::: شكر لأم عيالي وكل أم ::: [الأرشيف] - منتديات شبكة الأسهم القطرية

شبح الصمت

05-10-2011, 08:24 AM

السلام عليكم ورحمة الله وبركاته ،،،

http://image.arabseyes.com/files/images/285f82492.jpg

بدايه أرحب بكل الحضور أخواني وخواتي ,,,

رسالة شكر لكل أم أولدت وربـت وعلمت وكبرت وزوجت و....... الـخ ..

الأم الأم الأم ..

الأم وبدايه دخول اطفالها المدارس ...

الروضه والمراحل الابتدائيه اصعب مرحله في عمر الطفل/ـه بدايه تكوين المخ وبدايه المعلومات الجديده وبدايه حياه ومستقبل جديد للطفـل ..

الأم تثابر وتثابر وتثابر وتحاول قدر المستطاع أن يكونوا أطفالها من أحسن الاطفال في السلوك وفي الدراسه ..

....

ومن خلال الملاحظات لابنائي ولغير الابناء ..

ما هي المراحل الصعبه لدى الأم ...

الروضه

التمهيدي

السنه الأولى

طبعا الأمهات يقومون بدور ومجهود جبار في المراحل الأولى فهل الرجل يمكن له ان يساعد وكيف وهل هو اجباري أن يقوم بتدريس أطفاله ؟؟؟!!!!!

وانتظر ردودكم ومشاركاتكم الطيبه ..

منورين منورين

صفحتي صفحتي

:victory:

R 7 A L

05-10-2011, 08:26 AM

مرحباً بك اخوي شبح الصمت
والحمدلله على السلامة
نورت المنتدى ياذيبان

chillis

05-10-2011, 08:28 AM

حمدالله على السلامه ونورت الروضه اصعب طبعا لان يكون اول سنه للطفل بخروجه وفصله على العائله الى عائله اخرى :) ياخذ فتره لين يتعلم ومهب غلط لو الاب كان له دور بدراسة الطفل

مرتبش

05-10-2011, 08:28 AM

اجباري ان يدرس عياله
لان تدريس العيال مثل تربيتهم ..مسؤولية ما يجوز الام فقط تتحملها والاب يتركها للمدرسة والام فقط واذا كثر للمدرس الخصوصي.

كازانوفا

05-10-2011, 08:28 AM

هلا بصمت ...
نورت والحمدلله على السلامه ...
طبعا مش راح اعلق عالموضوع لانك راح تفتح باب كبيررررررر على بعض الامهااات

تقبل مروري

طماطه

05-10-2011, 08:29 AM

كلام جميـل ..

وانا اشوف ان الرجل مو واجب عليه تدريس الابناء , بس حلو لو يساعد زوجته في حالة ان عندها ثلاث او اربع اطفال بالمدرسه .. عشان يخفف عنها ..

حراير قطر

05-10-2011, 08:32 AM

الحمدلله على سلامتك يا شبح الصمت

ويا ليت اتوضح اكثر فترة الدخول او التدريس

لانه المراحل اللي ذكرتها مب صعبه من ناحية التدريس ...

almaf1a

05-10-2011, 08:32 AM

قصدك مساعده اضافيه غير تحمل مصاريف التعليم والمعيشه والتوصيل من والى المدرسه

الحال مايساعد

05-10-2011, 08:39 AM

بارك الله فيك على هالموضوع
أللي أشوفه يظل خوف الأمهات على أبنائهم مدى الحياه ، والإهتمامات او الصعوبات تزيد مع كبر عمر الأبناء وهنا انا أقصد الجنسين من الأولاد والبنات ، والزوج أكيد له دور كبير ودور يعتبر أساسي في نشأت الأبناء حيث أن الأم مهما "قست" على أبنائها تظل تحمل صفات الأمومة من حنان وعطف ، ويأتي دور الآباء كرادع لأي من التصرفات السلوكية الغير محببه.
أما التدريس على حسب الدرجة العلمية لكلى الطرفين بمعنى ، لكن بعد ضروري مشاركتهم

شبح الصمت

05-10-2011, 08:44 AM

مرحباً بك اخوي شبح الصمت
والحمدلله على السلامة
نورت المنتدى ياذيبان

منور بأهله
ارحم الله والديك

حمدالله على السلامه ونورت الروضه اصعب طبعا لان يكون اول سنه للطفل بخروجه وفصله على العائله الى عائله اخرى :) ياخذ فتره لين يتعلم ومهب غلط لو الاب كان له دور بدراسة الطفل

الله يسلمج اختي ..
عليـج نور أصعب لانه الطفل يبدا الكتابه والقراءه ..
وصدقوني الكثير منا يستهين في المدرسات او المعلمات أو الأم في هالمرحله بس هالمرحله صدق اصعب اصعب مرحله ..

واشكرك على رايك في دور الاب بس في أب متعلم ومثقف وراح يفيد عياله وفي أب غير فاهم مسكين وغير مثقف ..
يعني في اختلاف والأم نفس الشيء كذلك .

اجباري ان يدرس عياله
لان تدريس العيال مثل تربيتهم ..مسؤولية ما يجوز الام فقط تتحملها والاب يتركها للمدرسة والام فقط واذا كثر للمدرس الخصوصي.

ههههه
اشدعوه أجبـأري
يمكن ثقافته على قده
:shy:

هلا بصمت ...
نورت والحمدلله على السلامه ...
طبعا مش راح اعلق عالموضوع لانك راح تفتح باب كبيررررررر على بعض الامهااات

تقبل مروري

منور باهله اختي
الله يسلمـكم من كل شر
ليش علقي أختي
احنا نشكر أمهاتنا على تربيتهم لنا .. وامهات الاجيال الجديده

كلام جميـل ..

وانا اشوف ان الرجل مو واجب عليه تدريس الابناء , بس حلو لو يساعد زوجته في حالة ان عندها ثلاث او اربع اطفال بالمدرسه .. عشان يخفف عنها ..

الله يجملك بالرضى يارب
طبعا نظره عن نظره تختلف من وجهه نظره مش واجب وهالشيء يشوفه كل رجل ولكن هالمره تقبلها

الحمدلله على سلامتك يا شبح الصمت

ويا ليت اتوضح اكثر فترة الدخول او التدريس

لانه المراحل اللي ذكرتها مب صعبه من ناحية التدريس ...

الله يسلمج اختي من كل شر

الدخول المرحله الاولى والتدريس في المراحل الاولى

اختي مرحلة التمهيدي واول وثاني مب صعبه ..
:eek5:

قصدك مساعده اضافيه غير تحمل مصاريف التعليم والمعيشه والتوصيل من والى المدرسه

ههههه
ااي اي عقبالك ياخوي اشوفك بالجي ومركب درزن عيال وتوصلهم وترمبهم ميته ..
:nice:

الرجال دوره يكد على البيت بس ياخي اشوف انه يدرس ياخي المخ خلاص بيكون مصكر حزتها ..
:anger1:

قطري !

05-10-2011, 08:49 AM

الأم مدرسة إن أعددتها , أعددت جيلا طيب الاعراقي

ما اقول الا الله يعطي كل أم العافيه والصحه علي تربيتها وتعبها وتدريسها لاولادها

فعلا وجودها ضروري أكثر من الاب

مرتبش

05-10-2011, 08:54 AM

اجباري ان يدرس عياله
لان تدريس العيال مثل تربيتهم ..مسؤولية ما يجوز الام فقط تتحملها والاب يتركها للمدرسة والام فقط واذا كثر للمدرس الخصوصي.

ههههه
اشدعوه أجبـأري
يمكن ثقافته على قده
:shy:

:anger1:

اجبـــــــــــــــــــــــــــــــــــــــــــــــ ــاري :)
يمكن ثقافتها على قدها ! وبعدين اي ثقافة في الروضة والصف الاول كما اوردت اخي العزيز..كل المسألة را رو ري دادا وماما و عد من 1 الى 10

قولها وريح بالك..الرجال يدور الراحة ويبي الام تكمل معروفها

بو خليفه 123

05-10-2011, 08:56 AM

شبح الصمت

05-10-2011, 08:58 AM

الأم مدرسة إن أعددتها , أعددت جيلا طيب الاعراقي

ما اقول الا الله يعطي كل أم العافيه والصحه علي تربيتها وتعبها وتدريسها لاولادها

فعلا وجودها ضروري أكثر من الاب

انشهد
وضروري ضروري لانها تستحمل اكثر من الرجل هالشيء طبيعي وغريزه في الأم ..

الاب ومهب كل اب ما عنده قوة الاستحمال والصبر
:secret:

اجبـــــــــــــــــــــــــــــــــــــــــــــــ ــاري :)
يمكن ثقافتها على قدها ! وبعدين اي ثقافة في الروضة والصف الاول كما اوردت اخي العزيز..كل المسألة را رو ري دادا وماما و عد من 1 الى 10

قولها وريح بالك..الرجال يدور الراحة ويبي الام تكمل معروفها

صدقني تقول سهله أ ب ت ..

بس تعال قوله حاول تكتب اسمك ..

صدقني ان قدرت تستحمل 10 دقايق تعال قولي
:nice:

شبح الصمت

05-10-2011, 09:01 AM

مرحبا والله في ذمتي نور المنتدى يا شبح الصمت

ارى هو انه ليس بواجب كـ فرض على الأب بتدريس ابنه لان ليس كل اب لديه الاستطاعه لفهم المناهج و ايصال المعلومه بالطريقه الصحيحه والمناسبه للطفل ..

يعني ماودك يجي الأب يدرس ولده ولا بنته فقط لمجرد انه يؤدي الواجب و يدرسهم .. و يجيبون العيد بالاختبارات ..

هناك آباء يملكون الاسلوب بتوصيل المعلومه بشكل سلس من خلال حل الواجبات او تحفيظ الدرس فهنا تكمن فاعلية الاب في المشاركه بتدريس الابناء ..

ارى انه شيء جميل تواجد الأب في اصغر الأمور و مشاركته في نمو تعليم ابنائه اذا كانت الظروف تسمح ..

هذا هو المعنى الحقيقي لـ "خل ولدك يكبر معك"

تقبل تحياتي

موضوع 5 نجوم

منور بأهله يالغالي
ارحم الله والديك ووالدي الحاضرين

صدقت هذا الي كنت ابي اقوله بس مب كل انسان يقدر يطلع الي في خاطره وكاه انت قلته لا فض فوك ياخوي بوخليفة

والله يحفظ لك الوالده ويقومها بالسلامه ويبعد عنها كل شر وتقر عيونكم وعين كل ولد بسلامة والدته ووالده ويحفظهم من كل مرض وكل شر ..

ويحفظ عيالنا وعيال المسلمين والمسلمات أجمعين

حراير قطر

05-10-2011, 09:12 AM

الله يسلمج اختي من كل شر

الدخول المرحله الاولى والتدريس في المراحل الاولى

اختي مرحلة التمهيدي واول وثاني مب صعبه ..
:eek5:

اي اخوي مب صعبه

لانه اكثر الاسلوب المستخدم تحبيب الاطفال بالدراسه

عن طريق العب او المعجون وتلوين والقص ولزق

تعال لهم صف ثاني بيكون الجد بالتدريس وهاي المرحله الصعبه

انا عندي ولدي زعلان لانه ما عندهم العاب بالصف مثل المراحل المذكورة

وما يبي يكتب او يكتب اشوي ويقولي يدي عورتني هاذي سياسة المستقلة :(

اما اذا كان خاص هذا وضعهم غير ويعلمونهم الكتابه من المراحل الاولى ...

شبح الصمت

05-10-2011, 09:23 AM

اي اخوي مب صعبه

لانه اكثر الاسلوب المستخدم تحبيب الاطفال بالدراسه

عن طريق العب او المعجون وتلوين والقص ولزق

تعال لهم صف ثاني بيكون الجد بالتدريس وهاي المرحله الصعبه

انا عندي ولدي زعلان لانه ما عندهم العاب بالصف مثل المراحل المذكورة

وما يبي يكتب او يكتب اشوي ويقولي يدي عورتني هاذي سياسة المستقلة :(

اما اذا كان خاص هذا وضعهم غير ويعلمونهم الكتابه من المراحل الاولى ...

الله يخليهم لج اختي ولنا ولكل الحاضرين

الحين الطفل ماشاء الله يوم يمسك الاي باد وإلا الاي فون يعرف اشلون يدخل برامج وهو عمره كم صدقيني يمكن ما تجاوز 5 سنوات ويمكن اقل مابي ابالغ ..

ومرحلة التمهيدي تمهيدي للطفل لانه راح يدخل اول ابتدائي ويجب مساعدة المدرسه وتعليمهم الكتابه والقراءة وتهيئته ..

وصراحه شكر شكر شكر كبير لاخواتنا المدرسات على مجهودهم الكبير في تعليم اطفالنا ...

انا ما ذكرت في بداية موضوعي الامهات والمدرسات الغير متزوجات ..

الله يرزقهم بالزوج الصالح ..

:nice:

بـــــــنت النوخـّــــذه

05-10-2011, 09:36 AM

السلام عليكم ورحمة الله وبركاته ،،،

http://image.arabseyes.com/files/images/285f82492.jpg

طبعا الأمهات يقومون بدور ومجهود جبار في المراحل الأولى فهل الرجل يمكن له ان يساعد وكيف وهل هو اجباري أن يقوم بتدريس أطفاله ؟؟؟!!!!!

وانتظر ردودكم ومشاركاتكم الطيبه ..

منورين منورين

صفحتي صفحتي

:victory:

افتقدنا مواضيعك ونقاشاتك الهادفه

بإختصار وكضرب مثال من واقع مجتمعي انا ابوي اذا امي ارقدت بالمستشفى كان ياخذ اجازه من دوامه او يرجع من وهل ويجيبنا من المدرسة وكان ساعات يطبخ لنا مع العلم ان فيه خدم في البيت 000

المسئله الي اتضحت ليّ كل ماتوافر الحب في المحيط الاسري بين زوجين كل ما كانت التضحيه اكبر والاخصلاص اكثر وحجم التعاون كبير جدا"00

ف دائما: انا اقيس حجم تعاون الزوج مع زوجته على نسبة الحب بينهم والسالفه مالها خص برجل ولا بمرأه طالما هم تحت سقف واحد 00

واكرر شكري لك على الموضوع الي من خلاله نقدر نناقش تبادل الادوار مابين الام والاب بجو يسوده المحبه والألفه 00

تعجبني تلك العقليه واقف لها احتراما" (الزوجين المتعاونين )

وشكرا"

شبح الصمت

05-10-2011, 09:43 AM

افتقدنا مواضيعك ونقاشاتك الهادفه

بإختصار وكضرب مثال من واقع مجتمعي انا ابوي اذا امي ارقدت بالمستشفى كان ياخذ اجازه من دوامه او يرجع من وهل ويجيبنا من المدرسة وكان ساعات يطبخ لنا مع العلم ان فيه خدم في البيت 000

المسئله الي اتضحت ليّ كل ماتوافر الحب في المحيط الاسري بين زوجين كل ما كانت التضحيه اكبر والاخصلاص اكثر وحجم التعاون كبير جدا"00

ف دائما: انا اقيس حجم تعاون الزوج مع زوجته على نسبة الحب بينهم والسالفه مالها خص برجل ولا بمرأه طالما هم تحت سقف واحد 00

واكرر شكري لك على الموضوع الي من خلاله نقدر نناقش تبادل الادوار مابين الام والاب بجو يسوده المحبه والألفه 00

تعجبني تلك العقليه واقف لها احتراما" (الزوجين المتعاونين )

وشكرا"

الله يرحم والديج ويحفظهم لج يارب والمسلمين اجمعين

صدقتي اختي التعاون المشترك بين الزوجين ..

طبعا لازم يكون في تعاون وحب بين الزوجين والا العلاقه ما راح تستمر راح يكون مصيرها الانفصال

فالتعاون ولكن يمكن الام تكون مثقفه ويمكن الاب يكون غير مثقف والعكس

فدور الاب يكون المساعده والكد ودور الام يكون ايضا حسب دورها فالبيت ربة بيت موظفه هالامور ..

فالام يمكن تكون تعمل وفي نفس الوقت تكون منهكه من العمل وترد ولا ادرس عيالها وتتركهم وفي امهات يشتغلون ويدرسون ويقوموون في العمل كامل ..

ونشكر كلهم الموظفات والامهات في بيوتهم ..

ومقصدي انه الصبر عند الام يكون اكثر من الاب في جميع الحالات وهالشيء واقعي

بـنـت ڪرز

05-10-2011, 09:48 AM

حبيبتي مامي :(

حتى وانا الحين صرت اشتغل واشكبري واللي قدي عندهم بزارين في الـ pre-school .. تقوم الفجر تشوف انا قمت حق الدوام ولا لا :(

I hate to be emotional while at work !!

شبح الصمت

05-10-2011, 09:54 AM

حبيبتي مامي :(

حتى وانا الحين صرت اشتغل واشكبري واللي قدي عندهم بزارين في الـ pre-school .. تقوم الفجر تشوف انا قمت حق الدوام ولا لا :(

I hate to be emotional while at work !!

الله يحفظها لج والله الله فيها

الطفل في التمهيدي يكون ماله خلق للتعليم فلازم على الوالدين انهم يساعدونه على حبه للدراسه لانه صج كسول ..
فماشاء الله صراحه ومن دون ذكر جنسيات تحصلونهم فاهمين وعارفين ويكتبون ويتكلمون ..

اقرب مثال شوفوا برنامج كيف اصبحت

الاطفال اشلون يشاركون هل اطفالنا كلهم نفس الشيء !!!

:eek5:

بـنـت ڪرز

05-10-2011, 09:58 AM

الله يحفظها لج والله الله فيها

الطفل في التمهيدي يكون ماله خلق للتعليم فلازم على الوالدين انهم يساعدونه على حبه للدراسه لانه صج كسول ..
فماشاء الله صراحه ومن دون ذكر جنسيات تحصلونهم فاهمين وعارفين ويكتبون ويتكلمون ..

اقرب مثال شوفوا برنامج كيف اصبحت

الاطفال اشلون يشاركون هل اطفالنا كلهم نفس الشيء !!!

:eek5:

آآميـــن انشالله يا الشبح

اي والله وانت الصاج .. تشوف عيال المصريين يتحجون ويبلبطون ويجاوبون على كل سؤال تقول الواحد عمره 7 سنين .. اخرتها بو 4 سنين ..

اما عيالنا يحليلهم ملغااان .. فالتلفزيون لما المذيع يسأل حد فيهم ماشوف الا عيون دوائر وحلج مبطل مايعرفون يتكلمون حتى اسمه ينساه

من زود الدلع الزايد

شبح الصمت

05-10-2011, 10:01 AM

آآميـــن انشالله يا الشبح

اي والله وانت الصاج .. تشوف عيال المصريين يتحجون ويبلبطون ويجاوبون على كل سؤال تقول الواحد عمره 7 سنين .. اخرتها بو 4 سنين ..

اما عيالنا يحليلهم ملغااان .. فالتلفزيون لما المذيع يسأل حد فيهم ماشوف الا عيون دوائر وحلج مبطل مايعرفون يتكلمون حتى اسمه ينساه
من زود الدلع الزايد

هههههههههههاي

لا بس هذه كان قبل الحين اليهال يعجبونك شوفي اهم شيء دور الاب والام اشلون يخلون الاطفال يشوفون التلفزيون قنوات مفيده لانه لها دور مهم ..

وبخصوص حلوجهم مبطله لا عاد حرام عليج خجل فيهم مساكين ومب متعودين احد يسالهم غير بابا وماما ..

يبيلهم فلفل اخضر ههههههههههههههاي عشان يغردون بسرعه

:victory:

بوسلمان 2010

05-10-2011, 10:08 AM

الحمدالله على السلامة يااخوي والله يخلينا امهاتنا ويحفظهم ربي من كل شر ان شاء الله

الصاعقة

05-10-2011, 10:24 AM

من وجهة نظري دور الاب مهم جدا بالذات في المرحلة الإعدادية والثانوية لانها من اهم المراحل في تكوين شخصية الطالب والسلوكة اما مسالت التدريس اتوقع الام هي الأنسب لما تحمله من قوة تحمل وصبر في توصيل المعلومة للطفل .

بـــــــنت النوخـّــــذه

05-10-2011, 10:24 AM

فدور الاب يكون المساعده والكد ودور الام يكون ايضا حسب دورها فالبيت ربة بيت موظفه هالامور ..

فالام يمكن تكون تعمل وفي نفس الوقت تكون منهكه من العمل وترد ولا ادرس عيالها وتتركهم وفي امهات يشتغلون ويدرسون ويقوموون في العمل كامل ..

ونشكر كلهم الموظفات والامهات في بيوتهم ..

ومقصدي انه الصبر عند الام يكون اكثر من الاب في جميع الحالات وهالشيء واقعي

والله يا خوي يا شبح الصمت الصبر ماله فئه معينه ياما قالو ياصبر ايوب :looking:

الله يسلمك تدري ليش انقول الصبرللمرأه اكثر لان احنا كمجتمع اشوي له عمبوليات دايما يقولون لك فيه تقسيم للمهام وعيب الرجال يتدخل بها 00 ف انحط الحمل بكبره على المرأه بأنها صبوره اكثر من الرجل 00 00

عموما" بالنسبة لمسئلة ان الام ممكن تكون ذات درجه علميه عن الزوج وممكن يساهم بشكل كبير بانها تتحمل المسؤوليه كامله هذا بعد كلام غلط 00 والله حتى لو متعلمه والاب جاهل ان وجوده بينهم جالس يشوف يفرفر بالكتب يشجع يعطي حافز 000الخ يغني عن اي درجة علميه واصل لها 00

صدقني المسئله لا لها علاقه بدرجة علميه ولا شي والدليل اعرف ناس ماشاء الله واصلين لمناصب بالدوله الاب والام أميين لاعندهم شهاده ولا غيره كانو يحطون الخيزانه كزينه بينهم ويقولون اشوف شكاتب اي صح يلا كمل والاب والام مايدرون شالي مكتوب 00

الحب =تضحيه = تعاون= تربية سليمة

الحياة الخالدة

05-10-2011, 10:28 AM

السلام عليكم ورحمة الله وبركاته ،،،

طبعا الأمهات يقومون بدور ومجهود جبار في المراحل الأولى فهل الرجل يمكن له ان يساعد وكيف وهل هو اجباري أن يقوم بتدريس أطفاله ؟؟؟!!!!!

:victory:

الحمد لله على سلامتك أخوي شبح الصمت

أكيد مب إجباري على الأب أن يقوم بتدريس الأبناء ..( و لا حتى على الأم ) :secret:
مافي شي اسمــــــه إجباري :)

الشي الوحيد اللي يجبرهم هو مدى حرصهم على مصلحة الأبناء و مستقبلهم ..
لا شك أن الأم دورها كبير و حيوي .. بما ان هي مسؤولة عن مملكتها و أفراد مملكتها .. مسؤولية ضمنية ..
و في أغلب الأحيان ( بالنسبة للمرأة الواعية العاقلة ) نجدها تتحمل الكثير في سبيل تعليم الأبناء و متابعتهم في مدارسهم ..
بحكم أن الأب مشغول بتدبير الشؤون المالية و المعيشية .. و توفير السكن و الأمان لعائلته
لكن .. عندما يجد الوقت .. فكم يكون جميلاً منه أن يشارك زوجته في المساعدة على تدريس الأبناء
و يصنع ذلك من الفرق الكثير الكثير من التقدير و الامتنان و التقارب العاطفي ..
سواءً من ناحية الأم أو الأبنـــــــــاء ..

بعض الأمور تحتاج إلى شدة و حزم الأب .. عشان العيال يصطلبــــــون :telephone:

قطريه ماركه

05-10-2011, 10:30 AM

أكيد الأم تعاني و تعاني لين تشوف عيالها بدوا يمسكون القلم بشكل صحيح و اعرفوا الحروف ...

و بدوا يكتبون و يقروون ...

نحتسب الأجر من الله سبحانه ...

ضوى

05-10-2011, 10:40 AM

بحكم الفطرة العامة للام فانها اقدر واكفأ في هذه المهمة من الاب في التدريس ، وبحكم عمل الاب اغلب الوقت وانشغاله في تأمين المعيشة الكريمة للعائلة فانه من الصعب تكليفه بتدريس الاطفال خاصة ممكن هم في سن التأسيس فهذا السن يحتاج لكثر من الصبر والحزم ، والرجل عامة يفتق للصبر مع الاطفال خاصة عند بلوغ السيل الزبى من هؤلاء الطفال وخاصة اذا كان الطفل عنيد ، لا ننكر اهمية وجود الاب ومشاركته في التربية ولكن لنقل التدريس اهميته اقل

شخصيا عيالي كلهم انا اللي درستهم وانا اللي تعبت عليهم وانا اللي اسستهم وبكل اماانة ماانكر فضل ابوهم في هالشي كان يساعدني بس لما اقوله يابوفلان شوف ولدك مايبي ينتبه يزجره يخاف شوي وينتبه :)
وفي نهاية السنة يجيبون نتايج حلوة ويجب لي ابوهم هدية ومكافأة مالية محترمة بسبب هذا النجاح مع اعطاء العيال محاضرة في كيفية شكري وتقديري لما وصلوا اليه مع الكثير من التقدير منه شخصيا لي :)

شبح الصمت

05-10-2011, 10:42 AM

الحمدالله على السلامة يااخوي والله يخلينا امهاتنا ويحفظهم ربي من كل شر ان شاء الله

الله يسلمك يابوسلمان من كل شر

اللهم آآآآآآمين

من وجهة نظري دور الاب مهم جدا بالذات في المرحلة الإعدادية والثانوية لانها من اهم المراحل في تكوين شخصية الطالب والسلوكة اما مسالت التدريس اتوقع الام هي الأنسب لما تحمله من قوة تحمل وصبر في توصيل المعلومة للطفل .

طبعا العيال لازم يخاوون ابوهم بس لازم يخاونه على شيء عدل مب يوديهم مجالس فيها عقار وكلام مهب زين ينتقي الاماكن الطيبه ويباري عياله مع من يمشون وشيسون ..

الحين اليهال لو تروحين الحديقه بعضهم تربية الله لا يوريك سب والفاظ بذئية الله المستعان الواحد قام يخاف يوديهم واليهال بسرعه يلقطون اي شيء وعقب يجون يسلونج

ماما فلان قال هالكلمه :eek5: ........... شنو يعني :weeping:

والله يا خوي يا شبح الصمت الصبر ماله فئه معينه ياما قالو ياصبر ايوب :looking:

الله يسلمك تدري ليش انقول الصبرللمرأه اكثر لان احنا كمجتمع اشوي له عمبوليات دايما يقولون لك فيه تقسيم للمهام وعيب الرجال يتدخل بها 00 ف انحط الحمل بكبره على المرأه بأنها صبوره اكثر من الرجل 00 00

عموما" بالنسبة لمسئلة ان الام ممكن تكون ذات درجه علميه عن الزوج وممكن يساهم بشكل كبير بانها تتحمل المسؤوليه كامله هذا بعد كلام غلط 00 والله حتى لو متعلمه والاب جاهل ان وجوده بينهم جالس يشوف يفرفر بالكتب يشجع يعطي حافز 000الخ يغني عن اي درجة علميه واصل لها 00

صدقني المسئله لا لها علاقه بدرجة علميه ولا شي والدليل اعرف ناس ماشاء الله واصلين لمناصب بالدوله الاب والام أميين لاعندهم شهاده ولا غيره كانو يحطون الخيزانه كزينه بينهم ويقولون اشوف شكاتب اي صح يلا كمل والاب والام مايدرون شالي مكتوب 00

الحب =تضحيه = تعاون= تربية سليمة

اشكرك على المشاركه والرد
انا اشوف انه الضرب في بعض الاحيان ينفع للطفل بس لو الواحد يفكر فيها هذه طفل طفل مهب فاهم لين الحين يبيله حبه حبه ..

تصدقين الله يحفظ كل العيال بس ماشاء الله عيال الجاليات الفلسطينيه والاردنيه والمصريه والسودانيه يأسسون عيالهم صح من البدايه الابو مدرس والام مدرسه فتحصلينهم اهم شيء عندهم الشهاده .. وما به قصور على عيالنا بس نلاحظ هالشيء وبكثره ..

الطفل نفس ما قالت اختي بنت كرز يجي مبلتع ماشاء الله ويتكلم ويرد .. واحنا نقول في قلوبنا ليش عيالنا مب مثلهم شنو الشيء الي عندهم صح وعندنا فيه خلل !!!

الحمد لله على سلامتك أخوي شبح الصمت

أكيد مب إجباري على الأب أن يقوم بتدريس الأبناء ..( و لا حتى على الأم ) :secret:
مافي شي اسمــــــه إجباري :)

الشي الوحيد اللي يجبرهم هو مدى حرصهم على مصلحة الأبناء و مستقبلهم ..
لا شك أن الأم دورها كبير و حيوي .. بما ان هي مسؤولة عن مملكتها و أفراد مملكتها .. مسؤولية ضمنية ..
و في أغلب الأحيان ( بالنسبة للمرأة الواعية العاقلة ) نجدها تتحمل الكثير في سبيل تعليم الأبناء و متابعتهم في مدارسهم ..
بحكم أن الأب مشغول بتدبير الشؤون المالية و المعيشية .. و توفير السكن و الأمان لعائلته
لكن .. عندما يجد الوقت .. فكم يكون جميلاً منه أن يشارك زوجته في المساعدة على تدريس الأبناء
و يصنع ذلك من الفرق الكثير الكثير من التقدير و الامتنان و التقارب العاطفي ..
سواءً من ناحية الأم أو الأبنـــــــــاء ..

بعض الأمور تحتاج إلى شدة و حزم الأب .. عشان العيال يصطلبــــــون :telephone:

الله يسلمج اختي ..
المشاركه لابد منها بس اسمحي لي اختي الاب يرجع تعبان ويبي يرقد وعنده اشغال يبي يخلصها فقولي لي اشلون يقدر يجلس مع وحده خلال دراسته !!
حتى لو جلس بيكون اهو والسرير واحد يبي يرقد مفهي او يفكر باشغاله ..
الله يغفر لنا ويرحمنا برحمته

أكيد الأم تعاني و تعاني لين تشوف عيالها بدوا يمسكون القلم بشكل صحيح و اعرفوا الحروف ...

و بدوا يكتبون و يقروون ...

نحتسب الأجر من الله سبحانه ...

الله يحتسب اجركم واجر امهاتنا وزوجات المسلمين ..

الام مدرسه اذا اعددتها اعددت شعبا طيب الاعراقي

شبح الصمت

05-10-2011, 10:45 AM

بـــــــنت النوخـّــــذه

05-10-2011, 10:50 AM

اشكرك على المشاركه والرد
انا اشوف انه الضرب في بعض الاحيان ينفع للطفل بس لو الواحد يفكر فيها هذه طفل طفل مهب فاهم لين الحين يبيله حبه حبه ..

تصدقين الله يحفظ كل العيال بس ماشاء الله عيال الجاليات الفلسطينيه والاردنيه والمصريه والسودانيه يأسسون عيالهم صح من البدايه الابو مدرس والام مدرسه فتحصلينهم اهم شيء عندهم الشهاده .. وما به قصور على عيالنا بس نلاحظ هالشيء وبكثره ..

[/color] !!!

الله يسلمج اختي ..
المشاركه لابد منها بس اسمحي لي اختي الاب يرجع تعبان ويبي يرقد وعنده اشغال يبي يخلصها فقولي لي اشلون يقدر يجلس مع وحده خلال دراسته !!
حتى لو جلس بيكون اهو والسرير واحد يبي يرقد مفهي او يفكر باشغاله ..
الله يغفر لنا ويرحمنا برحمته

الله يحتسب اجركم واجر امهاتنا وزوجات المسلمين ..

الام مدرسه اذا اعددتها اعددت شعبا طيب الاعراقي

مش ضرب يا شبح هي بس أداه للترهيب احيانا وماشجع عليها بس اعطيك خلفيه عن اهلنا الاولين كيف كانت طريقة تعليمهم لابناءهم وماشاء الله شوف اعيالهم ألحين تكانه ومنصب وذرابه واخلاق مهب متخدي كلمتين على بعض مايقولها 00

بالنسبه لنقطة اعيال الجاليات بالاول شوف شنهو يأكلون عيالهم اخبر كله بشنطتهم لبن مراعي وخبزه ملفوفه بفاين داخلها زعتر ومعاهم خياره او تفاحه 00

ومره رحت عند مدرسه من دوله عربيه زرناها في بيتها حاطه على الطاوله سلة خيار وجزر وخس استغربت قلت يه ليش بستوين سلطه إلا قالت عشان اليهال رايحين جايين ياكلون منها يتغذون ف قلت خلف الله واحنا رايحين جايين ياكلون كافي وعصير كله الوان وشبس00
الذكاء احيانا مرتبط بالتغذيه في غذاء يساعد على الذكاء ويقوي نسبته

وبالنسبه للاب الي يجي تعبان ووجوده كعدمه واحد لان بيجي مهدود حيله 000ياشبح مش بالضرور التدريس يكون الظهر ممكن بعد المغرب ترى فيه اوقات مناسبه جدا للتدريس في محيط اسري متعاون 00

مرتبش

05-10-2011, 10:50 AM

صدقني تقول سهله أ ب ت ..

بس تعال قوله حاول تكتب اسمك ..

صدقني ان قدرت تستحمل 10 دقايق تعال قولي
:nice:

افا 10 دقايق! لا ياخوي هذا ولدك او بنتك وصغار وفي حاجة لك وانت كأب ما ترضى تشوف عيالك محتاجين شي وماتعطيه لهم..محتاجين اهتمامك وتدريسك واذا ماتصبر على عيالك بتصبر على من؟ هالتدريس جزء من التربية ..مانقدر نتخلى عن تربية الابناء بسبب الملل وقلة الصبر

والله يا خوي يا شبح الصمت الصبر ماله فئه معينه ياما قالو ياصبر ايوب :looking:

عموما" بالنسبة لمسئلة ان الام ممكن تكون ذات درجه علميه عن الزوج وممكن يساهم بشكل كبير بانها تتحمل المسؤوليه كامله هذا بعد كلام غلط 00 والله حتى لو متعلمه والاب جاهل ان وجوده بينهم جالس يشوف يفرفر بالكتب يشجع يعطي حافز 000الخ يغني عن اي درجة علميه واصل لها 00

صدقني المسئله لا لها علاقه بدرجة علميه ولا شي والدليل اعرف ناس ماشاء الله واصلين لمناصب بالدوله الاب والام أميين لاعندهم شهاده ولا غيره كانو يحطون الخيزانه كزينه بينهم ويقولون اشوف شكاتب اي صح يلا كمل والاب والام مايدرون شالي مكتوب 00

الحب =تضحيه = تعاون= تربية سليمة

كلام جميل .. وفي النهاية الام تراها بشر..بتجابل كل اليهال وبتحفظهم وتقريهم وتحل الواجبات والاب قاعد يطالع برشلونة وريال مدريد لانه ماعنده اسلوب ومايقدر يوصل المعلومة للياهل..معلومة 1 + 1 = 2 ..معلومة معقدة تحتاج شهادة من السوربون؟
وحتى لو المعلومة صعبة ياخي ابذل جهد مثل ماهي ماتقصر وتحاول ..انت سو اللي عليك
ومثل ما قالت الاخت بنت النوخذة الحب = التضحية =تعاون = وتربية سليمة وازيد عليها الصبر

الحياة الخالدة

05-10-2011, 10:57 AM

الله يسلمج اختي ..
المشاركه لابد منها بس اسمحي لي اختي الاب يرجع تعبان ويبي يرقد وعنده اشغال يبي يخلصها فقولي لي اشلون يقدر يجلس مع وحده خلال دراسته !!
حتى لو جلس بيكون اهو والسرير واحد يبي يرقد مفهي او يفكر باشغاله ..
الله يغفر لنا ويرحمنا برحمته

يعني أنا مابي أقول ياخـــــــوي ان حتى الأم تكون تعبانة خصوصاً إذا كانت موظفة .. عشان محد ينط و يقول لي ماله داعي تشتغل لأن هذا موضوع ثاني و متشعب ( و مشروع هوشة ) :)

بس انا قلت .. لما يكون عنده وقت
و عادي حتى لو كان في السرير أو مريــــــــح على الكنبة ( القنفــــة ) في الصالة يشرب الشاي و القهوة و الأم منبح صوتها تدرس العيال .. لأن مجرد وجوده أحياناً و هيبتــــه في المكان يكفون

بس انا يعني عندي سؤال بريء ( على قولة بنت النوخذة ) :shy:
اشمعنى لما يروح يطلع مع ربعه أو يقعد معاهم في الميلس يضحك و يسولف .. ما يكون تعبان و مفهــــــي :secret:

السؤال بريء ترا .. لحد يطق أو يعصب :shy:

بو خليفه 123

05-10-2011, 11:20 AM

ضوى

05-10-2011, 11:34 AM

ضوى مطلعه ابو العيال الشرير في تعليم الابناء :(

سؤال 1 :

كم نسبة فاعلية الأم في الوقت الحالي في تعليم ابنائها ؟ (يعني هل تتكلف في تدريس ابنائها ولا شاريه راحتها بتخصيص مدرسين لتدريس الابناء) ؟

سؤال 2 :

هل الأم في المدرسه (الا وهي المُدرسه او الابله) تساهم في نمو تعليم الابناء والطلاب ام انها دخلت مجال التدريس حسب العادات والتقاليد ؟ مناسبة هذا السؤال لأن نصف المواضيع التي تخص التعليم لا تخلو من الشكاوى على المُدرسات و قلة الخبرات ..

نتمنى التوضيح

لا لا ابو العيال ابدا مب شرير ، بس باعترافه مايتحمل يدرس اطفال ، بس ينفع وايد في الزمجرة عليهم يخافون منه :)

بالنسبة لسؤالك الاول وباجابة شخصية وخاصة فيني انا ، نسبة فعاليتي في تدريس اولادي مية مية وبدون مدرس خصوصي واحد ، اللهم الا الكبير في ثاني ثانوي حطيت له مدرس للرياضيات والكيمياء والفيزياء ووقت الامتحان فقط ، وذاك لظروف خاصة منعتني من تدريسه في ذلك الوقت ، اما الباقي فانا اتكفل بتدريسهم والشرح لهم فيما يصعب عليهم دون مساعدة من اي مدرس خصوصي ، الا بدروس تقوية من المدرسة نفسها لتقويتهم بزيادة فقط لاغير

السؤال الثاني بالتأكيد الابلة تساهم كثيرافي نمو تعليم الاطفال وهذي مايبي لها كلام ولا شرح ، وطبعا فيه ابلات الله بالخير وجودهم شو لا اكثر ولا اقل والحمد لله لم اصادفهم كثيرا في مراحل اولادي التعليمية

في الوقت الراهن كثرت الشكاوي من المدرسات لانه قليلات الخبرة وذلك بعد ان تم الاستغناء عن اصحاب الكفاءات والخبرة وتحويلهم عالبند المركزي واعتقد هذا ساهم كثيرا في الضعف الحاصل في الطلاب حاليا

شبح الصمت

05-10-2011, 02:29 PM

افا 10 دقايق! لا ياخوي هذا ولدك او بنتك وصغار وفي حاجة لك وانت كأب ما ترضى تشوف عيالك محتاجين شي وماتعطيه لهم..محتاجين اهتمامك وتدريسك واذا ماتصبر على عيالك بتصبر على من؟ هالتدريس جزء من التربية ..مانقدر نتخلى عن تربية الابناء بسبب الملل وقلة الصبر

اخوي مهب المقصد اني ما احب اجلس بس مب كل شخص له بارض ارادة انه يقدر يستوعب او يقدر انه يدرس مب كل شخص اخوي عن نفسي الحمد لله اقدر بس على حسب تجاوب الطفل معاي ..

كلام جميل .. وفي النهاية الام تراها بشر..بتجابل كل اليهال وبتحفظهم وتقريهم وتحل الواجبات والاب قاعد يطالع برشلونة وريال مدريد لانه ماعنده اسلوب ومايقدر يوصل المعلومة للياهل..معلومة 1 + 1 = 2 ..معلومة معقدة تحتاج شهادة من السوربون؟
وحتى لو المعلومة صعبة ياخي ابذل جهد مثل ماهي ماتقصر وتحاول ..انت سو اللي عليك
ومثل ما قالت الاخت بنت النوخذة الحب = التضحية =تعاون = وتربية سليمة وازيد عليها الصبر

:nice:

فيزيائية

05-10-2011, 02:32 PM

شبح الصمت

05-10-2011, 02:32 PM

يعني أنا مابي أقول ياخـــــــوي ان حتى الأم تكون تعبانة خصوصاً إذا كانت موظفة .. عشان محد ينط و يقول لي ماله داعي تشتغل لأن هذا موضوع ثاني و متشعب ( و مشروع هوشة ) :)

بس انا قلت .. لما يكون عنده وقت
و عادي حتى لو كان في السرير أو مريــــــــح على الكنبة ( القنفــــة ) في الصالة يشرب الشاي و القهوة و الأم منبح صوتها تدرس العيال .. لأن مجرد وجوده أحياناً و هيبتــــه في المكان يكفون

بس انا يعني عندي سؤال بريء ( على قولة بنت النوخذة ) :shy:
اشمعنى لما يروح يطلع مع ربعه أو يقعد معاهم في الميلس يضحك و يسولف .. ما يكون تعبان و مفهــــــي :secret:

السؤال بريء ترا .. لحد يطق أو يعصب :shy:

الله يعطيج العافيه اختي الرجل عقلـه جزء من مشاعره ..

والمشاعر عباره عن ذبذبات احساس وهالاحساس لعائلته ما يتقارن مع ربعه بس الاهل والاطفال والجلوس معاهم ماله خص بالضحك مع ربعه يعني بقارن ربعي باهلي هلي اهم هلي وهم كلي وعن جلوسي مع ربعي هذه طبيعة اي شاب او شايب ..

يوم نجلس في مجالسنا قلتوا مطنشين لنا ويوم جلسنا في المجمعات قالتوا مدري شنو ....

وين نروح والمره تبي تجلس مع الحريم تبي تروح بيت اهلها لازم يكون في توازن في الحياه ..

:shy:

شبح الصمت

05-10-2011, 02:34 PM

في البداية جزاك الله خير على الموضوع المهم

بالنسبة لدور الزوج في اعتقادي .....
وجوده وسؤاله وسوالفه و(طلته) على بيته وعياله
....أهم من مساعدته في تدريسهم...
يكفيه دوام طويل ومسئولية كبيرة ومشاغل لاتنتهي
العامل النفسي أهم من المادي في الاسرة
فالكلمة الحلوة والتشجيع والمتابعة والصرامة مطلوبين منه
اما عن التدريس بحد ذاته بالنسبة لي انا لا ادرّس أبنائي
بل اتابعهم واوجههم واساعدهم لوضع خطط لكيفية الدراسة
حتى يعتمدوا على أنفسهم ويكونوا شخصيتهم المستقلة
وبالنسبة للصغار التهيئة في مرحلة ماقبل المدرسة مطلوبة بشدة
حتى يستطيع الطفل التعامل مع العالم الخارجي بنجاح.

ارحم الله والديج انتي يمكن ابنائك اذا تعدوا مرحله معينه وشفتيهم يعتمدون على انفسهم بتخليهم بس المراحل المبتدئه يجب متابعتهم ..

وعندي كلام بالخط العريض ...

الاطفال في المدارس الي يتلفظون بالكلمات البذئيه ..

اهاليهم وينهم عنهم ..

طفل في اول ابتدائي او ثاني او ثالث يجي يتلفظ لطفل بكلام ويجي الطفل يقول لاهله يمه يبه ترى اليوم واحد قالي هالكلام ... :eek5:

استغفر الله العظيم استغفر الله العظيم

طفلنا رايح يتعلم ويدرس وهذولي يعلمونه الكلام والحركات الوصخه ..

:anger1:

بو خليفه 123

05-10-2011, 02:36 PM

لا لا ابو العيال ابدا مب شرير ، بس باعترافه مايتحمل يدرس اطفال ، بس ينفع وايد في الزمجرة عليهم يخافون منه :)

بالنسبة لسؤالك الاول وباجابة شخصية وخاصة فيني انا ، نسبة فعاليتي في تدريس اولادي مية مية وبدون مدرس خصوصي واحد ، اللهم الا الكبير في ثاني ثانوي حطيت له مدرس للرياضيات والكيمياء والفيزياء ووقت الامتحان فقط ، وذاك لظروف خاصة منعتني من تدريسه في ذلك الوقت ، اما الباقي فانا اتكفل بتدريسهم والشرح لهم فيما يصعب عليهم دون مساعدة من اي مدرس خصوصي ، الا بدروس تقوية من المدرسة نفسها لتقويتهم بزيادة فقط لاغير

السؤال الثاني بالتأكيد الابلة تساهم كثيرافي نمو تعليم الاطفال وهذي مايبي لها كلام ولا شرح ، وطبعا فيه ابلات الله بالخير وجودهم شو لا اكثر ولا اقل والحمد لله لم اصادفهم كثيرا في مراحل اولادي التعليمية

في الوقت الراهن كثرت الشكاوي من المدرسات لانه قليلات الخبرة وذلك بعد ان تم الاستغناء عن اصحاب الكفاءات والخبرة وتحويلهم عالبند المركزي واعتقد هذا ساهم كثيرا في الضعف الحاصل في الطلاب حاليا

شكراً على الرد الوافي

اصبتي الجرح في بعض النقاط

و نتمنى عودة الكفائات المهاجره الى نصابها حتى تعود وزارة التربيه ..

فيزيائية

05-10-2011, 02:45 PM

ارحم الله والديج انتي يمكن ابنائك اذا تعدوا مرحله معينه وشفتيهم يعتمدون على انفسهم بتخليهم بس المراحل المبتدئه يجب متابعتهم ..

وعندي كلام بالخط العريض ...

الاطفال في المدارس الي يتلفظون بالكلمات البذئيه ..

اهاليهم وينهم عنهم ..

طفل في اول ابتدائي او ثاني او ثالث يجي يتلفظ لطفل بكلام ويجي الطفل يقول لاهله يمه يبه ترى اليوم واحد قالي هالكلام ... :eek5:

استغفر الله العظيم استغفر الله العظيم

طفلنا رايح يتعلم ويدرس وهذولي يعلمونه الكلام والحركات الوصخه ..

:anger1:

ووالديك....
من خبرتي بعيالي انا كنت ادرسهم في البيت نفس اللي المدرسة تدرسهم في المدرسة كلمة كلمة حرف حرف ....
لين لاحظت الاعتمااااد الكلي علي ...
انا افتح الكتاب انا اسطّر انا ....انا...
كأني أدرس المنهج مرة ثانية:rolleyes2:
ولكن بعدها غيّرت طريقتي وصرت اتابع واشوف شنو عليهم وهم يحفظون ويحلون واذا فيه شي صعب يسألوني....
ووايد ارتحت وشفت تطور في شخصياتهم.

_______________________
بالنسبة للالفاظ هذي قصة ماتنتهي
يتوارثونها الاطفال من ابائهم وبيوتهم وبيئتهم
والصدمة مو من الطفل لين تلفظ
الصدمة لاجاتك وحدة تعليم ودين وتلفظت
والامر سهالات للاسف في وايد من البيوت

بالنسبة لي
اذا سمعت اي لفظ سيء من عيالي اقولهم
(الزبالة اللي بالشارع نتركها بره ماندخلها في بيتنا) :)

مرتبش

05-10-2011, 10:58 PM

من خبرتي بعيالي انا كنت ادرسهم في البيت نفس اللي المدرسة تدرسهم في المدرسة كلمة كلمة حرف حرف ....
لين لاحظت الاعتمااااد الكلي علي ...
انا افتح الكتاب انا اسطّر انا ....انا...
كأني أدرس المنهج مرة ثانية:rolleyes2:
ولكن بعدها غيّرت طريقتي وصرت اتابع واشوف شنو عليهم وهم يحفظون ويحلون واذا فيه شي صعب يسألوني....
ووايد ارتحت وشفت تطور في شخصياتهم.

نقطة مهمة جدا وتحصل مع المدرسين الخصوصين ايضا..يصير الاعتماد على التدريس في البيت ..وفي المدرسة الياهل ماينتبه للشرح لانه متأكد بيفهمونه في البيت

الدمعه

06-10-2011, 08:28 AM

السلام عليكم ورحمة الله وبركاته

اذا مو واجب عالاب يدرس عياله بعد مب واجب عالام تدرس ..

اذا وظيفة الاب يكد عالبيت ويتقضى اغراض البيت ..

وظيفة الام تحمل وتولد وترضع وتسهر وتربي وتطبخ وتهتم بشؤوون البيت ..

دوام 24 ساعه ماشاء الله

فالمفروض الاثنين يدرسون عيالهم ..كل واحد حسب الماده اللي يعرف يدرسها

ويوصلها بطريقه اسهل واحلى للطفل ..

والروضه والتمهيدي وصف اول وثاني وثالث .. اعتبر هالسنوات سنوات تأسيسيه ..

ولازم الطالب يتأسس صح ..

للاسف ان التدريس في الغالب على عاتق الام ...

بس انا مااحب ابو عيالي يدرس العيال رياضيات :rolleyes2:

_____________________

اما الالفاظ حدث ولاحرج .. كلمات نستغرب ان اطفال في هالعمر ..

يوم ولدي في صف ثالث .. سمعته يقول حق اخته .. كلمه ( ) فسالته من وين سمعتها
احنا نهائيا هالكلمه ماتدور عندنا ولا في اي بيت من بيوتنا .. وبعد كم طقه قال من واحد من المقيمين معروفين هالكلمه عندهم مثل العلوج.. طبعا ماعديناها لين كتبنا اهل هالطالب تعهد بعدم تفوه الابن بهالكلمات ..

شنهي هالتربيه وشنهي هالاخلاق اللي عايشين بها .. استغفر الله العظيم ..

_____________________________

وفيزيائيه ..

انا لين احين مثلج .. اطلع الكتب وادور .. واسطر الدفاتر .. واطبع اوراق ..

اتعب بس من الدواره .. قبل التدريس .. لانهم كله ماعليهم شي وماعطوهم واجب ولاحفظ ...

وبس ادور اطلع مليون شي وشي .. واعتماد من قلب علي في كل شي .. احس اني بنفجر ..

___________________________

ولاحظت شي بعد عالمدرسات .. بالرغم من انهم زايدين وقت الحصص .. الى 50 دقيقه ..

بعد يقولون الوقت غير كاف ..

احنا على ايام ماكانو مدرساتنا خريجات معهد المعلمات .. كانت المدرسه اول ماتدخل الصف

تقول نفتح الدفتر ونسطر وتلف علينا تشوف سطرناه بالطريقه اللي تبيها والا لا .. ونكتب التاريخ والعنوان في الدفتر وبخط مرتب ودفتر جميل ورائع ...

احين الدفتر لو نعطيه العنز ما كلته هههههههههههههههه..:tease:

بو خليفه 123

06-10-2011, 08:33 AM

الدمعه ليه ماتثقين في قدرات ابو العيال بتدريس ابنائك مادة الرياضيات ؟

شكله كان يبرشم بالثانويه او ادبي

الحياة الخالدة

06-10-2011, 08:42 AM

الله يعطيج العافيه اختي الرجل عقلـه جزء من مشاعره ..

والمشاعر عباره عن ذبذبات احساس وهالاحساس لعائلته ما يتقارن مع ربعه بس الاهل والاطفال والجلوس معاهم ماله خص بالضحك مع ربعه يعني بقارن ربعي باهلي هلي اهم هلي وهم كلي وعن جلوسي مع ربعي هذه طبيعة اي شاب او شايب ..

يوم نجلس في مجالسنا قلتوا مطنشين لنا ويوم جلسنا في المجمعات قالتوا مدري شنو ....

وين نروح والمره تبي تجلس مع الحريم تبي تروح بيت اهلها لازم يكون في توازن في الحياه ..

:shy:

الله يعافيك أخــــــوي شبح الصمت

شيخص العقل و المشاعر و الذبذبات الحين :)

طبيعي ان العلاقة مع الاهل غير عن العلاقة مع الربع
لكن أنا قلت لما يكون موجود في البيت .. و حتى لو كان تعبان .. من حق الأهل انه ياخذ و يعطي معاهم بطريقة ودية و مرحة .. لأن تقبل الأطفال في هذه الحالة لأي شيء يملى عليهم .. سواء كان أوامر أو أشياء أخرى تختص بالدروس و الواجبات ..
تقبلهم في هالحالة بيكون غير شكــــــــل .. و ستفاجأ بالنتيجة
غير إني لاحظت و أعتقد الكثيرين مثلي أن الطفل لما تدرسه أمه يقعد يتدلع و يتمطط ..
أما لما يدرسه أبوه .. أو حتى بس يكون متواجد في المكان .. يتسنع .. و يسمع الكلام :)

و بخصوص
وين تروحون :)

روحوا المكان اللي يعجبكم .. اشدعوة المرة تقدر تيودكم :secret:
بس هو من باب الميانة انكم تشاركونها تعبها .. حتى لو مشاركة وجدانيــــــــــة :)

منيرة الطواش

06-10-2011, 08:46 AM

الفروق الفردية تلعب دور كبير بالنسبة للتدريس

يعني ممكن احد الابناء تعلمه الاساسيات وتاخذ بيده في المراحل الاولى وبعدين يمشي على نفس النمط ومع متابعة بسيطة ويحصل على معدل ممتاز او جيد جدا

ويجيك واحد من العيال الله بالخير حتى الاقلام تبريها له ولين سالته وين الكتب اليوم اشوف الشنطة خالية يرد بكل برود اظنتي نسيتهم بدرجي بالصف ( وهذا يذكرني بعجيب بمسلسل جحا اظنتي غرقت ) فمالك الا الصبر وطولت البال

يعني مستحيل العيال كلهم فلته الا مايطلع واحد :omen2:

والتدريس بالنسبة لي انا اقوم فيه لين خامس ابتدائي وبعدين اشراف وبس

اما اللي يكون الله بالخير هذا اظن اني بكمل معاه لين الجامعة

شبح الصمت

06-10-2011, 08:50 AM

ووالديك....
من خبرتي بعيالي انا كنت ادرسهم في البيت نفس اللي المدرسة تدرسهم في المدرسة كلمة كلمة حرف حرف ....
لين لاحظت الاعتمااااد الكلي علي ...
انا افتح الكتاب انا اسطّر انا ....انا...
كأني أدرس المنهج مرة ثانية:rolleyes2:
ولكن بعدها غيّرت طريقتي وصرت اتابع واشوف شنو عليهم وهم يحفظون ويحلون واذا فيه شي صعب يسألوني....
ووايد ارتحت وشفت تطور في شخصياتهم.

_______________________
بالنسبة للالفاظ هذي قصة ماتنتهي
يتوارثونها الاطفال من ابائهم وبيوتهم وبيئتهم
والصدمة مو من الطفل لين تلفظ
الصدمة لاجاتك وحدة تعليم ودين وتلفظت
والامر سهالات للاسف في وايد من البيوت

بالنسبة لي
اذا سمعت اي لفظ سيء من عيالي اقولهم
(الزبالة اللي بالشارع نتركها بره ماندخلها في بيتنا) :)

السلام عليكم ورحمة الله وبركاته

اذا مو واجب عالاب يدرس عياله بعد مب واجب عالام تدرس ..

اذا وظيفة الاب يكد عالبيت ويتقضى اغراض البيت ..

وظيفة الام تحمل وتولد وترضع وتسهر وتربي وتطبخ وتهتم بشؤوون البيت ..

دوام 24 ساعه ماشاء الله

فالمفروض الاثنين يدرسون عيالهم ..كل واحد حسب الماده اللي يعرف يدرسها

ويوصلها بطريقه اسهل واحلى للطفل ..

والروضه والتمهيدي وصف اول وثاني وثالث .. اعتبر هالسنوات سنوات تأسيسيه ..

ولازم الطالب يتأسس صح ..

للاسف ان التدريس في الغالب على عاتق الام ...

بس انا مااحب ابو عيالي يدرس العيال رياضيات :rolleyes2:

_____________________

اما الالفاظ حدث ولاحرج .. كلمات نستغرب ان اطفال في هالعمر ..

يوم ولدي في صف ثالث .. سمعته يقول حق اخته .. كلمه ( ) فسالته من وين سمعتها
احنا نهائيا هالكلمه ماتدور عندنا ولا في اي بيت من بيوتنا .. وبعد كم طقه قال من واحد من المقيمين معروفين هالكلمه عندهم مثل العلوج.. طبعا ماعديناها لين كتبنا اهل هالطالب تعهد بعدم تفوه الابن بهالكلمات ..

شنهي هالتربيه وشنهي هالاخلاق اللي عايشين بها .. استغفر الله العظيم ..

_____________________________

وفيزيائيه ..

انا لين احين مثلج .. اطلع الكتب وادور .. واسطر الدفاتر .. واطبع اوراق ..

اتعب بس من الدواره .. قبل التدريس .. لانهم كله ماعليهم شي وماعطوهم واجب ولاحفظ ...

وبس ادور اطلع مليون شي وشي .. واعتماد من قلب علي في كل شي .. احس اني بنفجر ..

___________________________

ولاحظت شي بعد عالمدرسات .. بالرغم من انهم زايدين وقت الحصص .. الى 50 دقيقه ..

بعد يقولون الوقت غير كاف ..

احنا على ايام ماكانو مدرساتنا خريجات معهد المعلمات .. كانت المدرسه اول ماتدخل الصف

تقول نفتح الدفتر ونسطر وتلف علينا تشوف سطرناه بالطريقه اللي تبيها والا لا .. ونكتب التاريخ والعنوان في الدفتر وبخط مرتب ودفتر جميل ورائع ...

احين الدفتر لو نعطيه العنز ما كلته هههههههههههههههه..:tease:

الله يعافيك أخــــــوي شبح الصمت

شيخص العقل و المشاعر و الذبذبات الحين :)

طبيعي ان العلاقة مع الاهل غير عن العلاقة مع الربع
لكن أنا قلت لما يكون موجود في البيت .. و حتى لو كان تعبان .. من حق الأهل انه ياخذ و يعطي معاهم بطريقة ودية و مرحة .. لأن تقبل الأطفال في هذه الحالة لأي شيء يملى عليهم .. سواء كان أوامر أو أشياء أخرى تختص بالدروس و الواجبات ..
تقبلهم في هالحالة بيكون غير شكــــــــل .. و ستفاجأ بالنتيجة
غير إني لاحظت و أعتقد الكثيرين مثلي أن الطفل لما تدرسه أمه يقعد يتدلع و يتمطط ..
أما لما يدرسه أبوه .. أو حتى بس يكون متواجد في المكان .. يتسنع .. و يسمع الكلام :)

و بخصوص
وين تروحون :)

روحوا المكان اللي يعجبكم .. اشدعوة المرة تقدر تيودكم :secret:
بس هو من باب الميانة انكم تشاركونها تعبها .. حتى لو مشاركة وجدانيــــــــــة :)

الفروق الفردية تلعب دور كبير بالنسبة للتدريس

يعني ممكن احد الابناء تعلمه الاساسيات وتاخذ بيده في المراحل الاولى وبعدين يمشي على نفس النمط ومع متابعة بسيطة ويحصل على معدل ممتاز او جيد جدا

ويجيك واحد من العيال الله بالخير حتى الاقلام تبريها له ولين سالته وين الكتب اليوم اشوف الشنطة خالية يرد بكل برود اظنتي نسيتهم بدرجي بالصف ( وهذا يذكرني بعجيب بمسلسل جحا اظنتي غرقت ) فمالك الا الصبر وطولت البال

يعني مستحيل العيال كلهم فلته الا مايطلع واحد :omen2:

والتدريس بالنسبة لي انا اقوم فيه لين خامس ابتدائي وبعدين اشراف وبس

اما اللي يكون الله بالخير هذا اظن اني بكمل معاه لين الجامعة

الله يعطيكم العافيه ..

يعني الله خلق وفرق ..

مهب كل طفل بيطلع شاطر والا مب شاطر ..

يعني مهما الواحد رص على ولده ما راح يستوعب مش كل طفل يستوعب بسرعه ..

فسبحان الله هل الضغط على الابناء من البدايه يخليهم يطلعون شطار او الكسل عنهم وعدم متابعتهم يجعلهم مهملين ..