(((((( خفوا الريس يالربع ,,, شسالفة !!؟؟ ))))))

[مشاكل]

في كل شهر تعودت اتغرض حق البيت بعد مرور اسبوع من نزول الراتب
والاسباب ان الزحمة تخف كثير عن اول الشهر والاغراض تتوفر بشكل اكبر
لكن هالشهر كانت الصدمة
البارحة وبعد مرور اسبوع من نزول الراتب وكالعادة توجهت للجمعية وفي وقت متأخر ( الساعه 10 مساء ) عشان اضمن ان الجمعية فاضية واتغرض وانا معشق القير خامس
لكن كانت الصدمة
اول ماوصلت شفت زحمه رهيبه فالمواقف
وتبهدلت لين ماحصلت موقف
دخلت الجمعية
والله يالربع اني ماحصلت حتى جاري واحد
والطوابير على الكاشير شطووول
وكل جاري محمل حددددده فلل
بعض الارفف فالجمعية والفريزرات فاضية
وكثير من الاصناف تم نفاذها
واللي صدمني اكثر واكثر ان الاسعار مرتفعه
حليب النيدو توه قريب كان 68 ريال
وامس صار ب71.5 ريال
والناس تشتري مافي مشاكل
يعني شالفرق بين هالشهر والشهر اللي طاف
زاد الراتب لازم تزيد الصرفيه
بالامس تاخذلك قلاص جبن
اليوم ليش تاخذ قلاصين جبن ؟؟؟؟
بالامس مسافر درجه سياحيه
اليوم ليش لازم تسافر درجة بزنس ؟؟؟؟
بالامس راكب كلوزر 2007
اليوم ليش لازم تركب لكزس 2012
يعني حرام توفر لك ولعيالك
حرام مايكون عليك ديون
حرام تعيش عيشه وسط وتعود نفسك وعيالك على القسوة والجلد
خفوا الريس يالربع
وتذكروا قول عمر بن الخطاب رضي الله عنه
ّ اخشوشنوا فأن النعمة لاتدوم ّّ
اسأل الله العلي القدير ان يديم علينا نعمة ويحفظها من الزوال

[رجل مثالي]

موضوع جميل وفيه عدة مداخلات طيبة والى الامام اخوي

[المسك1969]

اللهم آمين ...أدم علينا النعم يا الله


جزاك الله خيرا:nice:

[الأصيلة]

ما ادري ليش بعض الناس تتعامل مع الفلوس بهذه الطريقة
ماترتاح لين تخلصها ...
أنا كل مرة أروح اللولو صباح الجمعة وعادي الأمور عادية وطيبة..
أما هذه الجمعة فالوضع مختلف تماما ...زحمة غير عادية ومشتريات أيضا غير عادية
حتى الهنود بيطمعون فينا لما يشوفون مشترياتنا بهذه الطريقة...

الله يستر...

[حمد بن سعد]

هذي المصيبه ايش الي مخلي التجار يرفعون الاسعار ولايهتمون
يدرون انه في ناس عقولها

قـــــــــــــــــــــــــــــــــــــــــــــــــ ــــــــــــــــــــفـــــــــــــــــــــــــــــ ـــــــــــــــــــــــــــــــــــــل

[تحداني]

يا اخوي ليش فسرتها تبذير واسراف
ليش ما فسرتها على ان اليوم الواحد منهم قادر يتغرض ابراحته اكثر
وقادر ينوع اكثر .. وقادر يجيب اكثر



تدري ليش قلت هالكلام .. لان عندي قناعه المبذر مبذر لو عنده اكنوز العالم او امفلس
هو طبعه مبذر .. والحذر والحريص تلقاه حريص من زمان



في ناس ابــ 10 الاف شرت ابيوت واسكنت فيها
وفي ناس ابــ30 الف مو قادره تبني ملحق


جملك الله برضاه

[موضي قطر]

انا والله استغرب من اللي يصرفون بدون عقل


ومب لازم صار عندنا زياده نطيرها ..


ترى التفكير بإعادة اسلوبنا في ترتيب مصاريفنا


من صالحنا

[الجوكر90]

الشيخ لانك معشق القير فخامس
لو كنت حاطه خالي وناطر يومين بتحصل الجمعيه فاضيه
وبالتوفيق

[همر]

وتذكروا قول عمر بن الخطاب رضي الله عنه
ّ اخشوشنوا فأن النعمة لاتدوم ّّ



وتذكر قول الله تعالى

وَأَمَّا بِنِعْمَةِ رَبِّكَ فَحَدِّثْ

صدق الله العظيم..


خلوا الناس تعيش وتفك عن نفسها شوي..

[بايع بايع]

عالم مفجوعه

[صدى الحق]

جزاك الله خير على التنبيه واللي المفروض الناس تنتبه له ولاتعين التجار على تحقيق ارباح من رزق ساقه الله لنا .

ولي مشاركة واتمنى الناس تركز على ان الحياة ليست مادة ، فعن الحبيب صلى الله عليه وسلم نقلت لكم هذا الحديث وهو من احاديث الفتن :-



حديث ما الفقر أخشى عليكم

عن عمرو بن عوف « أن النبي -صلى الله عليه وسلم- بعث أبا عبيدة إلى البحرين فأتى بجزيتها، وكان رسول الله -صلى الله عليه وسلم- صالح أهل البحرين وأمَّر عليهم العلاء بن الحضرمي، فقدم أبو عبيدة بمال من البحرين، فسمعت الأنصار بقدوم أبي عبيدة، فوافوا صلاة الفجر مع رسول الله -صلى الله عليه وسلم-، فلما صلى رسول الله -صلى الله عليه وسلم- انصرف، فتعرضوا له، فتبسم رسول الله -صلى الله عليه وسلم- حين رآهم ثم قال: أظنكم سمعتم أبا عبيدة قدم بشيء من البحرين؟ قالوا: أجل يا رسول الله، قال: فأبشروا وأمّلوا ما يسركم، فوالله ما الفقر أخشى عليكم، ولكن أخشى عليكم أن تُبْسَط عليكم الدنيا كما بسطت على من كان قبلكم، فتنافسوا فيها كما تنافسوها، فتهلككم كما أهلكتهم »1 وفي رواية: فتلهيكم كما ألهتهم.

[النائب]

شنو تتوقع من شعب 75% منهم كانوا عايشين على الكفاف ويشوفون الأجانب يملئون العربات وهم مايشترون إلا بالكيلو ... خلهم ينبسطون بعد هالزياده الله يبارك لهم فيها

[*¤ بن قطر¤*]

السلام عليكم ...

اخوي الفاضل ... انت تدري عن هالمواطن اللي تارس العربة أغراض قاعد يصرف على كم فرد أو كم بيت أو كم عيله ...؟؟

عالاقل جالس يصرف فلوسه في بلاده ... مو مثل الوافدين فلوسهم كلها خارج البلد ...

و احنا معروفين يا أهل قطر بالكرم و الجود ,,, قبل و بعد الزيادة ...

و انا اتفق معاك انا ما نكون مبذرين أو مسرفين حتى تحل بركة الزيادة ...

و بالنسبة للاسعار ... لازم حماية المستهلك يكون لها دور أكثر فعالية لضبط الاسعار ...

تقبل مداخلتي بصدر رحب :)

[بـنـت ڪرز]

بالامس راكب كلوزر 2007
اليوم ليش لازم تركب لكزس 2012


جنّك امي هي بعد تقول كلوزر :rolleyes2:

[ثابت]

هذي المشكلة لما ما يكون هناك وعي وثقافة في الصرف

انا اتمنى يفتحون جمعيات توعي الشعب بطريقة الصرف

[*بوحمد]

اقول الزياده ما جات الا للقطري بس
اما الاجانب ماجاهم شي
واكيد الي حصلتهم فالجمعيه كلهم اجانب

انت اتعرف كم عدد القطرين فالابلاد غير الاجانب
ياخوي ترى الجمعيه يناطحونك فيها الاجانب لانها ارخص من اي مكان
لان بعض الجمعيات التجاريه ترفع سعر انت ماتتوقعه وتنزل في سعر اتقول اووووووووووووا
هذا ارخص من الجمعيه
ومسكين المواطن وين يحط راسه مقطوع محد يرحمه
هذي افلوس وانت اتعرف شنو يعني افلوس

[بوخالد911]

القناعة كنزٌ لا يفنى


تحياتي قبل كتابة قناعاتي

[Aaziz]

والله انه ثقافه و فن ان الشخص يعرف بالضبط ماذا يحتاج و كم يحتاج

بعيد عن الزيادات و المقاطعات .. وضعت في ضرف ما الله المستعان اصبحت ادقق جدا على كل ريال اصرفه و في ماذا اصرفه .
الخضروات و الفواكه اخذها بالحبه و اتفحص الطماط مثلا حبه حبه عشان مايكون فيه شي خربان .

ما اخذ شي من الجمعيه الا اذا قالولي خلص .

اول ثلاجتين في البيت كلهم مليانين من خيرات الله و حاليا ثلاجه وحده و فيها فراغ بعد .. والله انه اكلي هو اكلي لله الحمد ماحسيت فيه تغيير بل بالعكس بركه و لذه

بدون مبالغه كبرت في عين نفسي يوم عرفت ايش الي اشتريه و ايش الي اخليه .. الله لا ياثمنا سابقا كنت اشتري كرتون الطماط من افضل محلات الدوحه المعروفه و اذا رديت البيت تخبرني زوجتي انه ربع الكرتون خربان و العجيب اني ما اهتم

حاليا اهتم بنوع و بلد انتاج الطماط

من الاخر اضفت لنفسي موهبه و قدره لم اكن امتلكها سابقا .. واعتبرها شطاره بمعنى الكلمه

لا اعلم هل لوجود الخادمه علاقه ؟ لانه سابقا كانت عندي خادمه و حاليا لله الحمد مافيه

[Miss]

يعني قبل الزياده كانوا ميتين يوع !!
وعقب الزياده اشبعوا اكل!!
الله يصلح الحال بس

[moonبنتnight]

عادي هل ظاهرة كانت موجودة من قبل زيادة 00
انت رحت اول شهر وناس تقضى تموين بيت كله فاول شهر 00

[ام السعف]

يمكن الناس صاروا يفكرون مثلك وغيروا رايهم ما يروحون اول الشهر :(

[Rider]

دائما قبل الزيادة وبعدها الزحمة في كل مكان انطر تاريخ 10 من كل شهر مب محصل ولا طير

[بايع بايع]

يمكن الناس صاروا يفكرون مثلك وغيروا رايهم ما يروحون اول الشهر :(

:nice:

[VIP2011]

أنا من ناحيتي أقوال أن بعضهم ما يشتري لا في 5 أو 6 الشهر على حسب حاجيتهم

وهي أحسن

[كبير المتداولين]

الناس تكد عشان هالكريشه ترضيها

[*بوحمد]

الناس تكد عشان هالكريشه ترضيها

ابدعت:nice::nice::nice::nice::nice::nice: