أخيراً تم الإعلان عن iPhone 4S

[Marriott]

تأتي الخيبة بحجم الآمال، هكذا كان وقع ما عرضته علينا شركة “ابل” من تجديدات وابتكارات طال انتظارها، وبدلا من جهاز الايفون 5 الذي تغني به الجميع قبل ان يشاهده احد منهم، شركة “ابل” وضعت حرف S على جهاز نملكه منذ عام وقالت هذا ما لدي الآن، ثم هبطت اسهمها في “وول ستريت” على الفور.



الايفون 4 اس

استبشر الجميع خيرا وترقبوا الجهاز الجديد من سلسلة هواتف الايفون الناجحة، ولكن يبدو ان جهازا جديدا بالمعنى الذي نريده لم يكن في برامج “ابل”. فقد اكتفت الشركة ببعض التعديلات على الجهاز المتداول حاليا في احدث صيغة من السلسلة وهو الايفون 4 واضافت اليه عناصر من نظام التشغيل الجديد ليصبح ايفون S4، لتترك خيبة عميقة لدى من ترقبوا الجهاز الجديد بشغف على مدار اشهر طويلة.


للمزيد من المعلومات ..

http://www.arabapps.org/2011/10/%D8%AA%D8%A7%D8%A8%D8%B9%D9%88%D8%A7-%D8%A7%D9%84%D8%A8%D8%AB-%D8%A7%D9%84%D9%85%D8%A8%D8%A7%D8%B4%D8%B1-%D9%84%D9%85%D8%A4%D8%AA%D9%85%D8%B1-%D8%A7%D8%A8%D9%84-%D9%85%D8%B9-%D8%A3%D8%AE%D8%A8%D8%A7/

علماً بإنه سينزل إلى الأسواق تاريخ 14 - 10 - 2011
-----------------

اللي عرفته من الموقع الرسمي ان الكاميرا صارت 8 ميغا بيكسل
و المذربورد اسرع بمرتين من القديم
http://www.apple.com/iphone/

مبروك لمحبين الايفون :)

Viva iPhone:)

[بوخالد911]

نااوي عليه

ومميزاته حلوة

وموفقيين

[الزعفراني]

أحلى شي في الموضوع يقولون السعر ما تغيّر والـ 64 غيغا صار متاح

[chillis]

بس فيه تعديلات كثيره وانا اشوفه فرق وايد وما يهم الشكل بالتغير


سوف تكون الشاشة ريتا
وكذلك المعالج A5 معالج ثنائي النواة
واسرع بسبع مرات من نسخ الاي فون السابقة
الجهاز سيعمل علي شبكات GSM و CDMA
سيكون زجاج من الخلف
البطارية يمكن ان تعمل 8 ساعات للتحدث بالهاتف
البطارية يمكن ان تعمل 10 ساعات للفيديو
البطارية يمكن ان تعمل 9 ساعات للتصفح بالواي فاي
البطارية يمكن ان تعمل 10 ساعات للاصوت , اي فون 4 اس
الكاميرا 8 ميجا بكسل, نسبة 60% اكثر عدد البكسلات, نسبة الاضاءة 73% اكثر, نسبة التقاط 33% اسرع, وكذلك خاصية تحديد الوجوه, وسرعة التقاط الصورة تقريبا 1.1 ثانية
كاميرا الفيديو تدعم تقنية التصوير HD 1080p وكذلك يحتوي علي خاصية منع الاهتزاز عند التصوير
يدعم تقنية AirPlay والتي تعتمد علي بث من الجهاز الي الشاشة
وكذلك يدعم HDMI
وكذلك نظام او سكرتير Siri وهو نظام صوتي والذي يمكن من المستخدم سؤاله وسوف يقوم بالتنفيذ مثل : سؤال Siri عن الطقس وسوف يقوم النظام بالاستجابة ويخبرك بالطقس وكذلك تستطيع التحكم بالاي فون عن طريق نظام Siri ,وكذلك يمكنك سؤاله عن الوقت, وهو نظام يمكنك سؤاله وسوف يقوم ان شاء الله بالاجابة او الاستجابة, وكذلك يمكنك ان تطلب منه ان يوقظك في وقت معين وسوف يقوم بذلك, وكذلك يمكنك ان تطلب منه ان يقوم بقراءة الرسائل وسوف قوم بذلك, وكذلك يمكنك ان تقوم بسؤاله ان اقرب مطعم وسوف يقوم بأجابتك, وكذلك يمكنه ارسال الرسائل الي شخص معين, وكذلك يمكنك ان تسأله عن شئ ميعن وسوف يقوم بالبحث في الانترنت, كذلك يمكن ربطه ببرنامج لترتيب مواعيدك, وكذلك يمكنه السكرتير سيري من تحويل كلامك الي نص,واللغات المدعومة هي الانجليزية والفرنسية و الالمانية
كذلك اصلاح مشكلة الهوائي الموجودة في الاي فون 4

[المدريدي]

كم بيكون سعره تقريبا

[chillis]

كم بيكون سعره تقريبا

الي عرفته ال 64 قيقا بيكون حول ال 3700 ريال :)

[FCB 123]

والله مواصفات حلوه

ننتظر السعر وبنشتريه إن شاءالله

[chillis]

الغريبه انهم اعلنوا عن 8 قيقا و32 و64 ماشفت ال 16 ؟

[الألماسي]

بالضبط نفس سالفه الاي فون 3 . . عقبها نزلوا اي فون 3 جي اس
و حتى الـ 5 عقبها بينزل الاس . .

عموماً خيبه امل لمحبين الاي فون

[chillis]

بالضبط نفس سالفه الاي فون 3 . . عقبها نزلوا اي فون 3 جي اس
و حتى الـ 5 عقبها بينزل الاس . .

عموماً خيبه امل لمحبين الاي فون

مافي فرق بالتسميه لو مسمنه 5 ولا 4 اس المواصفات حلوه وايد وفيها تغير كبير بس ماغيروا شكل التلفون لو شوي الا الزجاج

[QatariFallah]

نصيحه..لا انصحكم باقتناء ال iPhone 4S

وانتظار ال iPhone 5

you may update your OS to OS5 & that's enough

[بوخالد911]

سوف يكون في 14 اكتوبر, وسيبدأ الحجز من 7 اكتوبر,


وللاسف لايوجد اي بلد عربي

:omg::eek5::eek5::eek5::omg:

سعر اي فون 4 اس iphone 4s price سعة 16 جيجابايت
199$


سعر اي فون 4 اس iphone 4s price سعة 32 جيجابايت
299$


سعر اي فون 4 اس iphone 4s price سعة 64 جيجابايت
399$

[chillis]

سوف يكون في 14 اكتوبر, وسيبدأ الحجز من 7 اكتوبر,


وللاسف لايوجد اي بلد عربي

:omg::eek5::eek5::eek5::omg:

سعر اي فون 4 اس iphone 4s price سعة 16 جيجابايت
199$


سعر اي فون 4 اس iphone 4s price سعة 32 جيجابايت
299$


سعر اي فون 4 اس iphone 4s price سعة 64 جيجابايت
399$






هذي لدالخل امريكا فقط تشترك مع احد شركات الاتصال مده سنه مادري سنتين تاخذ التلفون بالسعر ذي :) انا قلت لك ال 64 سعره تقريبا 3700 ريال

[مضاد]

افاااا http://www.qatarshares.com/vb/images/icons/icon13.gif

[محمد]

اهم مافي الموضوع نزول ios5 قريب ..
اما مميزات التلفون .. كهاردوير اوكي .. وفيه كم ميزة جديدة بالاضافة انه بيكون بنظام ios5 الجديد لكن في وجهة نظري الي عنده ايفون 4 ما يستاهل ياخذ ايفون 4 اس .. يكفي انه يسوي ابجريد للسستم الجديد وبس

[chillis]

اهم مافي الموضوع نزول ios5 قريب ..
اما مميزات التلفون .. كهاردوير اوكي .. وفيه كم ميزة جديدة بالاضافة انه بيكون بنظام ios5 الجديد لكن في وجهة نظري الي عنده ايفون 4 ما يستاهل ياخذ ايفون 4 اس .. يكفي انه يسوي ابجريد للسستم الجديد وبس

اشلون الشاشه غير والسرعه 7 مرات والكاميرا غير وايد وفي شغلات غير الصوت وغيره بس الشكل مهم يعني ؟ المواصفات فرق وايد شوف فوق انا حاطته

[البيرق]

التغييرات طفيفة حطمت امال الجميع حتى ان التصويت عليه نزل
واعتقد ان استقالة المسئول عنه تمت بسبب خيبة امله حيث ان سامسونج ازاحت الايفون عن المنافسة باجهزة معدلة يصعب اللحاق بها من ابل حيث ان سرعة المعالج الثنائي التي تفتخر به ابل لايوازي القديم من سامسونج في سرعته 1.2 والان تفصح سامسونج عن نسخة اسرع بمعالج1.5 ثنائي النواه

وهذه مقارنة بين القديم والجديد تثبت وتحبط الامال
http://www.gsmarena.com/compare.php3?idPhone1=4212&idPhone2=3275
فكيف لابل ان تجاري المنافسة فمعروف عن نظام الاندرويد بقوته وسرعته حتى ان البعض توقع من ابل ان تغير نظامها وتحوله للاندرويد

[البيرق]

وهذه مقارنة بين الايفون الجديد والجالكسي القادم هذا الشهر
http://www.gsmarena.com/compare.php3?idPhone1=4198&idPhone2=4212

[محمد]

اشلون الشاشه غير والسرعه 7 مرات والكاميرا غير وايد وفي شغلات غير الصوت وغيره بس الشكل مهم يعني ؟ المواصفات فرق وايد شوف فوق انا حاطته

انا شايف المؤتمر كامل مب قاري المواصفات :) وادري بكل هالاشياء ..

بس انا اتكلم عن واحد عنده ايفون 4 .. شالي يخليه يحول على ايفون 4 اس ؟!
مافيه ولا اي شي يستاهل ..
الكاميرا مهما طوروها تبقى كاميرا جوال ومب هدف الجوال انه يكون كاميرا !! ..
سيري وهي اكثر خدمة سوولها بهرجة في المؤتمر تدعم اللغة الانجليزية والفرنسية و الالمانية فقط ..
الـ hdmi من زمان مدعوم عن طريق ادابتر يتم توصيله بسهولة ..
بقية الامور كلها ضمن السستم الجديد ios5 الي الكل يقدر يحول عليه ويحدث عليه نص هالشهر ..

ماقلت مافيه تغييرات .. لكن في رايي تغييرات ما تستاهل الواحد الي يملك الايفون 4 انه يخليه ويشتري الجديد ..

على فكرة حتى المعالج نفس المعالج المستخدم في الايباد 2 .. يعني ماجابوا شي جديد و خاص في هالجهاز ..

[محمد]

وهذه مقارنة بين الايفون الجديد والجالكسي القادم هذا الشهر
http://www.gsmarena.com/compare.php3?idPhone1=4198&idPhone2=4212

ايضا لا جديد على الجالكسي .. تغييرات طفيفة جدا مجرد زادوا المعالج وخلوه 1.5 وما راح يفرق اصلا لان القديم كان قوي وما كان مسبب مشاكل .. بالعكس قد يتميز الايفون بالنظام الجديد اما الجالكسي للحين على Gingerbread ..

الشركات بدت اتملل الظاهر :)

[chillis]

انا شايف المؤتمر كامل مب قاري المواصفات :) وادري بكل هالاشياء ..

بس انا اتكلم عن واحد عنده ايفون 4 .. شالي يخليه يحول على ايفون 4 اس ؟!
مافيه ولا اي شي يستاهل ..
الكاميرا مهما طوروها تبقى كاميرا جوال ومب هدف الجوال انه يكون كاميرا !! ..
سيري وهي اكثر خدمة سوولها بهرجة في المؤتمر تدعم اللغة الانجليزية والفرنسية و الالمانية فقط ..
الـ hdmi من زمان مدعوم عن طريق ادابتر يتم توصيله بسهولة ..
بقية الامور كلها ضمن السستم الجديد ios5 الي الكل يقدر يحول عليه ويحدث عليه نص هالشهر ..

ماقلت مافيه تغييرات .. لكن في رايي تغييرات ما تستاهل الواحد الي يملك الايفون 4 انه يخليه ويشتري الجديد ..

على فكرة حتى المعالج نفس المعالج المستخدم في الايباد 2 .. يعني ماجابوا شي جديد و خاص في هالجهاز ..

بس هم يستاهل التجربه :nice: يوم نزلوا الايفون 4 قالوا نفس الكلام مافي فرق الا الشكل بس اتضح الفرق واجد وقريبا بيعلنون عن الايباد 3 عموما انا قريبا بحجز واحد وبقولك الفرق عقب :)

[البدع]

http://wscdn.bbc.co.uk/worldservice/assets/images/2011/10/04/111004221853__iphone_touch__304x171_ap.jpg

الاسعار على الشاشة

وهي ارخص

يعني 64 جيجا ب 1450 ريال

[محمد]

بس هم يستاهل التجربه :nice: يوم نزلوا الايفون 4 قالوا نفس الكلام مافي فرق الا الشكل بس اتضح الفرق واجد وقريبا بيعلنون عن الايباد 3 عموما انا قريبا بحجز واحد وبقولك الفرق عقب :)

بالعكس الفارق شاسع بين الايفون 3 جي اس و الايفون 4 وما يقول انهم نفس الشي الا شخص جاهل فعلا :nice:

عموما انا ماحب تلفونات اللمس .. واحب دايما البلاك بيري يكون تلفوني الدائم .. الايباد 3 انتظره .. لكن عقب ما شفت الويندوز 8 اظن اني بنتظر جهاز اخر

ومبروك عليج مقدماً الجوال :tease:

[chillis]

بالعكس الفارق شاسع بين الايفون 3 جي اس و الايفون 4 وما يقول انهم نفس الشي الا شخص جاهل فعلا :nice:

عموما انا ماحب تلفونات اللمس .. واحب دايما البلاك بيري يكون تلفوني الدائم .. الايباد 3 انتظره .. لكن عقب ما شفت الويندوز 8 اظن اني بنتظر جهاز اخر

ومبروك عليج مقدماً الجوال :tease:

انا عندي ال3 جي اس والايفون 4 :) ومافيه الا اختلاف بسيط بالسرعه والالوان وجذي والمؤتمر شفته كامل امس اعتقد بالبدايه كالعاده يقولون مافي فرق ومافي فرق وتالي نكتشف الفرق مثل اي باد 1 و2 نجرب ونشوف لاني من محبين ابل بكل شي

[محمد]

انا عندي ال3 جي اس والايفون 4 :) ومافيه الا اختلاف بسيط بالسرعه والالوان وجذي والمؤتمر شفته كامل امس اعتقد بالبدايه كالعاده يقولون مافي فرق ومافي فرق وتالي نكتشف الفرق مثل اي باد 1 و2 نجرب ونشوف لاني من محبين ابل بكل شي

انتو مشكلتكم يالحريم ان رضيتوا على شي بتوصلونه السما حتى لو ما يسوى .. ولو كرهتوا الشي بتخلونه اسفل سافلين حتى لو انه مافيه احسن منه :shy:

[الحال مايساعد]

اشتريت الآيفون 4 لمدة 4 أيام فقط لكن ماعجبني حسيته غبي وعقيم
ترى هو بإختصار كمبيوتر محمول صغير الحجم مع إضافة خاصية الإتصال الجوال
عقبها إشتريت الـ سامسنج جالكسي 2 بصراحه عجيب ومواصفاته أعلى حتى من الايفون الإس الجديد
مشكلة الأيفون إرساله سيئ ، البطارية غير قابلة للإزالة ، حجم الشريحة أصغر من المعتاد بمعنى لو حبيت تتنقل من جهاز إلى آخر لازم تدفع 50 ريال لتغيير الشريحة ، البلوتوث عقيم جدا وماتقدر تتصل إلا مع أيفون آخر ، النغمات غبية ويبيلك سالفة يوم تغيرها

[شميرام]

أكيد في فرق لان في فرق بين 3G و3GS فرق كبير بس الصراحه بطو جبدي لان تلفوني مكسور وكنت انطر 5 واخرتها ما نزلوه صج مافي فرق بين 4 و3GS يعني الكيمرات وشكل وhd أكيد بيكون الفرق بسيط بين 4gsو 5 في شكل وبعض الكماليات (اذا ما عندهم حد يصمم لهم تلفون أنا بخترع لهم )
بس أنا مب عاجبني شكل 4كله يفرط وثقيل والحين تلفوني 3gs مكسور

[QatariFallah]

من قال مافي؟

في فالخليج اماكن اتنزله بعد يوم واحد من نزوله فالسوق الامريكيه..ال اي فون 4s ورسمي 100% ومفتوح يشتغل على اي موزع خدمه بالعالم ومع ضمان عالمي وبالعربي بعد لو تبي
ويعطونك كرت خاص من الشركه
ويتسجل الجوال باسمك وكل ماتشبكه بال اي تون بيذكر تسجيلك انت الخاص فيك
وفرق السعر انك بتدفع زياده فقط 600 ريال قطري

لكن مابي اقول اسم المكان عشان لايطيرون الكميات..لانه ينزل كل اسبوع 4 حبات فقط

وانا ماخذ ال اي فون 4 منه بعد ماتم نزوله بامريكا بيوم فقط

[chillis]

في محلات بالنصر خلال يومين بتلقى عنده بس اسعاره بالسما تلقاه على 5000 وجذي نفس الفور :( عن نفسي بطلبه بالنت نفس التلفونات الباقيه والايباد من الشركه الام ولا من امازون

[بو خليفه 123]

محمد نسيت يوم كنت اعلمك وشلون ترسل مسج sms من أول تلفون لك بالنوكيا

الحين جاي تقول لي فور إس

الله يالدنيا


:tease:

[العقل الحر]

ونقول ناخذ واحد

ونسبق تشليز :)

[عذب الكلام 1]

محمد نسيت يوم كنت اعلمك وشلون ترسل مسج sms من أول تلفون لك بالنوكيا

الحين جاي تقول لي فور إس

الله يالدنيا


:tease:

هههههههه:victory:اضحك الله سنك

[chillis]

ونقول ناخذ واحد

ونسبق تشليز :)

بس في شي محيرني مافي 16 مالقيت :(

[qatarawi]

في محلات بالنصر خلال يومين بتلقى عنده بس اسعاره بالسما تلقاه على 5000 وجذي نفس الفور :( عن نفسي بطلبه بالنت نفس التلفونات الباقيه والايباد من الشركه الام ولا من امازون

اخوي

طلبه من موقع الابل ستتور الرسمي الاماراتي في نص الشهر انشالله بينزلونه
وسعرهم سعر الوكالة .. يعني بلا نصب ولا خرابيط
http://www.apple.com/ae/
وكلم لك اي حد في الامارات تشحنه ع عنوانه وهو يطرش لك للدوحة
او كانك بتروح الامارات تمشاية .. حط عنوان الفندق

يمكن كيوتل وفودافون يطرحونه بعد ...
لازم تنطر وتشوف وعقب قرر:nice:

[chillis]

اخوي

طلبه من موقع الابل ستتور الرسمي الاماراتي في نص الشهر انشالله بينزلونه
وسعرهم سعر الوكالة .. يعني بلا نصب ولا خرابيط
http://www.apple.com/ae/
وكلم لك اي حد في الامارات تشحنه ع عنوانه وهو يطرش لك للدوحة
او كانك بتروح الامارات تمشاية .. حط عنوان الفندق

يمكن كيوتل وفودافون يطرحونه بعد ...
لازم تنطر وتشوف وعقب قرر:nice:

اتوقع بقطر مثل ماقالوا تاريخ 28

[محمد]

محمد نسيت يوم كنت اعلمك وشلون ترسل مسج sms من أول تلفون لك بالنوكيا

الحين جاي تقول لي فور إس

الله يالدنيا


:tease:

هههههههههه .. شنسوي تطورنا :nice:

[qatarawi]

اتوقع بقطر مثل ماقالوا تاريخ 28

حلو التاريخ ... تاريخ نزول المعاش خخخخ:tease:

[Hamada-Sama]

وكذلك نظام او سكرتير Siri وهو نظام صوتي والذي يمكن من المستخدم سؤاله وسوف يقوم بالتنفيذ مثل : سؤال Siri عن الطقس وسوف يقوم النظام بالاستجابة ويخبرك بالطقس وكذلك تستطيع التحكم بالاي فون عن طريق نظام Siri ,وكذلك يمكنك سؤاله عن الوقت, وهو نظام يمكنك سؤاله وسوف يقوم ان شاء الله بالاجابة او الاستجابة, وكذلك يمكنك ان تطلب منه ان يوقظك في وقت معين وسوف يقوم بذلك, وكذلك يمكنك ان تطلب منه ان يقوم بقراءة الرسائل وسوف قوم بذلك, وكذلك يمكنك ان تقوم بسؤاله ان اقرب مطعم وسوف يقوم بأجابتك, وكذلك يمكنه ارسال الرسائل الي شخص معين, وكذلك يمكنك ان تسأله عن شئ ميعن وسوف يقوم بالبحث في الانترنت, كذلك يمكن ربطه ببرنامج لترتيب مواعيدك, وكذلك يمكنه السكرتير سيري من تحويل كلامك الي نص,واللغات المدعومة هي الانجليزية والفرنسية و الالمانية


نظام الSiri بينزل في ربيع 2012 ... يعني من شهر 3 لين شهر 4 وبيكون بس شغال على ال iPhone 4s ...

يعني عطه شهرين ازياده ( يعني تقريبا شهر 6 \ 2012 ) وبيعلنون عن الiPhone 5 وبيكون فيه النظام Siri منه وفيه

يعني شباب بالعربي انطرو أحسن ووفرو افلوسكم لين ما ينزل الiPhone 5 واللي بيكون تغييره في الشكل الخارجي و وبيزيدون عليه مميزات فوق الiPhone 4s داخلياً ...

وجهة نظر شخصية

[chillis]

نظام الsiri بينزل في ربيع 2012 ... يعني من شهر 3 لين شهر 4 وبيكون بس شغال على ال iphone 4s ...

يعني عطه شهرين ازياده ( يعني تقريبا شهر 6 \ 2012 ) وبيعلنون عن الiphone 5 وبيكون فيه النظام siri منه وفيه

يعني شباب بالعربي انطرو أحسن ووفرو افلوسكم لين ما ينزل الiphone 5 واللي بيكون تغييره في الشكل الخارجي و وبيزيدون عليه مميزات فوق الiphone 4s داخلياً ...
وجهة نظر شخصية

اخوي ابل ما يخربون على اعمارهم وعمرهم ما سوها مافي شي بعد شهرين قصدك بعد سنه تقريبا :) كله بينزل بالايفون 4 اس كامل ومافي شي اسمه ايفون 5 بالوقت الحالي

[Hamada-Sama]

أختي قريتي اللي مكتوب في القوس ... ( 6 \ 2012 ) ... يعني قصدي السنه الجايه

ونظام الSiri بينزل ربيع 2012 ( يعني بين شهر 3 لين 4 \ 2012 ) ...

يعني لو الواحد ينطر له بعد شهرين من التاريخ اللي فوق ^^^^ ... بيشوف انهم بيعلنون عن الiPhone 5

[ثاني]

حاسبوا تاخذونه من فودافون .. إلا إذا فعلوا الفيس تايم .. وإذا بتشترونه من أي محل خله يشغله ويشغل الفيس تايم ..

أحلى شي تتكلم مجانا صوت وصورة .. ^_^

[chillis]

أختي قريتي اللي مكتوب في القوس ... ( 6 \ 2012 ) ... يعني قصدي السنه الجايه

ونظام الsiri بينزل ربيع 2012 ( يعني بين شهر 3 لين 4 \ 2012 ) ...

يعني لو الواحد ينطر له بعد شهرين من التاريخ اللي فوق ^^^^ ... بيشوف انهم بيعلنون عن الiphone 5

ابل ما اعلنت انه بينزل في 2012 قالت ان الخدمه في ايفون اس يعني موجوده الخدمه بالتلفون اليديد مافي شي اسمه 5 الا بعد 8 شهور او سنه اعتقد

[الواعد]

الـ 8 قيقا بيكون للقديم فقط آيفون 4
اما الجديد الـ s فبيكون فيه :
16 و 32 و 64

احد يعرف معلومة بخصوص خدمة imessage

اللي بتجي بعد اسبوع مع التحديث الجديد ios 5

هل هالخدمة بتكون بين الاجهزة اللي فيها التحديث الجديد فقط ؟؟؟

وهل هي مجانية 100٪ ؟؟ يعني لو ارسلت وانا مب شابك مع ويرلس

بتكون مجانية او انها كذب وبتطلع نفس الواتس اب ؟؟؟

[chillis]

الـ 8 قيقا بيكون للقديم فقط آيفون 4
اما الجديد الـ s فبيكون فيه :
16 و 32 و 64

احد يعرف معلومة بخصوص خدمة imessage

اللي بتجي بعد اسبوع مع التحديث الجديد ios 5

هل هالخدمة بتكون بين الاجهزة اللي فيها التحديث الجديد فقط ؟؟؟

وهل هي مجانية 100٪ ؟؟ يعني لو ارسلت وانا مب شابك مع ويرلس

بتكون مجانية او انها كذب وبتطلع نفس الواتس اب ؟؟؟

الايفون 4 اس فيه 8 قيقا القديم مافيه :)

[الواعد]

الايفون 4 اس فيه 8 قيقا القديم مافيه :)

لا اختي انتي عكستي السالفة

القديم هو اللي صار فيه 8 قيقا

الجديد مافيه وهذا الدليل من موقع ابل

http://store.apple.com/us/browse/home/shop_iphone/family/iphone/iphone4?mco=MjU1NTYyNDI

[أنا]

وهذه مقارنة بين الايفون الجديد والجالكسي القادم هذا الشهر
http://www.gsmarena.com/compare.php3?idPhone1=4198&idPhone2=4212


:nice:

والله كنت حاط في بالي ايفون 4 جي بي قلت بجربه
بس هالمقارنه غيرت راي من الايفون

متى بينزل الجالكسي الجديد .؟

[chillis]

مهما يسون جالكسي مالهم امل يوصلون للايفون لانهم نسخه تقليد من الايفون والدليل ان شركة ابل كسبت القضيه الي قامت بها ضد جالكسي :) مع اني ودي اجرب الكمبيوتر اللوحي الي يشبهه الايباد لان خلاص ماراح يصدرون غيره بالوقت الحالي

[chillis]

بس فيني فضول اجربه واعرف الفرق شكثر

[Aston Martin]

سؤال عن الشكل والاوان مافيها اي تغير يعني نفس اللي قبل ؟

[online]

المفروض السنه يعلنون عن تلفونين 4S + 5

بس الـ5 فيه مشاكل بالشاشة وتاجل

هذي معلومة من ستيف جوبز

الايفون 4S كان مقرر ينزلونه لمحدودي الدخل والايفون فااايف بيختلف سعرة بس شاء الله وماقدر فعل

اما مواصفات 4s فاشله بمعنى الكلمة
الكاميرا 8 ماتنفع بشي مجرد كاميرة هاتف
السرعه بالنت ... الناس فرحانه ..... تعتمد السرعة على الموزع عندك ... عمرها ماوصلت 14
بصراحه كنت من محبين الايفون بس من بعد هلمهزله ننتقل لشي احلى لين ينزلون شي يستاهل .
الايباد 3 ماتكلمو عنه بس سمعت عن دمج في الماك بوك اير والايباد .... يعني جهاز خرافي والعلم عند الله

هذي المعلومه اللي بيدمجون فيها وبيطلع جهاز من تويتر جايبها من المدير التنفيذي

[eXpert*]

كلام أخوي أون لاين سليم ،، الـ 4 أس هذا أيفون إقتصادي والهدف منه جذب أكبر عدد من المستخدمين للأيفون ..

وتم الإقرار من قبل أبل مسبقاً بأن الـ 4 أس بيكون بسعر عادل بسبب المواد المستخدمة فيه ستكون أقل جودة نوعاً ما .

[airbus]

المفروض جهازين بينزل في السوق ولكن صارت مشكلة فقاقيع في شاشة الايفون 5 !

والمفروض جهاز الايفون 4 اس بيكون سعره اقل من الي نزلت امس



وهدا الفرق الطفيف بين الجهازين وبعد عشرة ايام بشوف الفرق كيف بيكون !

http://osxdaily.com/wp-content/uploads/2011/10/iphone-4s-vs-4.gif

[fhd4]

المفروض السنه يعلنون عن تلفونين 4S + 5

بس الـ5 فيه مشاكل بالشاشة وتاجل

هذي معلومة من ستيف جوبز

الايفون 4S كان مقرر ينزلونه لمحدودي الدخل والايفون فااايف بيختلف سعرة بس شاء الله وماقدر فعل

اما مواصفات 4s فاشله بمعنى الكلمة
الكاميرا 8 ماتنفع بشي مجرد كاميرة هاتف
السرعه بالنت ... الناس فرحانه ..... تعتمد السرعة على الموزع عندك ... عمرها ماوصلت 14
بصراحه كنت من محبين الايفون بس من بعد هلمهزله ننتقل لشي احلى لين ينزلون شي يستاهل .
الايباد 3 ماتكلمو عنه بس سمعت عن دمج في الماك بوك اير والايباد .... يعني جهاز خرافي والعلم عند الله

هذي المعلومه اللي بيدمجون فيها وبيطلع جهاز من تويتر جايبها من المدير التنفيذي

سبحان الله ... ستيف جوبز قام يطلع اشاعات من تحت لتحت بعد ما طلع من المنصب ...

الله يسلمك أخوي ... ترى حساب ستيف جوبز اللي في تويتر fake ...

[qatar.up]

بلعكس الايفون الجديد رهيب جداً جداً جداً ، تحية للمبدعين أبل

[بـن عدوان]

مثل ماتوقعت

[غلا الريان]

متى بينزل الدوحة ؟

[chillis]

كلام أخوي أون لاين سليم ،، الـ 4 أس هذا أيفون إقتصادي والهدف منه جذب أكبر عدد من المستخدمين للأيفون ..

وتم الإقرار من قبل أبل مسبقاً بأن الـ 4 أس بيكون بسعر عادل بسبب المواد المستخدمة فيه ستكون أقل جودة نوعاً ما .

الاسعار هي هي نفس كل الايفونات السابقه :) وقلت لك 64 3700 ويمكن شوي اكثر وال 23 على 3450 تقريبا :) وال 16 تقريبا 2800 وين اقتصادي وكل المواد الي فيها نفس الايفون فور ولا شي غير ولا اقل تكلفه الايفون 5 عمرهم ما علنوا عنه هذي كانت كلها تكهنات وطلعت على الفاضي وابل مهب نوكيا ينزلون تلفون الحين وبعد شهرين تلفون

[باتريوتP]

اهم شي ان البطاريه صارت اطول اكثر من اي فون 4 العادي
فرق 90 بالميه بالبطاريه
وبعد فيه مواصفات حلوة
بس انتمنى نغمة المسجات تشتغل اذا مركب السماعه
لان الاي فون 4 العادي اذا مركب سماعه صوت المسج ما يطلع يكون بالسماعه فقط

[غلا الريان]

متى بينزل الدوحة ؟

؟؟؟؟؟
:shy:

[الواعد]

متى بينزل الدوحة ؟

وين الأخ ( احب قطر ) من كيوتل يعطينا ولو احتمال متى بتنزله كيوتل ؟؟؟؟؟؟

[Bin hamad77]

بينزل عندنا في امريكا تاريخ 16 هالشهر ان شاءاللة