المساعد الشخصي الرقمي

مشاهدة النسخة كاملة : سؤال/ ثقافة ولا وقاحة !!!!


pink pearl
09-10-2011, 08:13 PM
السلام عليكم ورحمة الله.....

مساء هذا اليوم وفي برنامج الدار عرض تقرير عن مهرجان أمريكا اللاتينية برعاية الهيئة العامة والفنون والتراث والثقافة، موسيقى صاخبة ورقص مائع ولبس فاضح وجمهور متمايل!!
هل انقلبت المسميات ياإدارة الفنون والثقافة؟؟؟؟ وأين العلاقة بين التراث وبين هذا التقرير يا إدارة التلفزيون الموقرة ؟؟ وهل اللقطات الخادشة للدين وللحياء التي عرضت أمام أعين الصغار والكبار مرت مرور الكرام أمام الرقابة؟؟؟!

؟
علامة استفهام كبيرة أضعها أمام منظمي هذا المهرجان الساقط ؟؟

!
وعلامة تعجب أكبر فوق طاولة إدارة تلفزيون قطر!!!*
حمد بن سعد
09-10-2011, 08:41 PM
الوقاحه غيرو اسما من 10 سنوات وسموها ثقافه
عقد اللآلي
09-10-2011, 08:47 PM
كم تؤلمنا مثل هذه التقارير ، وتقام على أرضنا الطيبة " قطر ". إنه الغزو الأجنبي المنظم أخي الكريم ، ويدخل إلينا تحت مسمى : ثقافة ، للأسف .
pink pearl
10-10-2011, 10:43 AM
جزاكم الله خير إخواني على المرور
Rider
10-10-2011, 10:54 AM
اسكتوا لا يسمعكم المخرج بعدين يزعل
سر الرمز
10-10-2011, 11:06 AM
الموسيقى هي:

المُسيقة: تسوقه إلى كثير من المحرمات

المُسيئة: تسيئ إلى النفس البشرية
شبح الصمت
10-10-2011, 11:11 AM
هل هي افكار عيال الديره أو افكار اجنبيه التي تنطرح في معظم البرامج !!!
QatariFallah
10-10-2011, 11:20 AM
شفيك؟ هذا اسمه الحي الثقافي

يعني كل الثقافات

والشعب اللاتيني عنده ثقافته وجا يثقف الناس فيها هني حتى لو فيها خدش للحياء..تفهم وضعهم
مره بيكون ثقافه لاتينيه
مره ثقافه شرق آسيويه
مره ثقافه عربيه مصريه .. او عربيه مغريبه
كل واحد بيجي بيسوي اللي يبيه وينشر ثقافته
بتمنعهم بعد؟!!

الحين لو حد منهم تسلم خشم على واحد بيقول عنا منحرف..بس هاي ثقافتنا بعد

اللاتينيين او المهتمين بمعلومات عن الثقافه اللاتينيه يروحون ويشوفون..واللي مش عاجبه لايروح..اصلا بالايام العاديه تطلع ثقافات وطنيه عجيبه غريبه..ومحد تكلم..جات الحين على هالمساكين اللاتينيين lol
بـــــــنت النوخـّــــذه
10-10-2011, 11:37 AM
ما تابعت البرنامج

واذا فعلا" الكلام حصل فـــــــــ انقول لهم حرام ثم عيب

تحياتي
الحياة الخالدة
10-10-2011, 11:56 AM
شخبـــــــــاري .. عيب و حرام و مب عدلة و ما يجوز

كل هالمصطلحات انشالت من القاموس بقدرة قــــــــادر
بـــــــنت النوخـّــــذه
10-10-2011, 12:05 PM
88

حبيبتي الحياه الخالده
انتي ملاحظه نفسي

ساعات اقول وين كلمة عيب اندثرت
اول نسمعها بكل شي
عيب تشوفون هذا
عيب ترفع صوتك
عيب تجلسين مع الحريم وتسولفين بسوالفهم الخاصة
عيب تضحك بصوت عالي
عيب تاكل وحلجك مبطل
عيب اطلع صوت بالاكل
عيب تطلعين بروحج
عيب اتهد هلك يسافرون بروحهم
عيب ترفعين صوتج وعينج على المعلمة
عيب تلبسين قصير جدام الكبار واخوانج الشباب

عيب ترقصين رقص مايع

عيب اتغنين ودندنين جدام اهلج

وعيب يالمجتمع هالحفلات وووو000الخ
عيب وعيب وعيب

حتى اخبر اول لما كانوا يجون لامي حريم اتحط القدوع كان عمري8 سنوات اتقول يلا عيب تجلسون تقدعون مع الحريم 00الحين عاد شوفي الدنيا سايبه

افتقدنا كلمة عيب وزادت قوات العين اهههه لاحظتي هالشي

اسمحيلي اختي pink preal بعدنا اشوي عن موضوعج بس متعلق فيه
الحياة الخالدة
10-10-2011, 12:20 PM
بنت النوخــــــذة ..

أكيد يا قلبي ملاحظــــــــة .. و واخدة بال حضرتي على ما يقولون

و مب بس أنا اللي ملاحظة .. كل المخضرمين ملاحظين و ويهم صاير جذي :omg::eek5:

صار الواحد فينا لين قط كلمة عيب أو حرام .. يخاف من ردة فعل الطرف الثاني .. يجرحه في مشاعره مثلاً ( خبرج الناس صايرين حساسين )
أو يزقره ذيج الزقرة اللي تخليه ينصدم و يطالع عمره يقول انا شفيني ؟؟!! .. شكلي انا اللي صرت غلط في هالزمن و كل الباقيين صح

صار العيب الحين هو المطلوب : يعني الوحدة اذا ما تلبس المرصص و المزنط و المرصص قالوا باااااااااااال هاذي وين عايشة .. مالت أووووووووووول .. ما تستحي تطلع جدام الناس بهالستايل القديم .. صج تفشـــــــــل

تشوف لك شي غلط في مكان .. أشكره غلط .. تقول غلط و ما يصير .. ياكلونك بقشورك .. هذا تقدم و تحضر و ثقافة .. انتو لي متى بتمون عايشين في زمن يدي و يدتي

و الا كلش كلش .. بيقولون و انتو شعليكم من الناس .. خلكم في حالكم .. الناس فاهمة و واعية و عارفة الصح من الغلط .. اشحقة اللقافــــــــــــة :rolleyes2:
حيهور
10-10-2011, 03:36 PM
لاتروحون ولاتشوفون وانتهى الموضوع

هم حصلوا جمهور فالبقاء للأقوى :)
فيزيائية
10-10-2011, 04:26 PM
لاتروحون ولاتشوفون وانتهى الموضوع

هم حصلوا جمهور فالبقاء للأقوى :)

وتصير (بلادنا) لهم
ثقفتهم ..دينهم ..وعاداتهم
ونصير أقليّة ؟؟
أليس هذا بالضبط مانسميه ب (السلبية)؟:secret: