المساعد الشخصي الرقمي

مشاهدة النسخة كاملة : حدث هذا في طيارة ااخطوط القطرية!!


catqat
09-10-2011, 12:47 PM
تحياتي لرواد المنتدى،راح اردخل بصلب الموضوع وبلا مقدمات

بتاريخ 8 اكتوبر يوم امس كنا في طيارة الخطوط القطرية، كانت عودة دمام-دوحة ، بالعادة ان الطيارة قبل الاقلاع اتحط فلم قصير للسلامة وبعدها يتبعونها بتنويهات اقلاع وفتح احزمة و تقديم وجبات . باللغة العربية والاجنبية.

الشي الغريب انه واحنا بالجو ووقت التنويه تكلمت وحدة من جنسية عربية لكن كلامها ماكان مفهوم. ظنيت بالبداية انها خربطت بالكلام ، لكن انتبهت ان لسانها ثقيل و مخها يفصل وتسكت وترجع تتكلم. بطريقة وااااضحة انه الاخت سكرانة..

ان بعض الظن اثم، بعد فترة بدى التنويه الثاني بقربنا لوصول مطار الدوحة وكان واضح ان لسانها ثقيل وتفصل وتقول كلام مش مفهوم ،هنيه بدي من بعض الركاب وخصوصا القطريين اللي كنا بس مانزيد عن 8اشخاص. بالضحك والاستغراب شالموضوع!!!!

ووقت نزول الركاب من الطيارة شفت قطريات ثنتين واقفين عند المضيفات وبنصهم كابتن الطيارة.اللي سمعته منهم وانا مارة، تقول لها كأن اللي كان يكلمنا كان سكران مش طبيعي.يعني مش انا الوحيدة اللي استنتجت هالاستنتاج!...

قعدنا تقريبا خمس دقايق ننطرها بالباص لما تنزل من الطيارة، وقفت جمبي وقلت لها زين سويتي فيهم.، شكلج نفظتيهم .

باختصار قالت لي انها كلمتهم القبطان نط من الخرعة من سمع النقاش وقال نادوها اللي تكلمت بالمايك وقال ترى لهجتها جذيه ثقيلة ،، قالت. شدعوة. مانعرف نفرق بين اللهجة والشخص المش طبيعي ،..

المهم نادوها وجات وحدة ع قولتها مش نفس الصوت ابد وحدة جدا طبيعية وتكلمني عربيً بلسان طليق. !!! وقاعدة اتحجج اني مش حافظة الكلام ونسيته

الصراحة انا سمعت باذني انها مش طبيعية مبين انه فيها شي،،معقولة ايصير هالشي بالقطرية!!!
كازانوفا
09-10-2011, 12:53 PM
ايوه معقوله ونص اللى خلاهم يوزعو الخمر عيني عينك يخليهم يشربو مضيفاتهم على حساب شكرا يعني ببلاش
أسير الاسهم
09-10-2011, 12:53 PM
أي العربيات اللي فالقطرية أغلبهم جنسيات مغاربيه ولهجاتهم مكسره أنا لاحظت هالشي في أكثر من رحلة .. ولا تفهم الكلااااااام كللللش صعب

وخاصة لما تكون اهي حافظة الكلام وتبي تقوله وتخلص على الطاااير مستعجله مع لهجتها المكسره وسرعتها أتحدى حد يفهم
هنت المهونه
09-10-2011, 01:05 PM
شــدعوه ياخوي ..

وين عايش انت .؟

الخمر يقدر اي مسافر يطلبه من المضيفه ..

وارجع واقول

كلنا محاسبين
bu 3li
09-10-2011, 01:45 PM
مش سكرانه
هي كلامها ثقيل..ولغتها العربيه مفخمّه مسكينه بس قاعده اتعلم
والمخمور يبين على حركته قبل لايبين على كلامه..هذا وهي في طياره بعد

اذا كانت السالفه بس كذا..عيل شتقولون عن (قطري+قطرية) يمارسون الفاحشه على كراسي القطريه باتجاههم (دوحه-القاهره)

انا اتمنى انك اشتكيت او الشخص اللي نقلت عنه القصه ذي اشتكى
لانه لو هالموضوع صار والاثنين ذول ماتحاسبوا .. فـ على الدنيا السلام
شبح الصمت
09-10-2011, 01:47 PM
ما اتوقع اختي سكرانه ..

اصلا اهم 4 مضيفات اختي

هل قدموا لكم الاكل والشراب !!!
شفتيهم كلهم شفتي حركتها كانت ما تعرف تتحرك
Rider
09-10-2011, 02:00 PM
والله مشكلة نظلم من غير ما نتأكد
The Pirate
09-10-2011, 02:44 PM
مش سكرانه
هي كلامها ثقيل..ولغتها العربيه مفخمّه مسكينه بس قاعده اتعلم
والمخمور يبين على حركته قبل لايبين على كلامه..هذا وهي في طياره بعد

اذا كانت السالفه بس كذا..عيل شتقولون عن (قطري+قطرية) يمارسون الفاحشه على كراسي القطريه باتجاههم (دوحه-القاهره)

قويييييييه الصراحه

مستحيل ان الركاب والمضيفين والمضيفات يسمحون بهالشي اصلا.. على فكره حتى عند الغرب ممنوع شلون عندنا
غدير البورصه
09-10-2011, 02:57 PM
في واحد من الردود ---تو مج---- الي مسافر لمصر هههههههههه


ومن ستر على مسلم ستر الله عليه في الدنيا والاخره


واذا كانت المضيفه سكرانه يعني وشو ---سو وت ول هبن---

المهم الطيار ما يكون سكران وترللي

مره كنا مسافرين وكانت الرحله اوكييه ميه الميه لكن عند هبوط الطياره والله ثم والله ان الطياره تضرب بريكات والاندنك كان يخوف ويضحك ما عرفنا شسالفه. وقفت الطياره واعتذر المضيف
.

احنا المسلمين قلنا الحمد لله والشكر لله والانجليز ثنك قاد .(((انا مت من الضحك قلت ياليته خمس بالطياره والي معاي حد يضحك وحديصيح وحد يتشاهد)))

وما كان الطيار سكران لانه طلع لنا شفناه يضحك وعادي

اخر شي ضحكنا ونزلنا ميتين من الضحك
QatariFallah
09-10-2011, 03:02 PM
عموما اثناء هبوط الطائره...مافي اي كابتن فالعالم كله مايخلي الطياره تهبط بال auto-pilot
في حالات الemergency فقـــط..يحاول القبطان ان يتحكم بالطائره يدويا
ريتويت
09-10-2011, 03:09 PM
لا ترا عادي ماينفهم منهم اصلا نص كلامهم مب مفهوم لان اعتقد في مشكله في البرنامج
جراسا
09-10-2011, 03:14 PM
في مرة كنت جاي القاهرة-بحرين-دوحة على طيران الخليج....و في خلال الرحلة من القاهرة...قام واحد سكران من جنسية خليجية(اتوقع كان كويتي او سعودي)و قام بفتح الخزانات اللي فوق...و يرمي الأغراض و الشنط على الأرض...شوي و الا هو صار يصرخ...و قعد يشتم في مسافر مصري...و شتم زوجة المصري بعد بألفاظ خادشة للحياء..لحد ما اجتمع عليه كل المضيفين الرجال...و رموه في الأرض و من ثم ربطوه بالأحزمة و بحبل على كرسي لوحده في اخر الطيارة
عيون الدوحة
09-10-2011, 03:23 PM
زين مب الكابتن الي كان سكران
جان رحتو فيها ونزلكم بمسيمير
غدير البورصه
09-10-2011, 03:27 PM
مسيمير

ههههههههههههههههه

ومسيمير اهون من طعوس العديد هههههههههههه
QatarSafety
09-10-2011, 04:02 PM
والله المفروض يمنعون الخمر في الخطوط القطرية
انا مدري ليش يبيعون الخمر فيها مع العلم ان احنا
دولة مسلمة والاسلام يمنع هالشي ويحرمه الله المستعان

والامر الثاني عن القطري والقطرية
الله لايبلانا
مصيبة اسمحوا لي مقدر اعلق اكثر من كذى !

اما عن القطرية والله ابصراحه صرت اخاف
يغيرون اسمها وتصبح خطوط اندياماهي غريبة
الي مطارنا يقولون اسمه صار مطار انديا والله العظيم حالة
جراسا
09-10-2011, 04:24 PM
والله المفروض يمنعون الخمر في الخطوط القطرية
انا مدري ليش يبيعون الخمر فيها مع العلم ان احنا
دولة مسلمة والاسلام يمنع هالشي ويحرمه الله المستعان

والامر الثاني عن القطري والقطرية
الله لايبلانا
مصيبة اسمحوا لي مقدر اعلق اكثر من كذى !

اما عن القطرية والله ابصراحه صرت اخاف
يغيرون اسمها وتصبح خطوط اندياماهي غريبة
الي مطارنا يقولون اسمه صار مطار انديا والله العظيم حالة

NDIA و تعني
New Doha International Airport
يعني مطار الدوحة الدولي الجديد
cavok
09-10-2011, 04:32 PM
اللة المستعان
captana
09-10-2011, 04:48 PM
عموما اثناء هبوط الطائره...مافي اي كابتن فالعالم كله مايخلي الطياره تهبط بال auto-pilot
في حالات الemergency فقـــط..يحاول القبطان ان يتحكم بالطائره يدويا


أخوي اسمح لي هذا الكلام مب صحيح ,, 99% من عمليات الهبوط تتم يدويا بعد فصل الطيار الآلي
طماطه
09-10-2011, 05:13 PM
الخمر دااهيه .. لو يمنعونه من القطرررريه بنكون بخييير ..

مره كنااا راجعين من دوووله بعيييده وقاعد واحد اسود بنفس مستوى كراسينا وكل شوي طلب له قرشه .. ويجيبون له .. وعيونه قلبت حمررر .. بصراحه شي يخوووف
المسك1969
09-10-2011, 05:53 PM
أسأل الله أن يحفظنا وأن يستر علينا وألا يعرضنا لنرى مثل هذه المواقف

اللهم استرنا فوق الارض واسترنا تحت الارض واسترنا يوم العرض آآآمين

صراحة ما ذُكر في هذا الموضوع يوجع القلب من طرح لمشاركات والله المستعان:weeping:
مستر راشد
09-10-2011, 09:37 PM
بالعكس كل سفراتي ع القطريه

المظيفه الي تتكلم اقلبهم مانعرف لهجتهم 100% لانه اقلبهم مغربيات ويكون الكلام ثقيل او مكسر

ماضن ان موضوع مهم عشان ياخذ هالكم من الردود !!
موضوع صار في وقته وانتهى

العذر والسموحه
R 7 A L
09-10-2011, 09:46 PM
زين مب الكابتن الي كان سكران
جان رحتو فيها ونزلكم بمسيمير


هع هع هع هع هع
أي والله اهم شي الكابتن
Revamp
09-10-2011, 09:54 PM
الا اليوم الصافي الكيلو 50 ريال. يا ريت تناقشون الأسباب ؟
chillis
09-10-2011, 09:58 PM
الا اليوم الصافي الكيلو 50 ريال. يا ريت تناقشون الأسباب ؟

الزبيدي الكويتي اول امس الكيلو 68 :(
بوخالد88
09-10-2011, 10:05 PM
الا اليوم الصافي الكيلو 50 ريال. يا ريت تناقشون الأسباب ؟

الاسباب معروفه مب زيادة الرواتب بل بسبب قانون البيئة :victory:


ابشرك الصافي بيرتفع فوق وفوق :telephone: اغلى من الذهب
هبوب الكوس
09-10-2011, 10:12 PM
الموضوع عن شنو بالضبط

الطياره ولا السمك :rolleyes2:
الخيالة
09-10-2011, 10:21 PM
الموضوع عن شنو بالضبط

الطياره ولا السمك :rolleyes2:

اول شي طياره بعدين السمك عقب ماعرف شنو:nice:
هبوب الكوس
09-10-2011, 10:31 PM
اول شي طياره بعدين السمك عقب ماعرف شنو:nice:

هل ان الطياره صارت سمكة :(
مستر راشد
09-10-2011, 10:33 PM
هل ان الطياره صارت سمكة :(
ربما السمكه كانت احدى وجبات القطريه

:nice:
ع.م
09-10-2011, 10:34 PM
لاااا الصافي الصنيفي صك 75 ريال ترى..
مستر راشد
09-10-2011, 10:36 PM
لاااا الصافي الصنيفي صك 75 ريال ترى..

ابشركم ان بيرتفع فوق اغلى من الهامور
قويه:nice:
الخيالة
09-10-2011, 10:36 PM
هل ان الطياره صارت سمكة :(

لأن السمكة موجوده في الطيارة :victory:
عقد اللآلي
09-10-2011, 10:36 PM
الناس من هول ماكتب مش قادره تركز في المشاركات !!
ع.م
09-10-2011, 10:40 PM
دام غالي عيل خل نحول على السردين يقولون كنز كنز كنز بالأوميغا3.. أفيد السمك ورخيص..

بس ما أعرف الاسم بالقطري.. هو الصغار اللي أظن أكثر شي الخدم يطبخونه لهم.. مع إنه لذيذ بالشوي حسب ماسمعت..

اللي عنده أي معلومة يفيدنا..
صعبة وصوفه
09-10-2011, 10:49 PM
في بعض المشاركات يبيلها حذف،،
كلام قوي ويجيب اللوعة،،
حتى لو صحيح مب لازم نعرفه،،
جتني اللوعة استغفر الله،،
chillis
09-10-2011, 10:54 PM
دام غالي عيل خل نحول على السردين يقولون كنز كنز كنز بالأوميغا3.. أفيد السمك ورخيص..

بس ما أعرف الاسم بالقطري.. هو الصغار اللي أظن أكثر شي الخدم يطبخونه لهم.. مع إنه لذيذ بالشوي حسب ماسمعت..

اللي عنده أي معلومة يفيدنا..

سمك المتوت :secret:
ع.م
09-10-2011, 10:58 PM
سمك المتوت :secret:

تووووني أدري إن السردين هو المتوووت..

سو كيوت..

يبيله تجربه!
هبوب الكوس
09-10-2011, 11:01 PM
يمدحون التونه :(
ع.م
09-10-2011, 11:07 PM
يمدحون التونه :(


افتح القوطي ووحط السمك منه في الصحن مباشرة بدون طباخ.. هو حلو معاه زيت أصلا..

وحط لك شوية عيش ليّن كلش.. مطبوخ مع طماط..

شي شي..
هبوب الكوس
09-10-2011, 11:12 PM
افتح القوطي ووحط السمك منه في الصحن مباشرة بدون طباخ.. هو حلو معاه زيت أصلا..

وحط لك شوية عيش ليّن كلش.. مطبوخ مع طماط..

شي شي..

هذه كله في السمكة قصدي الطياره

بس خاطري اسوق طياره بس لا حد يقول لي بقعد احذاك
الخيالة
09-10-2011, 11:13 PM
بصراحه ألذ تونة اللي جابوا لي من ايران صج لذيييييييييييييييييييييييييييييييييييذ بس للأسف خلص ومافي منه اهني والباقي ما حبه
ام راشد 1
09-10-2011, 11:41 PM
سمك المتوت :secret:


لا الله يسلمچ: عومه
صعبة وصوفه
10-10-2011, 12:18 AM
اشوف في ردود تجاوزت الخطوط الحمره وفعلا مقززة،،
الأفضل حذف الموضوع بكبره، فلا فائدة من بقائه،،
b@@
10-10-2011, 03:36 AM
استغفر الله
لازم قبل يشوفون لهم حل مع موضوع الشواذ المضيفين الفلبن
شوف عيني مرتين يتقربون ويسون حركات لقطريين ..
الله ياخذهم
عميد الريان
10-10-2011, 05:20 AM
ياجماعه بس للتنويه وعشان مانظلم احد القطريه لاتقدم الكحول لأي وجهه في السعوديه
كازانوفا
10-10-2011, 08:32 AM
لوين وصلتو بالموضوع للطياره واخواتها والا للسمك واخواته ؟؟؟
ضاع الموضوع
عالعموم الاخ الذي ذكر تفاصيل الحاله الشاذه حطيت على نفسك علامة استفهاااااااااااام كبيرررررررررره؟؟؟؟؟؟؟؟؟؟؟ وانت ادرى ايش اقصد

حسبي الله ونعم الوكيل
بوالبيض
10-10-2011, 08:52 AM
صج متوفر الخمر العياذ بالله بس ما اتوقع سكرانه لان في قوانين وضبط في القطريه
اتوقع لهجتهم ما تخليهم يتكلمون عربي عدل تقطع هي الصح والله المستعان
بوخالد911
10-10-2011, 08:55 AM
لا حوووووول


ووووصلوا الموضوع للادارة بالقطرية
بيانو
10-10-2011, 09:30 AM
طوط طوط انقطع الارسال :telephone: الووو بيانو




مشكله فودافون فى الشمال مايلقط الخط:tease:

طووووووط :telephone:
SOUD.QA
10-10-2011, 09:35 AM
القطريه وما ادراك ما القطريه :(:(:( والله اني ما عرفت انواع الخمور واساميهم الا من هالقطريه احس اني في جوله تثقيفيه في كل مره اركبها الغراش اشكال وانواع وغير الريحه المقرفه :rolleyes2::rolleyes2::rolleyes2: لو في غيرها دايركت ما ركبتها لكن شنسوي حكم القوي ان ركبنا طيران ثاني نقعنا بالترانزيت بالساعات وغير شفط الفلوس بالهبل عالوزن :weeping::weeping::weeping:
catqat
10-10-2011, 09:37 AM
هع هع هع هع هع
أي والله اهم شي الكابتن


ذكرتني بمنظر الكابتن وعينه طالعة من راسه،،، كانت تكلمه البنت بثقة و ماكانت ردة فعله الا انه حط يده داخل بنطلونه يعدل القميص خخخخخخخخخخخخخخخ ويرد عليها وهو يطالع السقف




بالعكس كل سفراتي ع القطريه

المظيفه الي تتكلم اقلبهم مانعرف لهجتهم 100% لانه اقلبهم مغربيات ويكون الكلام ثقيل او مكسر

ماضن ان موضوع مهم عشان ياخذ هالكم من الردود !!
موضوع صار في وقته وانتهى

العذر والسموحه

يعطيك العافية انك تعبت نفسك وعلقت على الموضوع..

انا موجودة بالطيارة وشاهدة ع الحدث والمضيفة لسانها مش ثقيل وانا راعية سفرات أخوي وندري بالجنسيات وسمعت وتكلمت معاهم وتعاملت، واعرف افرق بين السكران وبين المعوق وبين الألتغ وبين اللي لسانه ثقيل...
chillis
10-10-2011, 09:39 AM
يعطيك العافية انك تعبت نفسك وعلقت على الموضوع..

انا موجودة بالطيارة وشاهدة ع الحدث والمضيفة لسانها مش ثقيل وانا راعية سفرات أخوي وندري بالجنسيات وسمعت وتكلمت معاهم وتعاملت، واعرف افرق بين السكران وبين المعوق وبين الألتغ وبين اللي لسانه ثقيل...

الي اعرفه من قانون الطيران ان المضيفين ممنوع يشربون وبعدين فعلا على كثر سفراتي اغلبهم من المغرب العربي الي يادوب يعرفون عربي
R 7 A L
10-10-2011, 09:41 AM
الي اعرفه من قانون الطيران ان المضيفين ممنوع يشربون وبعدين فعلا على كثر سفراتي اغلبهم من المغرب العربي الي يادوب يعرفون عربي



نتمنى نشوف نص القانون منك اختي أو من احد الاخوة
catqat
10-10-2011, 09:43 AM
اشوف في ردود تجاوزت الخطوط الحمره وفعلا مقززة،،
الأفضل حذف الموضوع بكبره، فلا فائدة من بقائه،،

هذي هي الحركة من بعض الرواد يطلعون عن الموضوع عشان يتسكر.....
خواتي اخواني ارقوا شوي بالردود والتعامل مع مواضيع الغير، أرقوااااا

مع ملاحظة اسماء المشاركين .... ماتتوقع منهم ... الله المستعان
SOUD.QA
10-10-2011, 09:47 AM
انا اللي اعرفه ان في Sky Marshal في كل طيران امريكي ليه هالشي ما يصير بالقطريه اقلها يضبط السكارى واللي يتحرشون فالمضيفات وغير الهواش اللي يصير احيانا بين المسافرين الله يهديهم
صعبة وصوفه
10-10-2011, 09:51 AM
هذي هي الحركة من بعض الرواد يطلعون عن الموضوع عشان يتسكر.....
خواتي اخواني ارقوا شوي بالردود والتعامل مع مواضيع الغير، أرقوااااا

مع ملاحظة اسماء المشاركين .... ماتتوقع منهم ... الله المستعان

أنا اسفة اني طلبت حذف الموضوع بدون أخذ الأذن منك،،
بس تقدر تقول طلعت مني بلحظة غضب لانه في ردود غير لائقة (أقصد من ناحية الايحاءات)،،
catqat
10-10-2011, 10:04 AM
أنا اسفة اني طلبت حذف الموضوع بدون أخذ الأذن منك،،
بس تقدر تقول طلعت مني بلحظة غضب لانه في ردود غير لائقة (أقصد من ناحية الايحاءات)،،

يعطيج العافية أختي،، مسموحة،، بالاحرى نطلب حذف ردودهم أو تعديلها... ومن رايي: هذي حرية أقلام ،،دام انه ماطلع عن المألوف بالكلام الصريح ... وكنت اقصد بكلامي الناس اللي طلعوا برة الموضوع.. أتمنى انهم يفتحون موضوع جديد خاص فيهم ويتسامرون فيه



استغفر الله
لازم قبل يشوفون لهم حل مع موضوع الشواذ المضيفين الفلبن
شوف عيني مرتين يتقربون ويسون حركات لقطريين ..
الله ياخذهم

هذي معاك حق، لكن أغلب اللي يشتغل بمجال ضيافة الطيران بنات، وان كان واحد لازم يكون من الصنف اللي قلته ، أغلبه يطلعون جذيه، لكن صدقني ان المضيف يخاف ع نفسه وروحه وع رزقه، وانه ماسوى هالحركة الا انها رد ع حركة جاته
بيانو
10-10-2011, 10:08 AM
الا بالشمال اعتقد انه قوي داخل الدوحه هي شبكتهم تعبانه :secret:

:):):)
بيانو
10-10-2011, 10:09 AM
أنا من البارحة مخي يعورني من هالسالفة

شدعوه !!!!

:omg:

:secret:


سلامات

نفس الشىء من أمس ننتظر التوضيح للأسئله
مستر راشد
10-10-2011, 10:18 AM
ابشركم الصافي اليوم بـ 40:nice:
بيانو
10-10-2011, 10:19 AM
ابشركم الصافي اليوم بـ 40:nice:


مشــوي وله مقلـي :tease: ههههه
مستر راشد
10-10-2011, 10:21 AM
مشــوي وله مقلـي :tease: ههههه

لا
طازج :tease:
bo_s3ood
10-10-2011, 10:22 AM
ومازل صاحب الرد لايرد

يعني بالعقل ومانبي نحطها في الذمه يعني

ومافي الا جوابين الا اذا هو كان صديق الطالب او فلم هندي وكان يبي حد يتفاعل معه وماصار وحتى لو كان صدق الله يستر عليهم

خلكم من هالموضوع

وكملوو ردودكم عن المضيفه السكرانه شنو الحل وهل القطريه راح تسوي تحقيق او لا مع موظفيها
مستر راشد
10-10-2011, 10:24 AM
ومازل صاحب الرد لايرد

يعني بالعقل ومانبي نحطها في الذمه يعني

ومافي الا جوابين الا اذا هو كان صديق الطالب او فلم هندي وكان يبي حد يتفاعل معه وماصار وحتى لو كان صدق الله يستر عليهم

خلكم من هالموضوع

وكملوو ردودكم عن المضيفه السكرانه شنو الحل وهل القطريه راح تسوي تحقيق او لا مع موظفيها


اخوي اصلن من اساسه المفروض ماينفتح موضوع
لانه شي وصار ف وقته ووانتهى :tease:
bo_s3ood
10-10-2011, 10:29 AM
اخوي اصلن من اساسه المفروض ماينفتح موضوع
لانه شي وصار ف وقته ووانتهى :tease:


عارف طال عمرك بس شباب المنتدى يحبون الاكشن

الحين ماتشوفهم كلهم مسووين لجنة تحقيق والعضو مايبي يدخل الموضوع او المنتدى عشان محد يقول له وين الاجابات :shy: خلاص خلكم من الموضوع الي دخل عرض ورجعو على الموضوع الاصلي منه :nice:
QatariFallah
10-10-2011, 10:33 AM
حلو كلامك. لو مش سكرانة. ليش وقت ننطر البنت ف الباص. شفنا المضيفة تنزل ورى البنت ركييييييض تبي تاخذ بياناتها بحجة كتابة تقرير عن اللي حصل تبي رقم تذكرتها مادري اسمها. دام ع قولتهم ماصار شي شموضوعهم احتاسوا حوس.

العلم فيه ناس تسكر تمشي حالي حالك لكن يثقل لسانها بالكلام :discuss:

اخاف اشرح يقوم حد يقول اني خبير مشروبات كحوليه

اولا القطريه عندهم خدمات خمر وبار بمساكنهم بكل مكان..وكذاب اللي يقولك لا..ولهم تصريح بذلك بس محد يستخدمه غير موظفين القطريه للي يبي يشرب

وثانيا ترى اللي يشرب لو 3 رشفات بس..ريحة الخمره تطلع اكثر عن المشي او كلامه..للعلم فقط..هذي عن علم وواقع بالامر

ثالثا بالنسبه للكلام الثقيل..وان البنت الحقتها..البنت بالغت وهي ردة فعلها سريعه وتبي تسوي جذي عشان تتخذ اجراءات لان للحين امفكره ان المضيفه شاربه

ورابعا مضيفات القطريه قبل لايطلعون الطياره ترى عليهم check من قبل مديرة المضيفات تشوف لبسهم واتكلمهم..وبعدين في "يعض الاحيان" يكلمهم الكابتن..ممنوع الطيران بالنسبه لهم في حالة سكر

وخامسا .. لو جينا عالمشروب نفسه وافترضنا ان كلامك صحيح..
مثال: بد وايزر.. لازم 3 علب ليبدأ لون الوجه يصير باهت..والمشي من بعد 4 علب..اما الكلام من 6 علب وانت طالع

الهنيكن..علبتين يتغير الكلام..4 علب اتأثر عالمشي

جاي بي .. وبيكس..وبريل وكوفا من علبه تبدأ التلعثم..والمشي من 3 علب

احسن اوقف ماكمل عشان لايقولون شي العالم

باختصار ماكانت شاربه المضيفه
بيانو
10-10-2011, 10:34 AM
لا
طازج :tease:

حلو 100%

حياك على الغدا
cristal
10-10-2011, 10:34 AM
بقولكم من مده شهر كنا مسافرين دولة اسيوية على القطرية
كان فى مجموعه شباب من دولة خليجية جايين ترانزيت وسكرو
بصراحه انا اول مره ااشوف هالمنظر :eek5:
انتوا تخيلو انهم يصرخون فالطيااره ويسكيييي والمضيف مستانس لدرجة ان يضرب كف بكف وياهم
وعقب ماسكرو قام واحد وفصخ ملابسه :oops:
انا من قوه الصدمه ضحكت اللهم لك الحمد والشكر
بس انا تعليقي مش على القطرية انا اقول حق اللى مايخافون ربهم معلقين بين السماء والارض ويعصون الله
الله يهديهم
QatariFallah
10-10-2011, 10:35 AM
عارف طال عمرك بس شباب المنتدى يحبون الاكشن

الحين ماتشوفهم كلهم مسووين لجنة تحقيق والعضو مايبي يدخل الموضوع او المنتدى عشان محد يقول له وين الاجابات :shy: خلاص خلكم من الموضوع الي دخل عرض ورجعو على الموضوع الاصلي منه :nice:

هع..ردك مضحك ومشاركتك الاولى اضحك..وتفكيرك "اضخفك"..عاد افهمها انت دامك اتعرف للهندي

ياحبكم لسوالف الطيش والكلام اللي مايجيب نتيجه..[س سمعتوا بشي "منحرف" تبون بعد اتعرفون التفاصيل

الله يهديك ويهدي كل من فكر بتفكيرك
catqat
10-10-2011, 10:37 AM
قطري فلة لوووووووووول هو انت خليت شي عشان توقف !!!
الصراحة يعطيك العافية



بقولكم من مده شهر كنا مسافرين دولة اسيوية على القطرية
كان فى مجموعه شباب من دولة خليجية جايين ترانزيت وسكرو
بصراحه انا اول مره ااشوف هالمنظر :eek5:
انتوا تخيلو انهم يصرخون فالطيااره ويسكيييي والمضيف مستانس لدرجة ان يضرب كف بكف وياهم
وعقب ماسكرو قام واحد وفصخ ملابسه :oops:
انا من قوه الصدمه ضحكت اللهم لك الحمد والشكر
بس انا تعليقي مش على القطرية انا اقول حق اللى مايخافون ربهم معلقين بين السماء والارض ويعصون الله
الله يهديهم

واللي بيخاف الله يخافه بس بالجو؟؟؟ ذكرتيني في صنف ذكروا بالقرآن ،، بما معناه انهم في البحر ووسط هول العواصف والموت يذكرون الله ، ولو نجاهم الله للبر رجعوا لمعاصيهم.... الله سبحانه لو بيخسف فيهم خسف هالاشكال وهم نايمين
cristal
10-10-2011, 10:43 AM
قطري فلة لوووووووووول هو انت خليت شي عشان توقف !!!
الصراحة يعطيك العافية




واللي بيخاف الله يخافه بس بالجو؟؟؟ ذكرتيني في صنف ذكروا بالقرآن ،، بما معناه انهم في البحر ووسط هول العواصف والموت يذكرون الله ، ولو نجاهم الله للبر رجعوا لمعاصيهم.... الله سبحانه لو بيخسف فيهم خسف هالاشكال وهم نايمين

انا والله وايد كنت خايفه اطيح فيينا الطياره بسبتهم
QatariFallah
10-10-2011, 10:45 AM
بسم الله..الله يعينا عالعقول الصغيره أو على الناس اللي ماتفهم

يوم قلنا بنسرد القصه...البعض امتنع وشاف فيها وقاحه
ويوم قلنا بنسردها البعض قال مش لازم...لو بايجاز يكفي وبنفهم
ويوم قلنا بنتعبكم معانا وبنخربها وبنقول اللي صار بالتفصيل..قام البعض يتغابى شوي..لانه يا انه مايقرا عدل أو ضعف بالفهم

قبل لا ارد بسرعه..اللي انهاروا بسبب اني مارديت بسرعه..تراني مش فاضي عمل مثل البعض..عندي حياه..النت فقط صباحاً ونادراً ما ادش بالليل .. ف لا تشتط بردي عليك بسرعه وانتظر لمن يجيك ردي..وهذا هو جاك الحين..
وثانيا ماشاءالله..سوالف الصيدات هي اللي تخليكم "مخمورين"..لان الناس تعيش بوهم

وثالثا اللي حاب اعطيه رقم الرحله اللي كانت من الدوحه لمصر بجيبها له ف اذا يعرف اكبر الباكر او من ربعه وحاشيته..فيتأكد من الرحله واسماء اللي كانوا عليها

الرد الرئيسي..

اخ كاربون911 كلامك صحيح..حتى بامريكا ماصارت..ويوم فكرت امريكا تسوي رحله طيران فال سبرينق بريك من فلوريدا ل جزيرة كنكون..كانت رحله "مفاصيخ" والعياذ بالله من طلبة الكليات..وتم محاكمة من قام بالفكره وفرضوا عقوبات عالكل

1- جوازاتهم قطريه ..ونعم عرفت اسم الولد وهو يدرس دبلوم "بحريه" بمصر ;) بعد ما اتأكدت من احد الاخوه من الاسم
2- البنت ماعرفت اسمها.."الله يستر عليها"
3- تم تبليغ المضيفه بعد النزول .. باجراء شكوى لما حصل وقالت انهم كلموا الكابتن بما حصل ويعرفون اسماءهم اللي في هالمقعدين
لكن لم يتم الابلاغ شخصياًّ عن طريقي او عن طريق اللي معاي..الى مكتب من مكاتب القطرية
4- الاخ اللي سأل عن الوضع الحيواني...لم يكن من غير ملابس..بس انت تخيل الحين معاي..شغل مخيلتك وتخيل "فرصه عالطاير" من غير اللي قلته ولكن مثلا مثلا خل نقول "فتح منافذ الدوله الجمركيه" لووووول مالقيت تشبيه..تعال خاص وبعطيك الكلمه السنعه
5- لحد يزعل اني حضرت تصوير فلم اكشين..اللي يسافر كل شهر عالقطريه..بيستانس

وشكراً على اهتمامكم بالخرابيط..والله يعينكم
القائــد
10-10-2011, 10:45 AM
الله يهديهم كل مكان خمر وفتن
bo_s3ood
10-10-2011, 10:45 AM
هع..ردك مضحك ومشاركتك الاولى اضحك..وتفكيرك "اضخفك"..عاد افهمها انت دامك اتعرف للهندي

ياحبكم لسوالف الطيش والكلام اللي مايجيب نتيجه..[س سمعتوا بشي "منحرف" تبون بعد اتعرفون التفاصيل

الله يهديك ويهدي كل من فكر بتفكيرك

اسال نفسك انت الي جبت الكلام لنفسك انا ماهمني الموضوع

بس انت خارج النص في موضوعك وتداخلت في موضوع ثاني ويوم طلبو توضيح محد رد

انا اقولها اذا صارت الله يستر عليهم مب لازم ينذكر الموضوع

خلاص شفة وخلص يعني فعل ماضي

ويهديك ويهدي الجميع
QatariFallah
10-10-2011, 10:51 AM
بقولكم من مده شهر كنا مسافرين دولة اسيوية على القطرية
كان فى مجموعه شباب من دولة خليجية جايين ترانزيت وسكرو
بصراحه انا اول مره ااشوف هالمنظر :eek5:
انتوا تخيلو انهم يصرخون فالطيااره ويسكيييي والمضيف مستانس لدرجة ان يضرب كف بكف وياهم
وعقب ماسكرو قام واحد وفصخ ملابسه :oops:
انا من قوه الصدمه ضحكت اللهم لك الحمد والشكر
بس انا تعليقي مش على القطرية انا اقول حق اللى مايخافون ربهم معلقين بين السماء والارض ويعصون الله
الله يهديهم

تفضل..خذلك مثال جديد عالقطريه

اللي مايعرف ايش اللي يصير بالخطوط القطريه..خله يكثر سفراته

وللا اقول..لايسافر..بعطيكم تصرفات مضيفات القطريه وانتو بعينكم شوفوها

1- فالمطار القديم..مبنى القطريه يعرف الكل انه احترق من فتره..حد كان موجود ؟..انزين..تم الغض عن الموضوع هو..لكن تفاجأ الناس ا ن بعض المضيفات الاسيويات امدخلين البوي فريند بغرفهم وبالمكان الخاص بالاناث فقط من مضيفات ومتفقين الكل ومحد يقول شي..يوم احترق المكان.."ربك سبحان الله"..انفضحوا بس محد قالهم شي

2- مبنى القطريه بالنجمه هذا اللي يعجبني لوووول .. ليش؟..لان فيه لاتينيات وشرق اوروبيات لمن تقول بس

وانا مستعد اني اطرش للقطريه مسج باسم مضيفات بالقطريه ينصادون بالليل في الشارع اللي بين شارع النصر وشارع السد..اكيد الشباب يعرفونه..اللي آخره الاشاره اللي اطلعك على لاسيغال
مضيفات القطريه بسبب لبسهم الخليع وخوفهم من التعرض لهم..يدشون هذا الشارع وينتظرون تاكسي وللا اي حد يوديهم لبيوتهم..وريحتهم خمر..الله لايردهم
والمشكله اعمارهم 24 و 26 سنه

والناس ال "vip" اذا يبون يختلطون مع هالمضيفات..بتلاقيهم كل جمعه وسبت..في بار نادي الجولف

وشكراً
QatariFallah
10-10-2011, 10:54 AM
اسال نفسك انت الي جبت الكلام لنفسك انا ماهمني الموضوع

بس انت خارج النص في موضوعك وتداخلت في موضوع ثاني ويوم طلبو توضيح محد رد

انا اقولها اذا صارت الله يستر عليهم مب لازم ينذكر الموضوع

خلاص شفة وخلص يعني فعل ماضي

ويهديك ويهدي الجميع

اللقافه شينه وتجيب الكلام عليك
وثانيا لا تتحمس للمواضيع البايخه..شوف شي عدل اتعلمه
وثالثا رايك مايعبر عن الكل..واذا مافي شي عاجبك..المنتدى فيه افكار أقل..بتفهمها باقسام ثانيه..يمكن اللبس والتسوق
واخيرا..الموضوع قديم هااه؟..عيل حسب تفكيرك البسيط..كل موضوع صار بوزاره او دائره حكوميه مع شخص وجاي هني يتكلم عنه...صار قديم المفروض مايقوله خلاص

لايكون اتعرفه او يقربلك الشخص اللي كان عالرحله؟
catqat
10-10-2011, 10:55 AM
انا والله وايد كنت خايفه اطيح فيينا الطياره بسبتهم

نفس الشعور :weeping:

لولا حيا بعض الناس اللي قاعدين بالسياحية كان صار المكان نايت كلوب، حتى (البعض) اللي قاعدين جدام يلكونها ، لكن الله ساتر عليهم بهالستارة اللي اتهفهف...
meeemz
10-10-2011, 10:59 AM
مب لازم نعرف هالبلاوي في النهايه مب كل الشعب القطري ملائكه بس لا تلوعون جبودنا بهالسوالف
bo_s3ood
10-10-2011, 11:00 AM
اسال نفسك في اللقافه وراح تعرف الجواب

على العموم مابي اطول في موضوع مالي خص فيه

اهم شي اقنعة الي كان يبي التفاصيل وجبتها ولا ماجبتها ماهمني اصلا مثل موضوع المضيفه

والله يستر عليك ويهديك ان شاءالله
الاجتماعي
10-10-2011, 11:02 AM
صلوا على النبي يا جماعة وهدوا اشوي ...
سهيل قطر
10-10-2011, 11:03 AM
ودي اصدق بس قووووووووووووووووووووووويه

اي والله قوويه قوويه

يمكن اخوناا قصده متقطرين وكاانواا جنسيات اخرى

كل شيء جائز في هالزمن
QatariFallah
10-10-2011, 11:10 AM
شدراك..صح كلام البعض..يمكن قطريين متجنسين
وياكثرهم هاليومين بأحسن المراكز والاماكن..قطريين وقطريات من اصحاب الجنسيات
لكن بعد ماراح تقدرون تلفون وتدورون وتلفقون التهمه على العرب الثانيه حتى لو متجنسين او لا

لان بالاصل..اي عربي عنده دين..مايسويها

ف يمكن البنت قطريه وحياتها احسن منا..لكن الله يهديها
اما الولد ابشركم..يبيع ويشتري بكلامكم..قطري ويلقّ بعد
شبح الصمت
10-10-2011, 11:13 AM
شدراك..صح كلام البعض..يمكن قطريين متجنسين
وياكثرهم هاليومين بأحسن المراكز والاماكن..قطريين وقطريات من اصحاب الجنسيات
لكن بعد ماراح تقدرون تلفون وتدورون وتلفقون التهمه على العرب الثانيه حتى لو متجنسين او لا

لان بالاصل..اي عربي عنده دين..مايسويها

ف يمكن البنت قطريه وحياتها احسن منا..لكن الله يهديها
اما الولد ابشركم..يبيع ويشتري بكلامكم..قطري ويلقّ بعد




انت كدى :nice:

تعرف ليش لانك تكلمت وقلت شيء في ناس ما تبي تقوله


في ناس تحب اتم عايشه ودافنه راسه وتقول هالامور لا واحنا وهم ومن هالامور

بس كلامك 100% صحيــح
بيانو
10-10-2011, 11:28 AM
بسم الله..الله يعينا عالعقول الصغيره أو على الناس اللي ماتفهم

يوم قلنا بنسرد القصه...البعض امتنع وشاف فيها وقاحه
ويوم قلنا بنسردها البعض قال مش لازم...لو بايجاز يكفي وبنفهم
ويوم قلنا بنتعبكم معانا وبنخربها وبنقول اللي صار بالتفصيل..قام البعض يتغابى شوي..لانه يا انه مايقرا عدل أو ضعف بالفهم
قبل لا ارد بسرعه..اللي انهاروا بسبب اني مارديت بسرعه..تراني مش فاضي عمل مثل البعض..عندي حياه..النت فقط صباحاً ونادراً ما ادش بالليل .. ف لا تشتط بردي عليك بسرعه وانتظر لمن يجيك ردي..وهذا هو جاك الحين..
وثانيا ماشاءالله..سوالف الصيدات هي اللي تخليكم "مخمورين"..لان الناس تعيش بوهم

وثالثا اللي حاب اعطيه رقم الرحله اللي كانت من الدوحه لمصر بجيبها له ف اذا يعرف اكبر الباكر او من ربعه وحاشيته..فيتأكد من الرحله واسماء اللي كانوا عليها

الرد الرئيسي..

اخ كاربون911 كلامك صحيح..حتى بامريكا ماصارت..ويوم فكرت امريكا تسوي رحله طيران فال سبرينق بريك من فلوريدا ل جزيرة كنكون..كانت رحله "مفاصيخ" والعياذ بالله من طلبة الكليات..وتم محاكمة من قام بالفكره وفرضوا عقوبات عالكل

1- جوازاتهم قطريه ..ونعم عرفت اسم الولد وهو يدرس دبلوم "بحريه" بمصر ;) بعد ما اتأكدت من احد الاخوه من الاسم
2- البنت ماعرفت اسمها.."الله يستر عليها"
3- تم تبليغ المضيفه بعد النزول .. باجراء شكوى لما حصل وقالت انهم كلموا الكابتن بما حصل ويعرفون اسماءهم اللي في هالمقعدين
لكن لم يتم الابلاغ شخصياًّ عن طريقي او عن طريق اللي معاي..الى مكتب من مكاتب القطرية
4- الاخ اللي سأل عن الوضع الحيواني...لم يكن من غير ملابس..بس انت تخيل الحين معاي..شغل مخيلتك وتخيل "فرصه عالطاير" من غير اللي قلته ولكن مثلا مثلا خل نقول "فتح منافذ الدوله الجمركيه" لووووول مالقيت تشبيه..تعال خاص وبعطيك الكلمه السنعه
5- لحد يزعل اني حضرت تصوير فلم اكشين..اللي يسافر كل شهر عالقطريه..بيستانس

وشكراً على اهتمامكم بالخرابيط..والله يعينكم







لماذا هذا الرد أخوى

يعنى حرام الواح يستفسر

يعنى الأن أنت أتهمت اللى أستفسر ( شلون أنت عرفت التفاصيل الصغيره من أن البنت أهلها بمصر والطالب يدرس ) بأن هؤلاء الناس عقولهم صغيره ومايفهمون وهذا فى ردك أعلاه بالأحمر .
ترى أنت من أتى بالقصه وعليك توضيحها ( فى حدود الأداب والأخلاق ) ماطلنا منك تفاصيل مخله بالأداب وكان إستفسارنا واضح ( من إين عرفت بأن البنت أهلها بمصر وهى بتحصلهم بعد يومين - ومن أين عرفت أنه يدرس ) . فقط لاغير كان ممكن التوضيح دون إهانه للناس الذين سألو
ماكنت أتوقع منك هذا الرد

بالعكس أنا كنت واثق أنك بتدخل وتوضح الأمور ( ولكن ) بصدر واسع ورحب
airbus
10-10-2011, 11:43 AM
لماذا هذا الرد أخوى

يعنى حرام الواح يستفسر

يعنى الأن أنت أتهمت اللى أستفسر ( شلون أنت عرفت التفاصيل الصغيره من أن البنت أهلها بمصر والطالب يدرس ) بأن هؤلاء الناس عقولهم صغيره ومايفهمون وهذا فى ردك أعلاه بالأحمر .
ترى أنت من أتى بالقصه وعليك توضيحها ( فى حدود الأداب والأخلاق ) ماطلنا منك تفاصيل مخله بالأداب وكان إستفسارنا واضح ( من إين عرفت بأن البنت أهلها بمصر وهى بتحصلهم بعد يومين - ومن أين عرفت أنه يدرس ) . فقط لاغير كان ممكن التوضيح دون إهانه للناس الذين سألو
ماكنت أتوقع منك هذا الرد

بالعكس أنا كنت واثق أنك بتدخل وتوضح الأمور ( ولكن ) بصدر واسع ورحب


ياخي شي معروف كيف عرف المعلومة !

سمعهم اكيد وهو جنب المقعد الي كانوا فيه !

مايبلها اي ذكاء والي يقرا القصة من الريال على طول يعرف كم كان سعر الكيلوا سمك السردين :telephone:
QatariFallah
10-10-2011, 11:50 AM
ياخي شي معروف كيف عرف المعلومة !

سمعهم اكيد وهو جنب المقعد الي كانوا فيه !

مايبلها اي ذكاء والي يقرا القصة من الريال على طول يعرف كم كان سعر الكيلوا سمك السردين :telephone:

ههههه..اللي روحه حلوه مثلك
لو كلامك ضده بعد
يقولك..حلالك ولو تبي افرشلك الارض ذهب
الفا برافو
10-10-2011, 11:52 AM
كان زين لو كل واحد مرت عليه تجربه في الطياره يرويها..
وناسه

:)

تحياتي لكم
QatariFallah
10-10-2011, 11:54 AM
لماذا هذا الرد أخوى

يعنى حرام الواح يستفسر

يعنى الأن أنت أتهمت اللى أستفسر ( شلون أنت عرفت التفاصيل الصغيره من أن البنت أهلها بمصر والطالب يدرس ) بأن هؤلاء الناس عقولهم صغيره ومايفهمون وهذا فى ردك أعلاه بالأحمر .
ترى أنت من أتى بالقصه وعليك توضيحها ( فى حدود الأداب والأخلاق ) ماطلنا منك تفاصيل مخله بالأداب وكان إستفسارنا واضح ( من إين عرفت بأن البنت أهلها بمصر وهى بتحصلهم بعد يومين - ومن أين عرفت أنه يدرس ) . فقط لاغير كان ممكن التوضيح دون إهانه للناس الذين سألو
ماكنت أتوقع منك هذا الرد

بالعكس أنا كنت واثق أنك بتدخل وتوضح الأمور ( ولكن ) بصدر واسع ورحب

مش كلكم نفس التفكير

ولاتخاف..انا ما امشي على قول (رضا الناس غايه لاتدرك) لان بصراحه..مايهم

اللي عنده امكانيه يقول شي ويبين للناس انكم اتكلمون عن فقاعه اطلعت من أساس كبير...عيل لايقوله

واللي يقدر يوقف ويقول ويفضح الاساس..يتفضل

يا تكون صريح وواضح
ياتكتب في بداية المشاركه (اجتهاد مني أو مشاركه بريئه) عشان انعرف ان ماناخذ كلامه بجديه

نفس مواضيع سابقه..كل من قط خيط وخيط..وتدافعوا الناس بلا عقليه ومنطق..واتضحت افكارهم ومنطقهم اللي مخزي وفاضح

لكن انا شفتلك كم من موضوع..وردودك حلوه
فالحمدلله اعلم انك مش من هالفئه..وعقليتك سليمه

شكرا
قطريه ماركه
10-10-2011, 12:07 PM
لا حول ولا قوة الا بالله ...

اذا متأكدة اشتكي عشان ما تتكرر هالتصرفات !!
الخيالة
10-10-2011, 12:15 PM
تفضل..خذلك مثال جديد عالقطريه

اللي مايعرف ايش اللي يصير بالخطوط القطريه..خله يكثر سفراته

وللا اقول..لايسافر..بعطيكم تصرفات مضيفات القطريه وانتو بعينكم شوفوها

1- فالمطار القديم..مبنى القطريه يعرف الكل انه احترق من فتره..حد كان موجود ؟..انزين..تم الغض عن الموضوع هو..لكن تفاجأ الناس ا ن بعض المضيفات الاسيويات امدخلين البوي فريند بغرفهم وبالمكان الخاص بالاناث فقط من مضيفات ومتفقين الكل ومحد يقول شي..يوم احترق المكان.."ربك سبحان الله"..انفضحوا بس محد قالهم شي

2- مبنى القطريه بالنجمه هذا اللي يعجبني لوووول .. ليش؟..لان فيه لاتينيات وشرق اوروبيات لمن تقول بس

وانا مستعد اني اطرش للقطريه مسج باسم مضيفات بالقطريه ينصادون بالليل في الشارع اللي بين شارع النصر وشارع السد..اكيد الشباب يعرفونه..اللي آخره الاشاره اللي اطلعك على لاسيغال
مضيفات القطريه بسبب لبسهم الخليع وخوفهم من التعرض لهم..يدشون هذا الشارع وينتظرون تاكسي وللا اي حد يوديهم لبيوتهم..وريحتهم خمر..الله لايردهم
والمشكله اعمارهم 24 و 26 سنه

والناس ال "vip" اذا يبون يختلطون مع هالمضيفات..بتلاقيهم كل جمعه وسبت..في بار نادي الجولف

وشكراً




جان زين بس يرجعون كل هالموظفات اللي جايبينهم من بره وياخذون من عيال البلد ومواليد الدوحه أحسن من هالمصخره اللي مسوينه
تري كلامك صح بخصوص اللي يصير واحنا نشوف في المطار وهاذيله ماتهمهم شي جايين يشتغلون دبل لا مهتمين حق سمعتهم ولي شي لأنهم مو في بلادهم عادي يسوون اي شي
لا حول ولا قوة الا يالله لو صج نقعد نكتب ونقول عن موظفات القطرية اللي جايبينهم من بره بتنصدمون والله
حسبي الله علي اللي يجيبهم ألحين يعني محد في الدوحه يقدر يشتغل في القطريه لازم يجيبون من بره ولي عشان يعطونهم راتب شوي انزين بدل مايعطون حق المدرا البريطانييين والامريكيين راتب فوق 100 ألف يوظفون من شباب وبنات الدوحه ويعطونهم راتب عدل ويفكوننا من هالخرابيط:anger1:
البربهاري
10-10-2011, 12:31 PM
ياجماعة الخير كلن يصلح سيارته ويتوكل على الله الدنيا بخير
اهم شي التونة ويمدحون الغويزي
بوحارب
10-10-2011, 12:50 PM
زين ان القبطان مب هو السكران :(
ع.م
10-10-2011, 12:52 PM
الله ياخذ العدوووو عيزنا واحنا نسولف عن السمج.. والموضوع ليلحين يلبط!

قطري فلة.. دام عندك كل هالحقائق الخطيرة الله لايهينك اكتبها وارفعها لأكبر راس..

مافي دداعي تفتح عيون الناس المريضين على اللي يصير حولهم وتدلهم عليه بدون ماتقصد..

الله يهدي الجميع..
شبح الصمت
10-10-2011, 12:55 PM
اخبر مره من المرات كنا مسافرين تايلند

المراد

واحد اجنبي شرب شرب لين ودا خلاص عادي قام يقض الغرشه من تحت ويشرب ..

المهم من كثر ما شرب قام يتهاوش اول شيء مع ربعه وكل واحد يطلع بلاوي الثاني

وعقب قام يتهاوش مع رجال شامي قام يدزه ومرته تقوله

شوف شو فيه هذا واهو مثل الخايف يقولها خليه يولي لأنه ذاك اش كبره تقول استغفر الله العظيم نفس التاتو الي حاطه على كتفه صورت كلب دوبر

بختصر لكم اخر شيء سواه الله يكرمكم رفع رجوله وحطهم على الكراسي الي قدامه ..

المهم اول ما افتحوا باب الطياره الا اثنين شرطه تايلنديين متحبلين له عند الباب وجرووه وخلووه ما يسوى شيء

للاسف فالنهاية الشاميين تهاوشوا مع بعض وقالت له قدامنا انت مو رجال تخيلوا جاي يغير جو نكد عليه البريطاني

ليكون تحسب زوجها جونقر تبيه يتهاوش معاهم مسكين
:shy:

ناس تذكر الله وخايفه الموت وناس والا على بالها المعصيه سهلات
cristal
10-10-2011, 01:58 PM
كان زين لو كل واحد مرت عليه تجربه في الطياره يرويها..
وناسه

:)

تحياتي لكم

عندي لك حادثة بس والله ااستحي اقولها وصارت عالقطرية بس القصه بين شاب سعودي وفتاه اجنبيه ماعرفت جنسيتها بس عليها شنب يوقف عليه الصقر ههههههههههههههههههه:spider: تقول ربياانه
شبح الصمت
10-10-2011, 02:05 PM
عندي لك حادثة بس والله ااستحي اقولها وصارت عالقطرية بس القصه بين شاب سعودي وفتاه اجنبيه ماعرفت جنسيتها بس عليها شنب يوقف عليه الصقر ههههههههههههههههههه:spider: تقول ربياانه




اشدعوه شنب

كان راحت عند حسوني يضربها ليزر ما يطلع عقبها

:funny:
بو راشد 1
10-10-2011, 02:12 PM
ياجماعة الخير كلن يصلح سيارته ويتوكل على الله الدنيا بخير
اهم شي التونة ويمدحون الغويزي


الشريح اطيب و ألذ طال عمرك :nice: