سلفه السيارة على الراتب ؟؟؟؟؟

[البحار00]

ياترى في ضوابط لتسديد الي باقي من السلفه للشغل

وهل بيعطوني السلفه الجديدة في حاله أني سددت ما بقى علي من السلفه

لان شؤون الموظفين يقولون لي لازم تكون مسدد 75٪ من قيمه السلفه

على الاقساط الشهرية الي كانو يخصمونها من راتبي


ابي بس أتأكد لان هالكلام مب داش مخي :telephone:

[chillis]

الي اعرفه لازم تخلص سلفتك الاولانيه وتسددها كامله وتالي تاخذ الجديده

[بـــــــنت النوخـّــــذه]

88

ايوه لازم السداد يكون كامل 000 حتى تأخذ سلفة أعباء الحياة أو سلفة السيارة

اول مرة اسمع انك اتسدد 75% 00 ألي اعرفه التسديد كامل ولا تنعطى السلفة إلا باستكمال السداد الأولي وتجيب لهم اشعار من البنك اذا كنت بتسدد انت بنفسك برقم حسابهم (المبلغ كامل ) لاستكمال إجراءات السلفة الجديدة

بالتوفيق

[المحقق كونان]

لازم تسدد سلفتك الاوليه مع ارفاق وصل التسديد من البنك مع طلب السلفه جديده

الله يوفقك

[البحار00]

جزاكم الله خير

بس تراكم مافهمتو قصدي

أنا ادري أني لازم اسدد السلفه كامله هذا شيء مفروغ منه وأكيد


بس الي اقصده أني على الي يقولونه شؤون الموظفين

أني لازم أتم اسدد شهريا لحد ما اكون دافع ٧٥ ٪ من قيمه السلفه

علشان اقدر اسدد الباقي بإيداعه في حساب الدولة واقدم على السلفه الجديده

اتمنى يكون الشرح واضح

[بوحارب]

سدد الاولى اليوم وقدم على الثانية بكرة ومحد بيكلمك


ولاتنسى نصيبي اههههههههههههههه

[البحار00]

سدد الاولى اليوم وقدم على الثانية بكرة ومحد بيكلمك


ولاتنسى نصيبي اههههههههههههههه

حاضرين الله يسلمك

المشكله مب في التسديد

المشكله في الشرط الي حاطينه

لان هالكلام مب داخل مخي

[غير البشر]

ياجماعه شلون مافهمتو الرجال :rolleyes2:

هو يدري ان لازم يسددها
بس شغلهم خبروه ان يكون وصل في التسديد من السلفه القديمه 75% منها
عشان يقدر يسدد الباقي وياخذ الجديده



اخوي الي اعرفه واديما نسويه عادي
تقدر اتسدد اي وقت وتاخذ الجديده حتى لو ماوصلت 75% منها

[البحار00]

ياجماعه شلون مافهمتو الرجال :rolleyes2:

هو يدري ان لازم يسددها
بس شغلهم خبروه ان يكون وصل في التسديد من السلفه القديمه 75% منها
عشان يقدر يسدد الباقي وياخذ الجديده
اخوي الي اعرفه واديما نسويه عادي
تقدر اتسدد اي وقت وتاخذ الجديده حتى لو ماوصلت 75% منها

لاهنت يا الذيب

هذا الي ابي اوصل له

وتاكدت ان الربع جايبين هالكلام من مخابيهم لأني ماقد سمعته من قبل

[بـــــــنت النوخـّــــذه]

اهااااااااا

صراحه في البداية شرحه ماكان واضح

نفس ماقال الاخ الفاضل غير البشر 00 السداد غير مرتبط بشرط هذا المتعارف عليه

[حسن]

شوف يالبحار الي اخبره انك تسدد السلفه القديمه في اي فرع من بنك قطر واسمه حساب الدوله الموحد و تاخذ اوصل السداد وتعطيها شغلك وهم يحضرون لك طلب الدفع او سند الصرف اللي يروح لوزاره الماليه ويصدر عليه الشيك هذا اذا انت في وظيفه حكوميه اما خاص فلا

[QatarSafety]

البحار
من كلامك ان القانون عندكم يلزم بأن تسدد ال 25%
في حال انك اكملت ال 75%
وانت تبين لي انك مابعد وصلت ال 75% من التسديد
عشان تسدد الباقي ويعطونك سلفه جديدة فلازم على كلامك
ان تسدد لهم الثلاث ارباع بالمائة بالاقساط بالاول وبعدين
تقدم عليهم بعد ان تسدد الربع الاخير الي هو 25% .

بس ترى القوانين تختلف من مكان الى مكان
لن الدوام الحكومي يختلف عن الشركة لن الحكومي سهالات
والشركات لعوزة وبلوى وفيها شوي تعقيد شوي.

اعطيك مثال على ذلك .
القانون عندنا تاخذ سلفية السيارة يعطونك راتبك الاساسي
خمس مرات او خمسين الف ريال هذا طبعاً قبل الزيادة الاخيرة .

والقانون عندنا مافي تسدد الباقي وتاخذ سلفه جديدة حتى لو 1%.
مافي هالشي لين تخلص بالوقت المحدد ومافي مانع تسددها كلها
ولكن ماتقدر تاخذ سلفة اخرى الى بعد ماتنتهي المدة المحددة
سواءٍ سددت او ماسددت.

[البحار00]

جزاكم الله خير

بس للعلم أنا موظف حكومي مب في شركه

واتبع نظام الموارد البشريه

لكن الربع عندنا الله بالخير القوانين جاهزة في مخابيهم

[حسن]

يالبحار انت قلتها الربع عندكم الله بالخير والكل يالف ويسوي نفسه فاهم وهذه مرت علي من البعض شوف مره هزءت مدير في احدي الوزارات يوم قالي مافي فلوس وقام يوريني كمبيوتره شوف الرصيد قلت له العب غير ها ياغبي الفوس عندك في وزارتك ولا الماليه قالي في الماليه قلت له لبش ترويني كمبيوترك ياخراط الغبي يقص على الناس ومادرى ان طاح في واحد يتكلم عن شغله

[البحار00]

يالبحار انت قلتها الربع عندكم الله بالخير والكل يالف ويسوي نفسه فاهم وهذه مرت علي من البعض شوف مره هزءت مدير في احدي الوزارات يوم قالي مافي فلوس وقام يوريني كمبيوتره شوف الرصيد قلت له العب غير ها ياغبي الفوس عندك في وزارتك ولا الماليه قالي في الماليه قلت له لبش ترويني كمبيوترك ياخراط الغبي يقص على الناس ومادرى ان طاح في واحد يتكلم عن شغله

الي يقول يعطونك من جيبهم

[غير البشر]

جزاكم الله خير

بس للعلم أنا موظف حكومي مب في شركه

واتبع نظام الموارد البشريه

لكن الربع عندنا الله بالخير القوانين جاهزة في مخابيهم



اخوي البحار

الاخوان في شوؤن الموظفين عندكم
شي من الاثنين

يا انهم مش فاهمين الموضوع صح

او انهم يبغون يصعبون السالفه :rolleyes2:

[hamoor4ever]

لا عادي > الظاهر الشغل عندك يبون يتفلسفون
اللي قال لك جذيه قول له وين القى الفقره هاذي بأي قانون

[المتحدث الرسمي]

.....

اخوي البحار

شؤون الموظفين عندكم شكلهم مب فاهمين الموضوع عدل

يعني لو اني مسدد 74% من السلفه ما يصير اسدد الباقي ؟؟!! شدعوه

انا اخبر لما غيرت شغلي و كنت ماخذ سلفة السياره سددتها قبل لا استقيل و كان باقي من مبلغ السلفه اكثر من النص ولا احد قالي شي

.....

[هدى ورحمه]

ياترى في ضوابط لتسديد الي باقي من السلفه للشغل

وهل بيعطوني السلفه الجديدة في حاله أني سددت ما بقى علي من السلفه

لان شؤون الموظفين يقولون لي لازم تكون مسدد 75٪ من قيمه السلفه

على الاقساط الشهرية الي كانو يخصمونها من راتبي


ابي بس أتأكد لان هالكلام مب داش مخي :telephone:

كلام صحيح ، وراح يشوف البنك مسيرتك في القرض على مدى الفتره اللي جالس تسدد فيها لو كنت متاخر في السداد كم شهر او شعر البنك انك لن تغطي قيمه القسط بشكل مستمر او ان هناك عدم ثبات في مصدر العمل سوف يتم التراجع عن اعطائك السلفه،وايضا يؤخذ بعين الاعتبار قوه الراتب ، اذا جونير ماراح يعطونك وجه ،لحد ماتسدد الاول
وراح يشوفون هل انت في القائمه السوداء في قائمة البنوك