اخبار ما عجبتني في جريدة الشرق !

[الوان]

بسم الله الرحمن الرحيم

*

اول خبر

دراسة مسحية تؤكد ارتفاع تعاطي السويكة في المجتمع الطلابي

اكيد بترتفع ؟!!!

من كثر ما تتردد كلمة سويكة في التلفزيون و الاذاعه

انتو اللي نبهتوا الناس عليها

صار كل حد يعرف ايش يعني سويكه

اللي عمرنا ما سمعنا فيها

الحين اليهال الصغار يعرفونها

*

الخبر الثاني

*

السيارات و الدراجات تزعج العائلات على شاطيء سيلين

؟؟؟

الحين اي عائلات تروح سيلين غير الاجانب

بعد بيحتكرون المكان

و عيال البلاد بيمنعونهم من ركوب الدراجات في سيلين

عشان عائلة كومار

و عائلة جيمس

ولا العوايل القطرية نادر ما تروح سيلين

و اذا راحوا

يا انهم ياخذون معاهم دراجات حق عيالهم

او يستأجرون لهم دراجات من هناك

*

و بس

الله المستعان

[ريتويت]

الله المستعان

[الأصيلة]

بسم الله الرحمن الرحيم

*

اول خبر

دراسة مسحية تؤكد ارتفاع تعاطي السويكة في المجتمع الطلابي

اكيد بترتفع ؟!!!

من كثر ما تتردد كلمة سويكة في التلفزيون و الاذاعه

انتو اللي نبهتوا الناس عليها

صار كل حد يعرف ايش يعني سويكه

اللي عمرنا ما سمعنا فيها

الحين اليهال الصغار يعرفونها

*

الخبر الثاني

*

السيارات و الدراجات تزعج العائلات على شاطيء سيلين

؟؟؟

الحين اي عائلات تروح سيلين غير الاجانب

بعد بيحتكرون المكان

و عيال البلاد بيمنعونهم من ركوب الدراجات في سيلين

عشان عائلة كومار

و عائلة جيمس

ولا العوايل القطرية نادر ما تروح سيلين

و اذا راحوا

يا انهم ياخذون معاهم دراجات حق عيالهم

او يستأجرون لهم دراجات من هناك

*

و بس

الله المستعان

صباحك خير أختي ألوان
بالنسبة للسويكة الطلاب يعرفونها من ها الباكستانيين المنتشرين في كل مكان
ويروجون لها ويبيعونها عليهم...
المشكلة ما فيه أحد من الجهات المعنية حاولوا يحلون ها المشكلة...
والسويكة هي مقدمة لـ شيء أعظم منها
الله يحفظ عيالنا...

[راسي براسك]

أول خبر مؤسف !
لان انا بحياتي كلها ماعمري شفت هالسويكه بس اسمع عنها ..

ثاني خبر مزعج !
لان مثل ماقلت بالويكند بس تشوف ربعنا بسيلين ولا الايام العاديه مالهم حس ..

[نيساني]

مسكينه اختي عيل التلفزيون هم اللي نبهوا اليهال والكبار وسو لها دعايه


بلاج ماتدرين ان السوكيه في حلوج طلاب الابتدائيه من زمان


مانقول الا الله المستعان

[عروس بوردو]

الله المستعان

[FCB 123]

الله يعين .. مابغوا يتكلمون إلا الحين قبل موسم التخييم .. علشان يمنعون الشباب من البحر والدراجات وبيحطون قوانين جديدة علشان يحمون عائلة كومار وجميس خخخخخخخخخخ

[السد]

سويكة وبس !!
مقولة احد طلاب الاعدادية

[jwar7]

حسبي الله عليهم اللي يدمرون الجيل الصاعد

[رذاذ]

السويكة دخيلة وانتشرت بقوة ..

يبيله تسوي كمين خاصه لهم .. فريج الغانم
وبعض البقالات الى تبيع سويكة بحرنية الى بقراطيس.

[المسك1969]

لا حول ولا قوة الا بالله...أزعجتني سالفة السويكه والا سيلين ما أروح ولا أعرف طريقها أصلا... بس بعد خلهم يمنعون الشباب... والله شبابنا كلهم متكسرين وربي حفظ لنا ولد أخوي والحمدلله على كل حال

[كروشيه]

هي صحيح نسمع حملات توعويه عنها وعن التدخين وغيرها بس ما في قانون صارم ، انا بعيني اشوف الدكاكين اللي قريبه من مدارس الاعدادية والثانوية بالذات يبيعونها عيني عينك للطلاب ، لازم تكون في حملات مفاجئه لمثل هذه البقلات

[بوعلي2]

السويكه صارت افه والمشكله ان فئه كبيره تستخدمها

الله المستعان

[عازف العود]

الله المستعان

[الحال مايساعد]

أنا أشوف الرقابة الأسرية بالمقام الأول قبل كل شي

[بوخالد911]

الله يكفينا شر السويكة

حد يحط الصورة لطفا



تحياتي قبل مضغ سويكاتي

[دااانة قطر]

شنهي السويكه؟؟

[الخيالة]

شنو سويكة؟؟؟؟؟؟؟؟؟؟؟؟؟؟ تري من صجي ماعرف

[الفرحه]

وانا بعد خاطري أعرف شنهي السويكة ؟علمونالان عندنا اعيال في المدارس؟

[صدى الحق]

مادة خضراء تشبه الى حد كبير الحناء الخضراء الغامقة ( مطحونة طبعاً ) .
وتستخدم من خلال وضع كمية قدر قبضة صبعين قريب ضرس العقل ( تأكيد بان اللي يستخدمه ماله عقل ) وضار جداً باللثة ناهيكم عن الاضرار الاخرى .

[عساف النعيمي]

الله المستعان

[*بوحمد]

http://www.alittihad.ae/assets/images/Dunia/2010/06/26/320x240/4aa-na-10280.jpg

http://www.alittihad.ae/assets/images/Dunia/2010/06/26/320x240/4aaa-na-10281.jpg

http://www.alittihad.ae/assets/images/Dunia/2010/06/26/320x240/4a-na-10279.jpg

هي مادة مخدرة خضراء هشة، يلفها متعاطوها بقطعة صغيرة من منديل ورقي ويضعونها ما بين اللثة والأسنان، لتذوب في الفم وتمنحهم نشوة وقتية تغيبهم (نوعاً ما) عن الواقع، إنها النسوار أو السويكة، المادة الخطيرة المنتشرة بين أبنائنا في المدارس، والتي بكل أسف تباع في معظم بقالات الضواحي والمناطق الشعبية لأي شخص يريد.




والله المستعان

ولا وش سالفة الشيشه بعد

[الملا]

بدال ما نكتفي بالرد والانتقاد في المنتدى ليش مانشوف عيالنا

السويكة منتشرة بين الشباب والمراهقين

وين الدراسة عن المدواخ

المدواخ منتشر اكثر من السويكة بين المراهقين اذا ربطه السويكه على 10 ريالات ، المدواخ ارخص بوايد

http://www.aawsat.com/2009/08/07/images/asharqeye1.530772.jpg

[QatariFallah]

ههههه
ضحكني راعي الموضوع يوم قال (اكيد بترتفع!!)


((سيليـــــن - sealine))

سيلين للحين الناس تروح تتمشى وتلعب وتسوي اللي تبيه
مجرد كلام صار من قبل البيئه ولم يتم تنفيذه
بس ينطرون موسم العنن عشان يقهرون الناس او انهم يفكرون بفكره للحصول على المال مؤقتا من رواد سيلين قبل لا يقررون شبيسوون


((السويكه - EL ZEFT))

حلها سهل جدا شداًّ شداًّ شداًّ
تدرون شلون؟

معاقبة أي مسؤول يخلي سبيل هندي أو باكستاني يبيع لسويكه

لان الناس تروح تشتري والتحريات مرات يصيدون اللي يبيعون ويودونهم الشرطه
بس ماشاءالله لأن عندنا ناس فالشرطه ورتب يموتون على السويكه
ف تلاقي الهندي والباكستاني اليوم الثاني موجود بنفس مكانه ويبيع ولا كأنه صارله اي شي
عيل ليش تمسكونهم اذا البعض يطلعهم لمصلحته

[الجوكر90]

هههههههههه
اليوم فالكلاس سمعت صوت كيس
التفت والا اشوف واحد من الشباب يضبط سويكه
السويكه ماده ريحتها خايسه ولا تفر المخ ولا شي بس بلفيت يعدلون المزاج
ويحطونها تحت اللثه بدون لا منديل ولا شي
وطبعا اضرارها انها تحفر اللثه والي يستخدمونها وايد ولسنوات عادي تحصلون فتحه من الحلج لين العين