صديقتي: تخاف من كابوس العنوسه .. وامها السبب؟؟؟ [الأرشيف]

صوت الضمير

05-10-2011, 11:37 PM

السلام عليكم..

....

لي صديقه تشكو لي من موضوع تأخر الزواج .. وتقول: انا أخاف من كابوس العنوسه

تقول: بلغت من العمر 25 عاما .. وسبب تأخر الزواج الرئيسي هو رفض امي للخطاب

بدون مبرر ولا أسباب .. تقول امها : (وع - احنا نناسب هالاشكال- فقران ماعنده شي - ماعنده شهاده- امه موب قطريه -احنا مانزوج هالقبيلة)

تقول صديقتي : امي لاتبلغني بانه قد خطبني حد بل ترفض بدون مناقشتي وتبليغي .. بقولها لام الخاطب (الأب لايرضى)..

صديقتي ماعليها قصور جميلة وراعية بيت .. وجامعية .. لكنها تشكي لي بقولها انه تقريبا عشرين خاطب واكثر .. الام ترفضهم بلا اسباب مقنعه ..

تقول لي: انا ابكي بحرقه .. ولااقدر ان اعبر بهمي لاحد ولكن بحت لك لعلي ارتاح ..
جميع صديقاتي تزوجوا .. ورزقوا بالاولاد .. وانا احلم بكابوس العنوسه ..

تقول: حاولت ان اتناقش مع امي لكن بلا جدوى وبلا فائده .. ودائما تقول ابي يتقدم لك شيخ .. وصديقتي تحدد لنفسها قائله: لو ماتقدم لي شيخ اجلس بلازواج زز ربما نصيبي يكون عند شاب في بداية حياته ..
وامي تحاول دائما تدعي لاختي الاصغر سناً مني بالزواج .. وبعض الخطاب الذين تقدموا لي ترشح اختي الصغرى لهم .. وتقول لي: اتركي اختك تتزوج (علشان تفكنا من مشاكلها)

انا قلت لصديقتي اصبري فالصبر مفتاح الفرج .. والله يهدي امك .. وتحس بأحساسك
هذه المشكله ليست مشكله صديقتي فقط .. بل انا اعرف الكثير من البنات امهاتهم يرفضون

لاسباب غير مقنعه ..

دعونا نناقش الموضوع بكل احترام وبدون تجريح لاحد الاطراف..

دعونا نناقش المشكله .. ونسعى لايجاد الحلول لها
ابداع

قناص 787

05-10-2011, 11:39 PM

الله يعين

والله يستر على جميع بنات المسلمين

مرتبش

05-10-2011, 11:48 PM

الله كريم
اشوف لها حق تخاف من شبح العنوسة..20 او اكثر متقدمين لها وامها ترفضهم.. لو تكلم وحدة من خالاتها او عماتها اذا في عمر قريب منها عشان يقنعون الام بتخفيف شروطها ..يمكن تنفع الحركة

Hamada-Sama

06-10-2011, 12:24 AM

أوكي السؤال اهني ... الأبو وينه من الموضوع ؟؟؟ ... بخصوص انه بنته هي اللي جايين لها خطاب ... هو ماله كلمه في البيت ...

ما قول إلا الله يسر لها ويرزقها ولد الحلال اللي يصونها ... ويهدي أمها إن شاءالله ...

الأصيلة

06-10-2011, 12:36 AM

فيه وحده كانت مغترة بجمال بنتها وترفض كل اللي يتقدمون لها
بحجة إنها تبغي تزوجها شيخ يستاهلها...
وانتظرت لين البنت كبرت وزوجتها ولد جيرانها...
مستواه أقل من العادي حتى بيت ماعنده...
معروفه نتيجة مثل هذا الغرور والتكبر على الناس...
صحيح الأهل مسؤولين بأن يزوجون بناتهم ممن يناسبهم في أمور كثيرة
بس مب لـ هذي الدرجة...

ام راشد 1

06-10-2011, 01:17 AM

قال تعالى: -وَأَنكِحُوا الْأَيَامَى مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ إِن يَكُونُوا فُقَرَاء يُغْنِهِمُ اللَّهُ مِن فَضْلِهِ وَاللَّهُ وَاسِعٌ عَلِيمٌ [النور 32]

ذياب

06-10-2011, 01:27 AM

الله يعينه امها مشوههه

ارين

06-10-2011, 02:19 AM

أختي .. ترى الزواج رزق من عند الله .. ومتى ما رزقها الله بالزوج المناسب لها ستتزوج بإذن الله ..

فالله جعل لكل شيء سببا .. والله مسبب الأسباب جعل الأم هي السبب في عدم زواجها

ولو لم تكن الأم السبب ستكون هناك أسباب أخرى .. ولا تتضايق ولا تحزن من تصرف أمها

فالله لو أراد أن يتم زواجها فلا يمكن لأمها أو أي شخص كان أن يمنع ذلك ..

وما تدري يمكن الخيرة في تأخير زواجها .. فالله لا يقدر ولا يكتب إلا الخير لنا

" وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لا تعلمون "

ويمكن يكون اختبار من الله لصبرها أو لكي تتقرب منه أكثر وأكثر وتدعوه وتستعين به

فالإنسان يعيش في هذه الدنيا في كبد ولا يمكن أن يرتاح إلا في الجنة إن شاء الله .. ففي كل لحظة نُختبر فيها من الله وبعدد الأنفاس .. ليرفعنا بها الدرجات أو يكفر عن السيئات ..

فلتطمئن ولا تقلق وترضى بقدرها وتصبر وتلزم الاستغفار وتدعو الله وتتوكل عليه والله يرزقها وجميع البنات بالزوج الصالح ... :)

المليونير الفقير

06-10-2011, 02:26 AM

هذي مشكله حقيقيه وامها ستسال عن ماتفعله في بنتها فانصحها بقيام الليل هذا واسال الله العظيم ان يرزقها بزوج صالح وان يوفقها فالدنيا والاخره

الجوكر90

06-10-2011, 03:06 AM

أوكي السؤال اهني ... الأبو وينه من الموضوع ؟؟؟ ... بخصوص انه بنته هي اللي جايين لها خطاب ... هو ماله كلمه في البيت ...

ما قول إلا الله يسر لها ويرزقها ولد الحلال اللي يصونها ... ويهدي أمها إن شاءالله ...

هالسوال الي طرى ع بالي ع طول
الابو زينه فالبيت

الصاعقة

06-10-2011, 06:44 AM

ليس للأم ولاية في تزويج ابنتها، فالولاية في الزواج تختص العصبات، ولا مدخل فيها للنساء، وأحق الناس بتزويج المرأة أبوها ثم جدها، ثم ابنها، ثم أخوها الشقيق، ثم الأخ لأب، ثم أولادهم وإن سفلوا، ثم العمومة.

نوافـ

06-10-2011, 06:50 AM

لاحول ولاقوة الا بالله

الله يعينها على امها ويرزقها بزوج المناسب

شي يعور القلب البنت تبي تتزوج ولام ترفض والله معناه

غرِيبهـ

06-10-2011, 06:52 AM

سؤال : هل من حق ولي امر البنت انه يرفض اي خاطب بدون مايشاور البنت او يكون لها علم بالموضوع ؟

بدوي

06-10-2011, 06:58 AM

والله اذا الأب

لاهي ومخلي القرعى ترعى

اللوم يلحقه .. مايلحق الأم

..................

بعدين وين دورها هي ؟ ليه ماتكلم أبوها ؟ :telephone:

معقووووله فيه أبو مايهمه مصلحة بنته ؟ :eek5:

رآعي موآجيب

06-10-2011, 07:18 AM

آبيها وينه من ذا كله !!

و وش السبب اللي يخلي الأم تبغي تزوج الصغيره وترشحها للي يخطبون الكبيره !!؟

إذا ( سي السيد ) ماله دور وزمام الأمور عند ( المعلمه ) فالله يكون في عونها

والله يقطع أشباه الرجال الخرفان اللي لا يهشون ولا ينشون حتى في الأمور المصيريه اللي تتعلق ببناتهم وعيالهم وكل شي يأخذه بالأمر من مرته

تحاول مع امها ما تحط عقبات لزواجها ، وإذا شافت إن امها مصممه على رأيها ، تشوف أكثر واحد قوي شخصيه من خوالها ، وإذا مافاد ، تشتكي على الخروف والنعجه وتزوج نفسها غصباً عنهم من خلال وصاية المحكمه الشرعيه

والله إن الحل الآخير كتبته وانا مش مقتنع به ، لكن بعض الآباء السلبيين واللي ماعندهم من الأشوار والآراء إلا ما تمليه عليه زوجته ، وبعض الأمهات اللي فيهم شماخ وشواهه ولعانة وكيد يكون هذا الحل الأمثل لأشكالهم

20 معرس مافيهم واحد رجال فيه خير !!؟
حسبنا الله ونعم الوكيل ، وعساها تزور ثلاجات المشرحة في آقرب وقت هي وخروفها أبو جرس في رقبته .

بايع بايع

06-10-2011, 07:24 AM

(علشان تفكنا من مشاكلها)

بل انا اعرف الكثير من البنات امهاتهم يرفضون لاسباب غير مقنعه ..

ابداع

يعني لازم البنت تسوي لامها مشاكل عشان تزوجها بمنطق زوجه وارتاح منه

وبالنسبة للاسباب المقنعه

جميعها تتركز على امر واحد وهو الانانية

يعني يمكن هذي البنت تصرف على امها او انها تقوم على حوائجها او او او

ونصيحتي لها تحاول تدخل احد افراد العائلة من الاخوان او الوالد ولو كانت تستحي تكلمه تكتبله رساله وتغلقها وتعطيه اياها عشان يقراها ويعرف اللي في نفسها وخاطرها ويوقف معاها

لان الاهل مهما جاروا لازم يكون احد منهم يخاف على اخته او بنته ويبي يطمن علينها وتكون مسونه عند زوجها بين عيالها

ويالتوفيق

منيرة الطواش

06-10-2011, 07:52 AM

آبيها وينه من ذا كله !!

و وش السبب اللي يخلي الأم تبغي تزوج الصغيره وترشحها للي يخطبون الكبيره !!؟

إذا ( سي السيد ) ماله دور وزمام الأمور عند ( المعلمه ) فالله يكون في عونها

والله يقطع أشباه الرجال الخرفان اللي لا يهشون ولا ينشون حتى في الأمور المصيريه اللي تتعلق ببناتهم وعيالهم وكل شي يأخذه بالأمر من مرته

تحاول مع امها ما تحط عقبات لزواجها ، وإذا شافت إن امها مصممه على رأيها ، تشوف أكثر واحد قوي شخصيه من خوالها ، وإذا مافاد ، تشتكي على الخروف والنعجه وتزوج نفسها غصباً عنهم من خلال وصاية المحكمه الشرعيه

والله إن الحل الآخير كتبته وانا مش مقتنع به ، لكن بعض الآباء السلبيين واللي ماعندهم من الأشوار والآراء إلا ما تمليه عليه زوجته ، وبعض الأمهات اللي فيهم شماخ وشواهه ولعانة وكيد يكون هذا الحل الأمثل لأشكالهم

20 معرس مافيهم واحد رجال فيه خير !!؟
حسبنا الله ونعم الوكيل ، وعساها تزور ثلاجات المشرحة في آقرب وقت هي وخروفها أبو جرس في رقبته .

اقوى رد

alnoida

06-10-2011, 07:52 AM

لا حول ولا قوة الا بالله
الله يستر عليها ويسهل لها امرها

بالنسبة للسن فهو عز البنت للزواج، مع انها صغيره نسبياً
ومطلبها شرعي ومن حقها تستمتع بحياتها وتفرح بزوجها و أولادها.

نحن لانعلم عن ظروف البيت الله يستر عليهم دينا و أخرة

لكن هناك نقطه بخصوص الأم ويجب الكل ينتبه لها
هذه الأم (خرقاء) ولا تحسب حساب للناس وكلامهم
أعوذ بالله من ألسنتهم وعيونهم وأذانيهم

فبعد رفض جميع الخطاب العشرين وتفكر بتزويج الصغيرة في الأول
هذه نقطة جداً خطيرة ويجب أن تنتبه لها هذه الأم، والانتباه يجب يكون بالزجر من أحد حكماء العائله
أو الاقناع من قبل البنت

في حالة تزويج الصغيرة سوف ينقطع الخطاب عن الكبيره وهذا مؤكد
لأن الناس لهم حساباتهم الخاصه
وأول إستنتاج سوف يصلوا له وهو الكارثه
بأن البنت معيوبه ولهذا لم يتم تزوجها
وتفادياُ للأحراج لن يتقدم حد لخطبتها لان الرد في ضنهم معروف وهو الرفض

مالك أمل

06-10-2011, 07:57 AM

عليها بمناقشة أحد كبار العائلة ممن تسمع لهم الوالدة

كالأخ أو الزوج أو الخال

تشرح البنت جميع ماكتبتيه لهم ، وهم بدورهم يقومون بمناصحة الأم مع

التأكيد على ذكر موضوع البنت الأصغر ، وبإذن الله تُحل مشكلتها

المـهـفـة والـســفـرة

06-10-2011, 08:45 AM

أختي .. ترى الزواج رزق من عند الله .. ومتى ما رزقها الله بالزوج المناسب لها ستتزوج بإذن الله ..

فالله جعل لكل شيء سببا .. والله مسبب الأسباب جعل الأم هي السبب في عدم زواجها

ولو لم تكن الأم السبب ستكون هناك أسباب أخرى .. ولا تتضايق ولا تحزن من تصرف أمها

فالله لو أراد أن يتم زواجها فلا يمكن لأمها أو أي شخص كان أن يمنع ذلك ..

وما تدري يمكن الخيرة في تأخير زواجها .. فالله لا يقدر ولا يكتب إلا الخير لنا

" وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لا تعلمون "

ويمكن يكون اختبار من الله لصبرها أو لكي تتقرب منه أكثر وأكثر وتدعوه وتستعين به

فالإنسان يعيش في هذه الدنيا في كبد ولا يمكن أن يرتاح إلا في الجنة إن شاء الله .. ففي كل لحظة نُختبر فيها من الله وبعدد الأنفاس .. ليرفعنا بها الدرجات أو يكفر عن السيئات ..

فلتطمئن ولا تقلق وترضى بقدرها وتصبر وتلزم الاستغفار وتدعو الله وتتوكل عليه والله يرزقها وجميع البنات بالزوج الصالح ... :)

لله درج وكثر الله من أمثالج ،، وبارك الرحمن فيج وبردج وفكرج النيرّ ،،
وجزاج الله خير ،،

على النصح والتوجيه السليم
لكل أنسانه ،، تتخوف من شي أسمه العنوسة .

والله الموفقّ وله الحمد ،، من قبل ومن بعد ،،
والحمدلله ،، الذي لايحمد على مكروه سواه ،،

ولدكم.

همسه

06-10-2011, 09:01 AM

الام الله يهديها و يصلحها هي السبب نعم لكن البنت للحين ماجى نصيبها و يمكن خيره لها

طبعا من حقها تتزوج وهذا حلم كل بنت زوج و عيال و ستر و استقرار

بيجيها نصيبها ان شاء الله

بس بخصوص الاخوان اللي نصحو انها تكلم حد من اهلها او تكتب لهم عسى ماشر ترى البنات يستحون يشتكون لو تعنس و تصك 30 و 40 البنت يمنعها حيائها تتكلم في هالموضوع الا اذا البنت جريئه هذا شي ثاني

السؤال وين الاب ليش موقفه سلبي

شنو شيخ شلون تفكر امها

الله يهديها

آمين يارب

بـنـت ڪرز

06-10-2011, 09:02 AM

هو في حد عدل عشان نتزوجه اصلا؟

تقعد معنسه ابرك لها

بـــــــنت النوخـّــــذه

06-10-2011, 09:15 AM

يبون لها الخير00 مافي اهل يكرهون لبنتهم الستر وانها تاخذ ريال والنعم فيه

وتصبر لو من نصيبها والله لو وقفت دبابات العالم جدام بيتهم وحلقت هليكوبترات حربيه فوق بيتهم لمنع الزواج
مايقدرون دام الله سبحانه قال كن فيكون 00

ساعات بعض البنات من عاطفتهم الجياشه يحسبون اهلهم عدوين لهم 000

قولي لها لاتجلسين اتفكرين بالموضوع وايد خلي كل شي على ربج ترى ربج كريم

ماحب البنات الي يجلسون يفكرون ماعرست وفاتني القطار وووو000الخ احس جلستهم اتقصر العمر

خلها تذكر الله

شبح الصمت

06-10-2011, 09:16 AM

شكله الابو سكان مرته

الله يصبر البنت ويرزقها بولد الحلال

يعني لو جاءها شيخ راح يعزها ولو جاها ولد فقر راح يذلها ..

ترى الفلوس مهب كل شيء

ومن استنتاجي للأم اشوف انها داشه على طمـع ..

romepalaces

06-10-2011, 09:23 AM

هو في حد عدل عشان نتزوجه اصلا؟

تقعد معنسه ابرك لها

انا عدل :shy:

وطن

06-10-2011, 09:24 AM

أختي .. ترى الزواج رزق من عند الله .. ومتى ما رزقها الله بالزوج المناسب لها ستتزوج بإذن الله ..

فالله جعل لكل شيء سببا .. والله مسبب الأسباب جعل الأم هي السبب في عدم زواجها

ولو لم تكن الأم السبب ستكون هناك أسباب أخرى .. ولا تتضايق ولا تحزن من تصرف أمها

فالله لو أراد أن يتم زواجها فلا يمكن لأمها أو أي شخص كان أن يمنع ذلك ..

وما تدري يمكن الخيرة في تأخير زواجها .. فالله لا يقدر ولا يكتب إلا الخير لنا

" وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لا تعلمون "

ويمكن يكون اختبار من الله لصبرها أو لكي تتقرب منه أكثر وأكثر وتدعوه وتستعين به

فالإنسان يعيش في هذه الدنيا في كبد ولا يمكن أن يرتاح إلا في الجنة إن شاء الله .. ففي كل لحظة نُختبر فيها من الله وبعدد الأنفاس .. ليرفعنا بها الدرجات أو يكفر عن السيئات ..

فلتطمئن ولا تقلق وترضى بقدرها وتصبر وتلزم الاستغفار وتدعو الله وتتوكل عليه والله يرزقها وجميع البنات بالزوج الصالح ... :)

كلام صحيح

:victory:

نصيحتي لصديقتك تتوجه الى الله
لا تشتكي لانسان
الله هو الرازق
وهو اللي بيجيب لها نصيبها

هي المفروض تكون واثقه من ربها وانه بيرزقها
مو تخاف من شبح العنوسة
وينها ووين العنوسه توها بعز شبابها

خلها تتقرب من الله بالدعاء والتضرع
والله يصبرها

طماطه

06-10-2011, 09:26 AM

يبون لها الخير00 مافي اهل يكرهون لبنتهم الستر وانها تاخذ ريال والنعم فيه

وتصبر لو من نصيبها والله لو وقفت دبابات العالم جدام بيتهم وحلقت هليكوبترات حربيه فوق بيتهم لمنع الزواج
مايقدرون دام الله سبحانه قال كن فيكون 00

ساعات بعض البنات من عاطفتهم الجياشه يحسبون اهلهم عدوين لهم 000

قولي لها لاتجلسين اتفكرين بالموضوع وايد خلي كل شي على ربج ترى ربج كريم

ماحب البنات الي يجلسون يفكرون ماعرست وفاتني القطار وووو000الخ احس جلستهم اتقصر العمر

خلها تذكر الله

:victory:

بايع بايع

06-10-2011, 09:29 AM

هو في حد عدل عشان نتزوجه اصلا؟

:anger1:

يا مكثر الشباب السنعين واللي اهاليهم ربوهم على الاخلاق والفضائل

شلون تقولين مافي حد سنع ..

غريبة ؟!

نوافـ

06-10-2011, 09:30 AM

هو في حد عدل عشان نتزوجه اصلا؟

تقعد معنسه ابرك لها

:omg:

يعني احنا موتارسين عيونكم :eek5:

تمو في بيوتكم الله يخلي ميلس التعاون اليديد وضيوفه اليدد بروح لهم :tease:

المليونير الفقير

06-10-2011, 09:32 AM

هو في حد عدل عشان نتزوجه اصلا؟

تقعد معنسه ابرك لها

:eek5:

بـنـت ڪرز

06-10-2011, 09:33 AM

:anger1:

يا مكثر الشباب السنعين واللي اهاليهم ربوهم على الاخلاق والفضائل

شلون تقولين مافي حد سنع ..

غريبة ؟!

وينهم يالله أشّر لي على واحد

شبح الصمت

06-10-2011, 09:33 AM

هو في حد عدل عشان نتزوجه اصلا؟

تقعد معنسه ابرك لها

الله يهداج الحين

لو واحد قال هالكلمة في وحده عدله

بقولج شيء لو انتي مصدومه من شيء وإلا صادج موقف وحسيتي انه الشباب مافيهم خير هذا شيء ثاني ..

اما تعممين اسمحي لي اقولج اصابعج مهب سوى نفس مافي شباب فيهم خير في بنات فيهم خير

ونفس مافي شباب مافيهم خير في بنات مافيهم خير ..

:anger1:

شبح الصمت

06-10-2011, 09:34 AM

وينهم يالله أشّر لي على واحد

تبين بس هل اهو راح يقبل فيـج إذا كلامج جذيه !!!!!

شكلج اصلا ملسونه اسمح لي على هالكلمه ..

:rolleyes2:

بـنـت ڪرز

06-10-2011, 09:35 AM

<< This user is bursting out of laughter and not being able to stop

المليونير الفقير

06-10-2011, 09:37 AM

<< This user is bursting out of laughter and not being able to stop

يو اسبيك انقلش:tease:

منيرة الطواش

06-10-2011, 09:39 AM

هو في حد عدل عشان نتزوجه اصلا؟

تقعد معنسه ابرك لها

ابتدا من هذا الرد بياخذ الموضوع مجرى ثاني كالعادة

مثل لما تسال كم عمرك ؟

ويجيك الرد

بخير جعلك بخير

شبح الصمت

06-10-2011, 09:40 AM

<< This user is bursting out of laughter and not being able to stop

ترى كثر الضحك مهب شيء يدل على انه الانسان خفيف

:tease:

بـنـت ڪرز

06-10-2011, 09:46 AM

منيرة الطواش

شفتي شلون حاطين دوبهم ودوبي

لاحول الله .. ردّي كان اسمه رد مب اسمه موضوع عشان يدخلون وياي في سالفه

ترى ماكلم أولاد .. لاتكلموني

شبح الصمت

06-10-2011, 09:50 AM

منيرة الطواش

شفتي شلون حاطين دوبهم ودوبي

لاحول الله .. ردّي كان اسمه رد مب اسمه موضوع عشان يدخلون وياي في سالفه

ترى ماكلم أولاد .. لاتكلموني

http://farm2.static.flickr.com/1321/1249558789_20ea29b861.jpg

منيرة الطواش

06-10-2011, 09:50 AM

منيرة الطواش

شفتي شلون حاطين دوبهم ودوبي

لاحول الله .. ردّي كان اسمه رد مب اسمه موضوع عشان يدخلون وياي في سالفه

ترى ماكلم أولاد .. لاتكلموني

توج باول اليوم اصبري شوي والتباشير بتبيين

بيجونج المدافعين وبيقولون البعض والكل والجزء والربع

يامالج من الخير

نوافـ

06-10-2011, 09:52 AM

منيرة الطواش

شفتي شلون حاطين دوبهم ودوبي

لاحول الله .. ردّي كان اسمه رد مب اسمه موضوع عشان يدخلون وياي في سالفه

ترى ماكلم أولاد .. لاتكلموني

واحنا مانكلم بنات :tease:

بـنـت ڪرز

06-10-2011, 09:55 AM

توج باول اليوم اصبري شوي والتباشير بتبيين

بيجونج المدافعين وبيقولون البعض والكل والجزء والربع

يامالج من الخير

هههههههههههههههههههههههههههههههههههههههههههههههههه هه
صدقتي والله :nice:

مب جنه خلص القرنقعوه؟

بايع بايع

06-10-2011, 09:57 AM

توج باول اليوم اصبري شوي والتباشير بتبيين

بيجونج المدافعين وبيقولون البعض والكل والجزء والربع

يامالج من الخير

الموجودين بالمنتدى وحوش :anger1:

ينطرون حد يزلق بقشر موزه :rolleyes2:
والكل بسم الله
ويضرب بالخمس :omg:

سلامتج اختي الموضوع في فكره غريبة انطرحت الناس تناقشها :nice:

لا اكثر !!!

شبح الصمت

06-10-2011, 09:57 AM

هههههههههههههههههههههههههههههههههههههههههههههههههه هه
صدقتي والله :nice:

مب جنه خلص القرنقعوه؟

اش قالت البنت الظريفه

هههههههههههههههههههههههههههههههههاي
ههههههههههههههههههههههههههههههههاي
ههههههههههههههههههههههههههههههاي
ههههههههههههههههههههههههههههاي

:funny:

بـنـت ڪرز

06-10-2011, 10:01 AM

الموجودين بالمنتدى وحوش :anger1:

ينطرون حد يزلق بقشر موزه :rolleyes2:
والكل بسم الله
ويضرب بالخمس :omg:

سلامتج اختي الموضوع في فكره غريبة انطرحت الناس تناقشها :nice:

لا اكثر !!!

هههههههههههههههههههههههههههههههههههههههههه
هههههههههههههههههههه الله يكفيني شر هالضحك

شبح الصمت

06-10-2011, 10:04 AM

هههههههههههههههههههههههههههههههههههههههههه
هههههههههههههههههههه الله يكفيني شر هالضحك

http://www.alnayfat.net/vb/imgcache/2/10260alsh3er.jpg

هبوب الكوس

06-10-2011, 10:07 AM

http://www.alnayfat.net/vb/imgcache/2/10260alsh3er.jpg

ههههههههههههههههه

بايع بايع

06-10-2011, 10:09 AM

http://www.alnayfat.net/vb/imgcache/2/10260alsh3er.jpg

على بالي رش صابون

فقلت العالم قاعده تجهز لليوم الوطني ولا شالسالفة

الجوكر90

06-10-2011, 10:26 AM

يبون لها الخير00 مافي اهل يكرهون لبنتهم الستر وانها تاخذ ريال والنعم فيه

وتصبر لو من نصيبها والله لو وقفت دبابات العالم جدام بيتهم وحلقت هليكوبترات حربيه فوق بيتهم لمنع الزواج
مايقدرون دام الله سبحانه قال كن فيكون 00

ساعات بعض البنات من عاطفتهم الجياشه يحسبون اهلهم عدوين لهم 000

قولي لها لاتجلسين اتفكرين بالموضوع وايد خلي كل شي على ربج ترى ربج كريم

ماحب البنات الي يجلسون يفكرون ماعرست وفاتني القطار وووو000الخ احس جلستهم اتقصر العمر

خلها تذكر الله

شدخل دبابات وهليكبرات فالموضوع:rolleyes2:

سهيل قطر

06-10-2011, 10:31 AM

اللهم لاا شماته

الحمدلله على نعمه العقل

نصيحتي لهاا اتكلم احد له يد على امهاا وله كلمه

اذا الاب متوفي او في عالم اخر

ولاا تسكت حتى ولوو بالدعااء ان يهدي امهاا

ثابت

06-10-2011, 10:38 AM

الله يعين بعض الحريم على هالنوعيات من الامهات

اعرف ام هي سبب طلاق بنتها والحين البنت كرهت امها وطلعت عاشت في بيت خالتها يوم اكتشفت انة امها عقلية خبال

حسن

06-10-2011, 10:42 AM

انا بديت اشك ان اصحاب الون البنفسجي عندهم مشكله كبيره لازم نشوف احمد عكاشه لهم:telephone:

حسن

06-10-2011, 10:49 AM

يبون لها الخير00 مافي اهل يكرهون لبنتهم الستر وانها تاخذ ريال والنعم فيه

وتصبر لو من نصيبها والله لو وقفت دبابات العالم جدام بيتهم وحلقت هليكوبترات حربيه فوق بيتهم لمنع الزواج
مايقدرون دام الله سبحانه قال كن فيكون 00

ساعات بعض البنات من عاطفتهم الجياشه يحسبون اهلهم عدوين لهم 000

قولي لها لاتجلسين اتفكرين بالموضوع وايد خلي كل شي على ربج ترى ربج كريم

ماحب البنات الي يجلسون يفكرون ماعرست وفاتني القطار وووو000الخ احس جلستهم اتقصر العمر

خلها تذكر الله
انا اختلف مع رايك بسب شفت حالات الام كانت مسيطره على زوجها وكانت تبي حق بناتها ناس كباريه وايشرك البنات عنسو والحين يبون اي واحد حتى لو من الي يبيعون في سوق واقف هل الشماغ الحمر ولا هي عمليه نصيب وغير اللي خطوبهم الاول اعيال عمهم والحين عيال عمهم الله وفقهم بنسوان ماعليهم كلام وعزو نسوانهم بكل شي من الخدم والسيارات ولا خلو عليهم قاصر وهم بعد حافضين زوجاتهم وبيوتهم وعيالهم
لكن ياويلها هي وهو من رب العالمين

بـــــــنت النوخـّــــذه

06-10-2011, 10:52 AM

شدخل دبابات وهليكبرات فالموضوع:rolleyes2:

اههههههههههه
في كل موضوع ناشب لي واحد

المهم هذا يسمونه تشبيه بليغ لايصال المعلومه والاقتناع بأن قدرة الله فوق كل شيئ

يعني مب تشبيه صجي ان بيحاوطون بقوات خاصة اشدعوه بيت ارهابيين ^_^

Rider

06-10-2011, 10:58 AM

للاسف اين دور الاب وطبعا الزواج توفيق من الله لكن بعض الاباء والامهات مايستانسون الا يشوفون بنتهم ينحرفون بعدين ياليتنا وياليتنا

غابت الشمس~

06-10-2011, 10:59 AM

نصيبها للحين ماجاء لو جاء ماتقدر قوة بالأرض تمنعه لاأمها ولا ابوها ولا طوايفها كلهم

الله يرزقها ويرزقنا بالصالحين الأتقياء

حسن

06-10-2011, 11:00 AM

اسمعي يابداع قولي حق صديقتك اذا جاها اللي فيه خير وتحاول تستعين بحد من اقربائها في ذالك وتستخير رب العالمين واذا شافت الامور طيبه ومرتاحه تروح حق القاضي وتزوج نفسها وتتوكل على الله المهم انها اتكون صادقه مع ربها ونفسها
لاني شفت الكثير وخصوصا في وقتنا الحالي من اباء ليس لهم شخصيه نهائيه مجرد زوج فاقد رجولته وامهات مرضي نفسيا ويبون يسغلون المظاهر حتي في الخطاب علشان تقعد مع المتخلفات من بني جنسها وتزابي عليهم
في نصيحه اخ صادق ومن اللي شفته بنات ناس فيهم خير لكن ظلم امها وابوها قاموا الحين يعرضون نفسهم على مكاتب الزواج ومع اي شخص والمسكينه ماتنلام لما يوصل عمرها بعد 40

بـــــــنت النوخـّــــذه

06-10-2011, 11:00 AM

انا اختلف مع رايك بسب شفت حالات الام كانت مسيطره على زوجها وكانت تبي حق بناتها ناس كباريه وايشرك البنات عنسو والحين يبون اي واحد حتى لو من الي يبيعون في سوق واقف هل الشماغ الحمر ولا هي عمليه نصيب وغير اللي خطوبهم الاول اعيال عمهم والحين عيال عمهم الله وفقهم بنسوان ماعليهم كلام وعزو نسوانهم بكل شي من الخدم والسيارات ولا خلو عليهم قاصر وهم بعد حافضين زوجاتهم وبيوتهم وعيالهم
لكن ياويلها هي وهو من رب العالمين

اخوي حسن كلامك صح ما اختلف معاك 00فيه ما انكر بس (الاغلب ) يبغون الستر لبناتهم بزوج عدل ألحين يالله يالله اتحصل بنت عدله وريال عدل نفس عادات الاول خصوصا" بعصر الانفتاح فلا نحط اللوم على الاهل 00انا لو عندي بنت مازوجها إلا لرجال عدل اذا مافيه انا ماضيع بنتي بواحد صايع ولا حظه ردي عشان بس لايفوتها القطار بتجلس معززه ومكرمه ووقت ماربك كتب بيجيها نصيبها00

والله يا خوي ياحسن اعرف بنات لما تجلس معاهم يقصرون العمر اف تجلس تحندى انها ماعرست واشمعنه فلانه وعلانه واتحط اللوم على اهلها واهلها يبغون لها الزين 00هم ماعندهم مانع يزوجون بناتهم لكل من هب ودب بس عاد لاتجي مطلقه ولا اتصيح لهم 000

يعني لازم نشوف الموضوع من جميع النواحي مش من ناحيه وحده وانعرف الاسباب الحقيقيه لان بعضهم يعبرون من عاطفتهم ويشوفون الموضوع من نظرة ثانية غير نظرة الاهل خصوصا" كل ما اكبرت بالسن 00المجتمع زرع حكمة غريبه اذا كبرتي مالج حظ اهههه 00

شبح الصمت

06-10-2011, 11:03 AM

ليتهم بس يفتحون قسم في الاستشارات العائلية يتناقش فيه مثل هالحالات

:weeping:

حسن

06-10-2011, 11:12 AM

يابنت النوخذه يعني الحين اذا البنت اخطبوها عدد مش سهل وحجه هل الام انها تدور لها الافضل يعني الحين هي بتعلم الغيب
وبعدين اهذولا الشباب اللي يردونهم مهب بقولون ان بنات بلادنا مايبونا ويخلونهم يتوجهون لبرع وتقومون تلمونهم في المنتديات وغيره
ولا اذا وحده خذت لها مهب قطري قومتو الدنيا عليها وعايرتوها كانها اتركبت جرم ولا خالفت شرع الله شوفي شلون الناس متناقضين ومختلفين ليش مانقول الله يبارك لك وهذا نصيبها ليش احنا نقول اذا عنست وردوالخطابه هذا نصيبها وليش اذاخذت شخص مسلم مهب من بلادها نلومها ومن الكلام الي بدون وزن مادري هو تناقض ولا نفاق :victory:

الحال مايساعد

06-10-2011, 11:14 AM

الله المستعان

الجوكر90

06-10-2011, 11:18 AM

اههههههههههه
في كل موضوع ناشب لي واحد

المهم هذا يسمونه تشبيه بليغ لايصال المعلومه والاقتناع بأن قدرة الله فوق كل شيئ

يعني مب تشبيه صجي ان بيحاوطون بقوات خاصة اشدعوه بيت ارهابيين ^_^

بالعكس مانشبت
ادري انه تشبيه بليغ
بس ماله خص
تقدرين تقولين ان الله قادر ع كل شي بدون هالتشبيه
حسيت اني فبتدائي :shy:

بـــــــنت النوخـّــــذه

06-10-2011, 11:18 AM

يابنت النوخذه يعني الحين اذا البنت اخطبوها عدد مش سهل وحجه هل الام انها تدور لها الافضل يعني الحين هي بتعلم الغيب
وبعدين اهذولا الشباب اللي يردونهم مهب بقولون ان بنات بلادنا مايبونا ويخلونهم يتوجهون لبرع وتقومون تلمونهم في المنتديات وغيره
ولا اذا وحده خذت لها مهب قطري قومتو الدنيا عليها وعايرتوها كانها اتركبت جرم ولا خالفت شرع الله شوفي شلون الناس متناقضين ومختلفين ليش مانقول الله يبارك لك وهذا نصيبها ليش احنا نقول اذا عنست وردوالخطابه هذا نصيبها وليش اذاخذت شخص مسلم مهب من بلادها نلومها ومن الكلام الي بدون وزن مادري هو تناقض ولا نفاق :victory:

ياولد الحلال ترى مهب كل من طق الباب رجال
اتمنى فهمت مقصدي00الزواج مش بس عشان لايفوتها القطار ولا ماكينة تفريخ

هي خلاص بتستقر مع رجل آخر بيكون هو اسرتها الجديده فــــــ لازم يكون اختيار الاسرة الجديدة مناسب عشان الاستقرار 00 خل عنك بيفوتها القطار هالجملة سببت حالات كثيره بالمحاكم شوف نسبة الطلاق واحد ماخذ له وحده بعد العرس باسبوع تطلقت منه ليش؟؟؟؟؟؟؟؟؟

المجتمع انترس حالات طلاق بشكل مهب طبيعي 000اخوي حسن اكرر لك انا ما انكر وجود اهالي متشددين بالطلبات ولكن الاغلب يبغي يتوفاه الله وامانته (الي اهي بنته) عايشه معززه مكرمه ببيت رجال والنعم فيه 00

بايع بايع

06-10-2011, 11:21 AM

نصيبها للحين ماجاء لو جاء ماتقدر قوة بالأرض تمنعه لاأمها ولا ابوها ولا طوايفها كلهم

الله يرزقها ويرزقنا بالصالحين الأتقياء

كلامج مثل اللي واقف وجايته سياره من بعيد بتدعمه

نقوله تحرك يقول اذا الله كاتب انها تدعمني فراح اندعم

واذا لا فمراح قوه في العالم تخليها تدعمني

والنعم بالله لكن هذا من تلبيس ابليس على البشر

يلبس الطاعه والعباده بعباءة الدين والتقوى وهي العكس وابعد ماتكون عن الحقيقة

البنت لازم تتحرك لكن بحدود الادب والحياة

كل شخص في هذا العالم له احتياجات سواء بنت او رجل

ويجب تلبية هذه الحاجات بالطرق السلمية والمسلك الطبيعي الشرعي

ومانتركها لمجرد الصدفة

فالبنت تقول يجيني عرسان وامي تردهم بحجج واهيه

في هالحالة يجب تدخل طرف ثالث ولو كان المحكمة

وتسمى هذي الدعاوى ( عضل الولي ) ويوجد منها في المحاكم لكن بشكل محدود وبسيط

اذا ماتقدم شخص واكد رغبته بالزواج للبنت ومافي شي يعيبه

في هالحالة حد من اهل البنت يبين للشاب الوضح حتى يوافق على الخطوه وهي ان المحكمة تنوب عن ولي البنت في الزواج

وموافقة الشاب هنا حتى مايعتبر ان البنت جرئية او بايعه نفسها للخاطب

والله يستر على بنات المسلمين

بو خليفه 123

06-10-2011, 11:27 AM

وينهم يالله أشّر لي على واحد

:shy:

شبح الصمت

06-10-2011, 11:30 AM

:shy:

يقولك الي ما يطال العنب يا عنب حامض عنه يقول

انت عنب وصعب وصولك

:nice:

حسن

06-10-2011, 11:31 AM

انتي تنضرين للموضوع من زاويه معينه ماختلف معاك وهذا رايك نحترمه ونقدره
وكلامك صحيح ماعليه غبار
وانا اناشوف من زاويه اخرى وانتي متفقه ان كلاني صحيح الحمدلله
وام السعف تجي وتشوف من منظور اخر بس اهم شي ان احنا متفقين على النقاط فهمتي شي :rolleyes2:
وبالنسبه لكلمه قطار انا ماجبتها انتي تبين دبسينها فيني خلك شاهده يام السعف انا اعرف انك حقانيه
وانتي ذكرتي ان حالات الطلاق زادت وهذا شي واضح وباين
تعالي على فكره ترى انه عندي اخوات كبار معاى حوال الخميسين ماعرسو
كان في السابق اسمع ان جاهم وكانو هم يردون وانا اصغر منهم وماعندي خبر
لو انا كنت اكبر منهم وعندي درايه في ذاك الوقت كان من زمان رحلتهم:victory:

بـنـت ڪرز

06-10-2011, 11:33 AM

والله انا مستانسه اني سويت لكم زوبعه

هه العنب يقول

بـــــــنت النوخـّــــذه

06-10-2011, 11:37 AM

تعالي على فكره ترى انه عندي اخوات كبار معاى حوال الخميسين ماعرسو
كان في السابق اسمع ان جاهم وكانو هم يردون وانا اصغر منهم وماعندي خبر
لو انا كنت اكبر منهم وعندي درايه في ذاك الوقت كان من زمان رحلتهم:victory:

ماشاء الله خمسين عمرهم يعني كبر امي الله يحفظها تقريبا" الله يرزقهم ان شاء الله ويعوض عليهم دنيا واخره

حسن اخوي زين انك كنت اصغر منهم اههههههه :tease:
عيل تبي اترحلهم لكل من هب ودب

الترحيل يكون للي يستاهل يا حسن هذا خلاصة كلامي حتى يرحلونهم ويدفعون عن المعرس المهر اذا يستاهل اذا يستاهل اذا يستاهل بالثلاث

بايع بايع

06-10-2011, 11:42 AM

والله انا مستانسه اني سويت لكم زوبعه

هه العنب يقول

زوبعه في فنجال

شبح الصمت

06-10-2011, 11:44 AM

والله انا مستانسه اني سويت لكم زوبعه

هه العنب يقول

مشكله العذال

:funny:

بـــــــنت النوخـّــــذه

06-10-2011, 11:45 AM

بالعكس مانشبت
ادري انه تشبيه بليغ
بس ماله خص
تقدرين تقولين ان الله قادر ع كل شي بدون هالتشبيه
حسيت اني فبتدائي :shy:

يه:anger1:

عاد انا ابي اشبه بالدبابات والهليكوبتر سبحان الله يمكن هالتشبيه يفتح باب الرزق ويجيها طيار هليكوبتر حربي والنعم فيه <<اشدخل

حسن

06-10-2011, 11:50 AM

يابنت النوخذه هم في ذاك الوقت ماعندهم درايه اكثر الواحد مايدري عن الايام والمراحل العمريه وان الزمن يمر بسرعه
شوفي مافي انسان كامل لا ولد ولابنت احنابشر فيهم السيء بدرجاته والخير بدرجاته واحنا مهب سيارات تطلبين الاوبشن فيها هناك عيوب من الجانبين لاكن مهب هي اللي تمنع الزواج
الانسان لازم يضحي ويكون لين ويسير لتستمر الحياه
مهب مثل ولد ععمي ساير لي دكتاتور وعيالوه يقولون له انت القذافي قطر ماعنده الا يقولك اسمع بس
وبعدين هذولا خواتي مهب القصدر ارحلهم يعني ابي الفكاك لا والله هذاني شالهم في عيوني ومونسين علي البيت وعيالي كل عندهم كانهم اعيالهم لاكن مابي احسسهم بشي وهذه غريزه الله خلقها في الام بالذات تبي عييال بكره ينفعونها
بعدين وانتي وش سالفتك بمكينه تفريخ وشفيهه اذا فرخت هذا امي يابت 12 والحمدلله شالينها وابشرك تري امي عندي بعد ولا غير الي ماتو وكل اتقول انا ماكنت اشوف ابوك:omg:

بـــــــنت النوخـّــــذه

06-10-2011, 11:58 AM

بعدين وانتي وش سالفتك بمكينه تفريخ وشفيهه اذا فرخت هذا امي يابت 12 والحمدلله شالينها وابشرك تري امي عندي بعد ولا غير الي ماتو وكل اتقول انا ماكنت اشوف ابوك:omg:

:eek2: ياحليلهم العيايز عليهم حركات

حسن لاتصير لي مثل ذيلن الي يسوون عمرهم ان ردي مش مفهوم00

لان الزواج فيه اشياء وايد مهب لايفوتك القطار+ امومه وعيال
اذا الزواج بس محصور بجذيه اشوله الرياييل يتحلطمون ان حريمهم مهملين بعمرهم هاه

الزواج فيه اشياء وايد وااااااااااااايد مهب مفهوم محصور بقطار وطياره وسياره وعيال

لاتقارن حريم الاول ورياييل بالهزمن هالزمن ياتختار صح او بلاها

وشكرا"

الحين بتدخل ابداع بتهاوشني خخخخ بعدت عن سالفة البنت الي تبي حلّ

الصاعقة

06-10-2011, 12:09 PM

اسمعي يابداع قولي حق صديقتك اذا جاها اللي فيه خير وتحاول تستعين بحد من اقربائها في ذالك وتستخير رب العالمين واذا شافت الامور طيبه ومرتاحه تروح حق القاضي وتزوج نفسها وتتوكل على الله المهم انها اتكون صادقه مع ربها ونفسها
لاني شفت الكثير وخصوصا في وقتنا الحالي من اباء ليس لهم شخصيه نهائيه مجرد زوج فاقد رجولته وامهات مرضي نفسيا ويبون يسغلون المظاهر حتي في الخطاب علشان تقعد مع المتخلفات من بني جنسها وتزابي عليهم
في نصيحه اخ صادق ومن اللي شفته بنات ناس فيهم خير لكن ظلم امها وابوها قاموا الحين يعرضون نفسهم على مكاتب الزواج ومع اي شخص والمسكينه ماتنلام لما يوصل عمرها بعد 40

بوعلي أنا راح اعقب على الجزئية الي باللون الأحمر الي انت ذكرتها ..

خلنا نتفق ان اي شخص قبل لا يخطو اي خطوه لازم يفكر بالأسوأ في اي شي يتاخذه على اساس يكون عامل حسابة من البداية ولا ينصدم او يتفاجئ .

وخلنا نتفق ان الحياه الزوجية فيها مشاكل كثيره والاسوء فيها الضرب والسب والاصعب فيها من هذا كله هو الطلاق .

لنفرض يابوعلي ان البنت اتخذت قرارها بانها اتروح للقاضي وتزوج غصبا عن اهلها وفعلا تزوجت .... بالذمه يابوعلي لو ضربها زوجها او سبها او طلقها وين بترجع ؟؟ طبعا بيت اهلها تتوقع ان رجعتها بعد كل اختلافها مع اهلها ومشاكلها مع زوجها بيكون طريق رجعتها للبيت مفروش بالورد؟؟؟ هل بترجع بكل بساطه؟؟

أنا اقول ومن وجهة نظري البنت قبل لا تتخذ هالقرار لازم اتفكر مليون مره بالعواقب الي بتواجهها وتفكر هل الشخص يستاهل انها اتضحي بأهلها وتكسر كلمتهم عشانة هذا الأهم قبل اتخاذ اي قرار .[/center]

وطن

06-10-2011, 12:10 PM

:shy:

من البلكونه بعد ؟
:secret:

بو خليفه 123

06-10-2011, 12:17 PM

من البلكونه بعد ؟
:secret:

فاهمتني

وطن

06-10-2011, 12:22 PM

فاهمتني

yes sir

:victory:

حسن

06-10-2011, 12:26 PM

شوف يالصاعقه انا اتكلم عن شواذ القاعده من الناس وشوف رد 64بايع بايع عن هل الحاله واسم الدعوه
بقولك عن قصه اب معتوه يوم قرب عرس بنته ولا يقولهم لا خلاص هونه البنت والام والاهل قالوله مههب على كيفك هددهم انه بخرب العرس وبيحرق الخيمه جابوله الشرطه وخذو عليه تعهد والبنت الحمدلله راحت مع واحد في خير في هل الوضع وش تسوي مع هل البلاوي
بعدين ياجماعه مهب زين طلون على الناس من البلكونات البيوت له حرمه

عليه العوض

06-10-2011, 12:33 PM

المستحسن من الام ان تاخذ راي البنت في العريس المتقدم وبالاخير يكون راي البنت هو الي يمشي
وما من الام الا النصح وليس القرار بعدم الزواج البنت هي التي تقرر تزوج من ومن ترفضه

وطن

06-10-2011, 12:35 PM

كلامج مثل اللي واقف وجايته سياره من بعيد بتدعمه

نقوله تحرك يقول اذا الله كاتب انها تدعمني فراح اندعم

واذا لا فمراح قوه في العالم تخليها تدعمني

والنعم بالله لكن هذا من تلبيس ابليس على البشر

يلبس الطاعه والعباده بعباءة الدين والتقوى وهي العكس وابعد ماتكون عن الحقيقة

البنت لازم تتحرك لكن بحدود الادب والحياة

كل شخص في هذا العالم له احتياجات سواء بنت او رجل

ويجب تلبية هذه الحاجات بالطرق السلمية والمسلك الطبيعي الشرعي

ومانتركها لمجرد الصدفة

فالبنت تقول يجيني عرسان وامي تردهم بحجج واهيه

في هالحالة يجب تدخل طرف ثالث ولو كان المحكمة

وتسمى هذي الدعاوى ( عضل الولي ) ويوجد منها في المحاكم لكن بشكل محدود وبسيط

اذا ماتقدم شخص واكد رغبته بالزواج للبنت ومافي شي يعيبه

في هالحالة حد من اهل البنت يبين للشاب الوضح حتى يوافق على الخطوه وهي ان المحكمة تنوب عن ولي البنت في الزواج

وموافقة الشاب هنا حتى مايعتبر ان البنت جرئية او بايعه نفسها للخاطب

والله يستر على بنات المسلمين

اخوي تفضل هالرابط

ماذا لو اعتصمت بك نملة ؟! - للشيخ عبدالمحسن الأحمد

من اروع المقاطع في التوكل والاعتصام بالله عزوجل

http://www.safeshare.tv/w/dIFzcjgrKW

ومعنى كلام الشيخ فيه يؤيد كلام الاخت

:victory:

الزعفراني

06-10-2011, 12:37 PM

إضغطي هنـــا بالماوس لتجدي الحل إن شاء الله (http://www.islamweb.net/consult/index.php?page=listing&pid=521&order=&startno=28)

حسن

06-10-2011, 12:38 PM

اعلى مايقولون اختلاف العلماء رحمه بس الواحد يشوف والاصلح له ويستخير ربه

صوت الضمير

06-10-2011, 06:07 PM

أشكركم على تفاعلكم كلن بنكه ..

ماقصرتوا انا بقولها تشوف الردود والتفاعل

اعجبتني بعض الردود التي تلم على عقل أصحابها وسعة تفكيرهم

ماقصرتوا .. الا انا اعتب على من خرج خارج نطاق الحوار

وشكرا

أبداع

بوسلمان 2010

06-10-2011, 06:29 PM

الله يهدي امها ويرزقها باالزوج الصالح ويمكن يكون لها خيره

al-bake2002

06-10-2011, 08:00 PM

السلام عليكم..

....

لي صديقه تشكو لي من موضوع تأخر الزواج .. وتقول: انا أخاف من كابوس العنوسه

تقول: بلغت من العمر 25 عاما .. وسبب تأخر الزواج الرئيسي هو رفض امي للخطاب

بدون مبرر ولا أسباب .. تقول امها : (وع - احنا نناسب هالاشكال- فقران ماعنده شي - ماعنده شهاده- امه موب قطريه -احنا مانزوج هالقبيلة)

تقول صديقتي : امي لاتبلغني بانه قد خطبني حد بل ترفض بدون مناقشتي وتبليغي .. بقولها لام الخاطب (الأب لايرضى)..

صديقتي ماعليها قصور جميلة وراعية بيت .. وجامعية .. لكنها تشكي لي بقولها انه تقريبا عشرين خاطب واكثر .. الام ترفضهم بلا اسباب مقنعه ..

تقول لي: انا ابكي بحرقه .. ولااقدر ان اعبر بهمي لاحد ولكن بحت لك لعلي ارتاح ..
جميع صديقاتي تزوجوا .. ورزقوا بالاولاد .. وانا احلم بكابوس العنوسه ..

تقول: حاولت ان اتناقش مع امي لكن بلا جدوى وبلا فائده .. ودائما تقول ابي يتقدم لك شيخ .. وصديقتي تحدد لنفسها قائله: لو ماتقدم لي شيخ اجلس بلازواج زز ربما نصيبي يكون عند شاب في بداية حياته ..
وامي تحاول دائما تدعي لاختي الاصغر سناً مني بالزواج .. وبعض الخطاب الذين تقدموا لي ترشح اختي الصغرى لهم .. وتقول لي: اتركي اختك تتزوج (علشان تفكنا من مشاكلها)

انا قلت لصديقتي اصبري فالصبر مفتاح الفرج .. والله يهدي امك .. وتحس بأحساسك
هذه المشكله ليست مشكله صديقتي فقط .. بل انا اعرف الكثير من البنات امهاتهم يرفضون

لاسباب غير مقنعه ..

دعونا نناقش الموضوع بكل احترام وبدون تجريح لاحد الاطراف..

دعونا نناقش المشكله .. ونسعى لايجاد الحلول لها
ابداع

هالام شكلها مو قطرية .... لان لو كانت قطرية ... كانت بتعرف ان اهل قطر كلهم شيوخ ....

دروب

07-10-2011, 01:36 AM

الله يرزقها ما هو خير لها ولدينها ..

حقيقه

07-10-2011, 01:50 AM

بعد السكره تجي الفكره

لازم الشخص يفكر عدل الزواج مب يوم عرس وفستان ابيض ووناسه اول شهر شهرين
الزواج حياه مشتركه لسنين طويله بينتج عنه اطفال يمكن عقب تضغط على عمرها عشان تعيش معاه عشان اطفالها وتوصل بالنهايه للضياع مع زوج يمكن يكون مب كفو

امها يمكن تبي لها الزين

يمكن لو اخذت لها وحد فقير ومنتف او مب من مستواها بيلوع كبدها
وعقب تحسف قد شعر راسها لو معنسه ابرك لها

مكنتوش

07-10-2011, 02:16 AM

شكلج اصلا ملسونه اسمح لي على هالكلمه ..

:rolleyes2:

:funny:

بنت الأجوادQ

07-10-2011, 01:46 PM

هالام شكلها مو قطرية .... لان لو كانت قطرية ... كانت بتعرف ان اهل قطر كلهم شيوخ ....

شلون يعني كلكهم شيــــــــــوخ؟ يعني تنكر أن في شيـــوخ بالبلد؟؟؟؟؟ الصراحة رد غريب!

بـــــــنت النوخـّــــذه

07-10-2011, 02:08 PM

هالام شكلها مو قطرية .... لان لو كانت قطرية ... كانت بتعرف ان اهل قطر كلهم شيوخ ....

اشدخل

شنايدر

07-10-2011, 02:11 PM

هالام شكلها مو قطرية .... لان لو كانت قطرية ... كانت بتعرف ان اهل قطر كلهم شيوخ ....

على اعمارهم :nice:

شنايدر

07-10-2011, 02:14 PM

باعتقادي يا ابداع بآن الام كانت تريد الزواج من شيخ على قولتها، لكن الله ما كتب لها، وجاتب تعجن عيالها بالشكل اللي تبيه،

انا مع الناس اللي تقول تروح القاضي وتزوج نفسها بالغصب، ولا تروح بالحرام،

حشى مب ام هذه، 20 واحد دخلوا الباب ولا واحد فيهم فيه الخير،

وين تعاليم امامنا عليه الصلاه والسلام، صدقيني اذا تزوجت الصغيره قبلها، بتتعقد :eek5:

الارض

07-10-2011, 02:42 PM

هو في حد عدل عشان نتزوجه اصلا؟

تقعد معنسه ابرك لها

http://www.elfagr.org/Portal_News/Big/3522220118185.jpg

عازف العود

07-10-2011, 02:52 PM

الظاهر امها تبي تبيعها على واحد بطران وتاخذ المهر وتصرفه على ناس وناس والبنت قلعتها امهات هالزمن اكثرهم عقارب اهم شي اللي يدفع اكثر وبطران يقبلونه اللي ماعنده وفقير مرفوض ههههههه والله حاله

بـنـت ڪرز

07-10-2011, 04:09 PM

http://www.elfagr.org/Portal_News/Big/3522220118185.jpg

ههههههههههههههههههههههههههههههههههههههههه
ههههههههههههههه
شفت شلون اني صاجه؟ :nice:
Thanks for reinforcing my point

امـ حمد

07-10-2011, 04:34 PM

الله يهدي امها

ويرزقها الرجل الصالح

يحفظك ربي

07-10-2011, 07:16 PM

الله يعينها مسكينه
مشكله اذا الام جذي .. يعني البنت ماتقدر تسوي شي
الله يكون بعونها ويرزقها بولد الحلال الطيب

بو طالب

07-10-2011, 07:26 PM

لا حول ولا قوة الا بالله ...
لا حول ولا قوة الا بالله ...
الله يفرج عليها ان شاء الله ويحنن قلب امها