استفسار بخصوص كلية المجتمع

[تاجر كشخة]

السلام عليكم
يا أخوان ابي اعرف شروط قبول لكلية المجتمع ومتى التسجيل والتخصصات لاني تعبت وانا اتصل عليهم بس ما في رد

[بوحارب]

وعليكم السلام

اخوي لو تروح لهم وتستفسر بنفسك احسن

مكانهم في الدفنة

[غالية قطر]

هلا اخوي ..
أنا مسجلة في الكلية ..شروط القبول أن يكون عندك شهادة ثانوية عامة وما تهم النسبة ولا تاريخ التخرج ..إن شاءالله لو متخرج من 30 سنة بعد مقبول ..
ثاني شرط تجتاز لفل 1 في الإنجليزي ..لأن حتى الآن لم يفتحوا صفوف لهذا اللفل المتدني ...
في صفوف من لفل 2 إلى لفل 5 ..
والتسجيل للجامعة لازم يكون في النت ..ولكن لازم تروح بعد للجامعة عشان تسجل لإمتحان القبول ..وهو عبارة عن إمتحان انجليزي ورياضيات وكله في الكمبيوتر ومدته 5 ساعات!!!
مش مهم تجتاز الرياضيات (عادي حتى لو ترسب)المهم تجتاز على الأقل لفل1 في الإنجليزي بس ..

بس بتصادفك مشكلة ..وهي ان الكلية عليها ضغط كبير وخاصتاً على لفل2 انجليزي..تعرف لأن أهل قطر مب ذلك الزود في الإنجليزي..وعشان جذي ممكن يكون في تأخير على مايدخلونك لأن في ناس وااااااااااااااايد قبلك مسجلين وماحصلولهم مقاعد ..وعلى بال ما يجيك الدور ممكن تمر سنة!!!!!!!

ولكن لو أخذت لفل3 وما فوق طبعاً راح تدخل وتداوم أسرع ..لأن مافي عليها ضغط وااايد ...

وهنا شرح مفصل لطريقة التسجيل في الكلية :
http://qataries.net/vb/showthread.php?t=19666

التخصصات إللي موجودة 3 :
1-تخصص علمي (وتعتبر شهادة ثانوية ولكن تستطيع أن تستكمل دراستك الجامعية بدخولك إلى أي جامعة وسوف تحسبلك ساعات الكلية وبذلك على طووول بتكون في ثالث سنة جامعة)
2-تخصص أدبي (ونفس الشي ممكن بعد ما تخلص تلتحق باي جامعة على انك في سنة ثالثة)
3-تخصص دبلوم للعمل فقط ولا تستطيع بعدها الدخول إلى اي جامعة ولا تحسبلك أي ساعة.

[راسي براسك]

طيب وشو التخصصات اللي في كل مجال العلمي والأدبي ودبلوم العمل ؟

[خور العديد1]

غالية قطر كفيتي ووفيتي
الصراحه مع اني اداوم فالكليه
استفدت وخذت معلومات جديده من موضوعج

[كراج فورملا1]

غاليه الحين 3 التخصصات تعطى شهادة لطلاب او الطلاب يختار التخصص

ارجوووو الرد

[غالية قطر]

طيب وشو التخصصات اللي في كل مجال العلمي والأدبي ودبلوم العمل ؟


تقصد شنو المواد اللي تدرس في كل تخصص ..
في العلمي :أحياء_ فيزياء_ كمياء_رياضيات_هندسة_هندسة حاسب.

أدبي:انجليزي_وعربي_وتاريخ_فلسفة_علم نفس_ادارة أعمال(هاي اللي اعرفة يمكن فيه زيادة..مادري)

التخصصات اللي موجوده في دبلوم العمل هي:
(لا تُنقل الساعات الى درجة البكالوريس)
1-اعلام
2-الاتصالات-اعمال-مالية -ادراة
3-ادارة المنشاءت Construction

المواد الأساسية التي تُدرس في هذا التخصص هي:
التاريخ
اللغة
الرياضيات
علوم سياسة government
علوم عامة

[غالية قطر]

غالية قطر كفيتي ووفيتي
الصراحه مع اني اداوم فالكليه
استفدت وخذت معلومات جديده من موضوعج


العفوو اخوي ...حاضريـــــــن :victory:

[غالية قطر]

غاليه الحين 3 التخصصات تعطى شهادة لطلاب او الطلاب يختار التخصص

ارجوووو الرد


مافهمت سؤالك عدل ؟؟
بس الطالب هو اللي يختار تخصصه بنفسه ..

[تاجر كشخة]

هلا اخوي ..
أنا مسجلة في الكلية ..شروط القبول أن يكون عندك شهادة ثانوية عامة وما تهم النسبة ولا تاريخ التخرج ..إن شاءالله لو متخرج من 30 سنة بعد مقبول ..
ثاني شرط تجتاز لفل 1 في الإنجليزي ..لأن حتى الآن لم يفتحوا صفوف لهذا اللفل المتدني ...
في صفوف من لفل 2 إلى لفل 5 ..
والتسجيل للجامعة لازم يكون في النت ..ولكن لازم تروح بعد للجامعة عشان تسجل لإمتحان القبول ..وهو عبارة عن إمتحان انجليزي ورياضيات وكله في الكمبيوتر ومدته 5 ساعات!!!
مش مهم تجتاز الرياضيات (عادي حتى لو ترسب)المهم تجتاز على الأقل لفل1 في الإنجليزي بس ..

بس بتصادفك مشكلة ..وهي ان الكلية عليها ضغط كبير وخاصتاً على لفل2 انجليزي..تعرف لأن أهل قطر مب ذلك الزود في الإنجليزي..وعشان جذي ممكن يكون في تأخير على مايدخلونك لأن في ناس وااااااااااااااايد قبلك مسجلين وماحصلولهم مقاعد ..وعلى بال ما يجيك الدور ممكن تمر سنة!!!!!!!

ولكن لو أخذت لفل3 وما فوق طبعاً راح تدخل وتداوم أسرع ..لأن مافي عليها ضغط وااايد ...

وهنا شرح مفصل لطريقة التسجيل في الكلية :
http://qataries.net/vb/showthread.php?t=19666

التخصصات إللي موجودة 3 :
1-تخصص علمي (وتعتبر شهادة ثانوية ولكن تستطيع أن تستكمل دراستك الجامعية بدخولك إلى أي جامعة وسوف تحسبلك ساعات الكلية وبذلك على طووول بتكون في ثالث سنة جامعة)
2-تخصص أدبي (ونفس الشي ممكن بعد ما تخلص تلتحق باي جامعة على انك في سنة ثالثة)
3-تخصص دبلوم للعمل فقط ولا تستطيع بعدها الدخول إلى اي جامعة ولا تحسبلك أي ساعة.

الله يجزاج الف خير ويبشرج بالجنه ويزوجج احسن عريس ويطول في عمرج ويعطيج الصحه والعافيه

[العسل]

لو سمحتوا هي دبلوم بعدها اكمل سنتين في جامعه قطر ولا اربع سنين اقصد تعتبر برنامج ياهلني لدخول الجامعه

[تاجر كشخة]

وعليكم السلام

اخوي لو تروح لهم وتستفسر بنفسك احسن

مكانهم في الدفنة

مشكوور بو حارب:nice:

[LiL iNVe$ToR]

لو سمحتوا هي دبلوم بعدها اكمل سنتين في جامعه قطر ولا اربع سنين اقصد تعتبر برنامج ياهلني لدخول الجامعه


سنتين بس ..حالياَ مع جامعة قطر ومن اللي سمعته ان اتفقو على كل شي والطالب يقدر يلتحق بجامعة قطر فالسنه الثالثه.

لكن مع جامعات المدينه التعليميه ..السالفه بطول شوي بس هم يحاولون يلبون شروطهم ودوم اجتماعات وياهم.

[غالية قطر]

الله يجزاج الف خير ويبشرج بالجنه ويزوجج احسن عريس ويطول في عمرج ويعطيج الصحه والعافيه

آآآآآآآآآميــــــــــــن يارب :shy:

العفووووو اخوي ماسوينا شي

[غالية قطر]

لو سمحتوا هي دبلوم بعدها اكمل سنتين في جامعه قطر ولا اربع سنين اقصد تعتبر برنامج ياهلني لدخول الجامعه

نعم سنتين وتدخل الجامعة على سنة ثالثة ..


سنتين بس ..حالياَ مع جامعة قطر ومن اللي سمعته ان اتفقو على كل شي والطالب يقدر يلتحق بجامعة قطر فالسنه الثالثه.

لكن مع جامعات المدينه التعليميه ..السالفه بطول شوي بس هم يحاولون يلبون شروطهم ودوم اجتماعات وياهم.

خذ مني الخبر الأكيد ..حتى المدينة التعليمية راح تحسب ساعات الكلية ماعدى الطب (وايل كورنيل) لأن الطب يبيله دراسة من البداية ..

[كراج فورملا1]

غاليه سؤال هل يوجد تخصص علوم حاسب الي في القسم العلمي لو تتاكدين لي وشكرا

[غالية قطر]

غاليه سؤال هل يوجد تخصص علوم حاسب الي في القسم العلمي لو تتاكدين لي وشكرا

نعم هنالك مادة "هندسة حاسب" ضمن المواد التي تُدرس في القسم العلمي ..
وممكن بعد ما تتخرج من الكلية تقدر تلتحق بجامعة كارنيجي ميلون أو جامعة قطر لدراسة الحاسب الآلي ..

[كراج فورملا1]

غالليه فيه فرق بين هندسه الحاسب وبين علوم حاسب الالي وانا ابي تخصص علوم حاسب الالي لان جامعة قطر مافيها هندسة حاسب وانا مابي اتوهق ابي اتاكد هالتخصص موجود في كلية المجتمع علوم حاسب الالي وشكرا

[غالية قطر]

غالليه فيه فرق بين هندسه الحاسب وبين علوم حاسب الالي وانا ابي تخصص علوم حاسب الالي لان جامعة قطر مافيها هندسة حاسب وانا مابي اتوهق ابي اتاكد هالتخصص موجود في كلية المجتمع علوم حاسب الالي وشكرا

والله يا أخوي ودي أساعدك بس هذا حدي ماعرف أكثر من جذي ..
حاول تتصل على هاي الرقم واسأل هيا النعيمي تفضل :
44011398