس..

وتمت هالحالة كل شوي تجيه لين ما اضطروا يسوون له فتحة في رقبته عشان يتنفس منها.. وعقب فترة دخل في غيبوبة.. وعقبها بوقت قصير مات الله يرحمه.. حاولنا سفرناه كذا مرة بس الكل يقول رئته منتهية خلاص.. الدكتور في لندن قال لنا هذا وقت الوداع.. ودعوه أحسن..

كان ودي يلحق على تخرجي من الجامعة.. وفي مناسبات وايد تمنيته يكون فيها معاي.. تعذبنا وايد بفراقه.. صج أكره الزقارة.. هو صحيح مات في يومه.. بس مات متعذب بسببها.. وترك لنا ذكريات تعور القلب عن آخر أيامه.. الأصعب من إن حبيبك يموت.. هو إن حبيبك يموت متعذب.. ذكريات الحزن أقوى من ذكريات الفرح.. بتتذكر لما تغير شكله.. لما كان يتألم ويبلع من هالأدوية.. لما انحرم النوم.. لما تغير صوته.. لما تغيرت نظرته.. لما بديت تشوف موته فيه وهو حي.. كلنا نستاهل نهاية أحسن من جذي..يعني هالزقارة بتذلك في حياتك وبتذلك في آخر أيامك..

تكفون والله هدوا الزقاير ترى مب مستحيل.. هو الله يرحمه قدر وتركها سنين.. بس تركها متأخر.. عقب مالعبت فيه وحرمته من التنفس الطبيعي :( .. وكل مشاكل الرئة طلعت آثارها عليه عقب سنين من بعد ماترك التدخين.. لما كبر بالعمر بينت.. الدكتور كان وايد مستغرب قال له إنت كل الفترة اللي راحت كنت تعيش بجزء صغير بس من الرئة ولا الباقي كله اخترب من زمان.. لاتغترون بشبابكم وبصحتكم.. ترى فالكبر يطلع على الإنسان كل شي كان يسويه في سنين عمره.. كل ماتاخرت في تركها كل ماخربت صحتك زيادة.. وكل ماعجلت بالتوبة كل ماعانك الله وحسّن صحتك.. (والذين جاهدوا فينا لنهدينهم سبلنا).. انت بس جاهد وتحدى نفسك في مواجهة المغريات.. و الله بيعينك وبيفتح لك أبواب ماكنت تدري إنها موجودة.. مجرد وجودك الحين تقرا هالكلمات هذا من فضل ربي اللي جابك..

[حقيقه]

حريه شخصيه

بالنسبه للرجال اشوفه شيء عادي وطبيعي

بس البنات وخصوصا القطريات كله يدخنون ويشيشون بالسر في اماكن مب مكشوفه
اتوقع فتره مزاج وبيهدونه

اللي يضايقني ويلوع كبدي العاملات في بعض الصالونات
يدخنون ولين جو يسوون لك شيء الريحه اووووف ماوصف لكم

وبالنهايه هذا شيء من حقهم محد يقدر يمنعهم

[MAZEN37]

الحمدلله تجربه مريت فيها وربي اكرمني بصراحه اعتبرها هي الشر ونظرتي للمدخن مختلفه لكل مرحله وعمر بحياتي بمعنى انه قبل كنت اعتبر المدخن كامل الرجوله وانها ظروريه للكمال بين الرجال لكن الان اعتبر المدخن شخص لا يملك مخ لانه انسان يضر نفسه فاين العقل ولا تنسوا انه محاسب عن صحته التي اصلا لا يملكها*

[OREO]

حريه شخصيه

بالنسبه للرجال اشوفه شيء عادي وطبيعي

بس البنات وخصوصا القطريات كله يدخنون ويشيشون بالسر في اماكن مب مكشوفه
اتوقع فتره مزاج وبيهدونه

اللي يضايقني ويلوع كبدي العاملات في بعض الصالونات
يدخنون ولين جو يسوون لك شيء الريحه اووووف ماوصف لكم

وبالنهايه هذا شيء من حقهم محد يقدر يمنعهم

من اكثر الردود اللي اعجبتني ،، يعطيج العافيه اختي ،،

[enjood]

المشكله مب في المدخن والمدخنه ..

المشكله في الي يدخن ويهدها فتره وعقب يرجع لها مره ثانيه بحال اسوء من قبل !!

اعرف ناس شكثر هدوها لكن للاسف بعد فتره قصيره ارجعو لها ومب قادرين يتركون عاده التدخين !!

انا اعتبره مرض ويبيله اراده قويه لين الواحد يقدر يتعالج ويتخلص منها ..

[بـنـت ڪرز]

اللي يدخّن اقترح عليه يشوف شلون شكل رئته من داخل

http://www.qatarshares.com/vb/attachment.php?attachmentid=76312&stc=1&d=1317878069

وطالع منها شحم وخرابيط بعد!!! ewwwwww :rolleyes2:

اللي على اليمين healthy lungs :victory: