المساعد الشخصي الرقمي

مشاهدة النسخة كاملة : مقابله في شركة مشيرب العقاريه , تفضلوووو شووفو


fashon.freak
05-10-2011, 09:49 PM
السلام عليكم ورحمة الله وبركاته
اخواني وخواتي
انا جاني اتصال اليوم من شركة مشييرب العقاريه وعندي مقابله عندهم باجر
وقريت موضوع فلقسم مايبشر بلخير انه الي يقابلونك اجانب وماياخذون حد والمقابله بس شكليات , وانا عموما ما احب اتحمس بزياده للوظايف ومتأكده انها ارزاق مقسمه
بس ابي حد يقوول لي عن تجرربته ويسألونك عن وشو بلظبط لانها اول مقابله لي فحياتي
وانا رايحه المقابله عشان اشوف شسالفة المقابلات , فأتمننننننى من حد يفيييييدني
والي عنده فكره عن نظام دوامهم ومن متى لين متى ومعاشاتهم
وارجوووووووكم ابي فكره عن الأسأله الي ممكن تنطرح
وفلأبلكيشن الي مطرشينه لي انه حاطين لي شنو الوظيفه الي ابيها
وانا خريجة ثانويه وماعندي اهتمام معين ؟ شكتببببب ؟
اتمنى الي عنده فكره مايخبل
جزاكم الله الف الف الف الف خير :victory:
سلطان23
05-10-2011, 10:06 PM
أنا اعرف واحد راح يقابلهم

قال لي ان قطري الي قابله
fashon.freak
05-10-2011, 10:08 PM
تقدر يا اخوي تاخذ فكره عن الأسأله الي جاته جزاك الله خير
fashon.freak
05-10-2011, 10:18 PM
المقابله باجر الصببببح واتمنى الررررررررررد العاجل
alrheeb2020
05-10-2011, 10:19 PM
الله يوفقج اختي
المحقق كونان
05-10-2011, 10:20 PM
الاسئلة

*تكلم عن نفسك
*شنو درست في الجامعة ؟
*شنو تعرف عن الشركة؟
*شنو خططك المستقبلية؟
*وين قدمت ؟ و هل سويت مقابلة ؟
*متى تقدر تداوم؟

و فيه اكثر بس ماتذكرهم

الله يوفقك
الرايــق
05-10-2011, 10:22 PM
" ما شاء الله "

تفاءل خير ولا تسمع كلام حد ..

انا قدمت عليهم مخلص بكالوريوس هندسة ومحد عطاني ويه .. :d

الله يوفقك
fashon.freak
05-10-2011, 10:23 PM
اخوي الف شكككر لك , بما اني طالبه ثانويه فلأبلكيشن مكتوب وين حابه اتوظف
شحط ؟
الله يوفقك ويكتب لك في كل خطوه توفيق
fashon.freak
05-10-2011, 10:58 PM
upppp
khaldoon
06-10-2011, 12:09 AM
طالما انها شركة عقارية فأكيد راح يكون الكلام عن العقار

اول شي اعملي حسابج انه المقابلة بتكون باللغة الانجليزية

راح يسألونج عن الراتب المتوقع

هل اشتغلتي من قبل و الا لا و طبعا لانج ما اشتغلتي قبل فراح تختصري اسئلة وايد وهي ايش اشتغلتي و طبيعة عملج السابق و راتبج و مين ممكن نسأل عنج و اسئلة كثيرة تختص بعملج السابق و هل انت تعملين الان و الا بدون عمل

ممكن يسألونج ليش قدمتي عندنا

ايش تتوقعي تشتغلي و تقدمي للشغل

حالتج الاجتماعية و اذا راح تصرفين على احد و ايش ظروفج و معاج سيارة و الا لا

قوليلهم انج مستعدة تشتغلي في العلاقات العامة و الاعمال الادارية او التسويق

ممكن يسألونج عن خبرتج في العقار مع اني استبعد هالشي

ممكن يبونج علشان تصيري تسوقين فلازم تكونين متحدثه جيده و قادره على اقناع الزباين بالشراء او الايجار (ما عندي فكره عن الشركه بس تخيل من باب انها عقاريه)

ما اعتقد انهم يبونج للصيانة لانج بنت

هذا اللي يحضرني على عجالة
حقل الشمال
06-10-2011, 12:16 AM
أستخيري
fashon.freak
06-10-2011, 12:23 AM
يعطيييييكم الف الف الف عافيه
وياليت الي عنده اظافه يظيفها بكوون شاكره له
khaldoon
06-10-2011, 12:26 AM
يعطيييييكم الف الف الف عافيه
وياليت الي عنده اظافه يظيفها بكوون شاكره له

قولي ايش نشاط الشركه بالضبط وانا ان شاء الله بقولج بس ارجو سرعة الرد

وهل عملتي من قبل و الا لا

يهمهم يشوفون لغتج الانجليزية
fashon.freak
06-10-2011, 12:37 AM
اخوي الشرررركه عقاريه وتسوي مشاااريع اتووقع
وهي كان اسمها قبل دوووحه لاند
وانا ما شتغلت بس كنت اتطووع في اماكن
ولغتي الانجليزيه جيده الحمدلله بس مب ممتازه وانا ادرس في جامعة قطر تأسيسي
هل تعتقد نقطه في صالحي او ظدي اذا قلت لهم اني ادرس؟
fashon.freak
06-10-2011, 12:42 AM
اب اب اب
khaldoon
06-10-2011, 12:46 AM
اخوي الشرررركه عقاريه وتسوي مشاااريع اتووقع
وهي كان اسمها قبل دوووحه لاند
وانا ما شتغلت بس كنت اتطووع في اماكن
ولغتي الانجليزيه جيده الحمدلله بس مب ممتازه وانا ادرس في جامعة قطر تأسيسي
هل تعتقد نقطه في صالحي او ظدي اذا قلت لهم اني ادرس؟

هذه شركة عقاريه نشاطها على ما اعتقد انها بتبني مجمعات ضخمة و تسوق لبيعها فتحتاج ناس للتسويق و لامور ادارية ومحاسبة و مهندسين و صيانة و ..طاقم هندسي لمتابعة اعمال المشاريع يقوم المهندسين بالاشراف على الاستشاري المعين من قبل الشركه و سير العمل و البرنامج الزمني و التخطيط و تحتاج ناس للمبيعات و العلاقات العامة فشوفي انت وين ممكن تخدمين في كل هذه الاقسام و بتظهر عندج نوع الاسئلة ان شاء الله

ما اعرف انت ايش تدرسين في جامعة قطر علشان نحدد ايش بتشتغلين بس ما اعتقد انها ضدج طالما انها ما راح تأثر بالنسبه لهم على ساعات العمل ...يعني ما تحطي لهم عقبات بالنسبة لهالشي
khaldoon
06-10-2011, 12:48 AM
غالبا راح تشتغلين بأمور ادارية او تسويق او مبيعات او علاقات عامة و الريسبشن

يهمهم جدا بالتسويق و المبيعات الاكسنت بالانجليزي (اللهجة)

لو سألوج شي و ما تعرفينه قولي ما اعرف بس عندي استعداد اتعلم بسرعه

اكيد بسألونج عن الطباعة و الكمبيوتر
khaldoon
06-10-2011, 01:00 AM
خلاص ما في رد؟....مضطر اروح ... بالتوفيق ان شاء الله و بشرينا بكره ايش سويتي بالمقابلة ان شاء الله

سلاموووووووووو عليكووووو
khaldoon
06-10-2011, 03:01 PM
بشري...ايش صار معاج و ايش الوظيفه و كيف كانت المقابلة ؟؟؟