المساعد الشخصي الرقمي

مشاهدة النسخة كاملة : بسم الله والصلاة ع النبي ابتدي


gym4ever003
10-10-2011, 01:54 AM
السلام عليكم ورحمة الله وبركاتة شحال الاخوان والاخوات في المنتدى الطيب اخواني وخواتي الله يحفظ عيالكم اول شي من كل شر وعين وحاسد ابي منكم استشارة ويقولون ماخاب من استشار

عندي ولد في الابتدائي ماشالله علية الاول ع صفة السنة ذي الولد يروح المدرسة بس مايحظر الحصص وايد قعدت وياها وسولفنا وقالي ان المعلمات تظل تصارخ رحنا وشفنا المدرسات والامور طيبة الولد التزم بس يوم ومن ذاك اليوم مايحظر لاخير ولا شر كلة دوارة بين الفصول واي احد ينادي علية يسفه له مادري شلحل قالوا ف المدرسة عليك بالاستشارات وهناك ماقصروة ووعدني ووعد امة والمدرسة والاستشارات ان خلاص بيلتزم بس للاسف
فمادري شلحل؟؟؟؟؟؟؟
قطر2030
10-10-2011, 02:02 AM
إذا كان ذكيا ونبيها ثم تحول حاله فجأة عليك بالرقية عند راقي شرعي إن لم تكن تستطيع رقيته بنفسك وحفظه دعاء الخروج من المنزل

وهذا رابط موقع شفاء للرقية الشرعية

http://www.shefaa.net/index.php?lng=ar

تستطيع أن تضع الهيدفون على رأسه ليستمع للرقية كل مساء لترقيه برقية الشيخ السدحان

وعليك بالدعاء له خاصة في صلاة الليل عسى الله أن يحفظه ويصلح حاله
استغفرالله
10-10-2011, 02:13 AM
اقعد معاه سولف معاه وده مطعم وخله يسولف عن اللي بخاطره
gym4ever003
10-10-2011, 02:25 AM
اخوي قطر 2030 واخوي استغفر الله الله يحفظكم ومشكورين ع ردكم بالنسبة للرقية الشرعية انشالله باذن الله جاري التنفيذ والله ياخوي استغفر الله اني كل يوم اطلع انا وهو ونسولف ونظحك ويسالني انت زعلت مني لاني اتصرف بالمدرسة جذي اقوله اي ونتصالح ويوعدني ويرد نفس الشي
الأصيلة
10-10-2011, 02:29 AM
ممكن تغير له المدرسة كـ تغيير للبيئة..
احتمال يشوف شيء انت ماتشوفه ويحس بشيء انت ماتحس فيه...
حاول معه بكل الوسائل...
بس هو بالضبط ايش عذره ...عندما يوجه له اتهام عدم حضور الحصص؟
ووين الأخصائيات عنه؟
وبالأخير توكل على الله وأكمل مشوار الرقية الشرعية واجتهد بالصدقة...
كروشيه
10-10-2011, 02:30 AM
اكيد فيه شي


نصيحة طلعه من المدرسة وشوفله مدرسه ثانية


الولد صار له شي وما اعتقد بيقولكم شصار ..... للاسف فيه ضرب وعنف في بعض مدارس البنين ... خصوصا انك قلت انه من الاوائل وهالشي يخليه امام بعض الطلبة الفاشلين الغير متربين بارز ومشروع للضرب والتحرش بانواعه.

وعلى ذلك نصيحة غيروا المدرسة
gym4ever003
10-10-2011, 02:41 AM
اختي الاصيلة رحت معظم المدارس يقولون عندهم اكتفاء فل عذرة بعدم حظورة للحص بانة يكرة مدرسة معينة لانها صارخت علية ودزيته قلت بس شذنب باقي المدرسات مايشوفونك ولا يسلمون عليك وتحرمهم من شطارتك وذكائك مايرد يظل ساكت سكوت لدرجة جني قاعد اكلم روحي بالنسبة حق الاخصائيات الله هداهم بس همهم بس رضا المديرة والاتصال بامة تعالي اخذي ولدج او ولدج ظرب او او او بس
الاخ/الاخت كروشية للاسف انه صاير عنيف في المدرسة وايد وايد والكل يتشكى من هواشاته في المدرسة
الأصيلة
10-10-2011, 02:56 AM
شوف له مدرسة خاصة إذا إمكانياتك تسمح
الولد أكيد متعقد من مدرسة معينة
وبعد يحتاج إلى قرار صارم معاه من قبلك وقبل المدرسة
شكلكم شوي مدلعينه
gym4ever003
10-10-2011, 03:03 AM
اختي الاصيلة معاملتنا لة عادي بس اعتقد ان مثل ماقلتي ان المدرسة راخية وياة ومطمن ان ابوة وامة واراة مب صايدة شي والله اعلم الله يهدية انشالله والمدرسة الخاصة بحاول نشوف له والي فية الخير ربي ييبا والله يحفظ عيالنا
كروشيه
10-10-2011, 03:10 AM
اختي الاصيلة رحت معظم المدارس يقولون عندهم اكتفاء فل عذرة بعدم حظورة للحص بانة يكرة مدرسة معينة لانها صارخت علية ودزيته قلت بس شذنب باقي المدرسات مايشوفونك ولا يسلمون عليك وتحرمهم من شطارتك وذكائك مايرد يظل ساكت سكوت لدرجة جني قاعد اكلم روحي بالنسبة حق الاخصائيات الله هداهم بس همهم بس رضا المديرة والاتصال بامة تعالي اخذي ولدج او ولدج ظرب او او او بس
الاخ/الاخت كروشية للاسف انه صاير عنيف في المدرسة وايد وايد والكل يتشكى من هواشاته في المدرسة

اخوي بناء على تقارير خاصة تخص بعض الاحداث في مدارس البنين لا استطيع البوح بها - اكرر النصيحة وأأكد عليها (شوفله مدرسه ثانية بدون تردد وفورا).
gym4ever003
10-10-2011, 03:20 AM
اخوي / اختي كروشية ممكن تفيدني اكثر رحم الله والديج المشكلة ان المدارس فل الكل يقولي العدد مكتمل واذا ماحصلت له مدرسة ثانية شسوي
كروشيه
10-10-2011, 03:23 AM
اخوي / اختي كروشية ممكن تفيدني اكثر رحم الله والديج المشكلة ان المدارس فل الكل يقولي العدد مكتمل واذا ماحصلت له مدرسة ثانية شسوي

اتصل في كل المدارس الخاصة اخوي


جرب اتصل في مدرسة اقرأ سمعت عندهم مكان وسعرهم مقبول

هذا موقعهم على الانترنت وارقامهم في نفس الصفحة
http://www.iqraenglishschool.com/contactus.php

الله يوفقكم ويستر عليكم ويحميكم والمسلمين من كل شر
b@@
10-10-2011, 04:37 AM
انقله بدون تردد
الله يوووفقكم ياااارب
المسك1969
10-10-2011, 06:18 AM
أنا ولدي هالسنة لما نقلته من مدرسته وكانوا يدرسونه فيها رجال إلى مدرسة قريبه منا تدرس فيها نساء نظرا لصعوبة وجود مواصلات وبالرغم من استئجاري لحافله خاصه له إلا أنه أصر على تغيير المدرسة

ولكن بعد التغيير لاحظت أنه كاش عن الطلبة ويكره الحضور لصفهم... وبدأ يحس كل صباح بوعك صحي من ألم في البطن إلى تعب على قولته... فذهبت في يوم ووجدت المدرسة تصرخ من قمة رأسها والاولاد يسرحون ويمرحون في الفصل بلا اهتمام (صف رابع)

فأرجعته لمدرسته والحمدلله رجعت أموره طبيعيه ونصيحة لك حفظك الله...الولد يدرسه رجال لا نساء والا بتتعب وياه

ربي يوفقه ويحفظه لكم ويرزقكم بره آمين
غرِيبهـ
10-10-2011, 07:05 AM
الله يحفظلك ولدك وكل عيالكم يااارب
رذاذ
10-10-2011, 08:05 AM
غيري المدرسة له وشجعية يدخل مع احد من اقاربه بنفس المرحله
Rider
10-10-2011, 10:46 AM
والله مدارس البنين كلها مشاكل انا اعتراض على وجود معلمات في المرحلة الابتدائية المعلمات مايقدرون يسيطرون على الطلاب
gym4ever003
11-10-2011, 12:31 AM
السلام عليكم جميعا وبيظ الله وجيهكم ع التفاعل والردود
فعلا راحت امة المدرسة وشي يشيب شي مب يرفع الظغط المدرسات الا من رحم ربي صراخ ع الطلاب وعصبية _((( واقعد لاحط النعال بحلجك)))- ذي مثال بسيط ع طريقة التعامل ويا الطلاب في المدرسة والاخصائية النفسية او الاجتماعية للاسف موقفهم سلبي للغاية والطلاب مب يمرحون بس الا سوالف وسب وتحرش وهواش ووووو
راحت امة حق المديرة وقالت لها الي شافتة وويش تتوقون رد المديرة ماقدر افنش او اسوي اي شي لاني بتوهق ماقدر ايب ستف انزين وعيالنا شنسوي فيهم.......
المشكلة ان مافي ولا مدرسة الحين تاخذ اي طالب لان كله فل الصفوف مكتملة