بخصوص مخالفات سالك (الامارات) ...............!!!

[م.قطري]

السلام عليكم ورحمه الله وبركاته

يالربع استفسار بسيط مخالفات ساللك توصل الدوحه ول ماتوصل (يعني نركب سالك ول مانركب):secret:

فياريت اهل الخبره يجاوبونا على السؤال

ويعطيكم العافيه

[R 7 A L]

معليش أخوي
ممكن توضح لنا شنو سالك ؟

[Most Wanted]

لا تركب ومجررب. السيارات الخليجيه ماعليها مخالفات

[al saad]

والله الشيخ انا ركبت الزقه من سنه ٢٠٠٨ وكان الرصيد ٥٠ ريال ولا عبيت ولا مخالفات لين احين مع انه سفراتي وايد لدبي

سافر ولا تشيل هم اهل الامارات فيهم الخير وكريمين حتى او خالفوك بتكون ٢٠٠ درهم

[بوحمد1]

ولا مليون مره رحت للامارات وخاصة دبي وامر على اجهزة الرصد ل سالك


ولا ركبت لزقه ولا جاتني مخالفه

[خالي مشاعر]

سالك للسيارات الاماراتيه فقط

[ابوسعود]

اخوي روح ولاتبالي
مافيه مخالفات
انا كل ماروح الامارات رايح راد على شارع الشيخ زايد
والامور طيبه

[nym]

انا مركب من سنتين ولا ادري هي للسيارات الامارتيه بس ولا للجميع

[مستر قطر]

سالك للسيارات الاماراتيه فقط

[حسن]

سالك للسيارات الاماراتيه فقط

:victory:

[راشد محمد]

انا مركب على سيارتي..الحتياط واجب

[دخيل الله]

وشو سالك وشو مركبين فهمونا شباب

بعدين مخالفات السعودية تتسجل على اللوحة القطرية الرادار مال ساهر

[بوجاسم 2009]

سافرت كم مرة لدبي و للحين ما اخصموه 50 درهم من كرت سالك

يعني مايحتاي تركبه لموترك

[تحداني]

السالك هو : بعض الشوارع في دبي عند المرور فيها
يدفع السائق مبلغ معين اي اربع ريالات او 5 ريالات
وانت رايح وانت جاي .. ففي شريحه توضع على السياره من خلالها يقوم باحتساب المبالغ
ويقوم المواطن بدفع قيمه الرسوم في المده المحدد لها



جملكم الله برضاه

[م.قطري]

ماقصرتو يالربع :)

جزاكم الله الف خير