امرأة عربية تشترى أغلى عباءة فى العالم بمــليون و2

[سلوى حسن]

http://www.youm7.com/images/NewsPics/large/s1020118211128.jpg


امرأة عربية تشترى أغلى عباءة فى العالم بمــليون و200 ألف درهم من دبى
السبت، 8 أكتوبر 2011 - 21:15

العباءة
دبى - رمضان العباسى

قالت رنا القدسى، المصممة والمدير التنفيذى فى دار أزياء أرتيزانا أحجار فى دبى، إن امرأة عربية اشترت عباءة و"شيلة" بمبلغ مليون و200 ألف درهم بعد عرضها فى بيروت، ضمن فعاليات ليلة أزياء إماراتية، مشيرة إلى أن العباءة تحمل اسم طقم دانة الإمارات المكون من عباءة و"شيلة" مشغولة بقطع من الذهب والألماس واللؤلؤ.

وأشارت القدسى لصحيفة "الإمارات اليوم" إلى أن السعر الأصلى للعباءة يقدر بنحو مليون و500 ألف درهم، إلا أن المشترية وهى زائرة عربية لبيروت،رفضت الكشف عن هويتها، طلبت تقليص أعداد الألماس واللؤلؤ وإجراء تعديلات على العباءة، مما أسهم فى خفض السعر ليصل إلى مليون و200 ألف درهم.

وأكدت أن العباءة مزينة بـ75 قطعة من الذهب الخالص المشغول يدوياً والمرصع بأحجار الألماس الأبيض والأسود وحبيبات اللؤلؤ الحر بأحجام متفاوتة، مضيفة أن وضع التصميم النهائى للعباءة واختيار الأقمشة والمجوهرات اللازمة للتنفيذ استغرق ستة أشهر.

وتميزت العباءة التى أثار سعرها جدلاً فى المجتمع، بأنها مشغولة بأرقى أنواع الأقمشة ومنها الحرير الإيطالى الأصلى والشيفون والدانتيل الفرنسى، والتول السويسرى جاكو شيلفير، الذى يبدأ سعر المتر الواحد منه بـ2000 درهم ليصل لـ 70 ألف درهم.

واحتاجت القدسى نحو 20 مترًا من القماش لتصميم القطعة العلوية للعباءة بكلفة 81 ألف درهم، ولم تتمكن من تحديد قيمة الذهب والألماس واللؤلؤ الحر الذى استخدمته فى تصميم العباءة كاملة.

وذكرت أن العباءة مرت بعدة مراحل قبل أن تخرج بشكلها النهائي، منها مرحلة تصنيف الأقمشة وتركيبها لتتلاءم مع التصميم المرسوم على الورق، ومرحلة تصميم شراء قطع المجوهرات كل قطعة على حدة، وإعادة ترتيبها.

وأوضحت أن العباءات التى تم تصميمها غير قابلة للتقليد، وذلك لما تحتويه من تفاصيل دقيقة وأقمشة راقية ومجوهرات أصلية يصعب نقلها، لافتة إلى أن محل أرتيزانا أحجار الذى صمم العباءة ينتج قطعة واحدة من كل تصميم، الأمر الذى يمنح زبائن المحل تفرداً وفخامة.

وقالت القدسى، إن المحل يتعهد بتجديد وصيانة العباءات بعد بيعها، لأن الزبائن يحتفظون بالعباءة مدى الحياة كونها تحتوى على قطع من الذهب والألماس، الأمر الذى قد يعرض الأقمشة للتلف، لافتة إلى أنها أعادت تجديد تصميم عباءة مرصعة بقطع من الألماس بيعت منذ سبع سنوات.

وأفادت القدسى بأن الخليجيات وتحديداً السيدات القطريات هن الأكثر اقبالاً على اقتناء العباءات المرصعة بالألماس، إذ بلغ سعر أغلى عباءة اشترتها سيدة قطرية نحو 300 ألف درهم، فيما لم يتجاوز سعر أغلى عباءة اشترتها سيدة إماراتية نحو 7000 درهم.

ويذكر أن أغلى عباءة فى العالم سجلت فى، 2008 وكانت من تصميم البريطانى بروس أولدفيلد، وتميزت بتطريزها بما يقارب 5000 ألماسة ويزن الذهب الأبيض فيها 359.7 جراماً، والألماس 85.13 قيراطاً، وسعرت للبيع بقيمة 175 ألف جنيه إسترلينى بما يقارب 992.8 ألف درهم مما يجعل العباءة الإماراتية الأغلى فى العالم.

[وحيد-الشوق]

ليش مايقولون خليجية ويفكونا !!!

[R 7 A L]

مليون و200 الف
:omg:
في عباءة !!!


والناس تموت من الجوع

[شقرديه]

لاحول ولاقوه الا بالله

عبايه بمليون ؟؟ صج ناس بطرانه !!

انزين وبعدين شرتها والبستها وعقب وين بتوديها ؟؟

الله المستعان بس :)

[سلوى حسن]

مليون و200 الف
:omg:
في عباءة !!!


والناس تموت من الجوع


ناس فاضيه

[معلم فكري]

الله لا يخسف بنا
الحين العباية صارت موضة ومجاكر ومعاد صارت ستر عند بعض الحريم للأسف

[سلوى حسن]

ليش مايقولون خليجية ويفكونا !!!

الله اعلم شو الجنسيه

[أوركيدهـْ ~]

علامات الساعه .. !

والله حرام اللي قريته .. كل هالفلوس في عبايه ؟ !!!

مو لو الاحسن بنت لها مسجد !

[آخر حبه]

كل شخص يملك من مال شخصي له وحلال عليه

ويأأدي زكاته بما يرضي ربه جعل حلال عليه تصرفه فيها

ولو شرتها ب 10 مليون حلالها وكيفها

[المفترسه]

انتوا ملاحظين راس العارضه شكبر في الصوره؟؟

[ام ناصر1]

اكيد زوجها راهي ....والله يهنيها بالعابية

[قطريه ماركه]

الحمدلله و الشكر ...

لو انفقت هالمليوون على القرن الافريقي أبرك لها ....

[الخيالة]

ماعندها سالفه
حمدالله والشكر

حتي لو عندها فلوس وايد تقدر بهالمبلغ تسوي وايد أشيا مفيدة وأحسن من ان تشتري عباية
ان الله لا يحب المسرفين
ان المبذرين إخوان الشياطين


وصلت لحالة الترف ماعندها شي ومب عارفه شتسوي بفلوسها الله يعينها علي هالحالة

[التايه]

من تكون هذي الخليجية ياترى؟؟؟؟؟؟

[معلم فكري]

انتوا ملاحظين راس العارضه شكبر في الصوره؟؟

ههههههههههه

[العميد الركن]

انتوا ملاحظين راس العارضه شكبر في الصوره؟؟


http://im16.gulfup.com/2011-10-08/131810541731.jpg (http://www.gulfup.com/show/X2ywd5lgkeuasoos)

[رجل مثالي]

كان المفروض تطرشلي المبلغ لتكملة بناء البيت أفضل من شراء العباءة

كله في الغسيل رايح أو كان وزعته في اعمال الخير كان أبرك لها

[الكواري 1972]

مادري السالفه نغزه علينا

لان مليون ومئتان الف اي 1200000

هذا لله يسلمكم غرض الاسكان وذالينا عليه بعد

حلوه السالفه صح يااااا .....

[A l i]

انتوا ملاحظين راس العارضه شكبر في الصوره؟؟

هههههههههههه :tease:

[الأصيلة]

عليها بالعافية ولو إن المبلغ مبالغ فيه جدا..
وماكان فيه داعي تحط لولو وألماس في العباية...
من بيدري عنها...وشيء طبيعي يحرم لبس مثل هذه العباءة لأن فيه خيلاء...
والله أعلم بها وبما تنفقه وتتصدق به ...ويمكن تصدقت بأضعاف المبلغ أو مسوية مشاريع خيرية..
مايجوز نشك ونظن في نوايا الناس وأعمالهم...

[Nevada]

بطره .

[رجل مثالي]

ممكن لها راسين هههههههه

[المفترسه]

http://im16.gulfup.com/2011-10-08/131810541731.jpg (http://www.gulfup.com/show/x2ywd5lgkeuasoos)

^
^
بالضبط

[الضمين]

خلها تمتع في الفلوس قبل لاتروح وتخليها

واللي يقول ليش ماتبرعت وليش مابنت مسجد أو ساهمت في أعمال خيرية وانت وشدراك انها ماسوت هالاشياء وبأضعاف
سبحان الله طبع كثير من الناس الاشياء اللي مايقدرون عليها يعذربونها !!

[المُلهم]

الصومال .. "تموت" .. جوعاً ..!

أهل .. " العقول" .. في .. راحة ..!

[معلم فكري]

خلها تمتع في الفلوس قبل لاتروح وتخليها

واللي يقول ليش ماتبرعت وليش مابنت مسجد أو ساهمت في أعمال خيرية وانت وشدراك انها ماسوت هالاشياء وبأضعاف
سبحان الله طبع كثير من الناس الاشياء اللي مايقدرون عليها يعذربونها !!

يا أخي الكريم بالعقل هل من الطبيعي شراء عباءة بهذا المبلغ خاصة اذا ما علمنا أن العباء للستر وليست للفت الأنظار
وأيضاً هل تعتقد أن هذه العباءة عبارة عن قماش فقط
الأكيد انها مليئة بالأكسسوارات التي لا تتوافق مع الحكمة المقصودة من لبس العباءة الا وهي ستر المرأة وعدم إبداء زينتها

[Bu Rashid]

عليها بالعافيه دام عندها الخير
ويمكن أنها تبرعت للصومال وللفقراء أيضا

[ارين]

كل شخص يملك من مال شخصي له وحلال عليه

ويؤدي زكاته بما يرضي ربه جعل حلال عليه تصرفه فيها

ولو شرتها ب 10 مليون حلالها وكيفها


أتفق مع رأيك دامها تملك الكثير فهي حرة في شراء العباءة وحلال عليها
وعملا بالآية (‏وأما بـنعمة ربـك فـحدث‏)‏ كما يقول البعض ..

ولكن ألا ترى في إنفاقها لهذا المبلغ الكبير إسراف وتبذير
وبدلا من هالتبذير والإسراف ألم يكن من الأفضل لها أن تتصدق ما أنفقته من مال في الأعمال الخيرية

قال عزوجل " وَلا تُسْرِفُوا إِنَّهُ لا يُحِبُّ الْمُسْرِفِينَ "
وقال .. "وَلا تُبَذِّرْ تَبْذِيراً * إِنَّ الْمُبَذِّرِينَ كَانُوا إِخْوَانَ الشَّيَاطِينِ ... "

[بوجاسم525]

متزوجه ولا هههههههههههههههههههههه

[حقيقه]

زين والسيارات اللي يأخذونها أصحابها ب مليون أو مليونين
ومايستخدمها كثير بس حق الكشخه مره بالأسبوع أو الشهر

فلوسها وكيفها الله يهنيها
ويرزقنا ان شاءالله

[مشتاقة لقطر]

الله يهنيها

[مخطط قطري]

تقطعها بالعافية:)

[رجل مثالي]

كان قارون يلبس اللباس والزينة بالملايين ولا ينفق درهم على المحتاجين

[تاجر كشخة]

كل شخص يملك من مال شخصي له وحلال عليه

ويأأدي زكاته بما يرضي ربه جعل حلال عليه تصرفه فيها

ولو شرتها ب 10 مليون حلالها وكيفها

بس ما ضنيت انها في يوم الحساب بتمر مرور الكرام

[بوحارب]

ملبوس العافية

[nadeemy]

بس ما ضنيت انها في يوم الحساب بتمر مرور الكرام

طيب انت ما شريت هذي العبايه , بس ياترى هل انت متاكد انك بتمر مرور الكرام يوم الحساب ؟
دعوا الخلق للخالق

[Emarati]

انزين هي ماقالت بلبس العباية ههههههههههه

[رجل مثالي]

وعلى فكرة هناك أفراد يشترون اللوحات الفنية والسيارات القديمة

والطوابع البريدية وارقام الجوالات والساعات الماركات بملايين الدولارات

[الزعفراني]

الخبر غير صحيح ، هذه هي أغلى عباءة في العالم

http://m002.maktoob.com/alfrasha/up/5008065621066659279.jpg

[Fahad Alqahtani]

مستغرب من اللي يدافعون عنها ويقولون حلالها وحره فيه .. هذا يسمى تبذير والمبذرين اخوان الشياطين ..

والمرء يسأل عن ماله فيما انفقه . وانفاقه في لبس بقيمة قرض التنمية اعتقد انه تبذير .

[غايه الطواش]

عليها بالعافيه ..يمكن اذا اعتجت العبايه تسويها عقد

[شبح الصمت]

صج رزق المهابيل على المجانين

[chillis]

صج رزق المهابيل على المجانين

:telephone::nice:

[موظف بالبورصه]

جات على هذي !!

اصلا العبايه من بعد ماكانت ستر للبنت اصبحت لو ماتلبسها افضل !!

قمت اشوف اشياء غريبه عجيبه !! واقول الله المستعان ..

تفصيل دقيق يظهر تفاصيل الجسم وشلون مادري !!

[MAZEN37]

نظرة الامم علينا كعرب مب من فراغ
من تصرفات تعتبر جريمه بحق الانسانيه

[بـــــــنت النوخـّــــذه]

اشترتها عشان قطع الالماس والاحجار الموجوده

هالكميه تكفي وتزيد بعد اذا حطوها ب بطقمين او ثلاثة اطقم من عقد وسواره وخاتم ووو000الخ

ف السعر هو نفسه اذا كان شخص بيشتري 3 اطقم 00بس الحلوين حطوها بعباه وسوولنا ضجه اعلاميه 000

بس زين هم مسويين عباه 00الاجانب مره عرضو (شسمه ) مرصع بالالماس الحر بمبلغ لايقدر بثمن اهههه

سلام

[ضوى]

بذخ وتبذير ماله اي معنى الا لجذب الانظار

الحمد لله والشكر لله

[kcard]

إلي عنده مال و محيره
يجيب حمام و يطيره

[تاجر كشخة]

طيب انت ما شريت هذي العبايه , بس ياترى هل انت متاكد انك بتمر مرور الكرام يوم الحساب ؟
دعوا الخلق للخالق

نعم يالطيب تبيني ارد عليك ولا شسالفه

[QatariFallah]

كنت امخطط على هديه..بس حسافه..قصَّت علي واسبقتني

[المتحدث الرسمي]

.....


ربنا لا تؤاخذنا بما فعل السفهاء منا


.....

[سارونه]

حسبنا الله ونعم الوكيل

ناس ميته من الجوع ، وناس مش عارفه وين تحط فلوسها :(

قهر والله - بتتحاسب فيه عن ربها - يا الله لا تبلينا :(

[موضي قطر]

بعض الردود مادري شتبي ؟؟هل البعض يعرف ان السيده العربية اللي شرت هالعبايه قطرية وجاي يقول
شدراكم انها ماتبرعت وسوت اعمال خير !!

عثمان بن عفان رضي الله عنه كان من الأغنياء
وبعض الصحابة والصحابيات كانوا من الإغنياء


ليش ماسمعنا انهم لبسوا شي غالي الثمن ولا حتى انفقوا مالهم في غير


مايرضي الله ولا يستفز الناس خبر مثل هذا واهل الصومال وغيرهم مايلاقون اوراق الشجر ليسدون فيه جوعهم انتوا شايفينه عادي وحلالها وحره فيه ؟!!


الله بسأل كل واحد فيما انفق ماله وش بتقول
والله مالي وانا حره فيه


هذه يسمونها وقاحة وبطر على الله سبحانه وعلى نعمته وعلى الناس :omen2:

[wadha-qa]

وجع !! عبايه بمليون و200 :eek5: سعر عقار هذا حرام تشتري بهالقيمة صراحه :waiting:


واذا العبايه المقصوده هذي اللي بالصوره صراحه اللي شرتها ما عندها ذوق كلش:rolleyes2:

[بـنـت ڪرز]

ما أتوقع هالسالفه صحيحه

شكلها دعايه للمحل وتحفيز حق بنات الطبقه الألمعيه انهم يشترون منهم

[هبوب الكوس]

حد يشتري غترتي ماركة رويس :(

[nadeemy]

كم وحده من الاخوات اللي شاركوا في الموضوع عندها شنطه L.V او dior قيمتها ما تقل عن 7 او 8 الاف ريال
لحد يقول فيه فرق بين مبلغ الشنطه ومبلغ العباءه , لان الموضوع نسبه وتناسب

[بو خليفه 123]

الله يهدي أم العيال قايل لها لا تخلين الجرايد ينتبهون و انتي تشترينها

[كبير المتداولين]

الله يزيدها لو مكثره الالماس كان طلعت اغلى واحلى

[Red rose]

اللي عندو قرش ومحيرو ، يجيب حمام ويطيروا

اشهد الله انها مب صاحيه

[موضي قطر]

كم وحده من الاخوات اللي شاركوا في الموضوع عندها شنطه L.V او dior قيمتها ما تقل عن 7 او 8 الاف ريال
لحد يقول فيه فرق بين مبلغ الشنطه ومبلغ العباءه , لان الموضوع نسبه وتناسب


بتكلم عن نفسي ولا يمكن باي حال من الأحوال اني اشتري شنطة باهالمبلغ حتى لو ماركة .. من يوم وانا شباب ليومك وانا في 55 سنة :shy:

[بـــــــنت النوخـّــــذه]

كم وحده من الاخوات اللي شاركوا في الموضوع عندها شنطه l.v او dior قيمتها ما تقل عن 7 او 8 الاف ريال
لحد يقول فيه فرق بين مبلغ الشنطه ومبلغ العباءه , لان الموضوع نسبه وتناسب

شدخل

الشنطة عملية بتستفيد منها وممكن تلبسها دهر 00
اما عباه بهالسعر مينونه
كان شرت لها طقم تلبسه ابرك لها 00 بس سالفه الشراء للعباءه هي لمجرد الشهرة ليس إلا

[&أم علاوي&]

حرام هالمبلغ ينقط على عبايه واخر شي بتنركن ف الكبت ..

الله يرحمنا برحمته بس ويستر علينا وعلى الجميع ..

دام عندها هالمبلغ ليش ماوزعته على الفقراء في ناس وايد محتاجه ومب محصله قوت يومها ..

وهي رايحه تشتري عبايه بهالقيمه بس عشان يطلع انها شرت عبايه بالقيمه الفلانيه ..

اتقوا الله في انفسكم يا جماعه ..

[راسي براسك]

متزوجه ولا هههههههههههههههههههههه


:ok::strong3:

[S A A D]

عن أبي برزة الأسلمي رضي الله عنه قال : قال رسول الله صلى الله عليه و سلم ((لا تزولا قدما عبد يوم القيامة حتى يسأل عن أربع عن عمره فيما أفناه وعن ماله من أين اكتسبه وفيما أنفقه وعن شبابه فيما أبلاه وعن علمه ماذا عمل به

[بـنـت ڪرز]

شدخل

الشنطة عملية بتستفيد منها وممكن تلبسها دهر 00



I don't carry a bag from last season
:shy:

[كازانوفا]

خبررر مخزززززززززززي حتى لو عندهااا بلاااااااااايين ما له داعي شغل التفاخررررر

[بـــــــنت النوخـّــــذه]

I don't carry a bag from last season
:shy:

اههههه

انا نفس عقلية هالناس بالنسبة للاحتفاظ بالمقتنيات والافتخار بلبسها مهما مرت السنين00

مهب بخل بالعكس احب احتفظ بكل ماهو غالي ورخيص واجدد بلبسه بين فترة وفترة

^_^ واشتري فوقهم بعد
http://www.ommahat.net/forum/imgcache/24875.jpg

http://www.ommahat.net/forum/imgcache/24876.jpg

[بـنـت ڪرز]

اههههه

انا نفس عقلية هالناس بالنسبة للاحتفاظ بالمقتنيات والافتخار بلبسها مهما مرت السنين

^_^
http://www.ommahat.net/forum/imgcache/24875.jpg

http://www.ommahat.net/forum/imgcache/24876.jpg


ههههههههههه شعرها محومر وهي صغيره اتاريها مب شقره!

ترى مب بس هالشنطه كذا شنطه عادتها

حتى كيت ميدلتن .. she recycles her clothes!!

يعني بيني وبين نفسي بقول .. الانجليز بيتمون انجليز *تقحطط*
مب نفس الامريكان >_<

[بـــــــنت النوخـّــــذه]

.. الانجليز بيتمون انجليز *تقحطط*
مب نفس الامريكان >_<

:)

اتابعين ممثلات هوليود ملابسهم وحقائبهم وجواتيهم يكرم القارئ ؟؟؟

اممممم

مره حطو في برنامج يحطونه على mpc4 عن المشاهير بامريكا وتكرار ملابسهم

ماشاء الله الله اتقولين لبسهم جديد توهم شاريينه يعني يعتمد على الكشخة وطريقة ابراز الشيئ لدرجة ماتفرقين اذا كان فعلا" ملبوس من قبل00

بعد تعجبني عقلية الامريكان والاجانب بشكل عام يعرفون يبرزون مقتنياتهم بشكل حلو وبكل فخر امام الكاميرات 00

كنت بحط لج رابط عن هالشي بس اممممم مايصلح لان الممثلات اشوي لبسهم عاري ويخص العالم الهوليودي اههه بامريكا

[ولد المدني]

لو كانو طالبين من السيده العربيه انها تتبرع ب 1000 درهم للفقراء كان ماهتمت ولا دفعت بس حق البطره والزبو وحتي يكتبون عنها قطت المليونين وميتين الف كلها اسبوع وبتركن العبايه بالكبت ونست انه النعمه زواله.... صج فسق

[ثابت]

قلة العقل الله لا يخسفنا
ومعروفين ما يحتاج تنذكر اسميهم هالمهرجين الي حتى الغرب مسوين لهم موسم خاص فية لغبائهم

[أم مشعل]

كل شخص يملك من مال شخصي له وحلال عليه

ويأأدي زكاته بما يرضي ربه جعل حلال عليه تصرفه فيها

ولو شرتها ب 10 مليون حلالها وكيفها

من قال انه حلالها وكيفها فيه

المسلم يوم القيامة مساءل عن ماله كيف اكتسبه وفيم انفقه .....؟؟

هذا يسمى تبذير وسفه وليس مالي وانا حر فيه وكيفي .........

صحيح انه مالها ولكن المسلم رب العالمين أعطاه عقل ليميز به ويفكر به

ومن سياق الخبر مبين ان السيدة والله العالم قطرية ............

[ملكت الكون]

:omg::eek::omg:

حتى لو عندها فلوس الله يزيدها
بس عباية بهالسعر ليش وشحقه ولماذا ؟؟؟؟ :omen2:

اذا هذي بعد صورة العباية ما شافت الحلاة الصراحة :thumbdown:

الله الهادي

:secret:

[شبح الصمت]

يالربع توني مستوعب

عيل شكلها يوم خلاص العبايه تذوب بطلع الذهب والالماس واللولو وتبيعه ..

يعني العبايه مهب خالي بلاش ..

اخاف ينزل في السوق عما قريب


صروال بوذهب والماس ..

:funny:

[سلوى حسن]

هههههههههههههههههه
ماشاء الله
تبارك الرحمن

موضوع عامل شغل صح

[بورصجية]

ام حسووونة
شكرا على الموضوع
بس معلش انا الخبر نرفزني ونفسي اضرب حد

[سلوى حسن]

ام حسووونة
شكرا على الموضوع
بس معلش انا الخبر نرفزني ونفسي اضرب حد



هون ام حسونه
عفوا

هههههههههههههههه

[ريتويت]

لا تعلييييييييييييييييييييييييييييق

[بورصجية]

هون ام حسونه
عفوا

هههههههههههههههه


في الشبكة كلها انتي ام حسونة :nice:
هههههههههههههههههههههه

[غدير البورصه]

ههههههههههههه

الي عنده قرش ومحيره يشتري حمام ويطيره - كلام اخوانا المصريين-

من وين المصدر يا اختي

من جريدة البيان ولا جريدة الامارات اليوم ولا جريدةالاتحاد


لان هذي هي الجرايد الرسميه في الا مارات

اما جرايد لبنين قصدي لبنان ما - ------

[halcrow]

ماتخاف اذا قعدت ....اطيح الماسها ههههه

[Hamad7788]

شكلها اول ماتلبسها بتدعم الباب وبتشير العباه في الباب وبتنشق :funny::taunt::funny:

[سلوى حسن]

ههههههههههههه

الي عنده قرش ومحيره يشتري حمام ويطيره - كلام اخوانا المصريين-

من وين المصدر يا اختي

من جريدة البيان ولا جريدة الامارات اليوم ولا جريدةالاتحاد


لان هذي هي الجرايد الرسميه في الا مارات

اما جرايد لبنين قصدي لبنان ما - ------


http://helwa.maktoob.com/sec1400/pno1/title_%D8%A7%D9%84%D9%85%D8%B1%D8%A3%D8%A9-%D9%81%D9%8A-%D8%A7%D9%84%D8%B5%D8%AD%D8%A7%D9%81%D8%A9/index.htm

[cavok]

الظاهر خدتهم المليون وميتين الف من بنك التنميه وشرت العباية
خوش حريم

[شمس]

اللهم حوالينا ولا علينا
يارب ما تكون من قطر ولا الخليج بريه من فعلها

[رمــش الغلا]

الله يهدي أم العيال قايل لها لا تخلين الجرايد ينتبهون و انتي تشترينها

:nice::nice:
ههههههههههههههههه

[BIRDS]

كل شخص يملك من مال شخصي له وحلال عليه

ويأأدي زكاته بما يرضي ربه جعل حلال عليه تصرفه فيها

ولو شرتها ب 10 مليون حلالها وكيفها

كفيت و وفيت لو مزكيه فلوسها حلالها وكيفها

[لاجل QT]

طيب وين بتخشها في البنك:eek2:

مايسوة عليها كل ماجات تبي تلبسها تروح البنك طلعها:p

انزين بالنسبة للغسيل لو توصخت العباية غسيل عادي ولاجاف:(<<<<<<<<شوف شتفكر فية:funny:

[qatara]

الدرهم الحلال سنسائل عنه وهو حلال
من اين اتى واين ذهب بحلال ام بحرام

بحق ام باسراف ولعب ام صرف بمكانه

وهو حلال فما بالك هذا الفسق بانعم الله للفموشر ولكي يقال فلانه عبائتها بكذا

وتلومون الاجانب والاسيويين لما يطمعون في اهل الخليج وخيراتهم

العقل نعمة
والله يصلح الحال

[جرح الزمان]

ما اعرف ليش تنلبس العبايه ... اذا كانت مرصعه بالالماس والذهب

العبايه للستر وأخفاء الزينه ...

صارت العبايه تبي عبايه ....

[pink pearl]

الله يهديها
صج ناس مبذرة ومسرفة حد الهوس
الله لايبلينا

[STAR]

أذا إلبستها لازم نلاحقها

لعل وعسى يطيح من عبايتها فص ذهب والا الماسة ‏‏(=

[chillis]

انا اقول يمكن شاريتها من حفله خيريه كانوا مسوين مثلا حفله وريعها للخير يجوز

[هبوب الكوس]

انا اقول يمكن شاريتها من حفله خيريه كانوا مسوين مثلا حفله وريعها للخير يجوز

محلله فيسيولجيا مثلا :telephone:

[chillis]

محلله فيسيولجيا مثلا :telephone:

لا محلله مسكوبينا :secret:

[الماريّة]

مليون و200 ^_^ هذي قرض الاسكان

ههههه

الله يهديها يارب

انا الي يحرني صج بعض البنات الي يلبسون عبايه مفتوحه وتحتها ليجن
ونقاب ههههههههههههههههههه اعنبو شهالتناقض

ليجن وعبايه مفتوحه ونقاب

والله اضحك عليهم لما اشوفهم في المجمعات اشكالهم تضحك

ليجن ونقاب هههه
الله يهديهن يارب وعافاني مما بلاهن

[chillis]

مليون و200 ^_^ هذي قرض الاسكان

ههههه

الله يهديها يارب

انا الي يحرني صج بعض البنات الي يلبسون عبايه مفتوحه وتحتها ليجن
ونقاب ههههههههههههههههههه اعنبو شهالتناقض

ليجن وعبايه مفتوحه ونقاب

والله اضحك عليهم لما اشوفهم في المجمعات اشكالهم تضحك

ليجن ونقاب هههه
الله يهديهن يارب وعافاني مما بلاهن



لان النقاب لهذولي مجرد عادات وتقاليد والبعض منهن اجباري اهلهم يجبرونهم على لبسه

[بوحارب]

وشو الليجن يالربع

حلوة يالربع

[الماريّة]

وشو الليجن يالربع

حلوة يالربع

الليجن ملابس ضاغطه مثل الدلاغات وانت بكرامه

:secret:

[chillis]

وشو الليجن يالربع

حلوة يالربع

بوحارب علينا :secret::eek5:

[هبوب الكوس]

الليجن ملابس ضاغطه مثل الدلاغات وانت بكرامه

:secret:

:looking:

[]ام جاسم[]

ماتخاف اذا قعدت ....اطيح الماسها ههههه
الظاهر ماتقعد بس للوقفه ههههههههههههه
رزق الهبل على المجنن هههههههههه

[بوحارب]

الليجن ملابس ضاغطه مثل الدلاغات وانت بكرامه

:secret:
اييييييييييييييي عرفيته :secret::telephone:





بوحارب علينا :secret::eek5:

قاعد اختبركم :(

[بوالبيض]

بل بل بل صج لفلوس صارت مصخره لهدرجه عاد
والله حرام شنو هي ناس ما تحصل تاكل ولا تشرب
وناس لعبه في لفلوس والله حرام .

[عسولة]

الله يهنيها بس الخوف ان الخدامة تحرقها هههههههههه

[ولد البدر]

هي أصلاً على قد حالها والدليل إنها ما شرتها بقيمتها الأصلية مليووون ونص شلت بعض المجوهرات لين وصلت سعر معقول مليون و200000 ،،، معليش ماعرف اكتب المليون بالأرقام

[هدى ورحمه]

الله لا يخسف بنا
الحين العباية صارت موضة ومجاكر ومعاد صارت ستر عند بعض الحريم للأسف

ايوه نفس السيارات عند الشباب ههههه:nice:

[جهام]

بطرانه

[**هـتــــــان**]

هالعبايات ماتنلبس تنحط بتجوري ...ينخاف تطيح منها الماسة بوقت اللبس ..)

[.. الكاش ..]

صدقت ياكبتشينو

[نوفا91]

تبون الصج تعالوا جامعه قطر وشوفوا العبايات والله شفت عبايه وحده ماعرفت هو فستان والا شسالفته ..

انا وبنت اتم اطالع بهالعبايات !!!!


ماقول غير الله يستر على كل بنت ..

[doha7]

لاحول ولاقوه الا بالله

لو تصدقت فيهم احسن

[الراقيه سبشل]

لاحول ولا قوة الا بالله !!

الحين بتمشي بالشارع وتقول عبايتي مصنوعه من الذهب واللولو ؟؟ والله ماحدا بهتم

شو هالسخافة

[qatara]

الا الشنط الي اقيامها ب 10000 وفوق
من جلد وشو طوائيس من الجنه ولا شسالفه ؟

[المفترسه]

الا الشنط الي اقيامها ب 10000 وفوق
من جلد وشو طوائيس من الجنه ولا شسالفه ؟

من جلد تمساح بري وريش نعامه ههههههه
بس لانهم اصليات وخامتهم جودتها عاليه
بس خاطري اعرف وشو سر شنط هيرمز الشنطه. ب32 الف على وشو؟

[qatara]

تمساح بري

الحمد لله مافي تماسيح جويه ونعام بحري ولا كان علوم

هههههه

[سيف الحرية]

ما عندها سالفة

[القحطاني505]

لا حول ولا قوة إلا بالله

[المدريدي]

اللهم ارحمنا برحمتك

[Mohammad ALG]

ما صارت عباءة !

[بنت شيوخ]

لا تعللللللللللللللللللللللللللللليق

[بحرقطر]

صاحبة العبايه شكلها ادش المنتديات والمواقع وتشوف الناس شيكتبون عنها.
هههههههههههههه خفو عليها يمكن تمرنا:victory:

[راشد محمد]

الله يهديها

[Abdullah_89]

بتلبسها اسبوع وبتقطها فالكبت

ههههههههههههههههههه

[احمد1]

كل شخص يملك من مال شخصي له وحلال عليه

ويأأدي زكاته بما يرضي ربه جعل حلال عليه تصرفه فيها

ولو شرتها ب 10 مليون حلالها وكيفها

معلي حلالها محد قال شيء بس تذكر قول الله عز وجل ان المبذرين اخوان الشياطين
الله يكتب لها الهدايه وتحطها في صدقه او صدقه جاريه وتلبس الي يسترها من اللبس احسن

[alflasi]

رسالة لبنك التنمية تقول ارفعوا القرض دام صار سعر الدفه بقيمة القرض ؟؟

[ذيب ولد ذيب]

الله بيحاسبهم على هذه الاموال اللي تضيع على هالخرابيط سواء عبايه او مهرجانات تافهه او استضافة العاهرات في افضل الفنادق وانا اتكلم عن كل الدول ,,

ناس في الصومال تموت من الجوع واحنا نصرف على خرابيط مثل هذه ,, الله يغفر لنا ,

[Best Man]

في سؤال محيرني بهالموضوع

اهي متزوجه ؟؟ :secret:

[ابوالكلام]

مشكلة بوعراب ايذا حصلو لهم كم بيزة كل واحد يبي يسوي نفسه جفنشي

[بوحارب]

في سؤال محيرني بهالموضوع

اهي متزوجه ؟؟ :secret:

هالسؤال راودني 200 مرة :(






زين ابي اشتري نفس العباية لأم العيال من وين احصل نفسها :shy::omen2:

[qatar6]

http://www.youm7.com/images/newspics/large/s1020118211128.jpg




وأفادت القدسى بأن الخليجيات وتحديداً السيدات القطريات هن الأكثر اقبالاً على اقتناء العباءات المرصعة بالألماس، إذ بلغ سعر أغلى عباءة اشترتها سيدة قطرية نحو 300 ألف درهم، فيما لم يتجاوز سعر أغلى عباءة اشترتها سيدة إماراتية نحو 7000 درهم.

.

من غيرهم يحب الزبو والتفوشر

[جرح الزمان]

بصراحه أحس أن الخبر ... مصطنع

يعني بالعربي كذب ..من هالمصممه

علشان تشهر نفسها وترفع اسعارها

مجرد احساس ...

[qatara]

بالله عليكم امثل هاولاء يكونون قدوة وامهات صالحات ومعلمات منتجات ؟

[warq-3nb]

عليها بالعافيه مانقدر نحاسبها

[qatara]

مانقدر نحاسبها
لاكن الناس شهود لله في ارضه

[بوسلمان 2010]

لاحول ولاقوة الا باالله ياالله سترك ورضاك علينا