جوال Samsung Galaxy SII و نظام Android افيدوني [الأرشيف] - منتديات شبكة الأسهم القطرية

مشاهدة النسخة كاملة : جوال Samsung Galaxy SII و نظام Android افيدوني

Muna_Q

08-10-2011, 05:33 PM

السلام عليكم ورحمة الله وبركاته

توني شريت الجلاكسي اس2.. الحمدلله واخيــراً تحقق حلمي
لكن واجهت عدة مشاكل، أول مره استخدم جوال بنظام الاندرويد فما اعرف حتى المصطلحات الي لازم ااعرفها في النظام... ولا اعرف متى اسوي التحديث ومتى ما اسويه

وشي ثاني مزعجني .. الدعايات في الجوال، لما افتح بعض البرامج والالعاب تطلع لي دعايات تزعجني ومااقدر اخذ راحتي في اللعبة او استخدام البرنامج.. شلون امنع هـ الدعايات؟

اي واستفسار ثاني... نظام الاندرويد فيه ميوزك ستور مثل الآيفون؟
وهل اي برنامج حماية من الاستور مضمون؟ وايش افضل برنامج حماية؟

واخيراً ابي برنامج مواعيد الصلاة بس ابيه برنامج يأذن الي حصلتهم بدون اذان!!

في انتظاركم ^_^
منى =)

AlWakRa

08-10-2011, 11:03 PM

بخصوص الأبديت ، لحد الآن الطريقة الشغالة هي عن طريق تنزيل برنامج اسمه Kies تلقينه بموقع سامسونج ، وتشبكين التلفون فيه وتشغلين البرنامج ويطلع لج إذا آخر سوفوير وإلا لا

اما الدعايات ، الحل هو انج تشترين البرنامج من الماركت ، إذا ما تبين تشترين تطلع الاعلانات لأنها الطريقة اللي يكسبون فيها فلوس

الميوزك ستور موجود ، في كذا برنامج يقدمون لج الستور ، أعتقد إن أمازون عندهم برنامج خاص للميوزك على الأندرويد

وبرامج الحماية ما أستخدمها ، ما سمعت عن اختراق للجهاز او اي شي ، اللي يصير إن بعض الشباب ينزلون برامج ما يدرون شنو شغلتها وإلا ما لها تقييمات ، وتطلع البرامج مفيرسه بس جوجل لما يكتشفونهم يمسحونهم ، تقدرين تبتعدين عن البرامج اللي تقاييمهم نازلة أو تقرين آراء الناس وراح تاخذين فكرة عن البرنامج

أما مواعيد الصلاة فما أقدر أحدد لج ، أنا أستخدم برنامج اسمه My Prayer صلاتي ، وحابه بسبب ديزاينه والودجت الخاص فيه

qews

08-10-2011, 11:09 PM

1- الجوال بسيط وبتتعلمين كيف تستخدمينه مع الايام وصعب شرح استخدام الجوال .. الا اذا مصره شوفي كتيب التعليمات
2- نزلي برنامج اسمه Samsung kies وهو عباره نفس itunes تقدرين تعملين باك اب للبيانات ومنها تعرفين اذا في تحديث او لا

في شي اسمه market شوفي البرامج الي عندج اذا مكتوب عليها update معناته البرنامج له تحديث

وماله داعي برامج حمايه لان هي اهيا الفايروسات اذا انتي في البرامج المضمونه مابتشتكين من شي ان شاء الله

واخر شي وهو برنامج الصلاه اسمه my prayer

ومع الايام بتتعلمين تحطين widgets وبتصير الدينا عندج اندرويد

Muna_Q

14-10-2011, 07:25 PM

بخصوص الأبديت ، لحد الآن الطريقة الشغالة هي عن طريق تنزيل برنامج اسمه kies تلقينه بموقع سامسونج ، وتشبكين التلفون فيه وتشغلين البرنامج ويطلع لج إذا آخر سوفوير وإلا لا

عندي kies air نفسه البرنامج ولا واحد ثاني؟

اما الدعايات ، الحل هو انج تشترين البرنامج من الماركت ، إذا ما تبين تشترين تطلع الاعلانات لأنها الطريقة اللي يكسبون فيها فلوس

الميوزك ستور موجود ، في كذا برنامج يقدمون لج الستور ، أعتقد إن أمازون عندهم برنامج خاص للميوزك على الأندرويد

ماتعرف اسم البرنامج؟

وبرامج الحماية ما أستخدمها ، ما سمعت عن اختراق للجهاز او اي شي ، اللي يصير إن بعض الشباب ينزلون برامج ما يدرون شنو شغلتها وإلا ما لها تقييمات ، وتطلع البرامج مفيرسه بس جوجل لما يكتشفونهم يمسحونهم ، تقدرين تبتعدين عن البرامج اللي تقاييمهم نازلة أو تقرين آراء الناس وراح تاخذين فكرة عن البرنامج

أما مواعيد الصلاة فما أقدر أحدد لج ، أنا أستخدم برنامج اسمه my prayer صلاتي ، وحابه بسبب ديزاينه والودجت الخاص فيه

كان عندي على الجهاز بس مايأذن يطلع لي مسج تنبيه بس! حذفته
ابي برنامج يأذن!!

مشكور اخوي الوكره
لاهنـت ^_^

Muna_Q

14-10-2011, 11:12 PM

1- الجوال بسيط وبتتعلمين كيف تستخدمينه مع الايام وصعب شرح استخدام الجوال .. الا اذا مصره شوفي كتيب التعليمات

كتيب التعليمات مافادني بشي! شلون افتح الغطاء وشلون استخدام لوحة التحكم، اصلا الكتيب هذا عبارة عن 6 صفحات تقريباً مافيها معلومات كافيه

2- نزلي برنامج اسمه Samsung kies وهو عباره نفس itunes تقدرين تعملين باك اب للبيانات ومنها تعرفين اذا في تحديث او لا

هو نفسه الي قال عنه اخوي الوكره؟

في شي اسمه market شوفي البرامج الي عندج اذا مكتوب عليها update معناته البرنامج له تحديث

اي هذا سهل عرفت له من اول ماشريته...

وماله داعي برامج حمايه لان هي اهيا الفايروسات اذا انتي في البرامج المضمونه مابتشتكين من شي ان شاء الله

واخر شي وهو برنامج الصلاه اسمه my prayer

ومع الايام بتتعلمين تحطين widgets وبتصير الدينا عندج اندرويد

شنو الـ widgets ...؟؟

شكراً اخوي
لاهــنت

qews

15-10-2011, 10:39 PM

باختصار الجوال بسيط وسهل مع الايام بتعرفين كل شي

ام السعف

16-10-2011, 07:54 AM

شنو الـ widgets ...؟؟

شكراً اخوي
لاهــنت

ال widgets

هي اللايكونات اللي تنحط على سطح المكتب ،،
مثل ايكون المسجات مالت كيوتل ،، وايكون حالة الطقس و ايكون الفيس بوك
او التوتر ،،

فأي تطبيق اتنزلينه ،، اول شي اتحددين الصفحة اللي تبين اتحطين فيه الايكون
مثلا في ناس يخصصون صفحات على سطح المكتب الخاص في جوالهم،،
صفحة للالعاب ،، وصفحة لتطبيقات التواصل من ماسنجر وفيس بوك وتوتر وجوجل توك
وصفحة لتطبيقات الاخبار من قنوات الاخبار والجرايد و حالة الطقس ،،

جوالي فيه ست صفحات اعتقد ،،

ما استخدمت الا صفحة وحدة منهم حاطة الميل والمسجات والاكسبلورر والواتس اب ،،
فإذا ابي ازيد ايكونات عليه اخلي الجوال مثبت على هالصفحة وادخل صوب
قائمة التطبيقات ،، واختار مثلا الفيس بوك اضغط على الايكون ولا ارفع صبعي
راح يفهم اني ابي انقله لصفحة مختارة فاسحبه واقطه في الصفحة اللي ابيها ،،

نزلت الصفحة ولقيت مثلا تنبيهات الفيس بوك مؤذية ومب عاجبني
الايكون ،، اضغط على الايكون ضغطة مستمرة راح يفتح لي اسفل
الشاشة الزبالة واحذف الايكون من الصفحة ،،

Muna_Q

18-10-2011, 12:03 AM

ال widgets

هي اللايكونات اللي تنحط على سطح المكتب ،،
مثل ايكون المسجات مالت كيوتل ،، وايكون حالة الطقس و ايكون الفيس بوك
او التوتر ،،

فأي تطبيق اتنزلينه ،، اول شي اتحددين الصفحة اللي تبين اتحطين فيه الايكون
مثلا في ناس يخصصون صفحات على سطح المكتب الخاص في جوالهم،،
صفحة للالعاب ،، وصفحة لتطبيقات التواصل من ماسنجر وفيس بوك وتوتر وجوجل توك
وصفحة لتطبيقات الاخبار من قنوات الاخبار والجرايد و حالة الطقس ،،

جوالي فيه ست صفحات اعتقد ،،

ما استخدمت الا صفحة وحدة منهم حاطة الميل والمسجات والاكسبلورر والواتس اب ،،
فإذا ابي ازيد ايكونات عليه اخلي الجوال مثبت على هالصفحة وادخل صوب
قائمة التطبيقات ،، واختار مثلا الفيس بوك اضغط على الايكون ولا ارفع صبعي
راح يفهم اني ابي انقله لصفحة مختارة فاسحبه واقطه في الصفحة اللي ابيها ،،

نزلت الصفحة ولقيت مثلا تنبيهات الفيس بوك مؤذية ومب عاجبني
الايكون ،، اضغط على الايكون ضغطة مستمرة راح يفتح لي اسفل
الشاشة الزبالة واحذف الايكون من الصفحة ،،

ايووواا~~~ فهمت .. اعرف اسوي هذا بس ماعرف اسمه :shy:
صحيح استخدام الجوال سهل وحلو

بس صادفتني مشكلة..
احيانا لما ابي اصور الجوال يعيد التشغيل!!! ماعرف شسوي ولا اعرف السبب

ام السعف

18-10-2011, 05:49 AM

ايووواا~~~ فهمت .. اعرف اسوي هذا بس ماعرف اسمه :shy:
صحيح استخدام الجوال سهل وحلو

بس صادفتني مشكلة..
احيانا لما ابي اصور الجوال يعيد التشغيل!!! ماعرف شسوي ولا اعرف السبب

اوبيه :eek5:
مستخف هالجوال :telephone:
يمكن الجوال فيه عيب تصنيعي ........> وديه عند الطبيب
اوبس اقصد الوكيل في شارع النصر مقابل مخابز الرغيف الساخن
اخبر كانوا هناك من سنة :shy:

تحداني

19-10-2011, 12:10 AM

Muna_Q

19-10-2011, 08:33 AM

اوبيه :eek5:
مستخف هالجوال :telephone:
يمكن الجوال فيه عيب تصنيعي ........> وديه عند الطبيب
اوبس اقصد الوكيل في شارع النصر مقابل مخابز الرغيف الساخن
اخبر كانوا هناك من سنة :shy:

خذيته من جرير.. وعليه ضمان.. اوديه للوكيل ولا جرير يودونه للوكيل ايش الافضل؟
وجوالي النسخة الصينية، مصانع سامسونغ في الصين
:rolleyes2: قريت عن هـ النسخة قالوا ان مافي فرق بينهم

:(

ام السعف

19-10-2011, 01:08 PM

خذيته من جرير.. وعليه ضمان.. اوديه للوكيل ولا جرير يودونه للوكيل ايش الافضل؟
وجوالي النسخة الصينية، مصانع سامسونغ في الصين
:rolleyes2: قريت عن هـ النسخة قالوا ان مافي فرق بينهم

:(

طبعا الوكيل ،، سامسونج اس خذته من حياة بلازا
بس لما استخف علي ،، وديته الوكيل بدل مرة 3 مرات
وتميت اقعد مع الفلبيني اسئله اشبلاه الجوال واشيبي واشحقى :(

إما بخصوص صناعة صينية
ما عليج ....> ما في جواويل تقليد تنباع في محلات معترف فيها ،،
لأن كل جوال له كود خاص راح تنفضح الجهة اللي باعته لو
وديتيه عند الوكيل ،

ام السعف

19-10-2011, 01:20 PM

^
^
لما قلت لج ابسررعه عن السوفت وير الجديد
قلتي انا مالي خص .. قلت لج عندج جلاكسي .. قلتي لا نظام الاندرويد
لبش اتلعوزيني

عندي فضول استخدم هالجهاز
وليش فضلتيه على الايفون

جملك الله برضاه

اولا خليني اقول لج يا آنستي الجميلة :
شراب الحب يعرف بالمذاق ِ وما كل السقاة له بساق ِ

هذا سر تميز حبي للاندرويد فهو ليس ككل السقاة :shy:

لذلك دعيني او خليني او اتركيني اقول لج يا عزيزتي :

اندرويد نظام تشغيل مثله مثل نظام التشغيل اللي كنت اتنزلينه
وفرحانة فيه يومها ،، فلما بشرتيني قلت لج مالي في هالنظام
قلتي لي عندج جالكسي ،، قلت لج لا عندي اندرويد

والاندرويد هذا اليوم تلقينه في ماركات كثيرة
في سوني اريكسون
سامسونج
اتش تي سي
ال جي

شوفي نظام مايكروسوفت اللي اسمه ويندوز اليوم كم ماركة
شغالة عليه ؟
كم لابتوب مر صوبج غير ماركة أبل وكلهم شغالين على ويندوز 7
وايد صح ؟

هذا هو نظام الاندرويد فهو ولد شركة جوجل والكل متبنيه
ومدلله ومدلعه ويشله ويحطه ويلمه ويعتني فيه :shy:

بينما السوفت وير اللي كنتي اتكلميني عنه فهو خاص بمنتجات شركة أبل
العملاقة ،،

اما لو رجعنا ليش احب جالكسي

احب جالكسي بوبندق :(
وللحين ما نزلت نسخة من جالكسي فيه بندق:weeping:

فالحب مب للجهاز نفسه كثر ما هو الحب للنظام اللي يشغله
ومواصفاته ومميزاته اللي اتميزه عن الأجهزة الثانية المتوفرة في السوق ،،

وبعد المحاضرة السابقة اقول لج ان جوالي ماركة
HTC
مب جالكسي

الحجاجي

19-10-2011, 01:45 PM

اولا خليني اقول لج يا آنستي الجميلة :
شراب الحب يعرف بالمذاق ِ وما كل السقاة له بساق ِ

هذا سر تميز حبي للاندرويد فهو ليس ككل السقاة :shy:

لذلك دعيني او خليني او اتركيني اقول لج يا عزيزتي :

اندرويد نظام تشغيل مثله مثل نظام التشغيل اللي كنت اتنزلينه
وفرحانة فيه يومها ،، فلما بشرتيني قلت لج مالي في هالنظام
قلتي لي عندج جالكسي ،، قلت لج لا عندي اندرويد

والاندرويد هذا اليوم تلقينه في ماركات كثيرة
في سوني اريكسون
سامسونج
اتش تي سي
ال جي

شوفي نظام مايكروسوفت اللي اسمه ويندوز اليوم كم ماركة
شغالة عليه ؟
كم لابتوب مر صوبج غير ماركة أبل وكلهم شغالين على ويندوز 7
وايد صح ؟

هذا هو نظام الاندرويد فهو ولد شركة جوجل والكل متبنيه
ومدلله ومدلعه ويشله ويحطه ويلمه ويعتني فيه :shy:

بينما السوفت وير اللي كنتي اتكلميني عنه فهو خاص بمنتجات شركة أبل
العملاقة ،،

اما لو رجعنا ليش احب جالكسي

احب جالكسي بوبندق :(
وللحين ما نزلت نسخة من جالكسي فيه بندق:weeping:

فالحب مب للجهاز نفسه كثر ما هو الحب للنظام اللي يشغله
ومواصفاته ومميزاته اللي اتميزه عن الأجهزة الثانية المتوفرة في السوق ،،

وبعد المحاضرة السابقة اقول لج ان جوالي ماركة
htc
مب جالكسي

أختيار مميز اهنيك عليه

htc وبالذات مع الأندرويد تحفه

ام السعف

19-10-2011, 01:48 PM

أختيار مميز اهنيك عليه

htc وبالذات مع الأندرويد تحفه

شكرا لك

mohd89

19-10-2011, 02:31 PM

mohd89

19-10-2011, 03:34 PM

سبحان الله توني قاعد اقول
سامسونغ تطلق هاتف جديد !
رابط الخبر

http://aljazeera.net/NR/exeres/7C53F8FA-316C-4C66-9065-0F0751E18ABB.htm?GoogleStatID=9

ام السعف

19-10-2011, 03:43 PM

ما شاء الله ام السعف خبيره
انزين ممكن سؤال انا عندي ايفون فور اس وابي اغير الى جالكسي اس تو صراحه
بعد صدمتي بالايفون الجديد :(
هل تنصحوني اغير . وأنا خايف اذا خذت الاس تو ينزل تلفون جديد لانه الجالكسي صارله فتره نازل.
شلون استخدام الاندرويد . وهل صحيح انه الابلكيشن اللي في الستور مال الاندرويد محدوده وأقل بوايد
من ابل ستور ؟
الاندرويد ما له جيل بريك معناه اذا ابي انزل نفيقيتور على سبيل المثال لازم اشتريه بـ80 دولار
ولا في طريقه انزل فيها اشياء بدون فيزا كارد

يا محمد ،، اول شي فكر بينك وبين نفسك ،، ليش تبي جوال يديد ؟

وشنهي عيوب جوالك اللي انت متأذي منها ،،

مب شرط كل جوال يديد ينزل يكون عندنا ولا هو بشرط اني اشل احدث جوال
في السوق ،، المهم من كل هذا لما اشل جهاز في يدي اعرف اوظف مميزاته
لصالحي ،،

فإذا ياك واحد مثلا ما يعرف يميز جودة الفيديو و اي مشهد فيديو عنده ما يعرف
يحكم عليه الا من خلال مادة العرض ولا يعرف شنهو وضوح او دقة او صور حادة او حروف
بارزة ،، الأمور عنده سهالات ،، فليش نقول له روح اشتر جوال بيعطيك
خط اوضح وهو اساسا ما يعرف يميز هالأمور ؟

الحين انت عندك ايفون فور اس ،، مواصفاته زينة ومقبولة وافضل في نواحي
من جالكسي ،، ليش اتروح تشتري جالكسي ؟

وليش انصدمت من الايفون فور اس ؟

هل كنت منتظر يطورك بشكل أكثر او يعطيك مميزات اقوى واكثر ؟
هل مواصفاته ما ترتقي لطموح معرفتك وثقافتك و في استغلال المميزات المتاحة ؟

ان كان جوابك لا ،، خله عندك ولا تفكر تاخذ غيره ،،
لأنه للحين يأدي ما هو مطلوب منه كجهاز ،،

اما لو بغيت اتجرب جوال بنظام الاندرويد ،، اتش تي سي نزل جهاز يديد
مواصفاته حلوة وتعد الأكثر تطورا نوعا ما ،، بس للحين ما نزل عندنا ،،

حتى حسب ما سمعت ان جالكسي بينزلون جهاز فيه تطوير بسيط لا يذكر
بس شنهو الأفضل للي ما عنده جالكسي من قبل ؟
انه ياخذ الجديد ،، اما اللي عنده جالكسي اس تو يخليه عنده ،،
ولا يتهور وياخذ له جالكسي اليديد مرة ثانية ،،

اما بخصوص نظام الاندرويد ،،
في الايفون تضطر اتحط جليبريك ،، لكن الاندرويد كل اللي عليك اتسوي حساب
في الجي ميل من صوب جوجل ،، وخلاص تقدر تدخل الماركت راح تلقى تطبيقات
مجانية كثييررررة وهناك تطبيقات بفلوس ،،
عني للحين ما شرينا ولا برنامج ،،

يخصوص النفيجيتور ما عندي فكرة عن البرامج اللي تدعمه في الاندرويد
لكن في شي اسمه في الاندرويد map من خلاله اتشغله واتفعل الخاصية
في الاعدادات وتقدر اتشوف تحركاتك مباشرة وين اتروح ووين اتيي ،،

واذا ضفت لك صديق عنده حساب في جي ميل ،، ترسل له دعوة
واتشوفه وينه فيه ويشوفك وينك فيه ،،

اما بخصوص التطبيقات الموجودة في ابل ستور و ماركت الاندرويد
هذا بعد يرجع لنوعية التطبيقات اللي انت تستخدمها ،،

للحين ما شفت شي ناقصنا في الاندرويد حسب استخدامي او
استخدام اللي اعرفهم في عالم النت ،،

وماركت الاندرويد صحيح انه ما يقارن بماركت ابل بس بعد
بتلقى فيه كل شي ،،

ام السعف

19-10-2011, 03:51 PM

سبحان الله توني قاعد اقول
سامسونغ تطلق هاتف جديد !
رابط الخبر

http://aljazeera.net/nr/exeres/7c53f8fa-316c-4c66-9065-0f0751e18abb.htm?googlestatid=9

ميزة الجهاز المعلن عنه يشاركون الملفات لمجرد وضعها جنب بعض
كانت موجودة في ايفون فور من خلال برنامج ينزلونه حسب ما سمعت ،،

اما بخصوص التعرف على الوجه بدل الكلمة السرية
هذي عني ما اعتبرها ميزة تستحق اني اترك جوالي واشتري جوال يديد
وان كان يشتغل على الاندرويد ،،

فاهنيه يا محمد انت اتحدد المميزات واللي ممكن تضيف لك
هم يستفيدون منا من خلال ابراز الدعايات لمنتجاتهم ويعطوننا
التكنالوجيا بالقطارة وكل نوع منها في جوال يديد باصدار يديد ،،

واحنا على طول نروح ناخذ اليديد وفي الأخير اللي عندنا يأدي ماهو
مطلوب منه ،،

تحداني

19-10-2011, 11:26 PM

اولا خليني اقول لج يا آنستي الجميلة :
شراب الحب يعرف بالمذاق ِ وما كل السقاة له بساق ِ

هذا سر تميز حبي للاندرويد فهو ليس ككل السقاة :shy:

لذلك دعيني او خليني او اتركيني اقول لج يا عزيزتي :

اندرويد نظام تشغيل مثله مثل نظام التشغيل اللي كنت اتنزلينه
وفرحانة فيه يومها ،، فلما بشرتيني قلت لج مالي في هالنظام
قلتي لي عندج جالكسي ،، قلت لج لا عندي اندرويد

والاندرويد هذا اليوم تلقينه في ماركات كثيرة
في سوني اريكسون
سامسونج
اتش تي سي
ال جي

شوفي نظام مايكروسوفت اللي اسمه ويندوز اليوم كم ماركة
شغالة عليه ؟
كم لابتوب مر صوبج غير ماركة أبل وكلهم شغالين على ويندوز 7
وايد صح ؟

هذا هو نظام الاندرويد فهو ولد شركة جوجل والكل متبنيه
ومدلله ومدلعه ويشله ويحطه ويلمه ويعتني فيه :shy:

بينما السوفت وير اللي كنتي اتكلميني عنه فهو خاص بمنتجات شركة أبل
العملاقة ،،

اما لو رجعنا ليش احب جالكسي

احب جالكسي بوبندق :(
وللحين ما نزلت نسخة من جالكسي فيه بندق:weeping:

فالحب مب للجهاز نفسه كثر ما هو الحب للنظام اللي يشغله
ومواصفاته ومميزاته اللي اتميزه عن الأجهزة الثانية المتوفرة في السوق ،،

وبعد المحاضرة السابقة اقول لج ان جوالي ماركة
HTC
مب جالكسي

:shy:
:shy:
اهااااااااااااااا .. جان شرحتيلي السالفه ذاك اليوم
جعمتيني وقلتي لي هاي مب نظامي وسكتي

لج الفيس الاخير والي جنبه على اليسار

جملك الله برضاه

ام السعف

20-10-2011, 06:24 AM

:shy:
:shy:
اهااااااااااااااا .. جان شرحتيلي السالفه ذاك اليوم
جعمتيني وقلتي لي هاي مب نظامي وسكتي

لج الفيس الاخير والي جنبه على اليسار

جملك الله برضاه

:shy::shy::shy:
:shy::shy:
:shy:

يومها السوالف كانت وايدة :shy:
وفوقه لازم اكتب اللي كتبته فوق ،، فكنت اجلد للصغير دفتر الموسيقى
واحط له صور الات موسيقية و صور النوتات ،، فما كان عندي وقت
اشرح شي ...................> الا ليش هالولد مهتم في الموسيقى ؟ :(

Muna_Q

20-10-2011, 01:15 PM

طبعا الوكيل ،، سامسونج اس خذته من حياة بلازا
بس لما استخف علي ،، وديته الوكيل بدل مرة 3 مرات
وتميت اقعد مع الفلبيني اسئله اشبلاه الجوال واشيبي واشحقى :(

إما بخصوص صناعة صينية
ما عليج ....> ما في جواويل تقليد تنباع في محلات معترف فيها ،،
لأن كل جوال له كود خاص راح تنفضح الجهة اللي باعته لو
وديتيه عند الوكيل ،

:omg: امااا يطلع تقليــــد
ان شاءالله بوديه في اقرب فرصه

طيب لو طلع مقلد ايش بيسوي الوكيل؟ بيردون لي فلوسي ولا بيعطوني واحد اصلي؟

عناد2009

30-10-2011, 09:35 PM

سؤالي جزاكم الله خير.. في الايفون لو فيه رابط فيديو او دعاء ماقدر احفظه ولا استقبله بلوتوث،، السامسونج اس٢ نفس الشي ولا عادي؟؟

LiL iNVe$ToR

08-11-2011, 11:18 AM

المفروض تاخذين إيفون :) ههههه امزح ...ان شاء الله تلقين حلول لمشاكله.

ام السعف

09-11-2011, 12:31 AM

:omg: امااا يطلع تقليــــد
ان شاءالله بوديه في اقرب فرصه

طيب لو طلع مقلد ايش بيسوي الوكيل؟ بيردون لي فلوسي ولا بيعطوني واحد اصلي؟

مستحيل يكون تقليد مستحيل ،،

اما لو كان تقليد لا سمح الله الوكيل ماله خص في التقليد
تاخذين الفاتورة وعلى حماية المستهلك على طول :telephone: