مفتـي المملكة : التلاعب بـ«الإجازات المرضية» خيانة

[موضي قطر]

مفتي المملكة: التلاعب بـ«الإجازات المرضية» خيانة!!






السبت, 08 أكتوبر 2011
الرياض - فيصل المخلفي







Related Nodes: الشيخ عبدالعزيز آل الشيخ.
لم يكتفِ مفتي المملكة الشيخ عبدالعزيز آل الشيخ بتحريم شراء الإجازة المرضية من الموظفين الأصحاء من أي مرض، بل عدَّ من يأخذها بغير حق خائناً للأمانة، وجاحداً لنعمة الله، وأن الأطباء الذين يقدمون مثل تلك الإجازات هم مرتشون وكذبة.



وقال المفتي رداً على سؤال عن حكم شراء الإجازة المرضية، والوسيط بين الموظف والطبيب، وهل يعتبر المبلغ الذي يأخذه الطبيب رشوة، عقب محاضرة ألقاها في جامع الملك عبدالعزيز في الدلم أخيراً: «إن الطالب للإجازة خائن لأمانته، فكيف يكون الموظف في صحة ويدّعي أنه مريض، فليحذر أن يصيبه المرض الذي ادّعاه وهو سليم، فهذا جحود للنعم وخيانة«، محذراً الأطباء الذين يكتبون ويوصون بمثل هذه الإجازات من خيانة الأمانة، وأن من يفعل هذا منهم فهو كذّاب ومرتشٍ، وأن الإجازة كاذبة ظالمة ولا يجوز التمتع بها.

[R 7 A L]

بارك الله فيه

وياليت ( المبتلين ) بهذا الموضوع ( يوقفون ) ويعرفون ان الى يقومون به خيانه
خيانه للامانه وخداع وغش

[QatariFallah]

بسرعه قبل لا تكثر الردود..الرجاء محد ينتقد ردود شيوخ الدين..اللي عنده معلومه مفيده يقولها بس

[بـــــــنت النوخـّــــذه]

بااااااااال موضي اشكثر كنت آخذ اجازات مرضيه

بس بعدين خلاص اعلنت التوبة 00 عندي الاجازات العارضة ولين خلصت يلا خصم من الراتب عادي ^_^


للعلم العيادات الخاصة مازالت تعطي اما الحكومية مستشفيات + مراكز لاتحاولون إلا اذا منسدحه وروحج معلقه مشددين عليهم 00

انزين سؤال فضول:

شالفرق بين الدكتور ألي يعطي اجازات مرضيه لايستحقها المريض وبين مدير في وزاره او هيئة يحضر ناس غايبين ومعاشهم يمشي 00ولا عندهم عذر سوى انهم طالعين القنص او مخيمين

تحياتي

[ابداع قلم]

وصل الحال بالاجازات المرضية ان الواحد ياخذها وهو خارج البلاد شلوون طلعها ماعرف !!!

[ام جاسم 111]

الحمدلله الي ملفي مشرف حتى الاجازات بلا راتب يمكن 4 او 5 ايام طوال فترة دوامي واجازات الوضع

وصح المراكز الصحية مب بسهوله يعطون وبالذات لين دروا اني مدرسة بس في وقتها كنت احتاج اجازة اقول لها لين يموت الواحد تعطونه اجازة

والحمدلله حتى الاجازات المرضية تكون عن تعب ومرض مب لعبة

ووحده قالت لي الخاص يعطون بالهبل اقول لها ما يسوى علي ادفع علشان اجازات مرضية ما استحقها

[technical]

هذه فتوى طيبه , لكن نريد فتوى في اموال الشعب واراضيه.

[wadha-qa]

والله قهر مرات نكون مرضى و تعبانين و بطلعه الرووووح يالله يالله يعطونا الاجازة ومرات ما يعطون بعد

[موضي قطر]

بارك الله فيه

وياليت ( المبتلين ) بهذا الموضوع ( يوقفون ) ويعرفون ان الى يقومون به خيانه
خيانه للامانه وخداع وغش


الله يهديهم وترى الراتب حرام في الأيام اللي خذ فيهم الاجازة اتذكر سمعت شيخ يرد على واحد سأله .. اسعدني مرورك




بسرعه قبل لا تكثر الردود..الرجاء محد ينتقد ردود شيوخ الدين..اللي عنده معلومه مفيده يقولها بس


اوفقك الرأي خاصة ان المسأله واضحة .. شكراً:)




وصل الحال بالاجازات المرضية ان الواحد ياخذها وهو خارج البلاد شلوون طلعها ماعرف !!!



:omg:


اذا عرفتي قولي لي :rolleyes2:

مشكورة اختي على مرورك

[دااانة قطر]

انزين سؤال فضول:

شالفرق بين الدكتور ألي يعطي اجازات مرضيه لايستحقها المريض وبين مدير في وزاره او هيئة يحضر ناس غايبين ومعاشهم يمشي 00ولا عندهم عذر سوى انهم طالعين القنص او مخيمين

تحياتي


عندنا هالمشكله مسؤؤلنا يمشي حق نااس معينين واحنا يعل قولبنا حتى عالاجاازه اللي من رصيدنا

حسبي الله ونعم الوكيل

[موضي قطر]

بااااااااال موضي اشكثر كنت آخذ اجازات مرضيه

بس بعدين خلاص اعلنت التوبة 00 عندي الاجازات العارضة ولين خلصت يلا خصم من الراتب عادي ^_^


للعلم العيادات الخاصة مازالت تعطي اما الحكومية مستشفيات + مراكز لاتحاولون إلا اذا منسدحه وروحج معلقه مشددين عليهم 00

انزين سؤال فضول:

شالفرق بين الدكتور ألي يعطي اجازات مرضيه لايستحقها المريض وبين مدير في وزاره او هيئة يحضر ناس غايبين ومعاشهم يمشي 00ولا عندهم عذر سوى انهم طالعين القنص او مخيمين
تحياتي



البنيه هذه مصره تفجر القولون :(


هذه مشكلة عندنا في الدوام مريضة وتداومين عشان محد ياخذ فكره عنج انج راعيه غياب وان صارت حزة الحزة سوالك المدير سالفة على الاجازة ..الأدهي انه فيه موظفين وموظفات يسافرون بيروت اسبوعين ولا مصر ويسوي نفسه بيقدم فيهم شكوى ومعصب وحاله آخرتها
يردون ولا كأنه صاير شي والراتب كامل :anger1:

على فكره مدير الإدارة ولا اي مسؤول .. مسؤول امام الله سبحانه عن تجاوزاته وغض طرفه عن تجاوزات الموظفين

[الرويـس]

بااااااااال موضي اشكثر كنت آخذ اجازات مرضيه

بس بعدين خلاص اعلنت التوبة 00 عندي الاجازات العارضة ولين خلصت يلا خصم من الراتب عادي ^_^


للعلم العيادات الخاصة مازالت تعطي اما الحكومية مستشفيات + مراكز لاتحاولون إلا اذا منسدحه وروحج معلقه مشددين عليهم 00

انزين سؤال فضول:

شالفرق بين الدكتور ألي يعطي اجازات مرضيه لايستحقها المريض وبين مدير في وزاره او هيئة يحضر ناس غايبين ومعاشهم يمشي 00ولا عندهم عذر سوى انهم طالعين القنص او مخيمين

تحياتي

اذا عندج علم بحيثيات وتفاصيل ونقاط وحوارات المخالفة اللي ذكرتيها
المفروض تقديمن شكوى عليهم وتوقفين هالتجاوز

[بايع بايع]

اخبر مره كنت بالمركز الصحي مراجعه بسبب السخونه

فقلت للدكتور ابي اجازه

والا يقولي لاء مايصحش وانا حالتك كويسه وتأدر تروح لشغلك

فقلت له دكتور تدري متى اخر مره انا جيت المستشفى

والا يقولي لاء بس ليه تسأل

قلت له ياليت لو تشيك على الملف

يوم شيك طلع من خمس سنوات

فقلت له بعد ما تاكدت اني مب جاي للاجازه

حالتي المرضية تستحق الاجازه ولا لا

تغير شكله وقال اه ... بتستحق ... وكتبلي اسبوع

وللعلم يومها حرارتي كانت (39.5) درجه



المشكله الدكاتره قاموا يشككون بالكل وماعاد يصدقون احد
فاثر الظاهر سلبي على المرضى في انهم مايتصدقون
وهم بامس الحاجه لهذه الاجازه المرضية

[بـــــــنت النوخـّــــذه]

اذا عندج علم بحيثيات وتفاصيل ونقاط وحوارات المخالفة اللي ذكرتيها
المفروض تقديمن شكوى عليهم وتوقفين هالتجاوز


في كل وزاره فيه تجاوزات (تقريبا" )

لكن فيه تجاوزات (اهم واكبر ) من سالفة اجازات وسفرات وووووووو000 إلخ

هي المفروض يتم البحث والتأكد منها

[الرويـس]

في كل وزاره فيه تجاوزات (تقريبا" )

لكن فيه تجاوزات (اهم واكبر ) من سالفة اجازات وسفرات وووووووو000 إلخ

هي المفروض يتم البحث والتأكد منها

اهم واكبر مثل ايش

[بـــــــنت النوخـّــــذه]

اهم واكبر مثل ايش

مثل المواضيع الي تطرح بين فتره وفتره سوي بحث عن هالمواضيع وبتعرف الموظف او البعض بشكل عام شنهي السلبيات ألي يشوفونها ويتمنون العدل فيها والانصاف والبعد عن الواسطة :omen2:

سؤال فضول:

الكرتون الي بتوقعيك شنهو داخله ؟؟؟

[الـقـاسـي]

انا الحمد لله عن نفسي ما اخذ اجازه مرضيه الا اذا صدق بحاجتها صحيح احياننا اكون عند دكاتره اعرفهم ويعني يعطوني بدال اليوم ثلاث ايام بس شنسوي الواحد يضطر احياننا للاجازات المرضيه من ضغط الشغل وتكون العارضيه مخلصه ..

لكن بعد هالكلام الواحد لازم يحاسب لان في ناس يسوونها بدون قصد او مايعرفون انها خيانه مثل ماقال الشيخ ..

[كازانوفا]

انا اشوف اللى يكذب الاجازات المرضيه لا ياخد حقه من هذا اليوم وقت ما ينصرفله الراتب ويطلعه لله
لانه حرام عليه اكل هذا المال يعتبر بنظري مال حرام لانه سرقه
وانا اؤيد كلام الشيخ

[موضي قطر]

الحمدلله الي ملفي مشرف حتى الاجازات بلا راتب يمكن 4 او 5 ايام طوال فترة دوامي واجازات الوضع

وصح المراكز الصحية مب بسهوله يعطون وبالذات لين دروا اني مدرسة بس في وقتها كنت احتاج اجازة اقول لها لين يموت الواحد تعطونه اجازة

والحمدلله حتى الاجازات المرضية تكون عن تعب ومرض مب لعبة

ووحده قالت لي الخاص يعطون بالهبل اقول لها ما يسوى علي ادفع علشان اجازات مرضية ما استحقها


والله انا الدكتورة في المركز الصحي من سنتين عطتني اجازة من الصدمة وللأمانه انا كانت حرارتي 40 وصداع صار له 5 ايام متواصل لأنها شافت ملفي مافيه ولا اجازة .. بس بعدها على قولة اهل الشام كرت السبحة بس اكون صدق مريضة حدي



هذه فتوى طيبه , لكن نريد فتوى في اموال الشعب واراضيه.



:secret:


انا مسوية هدنه هاليومين من هالمواضيع :(




والله قهر مرات نكون مرضى و تعبانين و بطلعه الرووووح يالله يالله يعطونا الاجازة ومرات ما يعطون بعد


على حسب الدكتورة اللي تروحين لها بعضهم حتى والبني آدم قدامها تعبان وهو صادق تشككه في روحه وانه جاي يبي اجازة من العياره الزايده :anger1:







عندنا هالمشكله مسؤؤلنا يمشي حق نااس معينين واحنا يعل قولبنا حتى عالاجاازه اللي من رصيدنا

حسبي الله ونعم الوكيل


حسبي الله ونعم الوكيل

[فرحة ايامي]

طبعاً خيانة لكلا الطرفين الطالب والمطلوب

ولم يخطئ مفتي المملكة حينما قال ذلك .. الغريب ان الانسان يتمنى لنفسه المرض.

عافانا الله واياكم من شر الأمراض.

[المهاجر2]

حفظ الله المفتي وأحسن خاتمته لكن عندي عتب ولو أني ما عندي علم يعني الحين الافتاء في الاجازات حلال وحرام أهم من الي قاعد يصير في سوريا من ذبح وقتل لاهل السنه ولا سمعنا اي تعليق واين حضرات المفتين من الي قاعد يصير في اليمن من علي فاسد وقتل ابناء الايمان والحكمه واين المفتين من الي قاعد يصير لاخواننا في ليبيا على يد السفاح أرجو أن أئمتنا وشيوخنا ينزلوا لواقع الامه وما يحصل لها بدل هاي الفتاوى هل أصبح دم المسلم رخيص لهاي الدرجه ما أقول الا حفظ الله امام الزمان وعالم الامه المدافع عن الحق الشيخ يوسف القرضاوي ووالله هذا ليس تنقيصا في حضرة المفتي لكني أرجو أن يهتموا بأمور الامه فهذا اهم والله اعلم

[الأصيلة]

فيه ناس يدخلون بملفات اخوانهم وخواتهم
يعني تزوير في تزوير...

[موظف بالبورصه]

طيب اذا انا فعلا محتاج لأجازه لأمر طارئ قدمت من السنويه ورفضت وقدمت من العارضه ورفضت !!

ومتاح لي ان اخذ اجازه مرضيه مايجوز لي :omen2:

[بوخالد911]

الله يحفظ كل موظف مثالي

[الرويـس]

مثل المواضيع الي تطرح بين فتره وفتره سوي بحث عن هالمواضيع وبتعرف الموظف او البعض بشكل عام شنهي السلبيات ألي يشوفونها ويتمنون العدل فيها والانصاف والبعد عن الواسطة :omen2:

سؤال فضول:

الكرتون الي بتوقعيك شنهو داخله ؟؟؟

وهل (تقدير أكبر او اهم ) يلغي النظرة العامة على ان اللي ذكرتيه يعتبر تجاوز ويشفع لج في انج ما تقدمين شكوى
ما اعتقد ..
:(




ما انصحج تخوضين في موضوع الكرتون

[بوالبيض]

اكيد حرام شنو تاخذ اجازه مرضيه وانت مو مريض الله معطك الصحه والعافيه بدل ما يقول الحمد الله علي الصحه . والله مشكله كبيره كم مره يقولون لي خذ اجازه عشان نسافر ابد شنو اقول له تبي الله صج يمرضني لا يبا بعيد الشر الله المستعان

[ضوى]

الصراحة هالموضوع مايبي له فتوى من شيخ ، يعني شنو اخذ اجازة مرضية مش محتاجتها ؟اخدع نفسي واضيع وقت الشغل وفي الاخير بصحتي ؟؟

[الخيالة]

جان زين يحسوون اللي عندنا

انا اذا صج مرضت وجبت اجازه بعد مديري بيسوي لي سالفه جنه مايبي يبي يلعوزني حسبي الله عليه وغيري اللي في السبوع مرتين يغيبون سواء مع الورقه او لا عادي يمشي لهم الموضوع
محد مهتم في هالموضوع حتي البنات والشباب اللي شغالين معانا مو مفتكرين ان اللي يسوونه غلط وخيانه مثل ما كاتبين انتوا

[المسك1969]

:victory:

:victory:

:victory:

وأنا مع رأي الشيخ حفظه الله

بسرعه قبل لا تكثر الردود..الرجاء محد ينتقد ردود شيوخ الدين..اللي عنده معلومه مفيده يقولها بس


:nice: جزاك الله خيرا للتنبيه:nice:

[المسك1969]

طيب اذا انا فعلا محتاج لأجازه لأمر طارئ قدمت من السنويه ورفضت وقدمت من العارضه ورفضت !!
ومتاح لي ان اخذ اجازه مرضيه مايجوز لي :omen2:


الأمر الطارئ لا يعد أنك مريض بل تحتاج لاجازة لم يُوافق عليها صح؟ إذا فلا يجوز والله أعلم

واستغرب من الاخوات اللي ياخذون اجازة مرضيه ويسافرون... وين الذمة والضمير الله أعلم

[QatariFallah]

يوم شفت العنوان كانت في بالي اشياء بقولها ويمكن اقتراحات
بعضها مع وبعضها "قليل" ضد ولكن تعتمد عللا اشياء اخرى

بس يوم بديت اقرأ الموضوع وشفت ان الافتاء من الشيخ عبدالعزيز آل الشيخ

" انطميت "

مش معناته ضدّه..ولكن هالنوع من الشيوخ هم الاحرص على المسلمين ف مايقولونه ان لم يكن له فائده فهو لايضرنا
واعتقد انهم خذوا سالفة "التلاعب بالاجازات المرضيه" ك أمانه..من مقارنتها بالعمل..فالطالب عندما يكون طالب فهذا عمله لسنين..بان يجتهد به ولا يتعذر بأشياء وحجج غير صحيحه لمجرد الهروب
كالموظف بالضبط فهو ملتزم بعمله

وبعدين ليش تفاول على روحك؟

وشكرا