اتمنــى حد يفيدني لو سمحتوا

[لطآم]

السلام عليكم ورحمة الله وبركاته ,

عندي أستفسار بسيط واتمنـى حد
يفيدني انا أبي أروح علاج طبيعي وعلى حسابي
الخاص للتشيـك بس بغيت مكتب بقطر أقدر
أعطيه تقاريري ويطرشها وينسق لي مع
عيادة العلاج الطبيعي بالتشيك ...

انا كلمت مكتب بالكويت وقالي 1300 دينار كويتي
علاج طبيعي لمدة 30 يوم مع السكن فالفندق
والأكل 3 وجبات يومياً والمواصلات ومترجم
بس اللي علي تذكرتي ومصروفي الشخصي
بس انا أبي مكتب نفس نظام هالمكتب
اللي بالكويت بس أبي بقطر وياليت اللي يعرف
يقولي وينهم او رقمهم والله يجزاكم خير ,,,

[لطآم]

:cry2::cry2::cry2::cry2:

[لطآم]

:weeping::weeping:

[المسك1969]

عفوا أخوي ربي يشفيك مما تجد وتحاذر... بس ليش التشيك وهنيه في اخصائي علاج طبيعي كُثر

وأن ما فادوك اللي في المؤسسة ففي ناس تعمل لحسابها الخاص وماشاء الله تبارك الله ممتازين... فجرب حفظك الله هنا قبل لا تروح وخساير ويمكن بيكون نفس العلاج

ولا بأس عليك طهور أن شاء الله

[لطآم]

جربت 3 اماكن في قطر مانفع معاي
وقالوا لي التشيك لأن علاج التشيك بالطين والمياه المعدنيه
وأشياء خاصه بقطر كل اللي سويت عندهم وايرات كهرب
وكيس فيه ماي حار وفوطه منقعه بماي حار على هالموال 3 شهور
مانفع شيء انا قلت بروح التشيك عقب معاناه مع العلاج بقطر لمدة سنه وزياده
او سنتين كل 3 او 4 شهور اروح عياده واسوي علاج طبيعي ونفس الشيء
اسبيتار قالوا لي ماعندهم علاج طبيعي للظهر كنت حاط امل بعد الله بأسبيتار بس
قالوا ماعندنا لا دكاتره ظهر ولا علاج طبيعي للظهر والحمدلله على كل حال
انا نوية اروح بس أبي أشوف اذا في مكتب بقطر ولا أروح عن طريق الكويت

[موضي قطر]

الله يشفيك ويعافيك يا لطام إن شاء الله .. ودي اساعدك بس ماعندي فكره

.. وحبيت ارفع الموضوع :)

[لطآم]

^^^
اللهم أمين والله يجزاج خير ماقصرتي