خبرحصريا لمنتدى الاسهم القطرية

[راكان]

سوف تسمعون اخبار بخصوص الجنسية القطرية قريبا


مبروك مقدما

[STAR]

اشفيها جنسيتنا‏?‏

[الخبــره]

شلون يعني فهمنا

ولا نورنا

[R 7 A L]

ياليت توضح اكثر اخوي
مافهمنا شي للامانة

[@ بوفيصل@]

اسمحلي اخوي هذا مب خبر

اذا عندك شي قوله

[الخبــره]

تقول خبر حصري وبعدين تقول راح تسمعون

شلون صار حصري

[STAR]

بليز لا تحط موضوع مبهم وغامض

وين الخبر الحصري...‏!!‏

[MeMz]

انزين وشو الخبر ؟!!

[الخبــره]

ياليت الجدية في الطرح

[al saad]

اكيد بعد الزياده بسحبون جنسياتنا!!
ولا ابعاد!
مادري شو القصد من نتزيل الموضوع اذا ماعندك شي اتقوله بس تبي اتشعللها بين الاعضاء

[مخطط قطري]

الجنسية القطريه تراها شي غالي ونفتخر به مانبيكم تسترخصونها وتنعطى بسهولة

[STAR]

يصير اخمن‏?‏‏! ‏‏(‏‏=‏

[مستر راشد]

يصير اخمن‏?‏‏! ‏‏(‏‏=‏

لاتخمن وتودينا ورى الشمس :nice:

[الحياة الخالدة]

الصراحة .. خبر يثلـــــج الصدر

هاذي الأخبار و الا بلاش

كثر منها بس

لا تطول علينا

[حمد بن سعد]

الصراحه رفعة ضغطي انت مع الخبر الي كاتبه

لغز يعني تبينا نحله

سلم على القذافي سلام كثير

[ع.م]

أتمنى ينظر في حال البدون..

[الخبــره]

يا ريت يتسكر الموضوع ابرك

[R 7 A L]

الصراحة .. خبر يثلـــــج الصدر

هاذي الأخبار و الا بلاش

كثر منها بس

لا تطول علينا



هع هع هع
:tease:
ماحد فهم الا أنتٍ

[STAR]

لاتخمن وتودينا ورى الشمس :nice:

:shy::shy:

[al saad]

وين راعي الموضوع نزل قبله وشرد
بعض الناس بحلمون وبيتمنون الجنسيه واخرتها موضوعك ع فشوش
ماقوال الا الله يهديك بس

[مستر راشد]

السالفة ومافيها ان تجديد الجواز للقطري صار ب 50 ريال بدل ماكان ب 100 ريال يعني حماية المستهلك بدت تشتغل على كبير

عقبال مايمرون صوب المرور :omen2:

[بلوتنيوم]

ههههههههههههههههههههههههه
خبر سلبي والا ايجابي ؟؟!

[STAR]

اللي يحر ان صاحب الموضوع اون لاين

واتوقع قاعد يقرى ردودنا وموقاعد يرد ع استفساراتنا..‏!!‏

[الحياة الخالدة]

لا يوقــــــــف

لا يوقــــــــف

الله يذكرك بالخير يا احمدوووووووووه :(

[مستر راشد]

ههههههههههههااي

[ريتويت]

أتمنى ينظر في حال البدون..


بكم هالسياره؟؟؟ خااااطري اعرف كم سعرها؟؟

[chillis]

السالفة ومافيها ان تجديد الجواز للقطري صار ب 50 ريال بدل ماكان ب 100 ريال يعني حماية المستهلك بدت تشتغل على كبير
قول والله الله يكثر خيرهم :secret:

[الحياة الخالدة]

يصير اخمن‏?‏‏! ‏‏(‏‏=‏


إي خمني عادي

لج 3 محاولات

[مستر راشد]

تصبحون على خير ياجماعه

[R 7 A L]

خفوا شوي على الرجال
عطوه فرصه يرد على استفساراتنا

[STAR]

أنا الي عندي خبر الحصري..‏ بس لصاحب الموضوع..


تدري ياصاحب الموضوع اذا ماقلت لنا شسالفة راح يحذفون موضوعك..


هذا اذا ماصكوك باند لانك لعبت باعصابنا واعصاب الادارة ‏‏(‏‏=‏

[الحياة الخالدة]

ههههههههههههههههههههههههه
خبر سلبي والا ايجابي ؟؟!


سلجابي

أو

إيسلبي

[بـوصـالـح]

متأكد من الخبر .. اخاف اشاعه

:rolleyes2:

[هبوب الكوس]

http://4.bp.blogspot.com/_K-EdCtBdlGo/TTgEtrH8i4I/AAAAAAAAAew/a-VEZug9gCg/s1600/Muammar_Gaddafi.png

[STAR]

إي خمني عادي

لج 3 محاولات

اممممم بصراحة

اشك في شيئين..

في ابناء القطرية

وفي اصحاب الوثائق القطرية..


والخيار الثالث مادري..

اوكل المهمة لاختنا المسك..

[بلوتنيوم]

خفوا شوي على الرجال
عطوه فرصه يرد على استفساراتنا

ما يصير يتلاعب بمشاعر الناس :secret:






سلجابي

أو

إيسلبي

يعني سحب والا ادراج :omen2:

[الحياة الخالدة]

خفوا شوي على الرجال
عطوه فرصه يرد على استفساراتنا


هو استفسار واحد ما غيره

شنهو الخبر ؟؟

عطو ســــــداح فرصة

دامه مب مستعد ليش نزل الموضوع :secret:

[chillis]

تصبحون على خير ياجماعه
لا بدري لا تياس ان الله مع الصابرين الحين يعترف :secret: هبوب الكوس شوف شغلك :anger1:

[راكان]

ياجماعة الخير. الله يهديكم جميعا
الخبر ومافية ان الجنسية القطرية سوف تعطى لكل من كان يحمل الجنسية القطرية وسحبت منة.
والتفاصيل سوف ترونها في الجرائد قريبا
وهذة تعتبر بشارة لخوانا الذين سحبت الجنسية منهم

[الحياة الخالدة]

متأكد من الخبر .. اخاف اشاعه

:rolleyes2:


لا ما اتوقع كلش

الريال متأكد و حاط فلوسه كلها

[R 7 A L]

ياجماعة الخير. الله يهديكم جميعا
الخبر ومافية ان الجنسية القطرية سوف تعطى لكل من كان يحمل الجنسية القطرية وسحبت منة.
والتفاصيل سوف ترونها في الجرائد قريبا
وهذة تعتبر بشارة لخوانا الذين سحبت الجنسية منهم



الله يعطيك العافية

ويتساهلون أهل قطر كل خير

قانون بشأن الجنسية القطرية ( 38 / 2005 )

0 - مــــادة
(1 - 26)
المادة 1
القطريون أساساً هم :
1- المتوطنون في قطر قبل 1930 ميلادية و حافظوا على إقامتهم العادية فيها ، و احتفظوا بجنسيتهم القطرية حتى تاريخ العمل بالقانون
رقم (2) لسنة 1961 المشار إليه .

2- من ثبت أنة من أصول قطرية ، ولو لم تتوفر فيه الشروط المنصوص عليها في البند السابق ، و صدر باعتباره كذلك قرار أميري .
3- من ردت إليهم الجنسية القطرية طبقاً لأحكام القانون .
4- من ولد في قطر أو في الخارج لأب قطري بموجب البنود السابقة .

المادة 2
يجوز بقرار أميري منح الجنسية القطرية لغير القطري إذا توفرت فيه الشروط التالية :

1- أن يكون قد جعل ، بطرق مشروع ، إقامته العادية في قطر لمدة لا تقل عن خمس و عشرين سنة متتالية سابقة على تاريخ تقديم طلب الحصول على الجنسية . و لا يخل بالتتالي الزمني خروج طالب الجنسية من قطر لمدة لا تزيد على شهرين في السنة مع احتفاظه بنية العودة . و في جميع الأحوال تستنزل هذه المدة من حساب مدة إقامته في قطر .
وإذا غادر طالب الجنسية قطر بعد تقديمه طلب الحصول على الجنسية لمدة تزيد على ستة أشهر ، جاز لوزير الداخلية أن يعتبر مدة إقامته السابقة في قطر كأن لم تكن .
2- أن يكون له وسيلة مشروعة للرزق تكفي لسد حاجاته .
3- أن يكون محمود السيرة ، حسن السمعة ، و لم يسبق إدانته بحكم نهائي في قطر أو في الخارج في جريمة مخلة بالشرف أو الأمانة .
4- أن يكون ملماً باللغة العربية ألماماً كافياً .

[STAR]

اووه عيل نبارك لأخوانا ال غفران

[هبوب الكوس]

لا بدري لا تياس ان الله مع الصابرين الحين يعترف :secret: هبوب الكوس شوف شغلك :anger1:

خلاص وضح لكم اخونا راكان وشتبين بعد

[Anas_G]

ذكرني بكابتن ماجد لما يطير فووق حوالي 5 كيلو متر ارتفاع عن الارض ويقعد طول الحلقة وهو فوق ويستعد للضربة الملتهبة ويطير بسام فوق لعنده يحاول يحل الموضوع وكابتن ماجد ويشوت الكوره وتنتهي الحلقة ثبل لا نعرف هدف او لا ..

[ريتويت]

الله الموفق

[الحياة الخالدة]

جزاك اللــــــه خير يا راكان

يستاهلون

و الفال لكل مستحــــــق :)

[بن موسى]

اووه عيل نبارك لأخوانا ال غفران

يوم الثلاثاء الماضي تم ارجاع الجنسية ل102 شخص من الغفران والبقية في الانتظار وعددهم تقريبآ 2700 شخص

[R 7 A L]

يوم الثلاثاء الماضي تم ارجاع الجنسية ل102 شخص من الغفران والبقية في الانتظار وعددهم تقريبآ 2700 شخص




الله يفرجها عليهم

[الأصيلة]

أنا بشرتهم من زمان يا أخوي
ليكون بتاخذ البشارة عني...
والشاهد على ذلك أخونا الشامخ...!!!!

[بوحارب]

حتى الجنسية صارت فيها قيل وقال !!!

[الأصيلة]

ياجماعة الخير. الله يهديكم جميعا
الخبر ومافية ان الجنسية القطرية سوف تعطى لكل من كان يحمل الجنسية القطرية وسحبت منة.
والتفاصيل سوف ترونها في الجرائد قريبا
وهذة تعتبر بشارة لخوانا الذين سحبت الجنسية منهم

أنا بشارتي حق اللي ماعندهم جنسية أصلا
وأصحاب الوثائق ...إن شاء الله يجدون مايسرهم ومايرضيهم...
حتى لو لم يحصلوا على الجنسية ...

[هبوب الكوس]

انا مايفقع مرارتي في المسلسل الا بسام ابو قذيلة يعني لاعب ولك معجبينك تقعد تتدلع بشعرك قدام البنات مااقول الا مالت بس

المفروض يكون بدكة الاحتياط حرام يطلع في المسلسل


ليكون انت صديق بسام اللي بس يمررله الكوره

[[vip]]

لا يوقــــــــف

لا يوقــــــــف

الله يذكرك بالخير يا احمدوووووووووه :(

طلع من السجن ههههههههههههههه:tease:

[غير البشر]

إي خمني عادي

لج 3 محاولات



ممكن الاتصال بصديق :telephone::rolleyes2:

[meme~qatar]

توني واصلة

شالسالفة ؟؟؟

[الحياة الخالدة]

ممكن الاتصال بصديق :telephone::rolleyes2:


لا .. استنفذت كل محاولات المساعدة للأسف :(

[الحياة الخالدة]

;7694345']طلع من السجن ههههههههههههههه:tease:


توني واصلة

شالسالفة ؟؟؟


احمدووووووووه يقولون طلع من السجن :secret:

الجنسية القطرية بيردونهـــــــا حق اللي سحبوها منهم سابقاً :)

[غير البشر]

يستاهلون ال غفران

بس السؤال هل يوجد قانون جديد

يعني الي ماعنده الجنسيه وتنطبق عليه الشروط ياخذ جنسيه او لا

[R 7 A L]

يستاهلون ال غفران

بس السؤال هل يوجد قانون جديد

يعني الي ماعنده الجنسيه وتنطبق عليه الشروط ياخذ جنسيه او لا



فعلاً يستاهلون
اخوي غير البشر ممكن توضح سؤالك لانه غير واضح