منح جنسية جزر القمر

[عيون الدوحة]

في زيارة قصير لي لدولة الامارات العربية الاسبوع السابق
لاحظت عدد لابأس من فئة البدون قد أخذو جنسة جزر القمر
وكل الدوائر الحكومة في دولة الامارات عند التقديم على الوظيفة توجد خانات

مواطن اماراتي - جنسية جزر القمر - اجنبي

واصحاب جنسية جزر القمر لهم كامل الحقوق مثل المواطن الاماراتي

وش رايكم في هذا الموضوع وهل تنفع للبدون في دولة قطر البدون ( بدون وثيقة )


بقلم أريبيان في يوم الأربعاء, 09 يوليو 2008


الفريق الشيخ سيف بن زايد آل نهيان وزير الداخلية الإمارتية.أثنى الفريق الشيخ سيف بن زايد آل نهيان وزير الداخلية الإمارتية على مبادرة "بدون" إمارتي لتسوية وضعه القانوني وذلك بالحصول على جنسية جزر القمر أولاً ليتمكن من استيفاء شروط الحصول على الجنسية الإماراتية، وأوصى بمنحه الجنسية.

وقالت صحيفة "الإمارات اليوم" التي نشرت أمس قصة "البدون" الإماراتي، أن وزير الداخلية الإماراتي طلب من اللجنة الاستشارية في الوزارة إعداد مذكرة توصي بـ"منح جنسية دولة الإمارات العربية المتحدة للموظف الحكومي حسن عبدالرحمن تمهيداً لرفعها إلى وزارة شؤون الرئاسة" بعد نشر قصته في "الإمارات اليوم".

وكان عبدالرحمن الذي لا يحمل أوراقاً ثبوتية ابتكر أسلوباً لتعديل وضعه القانوني في الدولة، بعد أن أخفقت مساعيه الحثيثة في الحصول على جنسية الإمارات، لعدم تمتعه بجنسية سابقة، وهو شرط رئيس لتجنيس "البدون" وإثبات الإقامة المتواصلة في الدولة، إذ لجأ للحصول على جنسية دولة جزر القمر تمهيداً لحصوله على إقامة مشروعة في الإمارات، تضمن له العيش والعمل على نحو قانوني.

[سلطان23]

لعبة مكشوفة ،،،،،،،

[Aston Martin]

لعبة مكشوفة ،،،،،،،

يا اخي شيل الصوره اللي في توقيعك تراها لوعت كبووووووووووووووووووووووودنا

[الكحيلة]

حبيبتي هذه اشكرره لعبه مبييين
سوو هالحركه عشان يتخلصون من البدون الي عندهم في دوله الاماارات و يقللون من العدد و من الي يطالبون بالجنسيه الاماراتيه
عشان بكره مايقولون انه الامارات فيها عدد كبير بدون او يطالبون بالجوازز

..

عااد ماحصلوو غيـر جزر القمـر =_= ,,

الله المستعان ..والله يعينهم و يعين الجميـع,,

[عيون الدوحة]

حبيبتي هذه اشكرره لعبه مبييين
سوو هالحركه عشان يتخلصون من البدون الي عندهم في دوله الاماارات و يقللون من العدد و من الي يطالبون بالجنسيه الاماراتيه
عشان بكره مايقولون انه الامارات فيها عدد كبير بدون او يطالبون بالجوازز

..

عااد ماحصلوو غيـر جزر القمـر =_= ,,

الله المستعان ..والله يعينهم و يعين الجميـع,,

بس على فكرة قبل البدووون ما كان يقدر يطلع من الامارات خير شر

الحين يقدر يسافر بجواز جزر القمر وين ما يبي:)

[بـنـت ڪرز]

يا اخي شيل الصوره اللي في توقيعك تراها لوعت كبووووووووووووووووووووووودنا

هههههههههههههههههههههههههههههههههههههههههههههههههه هههه
وقسم بالله هلكت و مت و توفيت من الضحك
هههههههههههههههههههههههههههههههههههههههههه
هههههههههههههههههههههه
آآآخ والله اني اختض كنّي عصّارة برتقال

[سلطان23]

بخلي الناس،،،، تفكر في الصورة كل مانوى الغيبة او العقار او اكل لحوم الناس

بخلي الصورة رمز لأهل الغيبة

[BoFahed]

اللي قريته من فتره بان الفكرة كويتية وعرضت حكومة الكويت الملاييين على حكومة جزر القمر لتجنيس الالاف البدون المتبقين اللي لم تنطبق عليهم شروط التجنيس(يقدر عددهم ب120 الف ) لتحويلهم الى مقيمين شرعيا خصوصا بعد شهرتها عالميا بسبب نشاط ابناء البدون في نشر قضيتهم عند جمعيات حقوق الانسان في الغرب بس رفض البرلمان في جزر القمر الموضوع لانه شعر بالاهانة

[اشكرك يارب]

الله يفرج همنا وهمهم

[QatariFallah]

جزر القمر دولة فقيره جدا وليس لديها مدخول ثابت ولا صناعات ولا غيره
مجرد ثروة سمكيه محدوده ايضا
وترى جزر القمر لها روابط مع الخليج حاليا
ولاتستبعدون اهتمام الخليج فيها او محاولة التقرب منها

وبنلاحظ دخول اطراف اخرى لتنعش جزر القمر قريبا، بسبب تقربهم من دول الخليج او رضاء دول الخليج عنهم

وان كان على سالفة الجنسيه..لاتحاتي..محد اذكى وادهى من دول الخليج بهالسوالف

[الحاقول]

لا للبدون

تجنيس البدون تخلق مشكله في التركيبه السكانيه للبلد

وهى مشكله تعاني منها البحرين والكويت مع الشيعه

البدون دخلوا البلاد بطريقه غير شرعيه

لذلك يجب عليهم الخروج منها الى بلدهم الاصلي

[عليه العوض]

لعبة مكشوفة ،،،،،،،

الله يخليك شيل الصورة الي بتوقيعك لوعت شبودنا طالبينك طلبه لا تردنا

[عليه العوض]

البدون هولاء من اين جأوء واين بلدانهم الاصليه واين جدودهم نزلو من السماء مالهم اوطان
كل واحد يعرف اصله وبلاده يسوي وضعه ما حد يقصر فيه سيضل في محل احترام وتقدير واقامه
وعمل مثله مثل اي وافد

[Emarati]

حبيبتي هذه اشكرره لعبه مبييين
سوو هالحركه عشان يتخلصون من البدون الي عندهم في دوله الاماارات و يقللون من العدد و من الي يطالبون بالجنسيه الاماراتيه
عشان بكره مايقولون انه الامارات فيها عدد كبير بدون او يطالبون بالجوازز

..

عااد ماحصلوو غيـر جزر القمـر =_= ,,

الله المستعان ..والله يعينهم و يعين الجميـع,,


ليش طويلة العمر تبغينا نجنس كل من هب ودب ؟ خصوصا البدون مع احترامي لهم
لكن الجنسية الإماراتية في السنوات الأخيرة صارت صعبة للغاية وهذا متطلب أمني

واللي يستاهلها بتجيه ان شاءالله

[لابس بشت]

كثير من البدون فالخليج او اصحاب الوثائق يفضلون انهم يكونون بدون ولا انهم ياخذون جنسيه ثانيه
الحين يرحون وياخذون جنسيه جزر القمر ويشتطون واخر شي يسفرونهم لجزر القمر وهم ماله فيه لا ناقه ولا جمل

يعيشون في ديرتهم بدون ولا يغتربون بجواز حتى لو كان دبلوماسي

[تحداني]

الجنسيه الاماراتيه في سنوات مضت كانت تشترى بالمال
وبمبالغ كبيره جدا .. لكن اليوم بالفعل صارت من المستحيلات

صادق يا اخوي .. البدون يفضل ان يعيش بدون طول عمره لو خيروه بأي جنسيه ثانيه
ويظل مصر على جنسيه البلد الي ربى فيها وكبر فيها وما شاف غيرها


الله اكبر .. رفع على مسامعنا اذان العشاء


جملكم الله برضاه

[jeep-srt8]

شنو هذول البدون ؟؟؟وش المشكلة يوم تجنسونهم يعني اذا هم متربين هني ومن زمان وهم هني ووو ؟؟؟؟ليش ينذلون لهالدرجة ؟؟

لو قعدو في امريكا الي هي امريكا 5 سنين وياخذ اقوى جواز ...ليش ممنوعين وشسالفتهم ؟؟؟صج كثير اسمع عنهم ومادري شنو هم مسيح ؟؟؟شيعة ؟؟؟

[Emarati]

شنو هذول البدون ؟؟؟وش المشكلة يوم تجنسونهم يعني اذا هم متربين هني ومن زمان وهم هني ووو ؟؟؟؟ليش ينذلون لهالدرجة ؟؟

لو قعدو في امريكا الي هي امريكا 5 سنين وياخذ اقوى جواز ...ليش ممنوعين وشسالفتهم ؟؟؟صج كثير اسمع عنهم ومادري شنو هم مسيح ؟؟؟شيعة ؟؟؟


شوف اللي صار في البحرين هالسنة وتعرف ليش ما يتجنسون

[امـ حمد]

الله يفرج هم المهمومين

[OREO]

خطوة ممتازه و عقبال بقية دول الخليج تتبع الاسلوب هذا ،،،

[بايع بايع]

يا اخي شيل الصوره اللي في توقيعك تراها لوعت كبووووووووووووووووووووووودنا

هههههههه والحمد لله شال الصورة


بالنسبة للبدون والله حالهم يكسر الخاطر

اعرف وايد شباب كل تعاملاتهم باسماء ربعهم لان ماله حق باي شي

واخبر واحد يقولي ابي اتزوج لكن مااقدر عشان ما اجيب عيال بدون والتهم مثل ماانا متلته

ويجي يوم يسبوني فيه ويقولون ابونا ماعرف يسويلنا شي

[بوعلي 8]

الجنسيه ليست سند ملكيه كل من جا وعطوه (( أتمنى أن نقتدي بالكويت بالتجنيس )) وننظر للبدون الذين طافو 80 و 60 سنه بالكويت (( والى اليوم لم يلتفت لهم )) ...

[قلبي الطيب]

أصحاب الوثيقة أغلبهم ليسوا شيعة لا تألفون
كل القصة انهم ماكان عندهم واسطة تعطيهم جواز مثل غيرهم أو ماكانوا مهتمين

[بـنـت ڪرز]

ههه الحين مالهم حس بس أول مايعطونهم الجواز بيدوسون فوق روسنا

// طبعا بيجون وراي ناس لابسين تاج الحكمه وبيهاوشوني

[بايع بايع]

ههه الحين مالهم حس بس أول مايعطونهم الجواز بيدوسون فوق روسنا

// طبعا بيجون وراي ناس لابسين تاج الحكمه وبيهاوشوني

اصابع يدج مب سوا

ياما ناس عندها جوازات وموجوده في السجون

فاعطاء الجنسية من عدمه مب مقياس لصلاح الفرد او طلاحه

[romepalaces]

شوف اللي صار في البحرين هالسنة وتعرف ليش ما يتجنسون


اللي ايده في الماي مو مثل اللي ايده في النار

[بوالبيض]

اذ فيها مصلحه للبدون ليش لا ياخذ الجنسيه جزر القمر

[bu 3li]

اهل الوثايق مانعطوا الوثايق ذي الا لانهم مستوفين شروط معينه ,,
واذا الدوله بحثت في حالهم وشافت انه ممكن يشكلون خطر على الدوله مستقبلاً
جان ماشموا ريحة شهادة الميلاد حتى ,, لكن مثل ماذكر احد الاخوان ( ماعندهم واسطه )
ومازالو معلقين لا سما ولا ارض بهالوثيقه اللي ماتضمن لهم حقوق ولا يقدرون يتحركون فيها

[بـنـت ڪرز]

اصابع يدج مب سوا

ياما ناس عندها جوازات وموجوده في السجون

فاعطاء الجنسية من عدمه مب مقياس لصلاح الفرد او طلاحه

لاحول الله

ترى تمللت وانا اكتب "بعض" او "اغلب" او "مب كلهم" في ردودي

خلاص انتوا لازم اوتوماتيكلي تفهمون ان الناس يعرفون ان الكلام في كل شي نقوله مايتعمم عالجميع

شكلي لو بكتب "التفّاح حلو" .. بيجيني واحد يقول ترى مب كل التفاح حلو! في تفاح داخله دود .. وفي تفاح ماله طعم .. وفي تفاح متعفن لكنه محطوط في السحّاره ويبيعونه على انه جديد .. يعني يا بنت كرز مب كل التفاح حلو.. اصابع خشمج مب سوى

افففف :rolleyes2:

[شميرام]

والله محد بيربح الا جزر القمر اذا فرضه ضريبه دخل محترومه عليهم

[منهم وفيهم]

متابعه

[حسن الاحمد]

وانا متابع

[nyzk]

هاذي جنسية اللي يسمونهم البدون وخاشينها

[بوسلمان 2010]

انا اعرف واحد من هني راح قدم على هذي الجنسية وماادري وش سو معاه مسألته

[القائــد]

لعبة مكشوفة ،،،،،،،

:):):)

[Emarati]

اللي ايده في الماي مو مثل اللي ايده في النار

والحرص واجب

[لابس بشت]

والله الكثير من اصحاب الوثايق صار لهم سنين في قطر والكثير منهم من مواليد قطر ومسلمين سنه وعندك فالكويت قبايل عريقه ومعروفه ولكنهم بدون ليش مايروحون البحرين وياخذون الجنسيه السعوديه منها خليجيين والعيشه هي هي والجو العام تقريبا نفس الشي ماراح يحسون بالغربه نفس جزر القمر ومنها يزيدون عدد السنه على الشيعه فالبحرين ابرك من الفلبيني اللي يجنسونه ولا الباكستاني اللي حتى للحين مايعرف يتكلم عربي

وفي الحالتين الدوله والاشخاص مستفيدين*

[vtc_4.8]

شي حلو عالاقل دوله مسالمه وما متعبه مواطنيها بالخارج بسبب الاعيبها

الله المستعاان