نقل الأسماء من iphone إلى sony ericsson xperia arc

[FCB 123]

السلام عليكم ورحمة الله وبركاته

ياجماعة تعبت وأنا أدور لي محل أو شخص ينقل لي الأسماء


إلي يعرف محل ياليت ما يبخل علي


بالتوفيق للجميع

[طالب]

http://www.sonyericsson.com/cws/support/mobilephones/learn-more/topic/transfercontacts/xperiaarc?cc=is&lc=is

[الزعفراني]

الطريقة منقوله من النت جربها :


ولله الحمد اشتريت ايفون 4 أخيراً من موبايلي
ونقلت الأسماء من جهازي السابق سوني أريكسون إلى الايفون
وحبيت أكتب لكم الطريقة بعد ما بحثت عنها في النت وما لقيتها
طبعا بدون استخدام الشريحة SIM لأنها تأكل بعض الأسماء وسعتها محدودة
الطريقة مجربة على نظام جافا وبالتحديد على جهاز Aino
الخطوات سهلة بس الكلام كثير عشان يكون مفهوم ض2

باسم الله

المتطلبات :
جهاز سوني أريكسون + سلك USB الخاص بالسوني اريكسون
ايفون + ايتونز + سلك USB للايفون
حساب في الجي ميل " Gmail " << ايميل يعني



الطريقة سهلة جداً وتتكون من ثلاث خطوات

المرحلة الأولى : بنبدأ من جهاز السوني أريكسون

تروح تسوي حفظ احتياطي للأسماء والطريقة كالتالي :
القائمة >> أسماء\أرقام >> خيارات >> متطور >> نسخ احتياطي في بطاقة الذاكرة
بعد ما ينتهي الحفظ ..،، اشبك السلك في الكمبيوتر ثم اشبكه في الجوال
بيطلب منك اختيار وضع الاتصال اختر " مخزن كبير السعة "
بيسوي ريستارت اختر موافق
انتظر شوي الين يتعرف الكمبيوتر على الجوال
ثم بيطلع عندك قرصين جديدة في جهاز الكمبيوتر
واحد اسمه Phone والثاني اسمه Phone Card

ادخل على Phone Card
ثم system
ثم PIM
ثم انسخ الملف الموجود باسم PB_Backup والصقه في أي مكان تبغى
بكذا انتهينا من السوني اريكسون

ملاحظة : يجب تفعيل إظهار الملفات المخفية حتى يظهر المجلد system

ملاحظة ثانية : إذا ما طلعت لك " مخزن كبير السعة " يوم شبكت السلك .. تروح تسوي كذا :
القائمة >> إعدادات >> إمكانية الاتصال >> USB >> إعداد الوضع الافتراضي >> جهاز الذاكرة USB




الخطوة الثانية : تروح وتدخل على ايميلك في الجي ميل
تدخل Contacts أو جهات الاتصال
تضغط على More Actions يعني خيارات أخرى
تختار Import يعني استيراد
تختار Browse يعني استعراض
الحين تختار الملف اللي نسخته من السوني اريكسون وكان اسمه PB_Backup
ثم موافق
الحين صارت جهات اتصالك موجودة في الجي ميل وتروح للخطوة الثالثة


الخطوة الثالثة : عن طريق الايفون
تشبك الايفون بالسلك وتنتظر الين تخلص المزامنة مع الiTunes
من القائمة على اليسار تضغط على اسم ايفونك
من فوووووق تضغط على Info
تحط صح على Sync Contacts with
وتختار Google Contacts
تكتب الايميل والباسوورد تبع الجي ميل ثم موافق
ثم تحط Sync
وانتظر شوي .. وبكذا تكون الأسماء انتقلت لايفونك

ملاحظة : فيه خيار تحت يقول Replace information on this iphone
اذا تبغاه يمسح جهات الاتصال اللي في الايفون ويضيف اللي في الجيميل حط صح على Contacts




بعد ما ينسخ الأسماء لا تنسى تشيل الصح من Sync Contacts عشان ما يسوي مزامنة على طول