المساعد الشخصي الرقمي

مشاهدة النسخة كاملة : بدأ مسلسل رفع الإيجارات


mew
06-10-2011, 06:31 AM
قاعدين نحارب رفع الأسعار في المحلات والمطاعم , والحين بدأ مسلسل رفع الإيجارات, أمس أرسل مكتب العقارات التابع للشيخ عبدا لله بن قاسم إشعارات إلي المستأجرين يفيد برفع الإيجارات بمقدار 10% اعتبارا من أول نوفمبر. شلي حصل لرفع إيجار عمارات مبنية من ثلاثين سنة.
بوسلمان 2010
06-10-2011, 07:42 AM
سبحان الله شمو الزيادة احنا قاعدين انحارب الغلا ونشتكي من ارتفاع الاسعار واخرتها طمع المؤجرين بدى


يبين هل فيها من حماية المستهلك
بو الجوري
06-10-2011, 07:45 AM
حسبي الله و نعم الوكيل بس :..
شبح الصمت
06-10-2011, 07:46 AM
لا حول ولا قوة إلا بالله ..

ترى شقق اش كثرها ومجمعات مكوده اش كثرها لا تروحون للغالي دورو الارخيص وخلو العقار يخيـس
khaldoon
06-10-2011, 07:48 AM
هل رفع الايجار ببداية شهر 11 متزامنة مع انتهاء العقد و الا قبل انتهاء العقد

اعتقد انه في فرصة لابد من الالتزام بها و هي 60 يوم لانه اكيد بيكون كاتب للمستأجرين انه الرفع 10% او يجب اخلاء العين المؤجرة....ما اعطاكم 60 يوم ما ترد عليه و خلك في سكنك و ادفع مثل اول على الايجار القديم طالما انه شيكات بس لو كان كاش و رفض يستلم روح على لجنة فض المنازعات الايجارية و التزم بالدفع كل شهر فيها خلال اول اسبوع من كل شهر

انا على فكرة كنت اسوي هالشي بس نقلت من البيت اللي كنت فيه من سنة هل تغير شي على كلامي من القوانين؟
كازانوفا
06-10-2011, 07:51 AM
حسبي الله ونعم الوكيل
حر ونار ان شالله فيهم
الخيالة
06-10-2011, 08:38 AM
حسبي الله ونعم الوكيل فيهم
سهيمان
08-10-2011, 01:24 AM
انا مستأجر استور بالصناعية صار له مبني اكثر من 22 سنة بـ 40000 في الشهر

والله اني مب قادر اغطي الايجار وانا بين امرين اما اوقف النشاط واخسر كل اللي دفعته او استمر لعل وعسى تتحسن الامور

للأسف أجشع ناس هم أصحاب العقار

حسبنا الله ونعم الوكيل
Grnas
08-10-2011, 01:29 AM
كما ذكروا الأخوة: الزيادة عند نهاية العقد بقيمة 10٪ . وهذا أتصور من حق المالك بالزيادة.



انا مستأجر استور بالصناعية صار له مبني اكثر من 22 سنة بـ 40000 في الشهر

والله اني مب قادر اغطي الايجار وانا بين امرين اما اوقف النشاط واخسر كل اللي دفعته او استمر لعل وعسى تتحسن الامور

للأسف أجشع ناس هم أصحاب العقار

حسبنا الله ونعم الوكيل

سهيمان : ما فكرت تاخذ لك أرض قبل 10 سنوات؟
ANONYMOUS
08-10-2011, 01:38 AM
الحين مش الفرجان من اول شهر 11 بتفضى من العمال

وبتتوفر الاف البيوت.. اللي كان ساكنينها عمال

والمفروض تطيح الاسعار

ولا شسالفه.. ابديت مي ..
STAR
08-10-2011, 01:36 PM
^
^
^
نفس الاستفسار ..!!!
اشكرك يارب
08-10-2011, 01:42 PM
الحين مش الفرجان من اول شهر 11 بتفضى من العمال

وبتتوفر الاف البيوت.. اللي كان ساكنينها عمال

والمفروض تطيح الاسعار

ولا شسالفه.. ابديت مي ..

سيم سيم كويتشن :omg::omg:
مخطط قطري
08-10-2011, 01:56 PM
نفس مافي ناس وايد تتنمى نزول الايجارات بعد ترا في شريحه كبيره تمنى ارتفاعها وخصوصا اصحاب العقارات:)
اشكرك يارب
08-10-2011, 02:09 PM
الحين يتضرر الناس الماشملتهم الزياده
رجل مثالي
08-10-2011, 02:13 PM
يجب على المسؤولين ضبط قضية الايجارات حفاظآ غلى مكتسبات زيادة

الرواتب ووضع ضوابط لها لحماية العائلات القطرية من رفع الايجارات
بوخالد911
08-10-2011, 02:17 PM
هلا

اللي اعررفه ان يجوز رفع ما نسبته 10 %


والله يسهل
الزعفراني
08-10-2011, 02:20 PM
حتى في حالة رفع الإيجار ، هناك فائض في الوحدات السكنية الخالية وعددها 29,421 وحدة ( احصائية رسمية للعام 2010م ) ، لذلك اترك له السكن اذا كنت غير قادر على دفع الإيجار وشوف لك سكن آخر ، قد تدفع نفس الايجار لكن بمساحة أكبر ووحده سكنية جديدة .

حاول تسوي مفاضلة وشوف شنهي ظروفك وعقب قرر . والله يعينك ويعين كل انسان من لهيب ارتفاع الايجارات . وجشع الملاّك .
فرقاك عيد
08-10-2011, 02:20 PM
لا حول ولا قوة إلا بالله ..

ترى شقق اش كثرها ومجمعات مكوده اش كثرها لا تروحون للغالي دورو الارخيص وخلو العقار يخيـس

الي يسمعك يقول الشقق والمجمعات رخيصه :(
اقل شئ تاكل كل الراتب وتخلي لي الفين للصرف
تهقى الفين تمشي الحال لااخر الشهر

اغلب المجمعات السكنيه اقل شئ 12 الف والشقق بوغرفه 7000 ريال وين المكوده والرخص !!!


الله المستعاااااااااااااااااااان
الزعفراني
08-10-2011, 02:24 PM
الي يسمعك يقول الشقق والمجمعات رخيصه :(
اقل شئ تاكل كل الراتب وتخلي لي الفين للصرف
تهقى الفين تمشي الحال لااخر الشهر

اغلب المجمعات السكنيه اقل شئ 12 الف والشقق بوغرفه 7000 ريال وين المكوده والرخص !!!


الله المستعاااااااااااااااااااان

أخوي دوّر في المناطق الخارجية الايجارات أقل من الدوحة ، اعرف شخص استأجر فيلا دورين وبنت هاوس في مجمع سكني ( شرق مدينة أم صلال علي ) ، مكيفاتها منها وفيها ( سبيلت ) ، قيمة الإيجار 6000 ريال .
دااانة قطر
08-10-2011, 02:34 PM
هذي اخرة الونااسه
قبل شهر فرحة الزيااده
وخلاال يومين بدت الزياادات
حشى مفااجيع كلن قاام يزيد
حسبي الله ونعم الوكيل
المخفي
08-10-2011, 02:39 PM
الفلل في ازدان الوكرة على ٦٦٠٠ ريال على كلام الموظفين الاجانب في العمل
دااانة قطر
08-10-2011, 02:45 PM
الفلل في ازدان الوكرة على ٦٦٠٠ ريال على كلام الموظفين الاجانب في العمل

يعني تبون النااس تنقل للوكره؟؟؟
.خالد
08-10-2011, 03:06 PM
يعني تبون النااس تنقل للوكره؟؟؟

طبعا ينتقل الوكرة والخور اذا يبي الرخص ، في كل دول العالم دايما وسط المدينه يكون العقار اغلى ، مشكلة المستأجرين عندنا انهم يبون يسكنون في وسط الدوحة بنفس سعر اجار اللي يبي يسكن في الشمال .
مرتبش
08-10-2011, 03:18 PM
حتى في حالة رفع الإيجار ، هناك فائض في الوحدات السكنية الخالية وعددها 29,421 وحدة ( احصائية رسمية للعام 2010م ) ، لذلك اترك له السكن اذا كنت غير قادر على دفع الإيجار وشوف لك سكن آخر ، قد تدفع نفس الايجار لكن بمساحة أكبر ووحده سكنية جديدة .

حاول تسوي مفاضلة وشوف شنهي ظروفك وعقب قرر . والله يعينك ويعين كل انسان من لهيب ارتفاع الايجارات . وجشع الملاّك .

معقولة..عدد كبير الصراحة
ليش ماتتأثر الاسعار وتنزل..لهالدرجة اصحاب العقار متحكمين في السوق
الـقـاسـي
08-10-2011, 04:24 PM
الحين مش الفرجان من اول شهر 11 بتفضى من العمال

وبتتوفر الاف البيوت.. اللي كان ساكنينها عمال

والمفروض تطيح الاسعار

ولا شسالفه.. ابديت مي ..

هذا هو المفروض ولكن في قطر كل شي بعكس العالم ..
STAR
08-10-2011, 04:39 PM
يعني تبون النااس تنقل للوكره؟؟؟



اشفيها الوكرة؟!!‏

ترى مب من بعدها...
ANONYMOUS
09-10-2011, 12:34 AM
شهر نوفمبر يكدب الغطاس.. على وزن الميه تكذب الغطاص

والله يسهلها عليكم وتلاقون بيوت تناسبكم