تسجيل الدخول

مشاهدة النسخة كاملة : ابني يتلعثم يالحديث ماذا يجب ان افعل


UmmAzoz
06-10-2011, 12:53 AM
ولدي عمره 5 سنين وهو يتأتأ بالكلام مو دايما بس احيانا وانا ما ادري شنو اسوي فاذا احد مر بنفس التجربه او يعرف معلومه عن اللي لازم اسويه اذا في شي لازم اسويه او اذا التلعثم ما له حل او هو شي مؤقت
khaldoon
06-10-2011, 12:54 AM
في قسم لعلاج النطق في المستشفى و يبين كم كلمة لازم يعرف يتكلم او جملة في كل مرحلة و يعالج ...اعتقد بالرميلة
UmmAzoz
06-10-2011, 12:56 AM
مشكور اخوي على المعلومه
khaldoon
06-10-2011, 12:58 AM
روحي على المركز الصحي اللي تابع لمنطقتكم و اطلبي تحويل على علاج النطق في الرميلة و بيسوون له جلسات تدريب و تطوير ان شاء الله

سلامات
ام راشد 1
06-10-2011, 01:09 AM
حطيله محفظ قرآن و لسانه بينطلق ان شاء الله
الوان
06-10-2011, 05:56 AM
وديه عند الدكتورة منى غريب .... يمكن سبب المشكله نفسي .. خصوصا ان المخاوف و التخيلات تزيد في هالعمر عند الطفل .
ما شاءالله عليها الدكتورة ممكن تحل المشكله في جلسه او جلستين .
المليونير الفقير
06-10-2011, 06:10 AM
اتوقع هذا شي عادي وكثير مثل ولدج
مالك أمل
06-10-2011, 07:25 AM
كرري عليه بعض الحروف ذات المخارج الصعبة

ودعية يردد خلفك بصوت عالي

كـ حرف :

( ط ) ط طائرة ، ط طبل ، ط طبيب ، ط طالب

( ق ) ق قمر ، ق قلب ، ق قصر

وهكذا
Aaziz
06-10-2011, 07:48 AM
السلام عليكم


اقدر افتي بشيء واحد فقط ،،، وهو ان هذه الحاله لها علاج ٬ؤكد باذن الله .

ابنك صغير الله يحفظه وعلاجه اسهل بكثير من الشخص الكبير في السن . و سبب تاكيدي هو وجود صديق لي كان يتأتيء بشكل كبير جدا وكان عمره حينها تعدى الـ ٢٧ عام .
كنا ايمها في الجامعه و افترقنا في فتره الصيف و عند بدايه الدراسه تفاجأت و تفاجأ جميع الزملاء بصديقنا وهو منطلق اللسان ماشاءالله تبارك الرحمن و كانه لم يكن يتيء تيء في حياته وهو في السابق كان يحرجني شخصيا حين اتحدث معه وهو يتأتيء وانا احاول ان اتظاهر بان الامر عادي .

ارتاحي و ابحثي عن الطريق الصحيح في العلاج و اذهبي لذوي الاختصاص و ادخلي معه في مواعيده مع الاطباء و اعرفي و افهمي بشكل جيد طريقه العلاج الصحيحه كي تطبقيها معه في المنزل و لكي تحرصي انه يطبق الطريقه الصحيحه في العلاج .

هنا موقع ممتاز مختص في حل مشاكل النطق من هنا (http://forum.nooor.com/f276.html)

وهنا موضوع قرأته في بحثي السريع واعتقد انه مفيد من هنا (http://www.jondislam.com/vb/t24921.html)

الله يتمم عليه نعمه النطق و يبلغج فيه يارب
أبو البنات
06-10-2011, 09:14 AM
أهم شي لا تهاوشونه

وحفظيه قرآن
KhalidQ
06-10-2011, 09:49 AM
اهم ش لا احد يرفع صوته عليه و ثاني شي اذا تكلم لا احد يسكته و حولو
تسولف عليه لين ما يحس بالامان ... السبب الخوف اثناء الكلام ...
بـــــــنت النوخـّــــذه
06-10-2011, 12:08 PM
نفس ماقال khaldoon
UmmAzoz
06-10-2011, 03:37 PM
السلام عليكم


اقدر افتي بشيء واحد فقط ،،، وهو ان هذه الحاله لها علاج ٬ؤكد باذن الله .

ابنك صغير الله يحفظه وعلاجه اسهل بكثير من الشخص الكبير في السن . و سبب تاكيدي هو وجود صديق لي كان يتأتيء بشكل كبير جدا وكان عمره حينها تعدى الـ ٢٧ عام .
كنا ايمها في الجامعه و افترقنا في فتره الصيف و عند بدايه الدراسه تفاجأت و تفاجأ جميع الزملاء بصديقنا وهو منطلق اللسان ماشاءالله تبارك الرحمن و كانه لم يكن يتيء تيء في حياته وهو في السابق كان يحرجني شخصيا حين اتحدث معه وهو يتأتيء وانا احاول ان اتظاهر بان الامر عادي .

ارتاحي و ابحثي عن الطريق الصحيح في العلاج و اذهبي لذوي الاختصاص و ادخلي معه في مواعيده مع الاطباء و اعرفي و افهمي بشكل جيد طريقه العلاج الصحيحه كي تطبقيها معه في المنزل و لكي تحرصي انه يطبق الطريقه الصحيحه في العلاج .

هنا موقع ممتاز مختص في حل مشاكل النطق من هنا (http://forum.nooor.com/f276.html)

وهنا موضوع قرأته في بحثي السريع واعتقد انه مفيد من هنا (http://www.jondislam.com/vb/t24921.html)

الله يتمم عليه نعمه النطق و يبلغج فيه يارب
جزاك الله خير ريحتني
انا ولدي عادي يقعد يتكلم وما في مشاكل بس فجاه يتاتا على كلمه مو صعبه عليه يعني هو عادي ينطقها بس ما ادري ليش ما يقدر احيانا ينطقها عدل
واكيد بتصفح الموقع ومشكور وايد على الرد
UmmAzoz
06-10-2011, 03:42 PM
أهم شي لا تهاوشونه

وحفظيه قرآن

والله انا اهاوشه اذا شاغب بس هو الحين ما شاء الله عليه كبر وعقل وصار مؤدب ويسمع الكلام مو مثل لما كان صغير ما شاء الله عليه كان نشييييييط وهاي اللي يخليني اخاف ان هواشي له يخليه يتاتا
اذا كان يكلمني وقعد يتاتا اتم اسمع له لين ما يخلص وما افشله بس اخاف انه اليهال يفشلونه ويضحكون عليه
Aaziz
07-10-2011, 07:47 AM
جزاك الله خير ريحتني
انا ولدي عادي يقعد يتكلم وما في مشاكل بس فجاه يتاتا على كلمه مو صعبه عليه يعني هو عادي ينطقها بس ما ادري ليش ما يقدر احيانا ينطقها عدل
واكيد بتصفح الموقع ومشكور وايد على الرد

iولدج بالضبط مثل حاله صديقي .. يتأتيء بكلمه هو ينطقها .. يعني التآتآه مش بسبب صعوبه نطق حرف معين او كلمه معينه . فجئه يتأتيء و احيانا يسترسل فتره و يتأتيء فجئه و احيانا التأتأه تكون اقوى من بعض المرات .

الحلو في المووع انه له حل ان شاءالله
فيصل الشمري
07-10-2011, 07:57 PM
يمكن انكم تهاوشونه,
يقول واحد من زملائي بالشغل, ولده صار يتعتع بالكلام ويطول لين ما يقول الكلمة, وداه الطبيب, قال له الطبيب كل شي طبيعي, لكن احسنوا معاملته ولا تهاوشونه,
يقول صرنا نعامله بهداوة ومحد يهاوشه وسبحان الله رجع طبيعي والحمد لله.
منيرة الطواش
07-10-2011, 08:07 PM
حطيله محفظ قرآن و لسانه بينطلق ان شاء الله




فعلا القران افضل علاج ان شاء الله
عاشق الشهادة
08-10-2011, 12:32 AM
مثل ما قالوا الاخوان القرآن ويفضل يسمعه عن طريق سماعات الاذن وتكون مرايه امامه لكي يشاهد نفسه وهو يقراء القرآن ,
وخلوه يسمع سورة الرحمان للشيخ محمد صديق المنشاوي ,
واذا مانفعت هذه الطريقه في طريقه ثانيه علاج عن طريق الضب :(
ومايشوف شر ان شاء الله وهذه الحاله بسيطه .
MAZEN37
08-10-2011, 07:33 AM
أهم شي لا تهاوشونه

وحفظيه قرآن
هذا الحل
وخليه براحته لا تستعجل
خزامئ
09-10-2011, 10:28 PM
الله يشفيه ويخليه لش
اهم شي خونه او حد في البيت مايضحك
عليه وديه لرميله عياده النطق
ولدي كان عمره 5 سنين ومش راضي يتكلم
ولا يرد وديته لهم وكم جلسه وسار ولدي تكلم بكل طلاقه
وكنت احصل اطفال يتلعثمون
ويتئتون