المساعد الشخصي الرقمي

مشاهدة النسخة كاملة : سعر الطابوق الأسمنتي يبدأ من 2.20 ريال وانت طالع


بن رومي
06-10-2011, 08:22 AM
ليش كان قبل سعر الطابوقة 25 درهم قبل 8 سنوات

والحين سار من 2.20 الى 3 ريال على حسب مكان التوصيل

في اسباب كثيره بس ما تبرر ارتفاع السعر

الى 1000%

وهل هنالك اسباب لعدم نزول سعره بعد الازمه وبقائه على سعره

وكيف نستطيع جعل المصانع تخفض من اسعارها ولو 20%


دعوة للنقاش


بن رومي
شموخ دائم
06-10-2011, 12:49 PM
,

,


مرحبا

شكرا على الموضوع الطيب

بقولك تجربتي في المنطقه الصناعيه وراح تعرف ليه هذا الارتفاع 1000 %

استأجرت مكان في المنطقه الصناعيه 25 × 25 متر وفيه 4 غرف
سنه 2003 وكان السعر 4 الاف ريال

بعدها بسنه رفع الايجار الى 6500 وبعدها 2006 رفع الايجار الى 12 الف
وسنه 2007 رفع الايجار الى 25 الف ووافقت لان ما في مكان ثاني فاضي

الان سنه 2011 نفس المكان ما زلت امارس نشاطي فيه ادفع

45 الف في الشهر تبي او او اطلع من المكان

دورنا مكان فاضي لنفس النشاط ما لقينا

قلنا بندفع وامرنا لله

:)

تتوقع لو كنت ابيع سلعه معينه بهذا المكان كم لازم ارفع سعرها !!!
عشان اسدد قيمه الايجار ورواتب العمال والمسئولين بالشركه


من 4000 ريال الى 45 الف ريال
كم ارتفع الايجار في % ؟؟؟؟


لو جمعت مجموع الارتفاع الي حصل بالسوق وللمواد راح يكون ارتفاع جنوني

الحل

نوزع اراضي صناعيه على اهل الصنعه واهل المهن هناك وكل انسان يمارس نشاط وجاد في عمله
نعطيه مكان يشتغل فيه وراح تكون الاسعار في متناول الجميع

ساعتها الي عنده ارض هناك وحاط ايجارها45الف ما راح يلاقي حد يستاجرها

وينزل سعره وتكون في متناول الجميع

استقرار اسعار الايجار في الصناعيه وفي المحلات = استقرار اسعار المواد والسلع

هذه هي المعادله الي تحكم السوق

للاسف حصلت هزه كبيره في الاسعار 2006 رفعت اسعار الاراضي والايجارات وبدورها رفعت اسعار المواد والسلع
وهذا حصل في دول كثيره منها دول خليجيه ودول عربيه واسيويه ومحد قدر يسيطر عليها للاسف
واصبحنا جميعنا نعاني منها




,

,


اخوك


شموخ دائم
بن رومي
07-10-2011, 12:22 PM
جزاك الله خير اخوي شموخ دائم

اتعبت من بعدك

اسال الله ان يبارك فيك و عليك

بن رومي
قطري قديم
07-10-2011, 01:04 PM
مرحبا اخوي بن رومي دائما مواضيعك فعلا مواضيع تطرح للاستفادة واشكرك فعلا
طبعا انا ماقدر اضيف عقبك وعقب اخوي شموخ دائم
بس عندي اضافه صغيرة اني ياخوي كنت مؤجر سكن للعمال في معيذر 4 غرف نوم و3 حمامات الله يعزكم ومطبخ وستور كبير يعني بالعربي بيت شعبي وكان سعر الايجار الشهري 7000 ريال ولكن الان بعد القرار الجديد بنقل العمال للصناعيه لقيت الغرفه الوحدة في الصناعيه من 1400 الي 1500 الغرفه بدون حمام الله يعزكم والغرفه 4*3 يعني يادوب تكفي 3 اشخاص وانا عندي تقريبا 24 عامل يعني اقل شي يبقي لي 7 غرف نوم يعني 7 في 1400 = 9800 مقارنه بسعر 7000 ريال وبدون مطبخ وبدون ستور وهذا كله لان اصحاب العقارات رفعوا الاسعار في الصناعيه بعد قرار نقل العمال
وتقبل مروري